金翠餐廳 (福華街)

Open Now

Now Closed

叉燒燒腩飯($75).第一次午飯時間去 兩個人去要搭枱樓面姐姐抹枱唔認真仲話*茶餐廳係咁㗎啦*不過可能加上係繁忙時間所以落單情況好混亂呢度最出名係食叉燒 叉燒有攞獎今次食叉燒燒腩飯飯嘅份量好大 等於3碗飯燒腩皮唔脆而且偏鹹叉燒都係一貫嘅好食 反而次次泥最鍾意去飲佢個湯感覺上冇乜味精 好似平時屋企飲嘅老火湯不過盡量唔好揀係繁忙時間去話晒餐廳地方唔算大 搭枱會坐得唔舒服而且出餐比較慢下午茶就幾好 而且價錢好平我諗之後我淨係會去食下午茶😆

叉燒好食，非常軟，入味燒肉啲皮好奀，食唔到，同侍應姐姐講話皮好奀，係咪本身係咁，佢話可能燒得唔好，佢拎走幫我換過啲燒肉，自動波幫我換都唔錯，讚換了燒肉個樣比自前嘅靚啲馬上試試啲皮，都係一樣奀， 咬唔開，跟本就食唔到。唉，差到爆白飯仲要有隻小飛蟲😖灰爆，但因為太肚餓，夾走有蟲的部分就繼續食。最後全部嘅燒肉皮都是咬唔開食唔到落肚，咬下食個味?都好食嘅🤣🤣其實都好少食到啲咁奀嘅燒肉皮，呢間店比晒啲心機去做叉燒，叉燒無錯係好食，但啲燒肉皮奀到咁，不如唔好賣啦！如果專注只賣叉燒 你條路會行得更遠

放假一心諗住出嚟土瓜灣試下南乳雞球米線， 點知佢今日休息心灰意冷 之後轉入北帝街，成條街都係美食， 揀咗一輪畀呢間攞獎食店嘅招牌吸引我， 就係叫做金翠餐廳(叉燒皇),$35一個叉燒瀨粉加凍飲， 完全冇期望可言。點知碟叉燒呢到 ，見到佢肥瘦均勻， 色澤都好靚， 即刻流曬口水…… 一夾嚿叉燒就食啦， 食完果然不得了，绝對可以同一啲高級嘅中式食府有得拼， 叉燒淋淋地， 叉燒醬同蜜糖都好夠， 仲要加埋啲豉油汁， 我一口氣食咗半碟，先食啲瀨粉， 因為真係太好味啦

曾撰文描寫「再興」义燒，可惜江河日下，網評偏劣。中國人常嘆「富無三代」，第四代守不住了，日本人在此方面做得更好。近日有嗜好义燒的食友介紹此店，义燒的確稔滑，嚴選义燒，不是凡品。原來是在2006年「食神爭霸戰」的勝出者，自稱「义燒堂」，但太平民化，聞名者不多。未見其舖，先嚐飯盒。义燒飯的义燒件數多，價格十分低廉，色澤豔美，只是燶邊現象普遍，有點兒不健康。件頭大，絕大多數是「梅頭」，入口鬆軟，酥軟味腴，令我饞涎欲滴。17年來夙夜匪懈，午餐時間多不下崗，未嘗開工享用飯盒餐。原來中午可以坐下來，是爽丫丫。41元價格不包飲品，是性價比高之食品。當然會抽空堂食。隱蔽在深水埔港鐵D2出口，對面的排檔後，是典型的「麻甩佬」飯堂。雖有卡位，但是空間仍覺狹窄，搭檯，轉檯情況普遍。空調則尚算足夠。是平日午餐時段，全場爆滿。店員稱我為「師傅」，因食客多是三行工人，男女比例為9:1。每日午餐有5款非燒味飯選擇，早列印在單張上，以便食客選擇。價格低至47元，還有湯/飲品，灼菜。時菜實惠，有約6箸，甘笋湯甜美。今日剛巧有芋頭梅菜扣肉，是懷舊佳品，是我心中的「男人的浪漫」食品。芋頭扣肉，梅菜扣肉都是客家菜，是早年香港

適逢情侶間大時大節，唔需要食名貴晚餐，也唔需要突顯自己嘅清麗脫俗去食連鎖快餐店，只係隨心去食自己想食嘅嘢就得上星期食咗金鳳大時大節又去食金翠啦門口大排長龍，只好拎飛飛再等位，唔知係咪因情人節而借用旁邊車仔麵店，人潮比想像中快處理好，好快就有位坐牛油餐包冇飛鷹咁大個，其實都幾好，唔好喧賓奪主，廢事食完個大包包已經飽咗一大半我叫咗T bone steak, 其實未食過😂😂因係我工作嘅姐姐耳濡目染下，所以叫咗，但可惜我還是愛肉眼扒加上微微辛辣嘅蒜蓉，令黑椒汁同肉汁提昇到另一層次我相信，今次係我哋第一次慶祝情人節希望你過得快樂

今日又係自己一個食lunch，選擇咗呢間金翠餐廳，其實成日都經過但係都唔會入去，可能太唔起眼附近茶餐廳我太多，見附近冇晒位即管入去試一試！不過這裏的員工態度真係不太好，唔知係唔係之前俾人鬧，入到去黑晒面，搞到我等餐食得好唔開心，唔知以為我得罪佢。所以就算幾好食，員工嘅服務先係最重要，希望他們可以改善！鐵板牛扒，茶餐廳質素牛扒，當然唔望好似西餐廳咁好食啦，但係一分錢一分貨，他們的牛排都好大塊，肉質篇林, 應該都有嘢那個，其實唔係好夠味，不過好在蒜蓉搭救！

這次，又是因為，先前一日，吃一間所謂非常出名的燒味店，得到不愉快經歷🤦🏾‍♀️，到今日很有動機，來吃一頓較佳的燒味，彌補一下😏。到來這間餐廳，還是會覺得，門面中國風很強，很難的起心肝進去🤔。礙於那天行得比較久，結果也要快快進去這間餐廳。見餐牌上面寫着店舖名稱，還聲稱是叉燒皇，而昨天的叉燒的確實瘦到可憐😕，於是便不假思索的將叉燒列為穩膽。叉雞飯，以燒味店來說，其實等得比較久，但是賣相不錯。叉燒起碼有四五件、大大件；自稱是叉燒皇，但是叉燒還不算是非常之美味、半肥瘦那一種，但最少比起太子的名店軟林鬆化。幾舊較瘦，幾舊較軟，不知是否同一舊，但總括夠化，不太痴牙，而且入味。但是雞，看一看，又已經有點兒失望😞了，因為幾件都是非常之瘦的雞胸肉🤦🏾‍♀️，沒有什麼脂肪，雞肉看起來也有點兒乾。薑蔥還算不錯，不算太鹹，香荵混豉油可撈飯。究竟坊間有哪間餐廳，可以以合理的價錢，吃到美味絕倫的燒味叉燒？走多幾層即要加價。

小妹第一次寫食評，真心忍唔到要講一下，下午茶35蚊價錢正常，見到佢個名比佢吸引咗入嚟叫咗個叉燒米食，我叫肥叉， 點知係嚟咗一個“黑“叉，叫個姐姐睇下，佢答下，唔黑架啦！ 我自問食得燶嘢， 但嗰件叉燒真係完全接受唔到黑曬嘅，食到一半仲見到有美麗嘅烏蠅送上。救命…………

太耐無食燒味飯，行過深水埗見到叉燒好出名既全翠，點可能唔試下!叉雞雙拼雞就不提也罷，比較肥同多油，食落都滑既，但始終係雪雞所以欠缺雞味。同埋調味過後有啲偏咸，要送飯食先岩岩好。旁邊既蔥油變得無用武之地了。而叉燒先係真正既主角!半肥瘦既豬肉，入口鬆軟，而且豬肉味十分，醃製既時間好足，成塊叉燒都好入味，但如果鍾意食硬身叉燒既人黎講會略嫌不足。因為佢的確燒得唔夠乾身，無左硬身既脆皮口感。但叉燒香林軟身，對於我既口味黎講口感一流!!

叫外賣已經唔系第一次。叉燒燒肉飯。叉燒正常可以食到水準。而燒肉好似垃圾。肉同皮分開不止。皮已經淋曬。衰過牛雜d豬皮。師傅連斬都唔想斬。成塊皮送俾你。連埋杯奶茶收你55蚊。點解可以甘垃圾

Always clean and welcoming. Fast service and well staffed at all times. good varied menu, pork, duck, goose etc. Good sized portions and plenty of rice. Super tasty bbq sauces. good prices and old fashioned milk tea.

叉燒飯可以話係陪伴每個人由細到大都會食嘅飯 我都唔例外 小學時期就已經開始好鍾意食叉燒飯 但係人越大對叉燒飯嘅要求就越來越高 而家最近喺出邊食到嘅叉燒飯叉燒個品質都參差得好大 今次我就試左一間餐廳叫左最普通嘅叉燒飯 打開有驚喜 好多叉燒分量而且屬於半肥瘦 係食叉燒最好嘅 境界 好鬆化好鬆軟好有口感 而且叉燒嘅表面有啲麥芽糖喺度燒到小小燶咁 而蜜汁充滿成個叉燒飯 所以食落口好有質感又夠juicy 連白飯都有蜜汁嘅味道 超級好食

今天到深水埗電腦商場，看看一些電腦產品，看過後就見肚餓，於是簡簡單單的吃過午餐。金翠餐廳位於福華街，單看門面，不知道吃的是甚麼，再仔細看看，喔，原來是一燒味店，而且是說是叉燒皇，於是走入去。餐牌都沒多看一眼，就見對面食客都是點來叉燒，於是點來。顧名思義叉燒皇，當然點來叉燒飯，叉燒色澤較深，而且又多燶位，肥肉不多，入口每啖都是有著鬆化的口感，又有軟腍的怠覺，又不嚡不靱，不錯，而且又富蜜味。熱奶茶是餐飲，茶味略為較淡，亦有微微的茶香。當中叉燒飯的份量足夠及略多，都幾抵食。

今天約了網友在深水埗站交收，完成後本想吃清淡一點，但天氣太寒冷，所以打消了吃餃子的念頭。記得之前朋友推介過一間燒味店的叉燒很出色，於是便去試試看。店鋪門口及招牌都可以看到得獎廚師的相片，內裡裝修跟其他茶餐廳沒有分別。叉燒飯份量十足，心想一個女子怎麼可能把它完全幹掉。叉燒晶瑩通透，賣相很吸引。半肥廋叉燒肉質軟淋，肥瘦適中。有少許地方燒得濃濃的替叉燒增添風味。最特別是脂肪部分沒有肥膩感，反而像吃jelly般。叉燒飯的醬汁也很好吃，不是死鹹有些甜甜的，最後我竟然把整個飯完全地K.O.了…正 

行過深水涉食下午茶，叫了個燒鴨瀨。menu個圖好靚，諗住ok la. 點知又係中伏$35 ，啲鴨五件三件下攔，即係全部骨頭來。味道當然不好,  餘下二件少少肉。d 食物質素仲差過大家樂好多！茶凍OT,少甜都好甜,加了一半水來溝淡d 甜味.