金龍冰室 (Closed)

原本係比晚市套餐個炸帶子配3.6牛乳炒蛋吸引入去見到餐牌個星級雜扒咁豐富就改變主意，一於試下佢~依個餐有西冷扒，雞扒，英式腸，煙三文魚，炸帶子，配埋薯菜，淨係數啲嘢食出嚟都覺得好正，每一樣都係我想食嘅送上嚟嗰陣鐵板係滋滋聲，我揀咗黑椒汁，同鐵板餐係絕配！份量大得嚟，每樣試少少啱哂三心兩意嘅我同埋奶茶紅豆冰都唔錯多奶少甜係我嘅最愛~呢間冰室入面既menu 內容多到好似咩都有得食平時冰室最多都係常餐通粉三文治點知呢到竟然連玉子燒、麻辣麵同焗野既小食都有。對於一個有細食又有選擇困難症既朋友黎講就諗左好耐後尾聽埋店員建議就揀左個黑松露雜菌玉子燒配雞翼同埋芝士煙肉焗薯皮個玉子燒好吸引都好好食，雞翼都好夠味，為左唔浪費食物我地就叫左走飯焗薯皮都好大份同足料。食完呢餐真係勁飽另外都要讚下杯菠蘿冰唔似其他地方咁死甜而係清甜店員服務態度都好好係咁推薦我地食呢咩特別一提嘅係依間冰室內裏嘅裝修竟然係Tiffany blue 加分

貓貓見到淺藍色咁sweet既冰室就忍唔住入去食。唔好以為貓貓係港貓，有時貓貓都鐘意麻甩野。淺藍色既氣氛令貓貓坐得舒服。成個貓放鬆曬。金龍原來係一條柔情既龍。美式雜扒。配左飯。全部都係扒，好開心呀。貓貓見到濕左個嘴。上黎既時候已經好香黑椒味。好大既雞扒。仲有好大個豬扒。雞扒煎到外層脆香，入邊水份多。豬扒都係煎得好靚。值得食既原因係煙肉係真既，米飯係珍珠米。全部都用好既食材，唔怪得6點鐘就好多人。土匪雞翼。整得好好味，因為皮熱又脆。入邊肉質滑。味道香鹹得黎又有好少好少辣。貓貓好快就食曬。黎冰室唔會少左order杯紅豆冰。唔會太甜，紅豆多。越飲越停唔到！貓貓好鐘意呢個冰室，食材好，味道好，服務態度都好好。

🌧️下雨天人數：兩位👭是日晚餐：蜜糖雞翼卡邦尼意粉配蒜蓉包、忌廉粟米湯、熱柚子蜜小食：薯蓉焗青口美式鐵板餐+餐湯：紐西蘭羊排拼香草腸(燒汁)、羅宋湯、熱奶茶走進門口，侍應殷勤款待，坐下便推介晚餐和其他食品，非常有禮！點了侍應推介的是日晚餐，每天都會更新，可以嘗試不同的口味！蜜糖味雞翼豐富，外脆多肉汁！意粉不會太乾、味道剛好。餐湯忌廉味濃、多粟米，好飲！柚子茶甜道適中。薯蓉很足料，配以煙肉提升香味！紐西蘭羊排厚肉、肉嫩多汁，我們選了燒汁配薯菜，淋了汁的薯角和粗薯條，也不會過軟！羅宋湯酸酸辣辣，開胃！熱奶茶香濃～整體：食物選擇很多，有中、日、韓、西等，適合不同口味人士，而且坐位舒服，可以慢慢品嘗！

大圍？本人其實很少去，但都聽講過，好不少平民美食在內，更加可以行到邊，食到邊。今天我去探朋友，順便和他一齊晚餐。他介紹我去了一間大眾化的冰室，表面上和其他茶餐廳都一樣 ，但原來這間冰室的價錢很便宜 ，而且食物質素都很高。我們點了，蜜糖雞翼黑松露芝士野菌焗西蘭花豬扒炸蝦配3.6牛乳炒蛋豬扒配堡腸配韓式泡菜鐵板最愛蜜糖雞翼，蜜糖滲透在雞翼中 ，雞肉有肉汁之餘，還散發岀陣陣的蜜糖味，雞肉更很嫩滑，掌控焗的時間剛剛好！就算是焗，都不會覺得熱氣😋黑松露芝士焗野菌西蘭花🥦表面上已充滿濃厚的芝士，還可以做到拉絲的效果，芝士已覆蓋了整個西蘭花🥦而且勁濃郁黑松露味，師傅卻不手軟，放了勁多黑松露，令每一啖西蘭花加野菌都吃出黑松露的味道，十分滿足。野菌也很多，西蘭花很嫩綠 ，十分新鮮！豬扒炸蝦配3.6牛乳炒蛋🥚($55)是日晚餐煎豬扒配上完隻炸蝦🍤炸蝦粉漿並不厚，蝦🦐很新鮮，並不是雪藏的，而且大大隻。以這個價錢可以吃到兩隻新鮮的大蝦，果然是完美！豬扒煎得不油膩，還大大塊，食完一塊豬扒，都已經是胃口的一半了。3.6牛乳炒蛋，很重牛奶味，而且有足夠的蛋香，雞蛋🥚更很嫩滑，雞蛋🥚做到玉子燒一樣，又厚，又大塊。另外

大圍最近開左間新冰室 裝修到成間天藍+白色幾靚 我覺得可以改名叫藍天冰室仲貼切除左有港式茶記食物 仲有好多其他野食小胖男友叫左個瑞士汁雞翼撈丁 瑞士雞翼幾滑亦夠入味瑞士汁唔會太油膩 另外公仔麵上加左d沙津菜 食落比平日既撈丁感覺健康一點吃貨小妹就點左個麻辣肥牛湯烏冬估佢唔到冰室既麻辣都可以咁哽🌶絕對唔係小兒科鐘意食辣既可以試下小胖男友叫左瑞士雞翼仍然意猶未盡 見到"土匪雞翼"四隻大字 馬上又心動土匪雞翼都幾香脆 不過味道就同食開既有d唔同 但味道都ok既 食咁多肉梗係要叫番啲菜balance返啦 不過就係邪惡版既芝士焗西蘭花西蘭花處理得唔錯 唔會過硬 仲有勁多cheese~~~不過好戲在後頭 更邪惡既係呢個芝士煙肉薯皮拉絲架真係超罪惡食咁多野都係200蚊 感謝卡路里賜我力量

呢間冰室嘅食物選擇都算好多，而且環境幾好，我哋兩個人可以坐到張卡位， 坐得都幾舒服㗎 。而且每樣食物嘅份量都好多。 我哋叫咗兩個餐， 一個係牛仔骨配吉烈蝦，佢仲有得落龍蝦汁添。龍蝦汁配牛仔骨都幾好味，而且份量真係好多，兩個人都食到好飽 。吉烈蝦都炸得好脆，而且又仲有吉列帶子， 好豐富 。個餐仲包埋 粟米忌廉湯 ，湯好creamy，又夠熱，飲完好滿足 ，仲要好多粟米添！我哋仲叫咗土匪雞翼 ，每隻雞翼都好肥美，而且煎得夠熱，加咗少少蒜頭上去好香口。 仲有個好特別嘅就係 滑蛋黑松露忌廉蘑菇飯，裏面有好香嘅黑松露味，而且蘑菇同忌廉汁撈埋一齊食真係一流，撈埋飯好開胃。我哋仲叫咗兩杯嘢飲， 柚子蜜同柑桔檸蜜都沖得非常好。

晚上到大圍金龍冰室吃晚飯，由於客滿，等候十分左右才安排到入座，冰室的女侍應們都很有禮貌，老實講，有點意外，但有良好服務態度都是好事。椅桌座位比較擠迫，無法子，香港地方寸金尺土，大家都好明白。打開餐牌又發現第二個意外，沒有想到冰室可以吃到多國菜，中式炒粉麵、美式鐵板、傳統英式早餐、麻辣麵/飯餐、鐵板燒、百搭自選推介餐.....甚至韓式泡菜都盡在其中，我們作為客人當然滿意選擇多。我楝好精選套餐：香蒜白酒蜆肉意粉、沙律、餐湯和餐飲$75。沙律有菠蘿、雜果和粟米，份量適中，香蒜白酒蜆肉意粉造型都漂亮，蜆肉和意粉份量頗多，味道較清淡，清淡好啱我的要求，紅餐湯就忘記拍照，紅湯味道較濃郁，所以清淡、濃郁配合得宜，餐飲要熱檸蜜。朋友楝了流心奄列餐：自選雞扒、芝士汁配意粉和餐飲$55。當我看到碟大、份量也大的雞扒芝士汁配意粉也嘩然一聲，輕輕掀開蛋包，看見很豐盈的芝士汁，雞扒煎得金黃，我也嘗一口雞扒肉，嫩滑有肉汁，很美味！

夜晚大約八點嚟到，都有返咁上下人氣喎，全場滿席，我地啱啱好拎到最後一枱。菜單好多選擇，令人眼闊肚窄，好欣賞佢嘅下午茶餐，係全日供應架，啱曬我呢啲細胃人士。不過有個食肉獸係到，所以都係叫咗兩個full set，食唔曬可以質俾佢~ 嘻嘻粟米忌廉濃湯，係甜甜既粟米味，好有住家feel，十足我媽咪嘅煮法；紅湯就好多菜。食肉獸叫咗黑椒蒜蓉牛扒拼炸蝦，兩大塊嘅牛扒嫩滑冇根，黑椒醬濃但唔會太辛辣，滿意呀。炸蝦竟然有四條，比想像中多喎。我就揀左吞拿魚芝士玉子燒拼炸帶子，跟撈丁，好耐冇食過炸帶子啦，都係有四粒架~ 照燒汁撈丁幾好食喎，而重點玉子燒，芝士爆漿出嚟，多到可以撈丁食，估唔到咁足料！蛋漿加左牛奶一齊煎，食落香滑。能夠喺冰室食到仿日式菜都幾特別呀，我滿意呢個選擇。加左個小食 - 椒鹽雞翼，同平時認知嘅椒鹽有啲唔同，唔知仲加咗乜嘢將醬呢，食到有孜然粉 ，雞翼大大隻。金龍冰室都幾慷慨，食物都算大份，細食嘅朋友可以點佢嘅下午茶餐，唔洗做大嘥鬼，不得不提佢地嘅侍應幾細心，見枱面有少少污糟，就走過嚟幫抹咗，俾個like~

嗌左個黑椒汁豬扒意粉，真心覺得好難食，塊豬扒完全冇味黑椒汁得黑椒味其他係冇味，清水加黑椒咁解之後帶咗個鐵板雜扒餐配龍蝦汁個龍蝦汁係蕃茄洋蔥汁嚟...一啲龍蝦味都冇..佢個集扒餐啲扒好低質唔值得食..塊雞扒勁鹹 塊牛扒冇牛味成100$ 我寧願去第度食嗰陣我問坐隔離嘅其他客佢哋都係話冇味嘅。相信咁多人去食係因為嗰個貪新鮮。另外我哋叫咗個忌廉湯個湯正常冇特別但係我哋食晒嘢 個湯都未黎問咗好耐佢哋先肯送一碗湯黎隔離枱客都話佢哋成日都漏左個湯

今日同左幾個中學同學一齊嚟食飯所以就揀咗屋企附近嘅一間餐廳見到佢嘅設計係好靚嘅粉藍色而且未到夜晚已經開始多人食所以就嚟呢間試吓我就叫左一個最鍾意嘅蕃茄系列鮮茄濃湯通粉 好重蕃茄味而且叉燒嘅份量都好多3.6北海道牛乳炒蛋呢個牛乳炒蛋真係比一百分佢好濃味好滑蜜汁叉燒$$35加煙肉這仲可以好平架好多唔同嘅配料而我就加咗煙肉仲可以加不同肉類tim黑松露炒蛋多士餐黑松露味都好濃這個多士都烘得啱啱好 微濃超級香仲加咗塊豬扒添都係超好食勁多肉加蜜汁叉燒加吉列豬扒土匪雞翼 $$40再叫左一個雞翼一嚟到就聞到好香這雞翼好大隻雞翼每一邊都係炸得啱啱好同埋好厚肉好香食到入邊都係食到有土匪雞翼嘅味唔會剩係得個面又味🙊🙊🙊❤️❤️❤️❤️

同友人兩個人極餓底，未到6點入座。見環境都好乾淨，又乜都有得食，就拿拿淋坐低。我地想食6點後先供應ge扒餐，但又未到6點就問問店員，佢地好好話可以點，幫我地寫紙仔入廚房，太好了。友人叫左西冷牛扒配香草腸鐵板，跟餐湯同飲品，揀左燒汁同薯菜。塊扒有手掌咁大，份量好夠，而且仲係有兩塊，好彩無揀配飯或意粉，否則一定食唔哂，香草腸幾特別。牛肉好食唔un有咬口，粟米忌廉湯水準以上，粟米都夠多！而我揀左傳統英式早餐，岩哂女仔打卡包含左德國腸，薯餅，牛油多士等等各有特式，樣樣味道都恰到好處，係徳國腸比較咸，而羅宋湯足料味道偏酸，成個食完好滿足好飽。但點知原來仲跟個水果薯仔沙津，但真的吃不下了。另外，點左個「小食」黑松露芝士雜菇西蘭花($50)，呢個好驚喜，除左份量好多，味道上係每種食材都食得出，唔會話搶味，仲飄出陣陣黑松露香味，但西蘭花略嫌太大件，一件要切開先岩女仔個口。要讚阿華田，甜度剛好，底無多餘粉，冰溶左都好飲。

Happy Friday，雖然想好好歎一個豐富晚餐，但係朋友返夜班，又要趕返工，所以係附近搵間茶記食個飯就算。我叫左個咖喱豬扒焗意粉，但係最後黎左焗飯，因為趕時間，算啦，照食，咖喱汁都算幾濃，微辣，有少少芝士，略嫌個飯底唔係炒飯底，飯過濕，豬扒都算夠淋，夠入味，朋友叫既係芝士雞扒飯，佢話唔錯，美中不足既係朋友叫左杯凍檸檬茶，有4塊檸檬，全部都係檸檬既頭頭尾尾，想拮都無檸檬肉拮，之後同侍應講番，佢都俾番4塊檸檬，整體黎講價錢都算實惠。

藍白清新既冰家，坐卡位舒服、椅都有適當空間感。食咁多肉前食個油菜啦 $16 擇左生菜有豉油or蠔油擇，都係另上。有半個到，算價值ok！土匪雞翼 $40估唔到有咁多，平時外邊得3隻4隻。雞翼油炸過，香草味係岩岩好，健康口味。雖然重味更好，但油炸過夠香口不易再重咸。冰室叫餐係最抵最快，另外可以配飯、意粉同薯菜。先嚟餐湯！多菜羅宋湯，蕃茄味重配上微辣，咸度適中。黑椒香蒜牛扒拼炸蝦 $85西蘭花有燒烤嘅味道，仲有多汁蕃茄解肥。炸蝦既炸粉多左少少，有食麵包蝦既感覺。牛扒份量好多，兩大片嫁！好薄？不是啦！熟度8成到，唔會上到嚟老、過哂火喉。薯條有軟吸汁入味同脆口d沾蕃茄汁都好，哈哈！但我更愛羊扒喔！紐西蘭羊架拼香草腸 $90好多汁可以揀，例如鮮茄汁、芝士汁、咖喱汁、黑椒汁、燒汁同龍蝦汁！我想擇龍蝦汁，但怕唔岩羊肉。又無蒜汁就擇帶甜味既燒汁。羊架比牛扒份量更重量級，有骨比無既入味同滋味。佢骨位既肉都夠軟，唔會要車d肉出嚟。跟飲品 - 熱檸水同凍華田

前幾日同屋企人喺大圍金龍冰室開餐。門口一本厚厚嘅餐牌放喺架上供客人參考外， 仲用粉筆喺兩塊黑木板上介紹下午茶/晚餐及是日晚餐。幾十蚊一個餐，價錢貼地。晚上六點半未到，已座無虛席。餐廳以粉藍色同白色為主色，裝修簡單，整齊幹淨，感覺舒服。餐廳食物款式多樣， 有小食、廚師推介、下午茶餐、美式鐵板餐， 百搭自選推介餐、焗飯/意粉、奄列、意式風情精選套餐加餐湯及飲品等等。總有一款啱你心水！豬扒包加炒蛋冰室同茶餐廳嘅豬扒包即叫即做好新鮮，水準非常高。剛烘好嘅豬扒包鬆軟微脆，豬扒肉質稔而不膩，加上沙拉醬同新鮮生菜，有口感。加六蚊點多個炒滑蛋，配搭唔錯唔錯。蠔油生菜(走油)均衡飲食要有蔬菜，點咗碟蠔油生菜。走咗油嘅生菜更加健康，但完全無令碟菜失色，仍然保持翠綠爽甜。蠔油分開上，點吾點我話事，值得讚。咖哩厚切吉列豬柳飯見到隔離碟碟飯量十足，為免浪費，要求少飯。比手掌還要大嘅厚切豬柳炸到金黃酥脆，肉質鮮嫩無骨。加上秘制咖哩醬汁，啖啖白飯都食到好濃嘅咖哩味。 呢度嘅咖哩汁同出面果啲唔同，多一份香濃味。 Latte鮮奶咖啡加熱奶餐後飲番杯香滑熱飲，飽飽的滿足嗮。親民嘅價錢有咁嘅質素，已難得。加上侍應態度好，見

今日放工約咗朋友喺大圍等， 所以我哋就去咗金龍冰室食飯👭。一入到去覺得裝修真係超靚😍， 啲枱同埋櫈都係好少女心嘅天藍色💙，完全啱曬我哋去打卡影相📷。因為太耐冇食過意粉，所以我就叫咗個卡邦尼意粉，佢仲跟餐送咗羅宋湯同埋鮮果沙律😋。個意粉真係好好味，唔單止份量多，啲煙肉都好多，咁平就可以食到咁大碟，價錢真係好貼地👍。我另外再嗌咗個炸豬扒，件豬扒真係好大件，仲大過我既手掌😳。而且塊豬扒仲係炸到金黃色，食落口感簡直一流。而我朋友就叫咗3.6牛乳炒蛋同埋兩隻煎蛋🍳，呢個係一個套餐，所以仲會配埋蕃茄濃湯通粉比我哋🤤。呢個3.6牛乳炒蛋真係炒得好滑😊，炒嘅火候啱啱好，食落嘅口感真係入口即溶😝，我同朋友都覺得好好食。我朋友話個蕃茄濃湯通粉入面真係有好多蕃茄🍅，好足料，而且湯底真係好濃郁，個名真係冇改錯。而且我哋另外再叫咗一份蜜糖雞翼做小食，啲蜜糖雞翼炸得啱啱好，一啲都唔油膩，而且40蚊就有六隻雞翼，真係好抵食😎!聽聞金門冰室仲有幾間分店係觀塘，下次去觀塘都要去試下💕!