金百味

Open Now

Now Closed

天后地鐵站一出就見到依間新開咗唔係好耐嘅簸箕腸粉店，喺香港好似第一次見到呢種古早烹調手藝嘅腸粉😍試咗牛肉腸，叉燒蛋腸，雞蛋腸同糯米雞腸粉全部即叫即制，蒸出嚟嘅腸粉份外香滑，有陣陣嘅竹子香。店員將米漿倒喺平滑嘅簸箕上，再將米漿360度搖勻，製作出嚟嘅腸粉又薄又滑。每份都加咗芽菜絲，香蔥碎，生菜碎，菜譜碎，加埋自家製嘅調味甜豉油，非常好食。食到停唔到口，不一會已經爬晒三份腸粉。🤭🤭🤭糯米雞大大隻夠飽肚，裏面有臘腸肉，鹹蛋黃，豬肉粒，雞翼，然後用荷葉包起蒸，令糯米雞整個飯香軟入味。