Video
4-min walk from Exit B1, Jordan MTR Station
continue reading
Opening Hours
Mon - Sun
07:00 - 23:00
Above information is for reference only. Please check details with the restaurant.
由於妻子說晚餐沒有什麼肉，可能需要買叉燒加送，但我生怕再買大埔附近的燒味，上次試過大元街市那邊嗰間燒味店的叉燒，又乾又瘦，叫佢俾肥叉燒都是乾瘦到黐牙那種。於是我在佐敦一帶見到金翠，以往在深水埗吃過已覺非常好吃。立即入去問最少買幾多，豈料買$40都不算太少，至少拎上手，盒子都有些重量。雖然不算看上去肥瘦相間那種叉燒，但它的叉燒亦都非常均勻，即是完全沒有脂肪那種白色，但是它的肉都不會吃到你很痴牙那種，另外的叉燒頭，更加肥香，亦都不算是很多肥膏，而且烤到相當焦香，像帶點蜜糖味，因此我覺得這間小型連鎖金翠，比起坊間很多小型燒味店優勝一籌。而家仲做埋兩餸飯，兩餸飯成行成市。
continue reading
晏晝想慳錢食兩餸飯又飽又平薯仔炆雞好夠味，肉都好新鮮豆角炆茄子豆腐配飯好開胃仲送例湯🥄兩餸飯來講都算大份👍🏻燒味飯質素一樣唔差，蜜汁叉燒多汁又軟口。蕃茄炒蛋見到隻色好鮮色😢食落味道好奇怪🤔應該係用咕嚕汁去炒。肉餅味道正常。菜圃蛋超多菜圃😋
continue reading
今日喺佐敦道返學，午餐都唔知食乜好，約埋啲同學，求其諗住搵間茶餐廳🍴因為門口佢標榜，叉燒冠軍，咁我哋咪入去試吓啦！叉燒確實真係好味，淋兼香。大大碟～我叫咗一碟叉雞飯，當然真係佢嘅叉燒係比較出色啲。啲雞都可以啦相對真係叉燒靚啲，包送一碗例湯，咁大碟飯只係$42，老實講，真係好平好平，但係當然係冇服務啦，全部都係全自助，自己買飛，自己攞飯，以前去金翠食都係有人服務，而家要全自助，唯一比較差，但係都係提提你叫叉燒冇走雞👍
continue reading
今日（2/9/2020）路經佐敦，在永安百貨公司附近，見此餐廳有多款魚餐的午餐，便來試試，選了涼瓜燜倉魚配例湯。例湯先來，好足料，有3件紅蘿蔔，1件粟米及2件大豬骨，例湯略厭淡口。涼瓜倉魚好大碟，倉魚煎得好香口，配涼瓜燜，汁送飯一流，魚外脆內滑，涼瓜雖有少許苦澀，煮得爽口，一個餸滿足晒有菜有肉。回家途中經過街市，一條倉魚要賣$35至$40，在此餐廳食一份午餐，才$55，重要配上涼瓜，加飯，加例湯，煮埋，重煮得好好味，真心覺得好抵食，如再去佐敦，定再試其他魚餐。
continue reading
啲服務態度差到呢! 老細應該拖咗幾個月糧, 食物質素差都算啦, 乜嘢大王都死啦 搵班咁嘅員工 老細請啲咁嘅員工都唔知愛嚟整蠱自己定係調整蠱啲客 打電話問佢今日午餐係乜 佢用咗三秒鐘講曬 我問佢第二個係乜 佢好唔耐煩咁問我乜你冇外賣紙㗎咩 我話如果我有就唔駛問你啦 佢再好晦氣咁問我咁你要乜呀 我話算啦 我話你哋啲態度點解可以咁嘅 佢夠膽死答我係咁㗎啦 如果咁我都唔介紹畀大家 我仲對得大家住嘅
continue reading