金翠餐廳 (白加士街) (Closed)

由於妻子說晚餐沒有什麼肉，可能需要買叉燒加送，但我生怕再買大埔附近的燒味，上次試過大元街市那邊嗰間燒味店的叉燒，又乾又瘦，叫佢俾肥叉燒都是乾瘦到黐牙那種。於是我在佐敦一帶見到金翠，以往在深水埗吃過已覺非常好吃。立即入去問最少買幾多，豈料買$40都不算太少，至少拎上手，盒子都有些重量。雖然不算看上去肥瘦相間那種叉燒，但它的叉燒亦都非常均勻，即是完全沒有脂肪那種白色，但是它的肉都不會吃到你很痴牙那種，另外的叉燒頭，更加肥香，亦都不算是很多肥膏，而且烤到相當焦香，像帶點蜜糖味，因此我覺得這間小型連鎖金翠，比起坊間很多小型燒味店優勝一籌。而家仲做埋兩餸飯，兩餸飯成行成市。

晏晝想慳錢食兩餸飯又飽又平薯仔炆雞好夠味，肉都好新鮮豆角炆茄子豆腐配飯好開胃仲送例湯🥄兩餸飯來講都算大份👍🏻燒味飯質素一樣唔差，蜜汁叉燒多汁又軟口。蕃茄炒蛋見到隻色好鮮色😢食落味道好奇怪🤔應該係用咕嚕汁去炒。肉餅味道正常。菜圃蛋超多菜圃😋

今日喺佐敦道返學，午餐都唔知食乜好，約埋啲同學，求其諗住搵間茶餐廳🍴因為門口佢標榜，叉燒冠軍，咁我哋咪入去試吓啦！叉燒確實真係好味，淋兼香。大大碟～我叫咗一碟叉雞飯，當然真係佢嘅叉燒係比較出色啲。啲雞都可以啦相對真係叉燒靚啲，包送一碗例湯，咁大碟飯只係$42，老實講，真係好平好平，但係當然係冇服務啦，全部都係全自助，自己買飛，自己攞飯，以前去金翠食都係有人服務，而家要全自助，唯一比較差，但係都係提提你叫叉燒冇走雞👍

今日（2/9/2020）路經佐敦，在永安百貨公司附近，見此餐廳有多款魚餐的午餐，便來試試，選了涼瓜燜倉魚配例湯。例湯先來，好足料，有3件紅蘿蔔，1件粟米及2件大豬骨，例湯略厭淡口。涼瓜倉魚好大碟，倉魚煎得好香口，配涼瓜燜，汁送飯一流，魚外脆內滑，涼瓜雖有少許苦澀，煮得爽口，一個餸滿足晒有菜有肉。回家途中經過街市，一條倉魚要賣$35至$40，在此餐廳食一份午餐，才$55，重要配上涼瓜，加飯，加例湯，煮埋，重煮得好好味，真心覺得好抵食，如再去佐敦，定再試其他魚餐。

啲服務態度差到呢! 老細應該拖咗幾個月糧, 食物質素差都算啦, 乜嘢大王都死啦 搵班咁嘅員工 老細請啲咁嘅員工都唔知愛嚟整蠱自己定係調整蠱啲客 打電話問佢今日午餐係乜 佢用咗三秒鐘講曬 我問佢第二個係乜 佢好唔耐煩咁問我乜你冇外賣紙㗎咩 我話如果我有就唔駛問你啦 佢再好晦氣咁問我咁你要乜呀 我話算啦 我話你哋啲態度點解可以咁嘅 佢夠膽死答我係咁㗎啦 如果咁我都唔介紹畀大家 我仲對得大家住嘅

唔係第一次去金翠☹ 但係今次D所謂食物實在令我極之失樂😑， 第一次買佢嘅雜扒早餐外賣！ 點知返到公司一打開個外賣盒……簡直晴天霹靂 ⚡⚡☄😖 根本係一盒廚餘 😳片雞扒細過包tempo size， 豬扒我以為係食淨咗嘅兩條隔夜肥肥薯條😤 隻雞蛋一邊煎到燶曬🙈 而兩塊三角形嘅麵包煙韌到好似橡筋咁， 煎雞翼放咗喺盒底所以吸曬D油整到淋bet bet, 總之講曬冇心煮就唔好做喇！ 個師傅仔整衰人哋個招牌😵 其實舖頭老闆都要檢討一下， 舖頭入面啲員工態度係差到極點😑， 黑口黑面☻☻再講， 每次入去都會聽到員工粗口橫飛😨 但因為今日趕住返工所以冇辦法， 再試一次點知都係完了。。。。。

短髮阿姐簡直係經典！我：唔該。阿姐離我四米：講呀！咁我只可以以平時兩倍聲浪落單，然後佢掟張單落枱，心惗＂X你老尾＂我嚟受你氣㗎？！頓時令你感到賓至如歸。其他人冇問題，野食味道可以。

今日同朋友去到佐敦附近就想搵嘢食，行行吓見到有一間茶餐廳寫住叉燒王，所以就想入去試一試，入到去衛生環境還可接受，有點泣，坐下睇左餐牌，最後就叫咗一個特餐和一個燒味飯，價錢方面不是十分之便宜。特餐麵包比較淋身，而且牛油偏少，三餸麵來到，沙嗲牛肉都幾好味，午餐肉偏薄同有點梅不好吃，另外雞蛋就普通，送一杯飲品二$45來講就覺得貴左少少。之後就來到燒味飯，叉燒油雞飯，叉燒比較肥，但味道都唔錯，豉油雞的雞肉比較少，但係味道有驚喜唔差，豉油比較多所以很咸和飯都硬身。

姐係咁，係香港食茶不嬲冇態度冇服務就一定架啦，但係呢間就真係好不知所謂囉。嗌個外賣姐，條外賣阿姐都吾知發乜神經係咁話我，之後我比100蚊佢，佢吾夠錢找又吾講聲就直接衝岀門口，我個餐31蚊，我喝停佢啦，跟住佢用好差嘅態度同我講吾夠找，又話個100先吾會攞你，又點點點。其實吾夠找你可以講聲先岀去姐，而吾係拎住我D錢一句都吾講就走囉。食物只可以講過得去囉，係平嘅，但既然咁吾想做外賣就吾好做外賣，每次態度都差到pk，前提我冇投訴過佢地，而且冇話過佢地，不過今次真心嬲嬲地囉

平時比較多吃小菜午餐，今天不夠時間等小炒/蒸（食送），改吃燒味。叉雞瀨粉，雖然是雞胸，但一點都不鞋，很嫩滑。叉燒甜甜，肉質是爽脆的，很好吃。瀨粉普普通通，ok的。整体，中上。

今日要去油麻地番工番工既地方好隔陟朝早遲到已經唔多開心Lunchtime行出去都唔見有咩野咁我就google map都廢事開 憑直覺咁行下行下愈行愈唔對唔見到好多浴足店 麻雀館 酒店我究竟去左邊為左令我既下午工作開心d 我決定唔會將就要見到間吸引既餐廳我先入去行行下去左佐敦 就入左間燒臘餐廳（冇錯 係好麻甩）入到去坐底一陣發現佢都幾多熟客仔太肚餓既關係叫左雙拼落完單佢就比左張單我 哇 都幾貴不過佢份量 賣相同味道都冇令我失望叉燒係半肥瘦 唔多筋 好滑 又唔會太漏燒鴨肶燒得岩岩好唔會太干身 肉都滑既連我平時咩都走皮既人太忍唔住連皮食左幾啖好好味！如果單叫叉燒可能會覺得太甜單叫燒鴨肶又可能會太干我宜加咁樣岩岩好個醬甜甜酸酸幾開胃架 不過我覺我都唔洗落醬都好夠味點解成日d茶走都沖得咁樣衰haha太苦喇 加7蚊黎講唔值呀哩片茶走 我飲淨一半除左杯茶走外我都好滿意 估唔到亂入左間正野

一條友在佐敦行行吓肚餓，想找間茶餐廳坐吓休息吓，見到呢間話攞過獎就入去試吓餐廳內貼滿美食相片，睇餐牌都有好多菜式，見到隔離d小菜和叉燒都幾正，但唔係太多時間又得一個人，所以冇叫小菜祗係叫左個常餐食完走，常餐來到，睇賣相都可以，雞翼和豬扒唔係一早炸定雞翼幾脆唔干身有肉汁，豬扒就軟冧，不過就薄身左d杯檸茶，茶味幾濃下次多d人要試吓小菜和叉燒先

喺辦公室唔想落街，同事推介呢間燒味唔錯。價錢都可以接受。叉雞飯真係幾好食，唔會太肥太瘦。送上來仲熱辣辣，真係唔想出去之選。😂下次貴小小食燒腩仔+瘦鵝先，要$79

附近真係好多食店，講到靚义燒這間真是唔錯。今次食一個义燒瀨加杯凍奶茶，7分鐘到齊。份量接受，瀨粉水準一般，义燒加上三條菜芯另分開上。先講賣相，見到已經想食，證色水靚，半肥瘦豬肉帶少少燶,咬落去香丶軟、脆，鼓油不太鹹,真係值得推介。奶茶在套餐中都算大杯,茶味不夠。這𥚃好多足夠二人的枱,不過好細張，預坐得耐這兒難做到。

這店門口大字宣傳自己是叉燒皇, HKD88 一斤, 好吃的話真的一點也不貴. 買了HKD30 要求叉燒不要太硬, 店員便建議買半肥瘦的. 那就好吧. 我一向太頭蝦, 經驗告訴我, 未到目的地, 汁液已全漏在膠袋內, 為怕歷史重演, 所以要求不用澆汁在叉燒上.回到家中, 馬上嘗一塊. 好入味! 不像其他餐廳的叉燒全靠肉汁才有味道, 不太甜也不太咸. 叉燒軟熟剛好, 一點也不硬, 色澤自然, 一看便知沒有加色素. 不愧為叉燒皇! 讚!