金龍冰室 (Closed)

同老公係大圍買完野落街食飯，諗食咩真係好頭痕，其實最緊要咩都有得揀同經濟實惠。咁就決定去茶餐廰。見金龍冰室裝修乾淨整齊，餐牌一大本慢慢揀岩晒我地。叫左是日晚餐套餐$55有湯，豬扒炸蝦配3.6牛乳炒蛋跟薯菜，仲有焗車打芝士碎蛋沙律朱仔飽，仲有野飲，勁抵！！老公叫左鐵板扒餐$90有湯，龍蝦汁牛仔骨配炸蝦炸帶子跟薯菜同野飲，仲加左碟油菜。紅湯好味唔會酸，白湯足料，油菜好快上，超級驚喜因為出街食真係未見過咁大碟菜，又新鮮又靚：）豬扒set 都幾好，豬扒夠入味不過唔夠熱，可能因為上面有沙律菜涼左，老公個鐵板滿到呢...牛仔骨好嫩滑又大件，非常飽肚，飲埋杯檸茶就岩岩好。下次再黎試其他野先。

作為馬鞍山人無野食就眾所皆知，大圍朋友介紹左大圍最近開左間冰室，入面真係中西餐都有。我就叫左個全日早餐食份量我想像中多好多，但同普通西餐廳既all day breakfast 大同小異，煙肉煎得好香而且唔會好乾，三文魚亦都幾鮮，無海鮮味，都無腥味。蛋同腸仔算係不過不失，一碟我都可以飽肚。友人叫左個星級雜扒，份量多到佢平時好大食都食唔晒，有豬有雞有牛，而且出廚房既時候仲好香，成個鐵板都熱滋滋。最尾嗌左個黑松露芝士焗雜菌西蘭花，芝士味幾濃，而且西蘭花唔會太乾。

聽說在大圍區內這間金龍冰室是新開張的，它位於大圍道六號的地舖，於東鐵大圍站A出口行約三至五分鐘便到達。這次與友人約在晚上七時前入座，由於附近是住宅區，人流很多，還未正式到晚市時間已經全餐廳近乎滿座，似乎該餐廳很吸引食客。這間餐廳門面十分光鮮，招牌燈光十足，室內裝修及衛生亦乾淨企理。這次叫了鐵板西冷牛扒，鐵板羊架及黑松露雜菌玉子燒各一客。最先來的是玉子燒，配菜選擇了炸帶子，其玉子燒的滑蛋頗滑，內裏的茹量算十足。其次接住來的是鐵板餐，各配一個餐湯，令我與友人最感意外的是該鐵板餐的份量以八十元至九十元的價錢來說是多得像座山，除了一般配的飯或薯菜比其他餐廳的多，每客還配了兩條大肉腸。以正常男人的食量可能只可以勉強食得下。另外，鐵板餐配的飯應該是珍珠米，比一般米能更加吸收汁來撈飯吃，口感不錯。 美中不足的是該鐵板羊架雖然燒得好食但瘦肉比肥肉少，若果需要啖啖肉，多蛋白質，個人建議那個西冷牛扒，雖然不是一整塊厚切的牛扒，但份量實屬十足，性價比不錯。一家大細吃晚飯來這間餐廳亦實屬合格有餘的選擇。

難得同家人週末出去行下，嚟到大圍咁不如食下傳統冰室啦，我諗啱佢哋嘅口味多啲😊叫個瑞士汁乾炒牛河，我覺得係茶餐廳或者冰室必叫嘅選項之一啦！河粉係用嗰種透明偏向硬身有咬口嗰種質地。不過我覺得如果炒牛河就用一種軟身嗰種會易入味一啲，咁樣會好味啲。咁份量都幾多，一定夠晒醫肚啊～仲有包埋嘢飲非常好👍咁就帶咗個紅豆奶茶，幾欣賞佢呢度啲茶，因為好濃好夠茶味，味好出。如果唔夠茶味就一定唔合格！仲有啲紅豆唔會太甜係重中之重，因為多數啲紅豆都整到甜到入唔到口😖再整個英式早餐先😎分量同配搭就超豐富。仲有埋沙律餐湯同埋嘢飲，想唔飽都唔得啦！😝佢個薯餅會有啲檸檬味嘅香料所以食落去會有浸類此檸檬嘅香料味，唔係我哋平時食到嗰種薯餅所以大家要注意可能唔係咁多人鍾意。同埋佢個大蘑菇我以為係原個上，咁樣會覺得完整啲，豐富同更加吸引。同埋佢啲🍄味道就帶啲酸味，我覺得可以整返做普通鹹味咁樣會更加突出到🍄嗰種本身獨有嘅香味。仲有叫咗個韓式泡菜牛仔肉炸🦐珍珠飯配龍蝦汁。好想食珍珠飯煙煙韌韌，不過我覺得嗰珍珠飯可以再有咬口一啲。初頭諗住個龍蝦汁係有龍蝦姐係蝦嗰種獨特嘅香味，但係佢就係味道比較淡，其實唔係好食到有味道。建議可能揀返黑

一個星期日的下午，與朋友閒逛到大圍地鐵站附近，被一間粉藍色，設計優雅的冰室吸引，入內醫下肚先！點左個瑞士汁乾炒牛河，配紅豆奶茶。再加一客公司三文治🥪坐低冇耐，客人源源不絕，似有好多區內嘅捧場客。乾炒牛河份量一般，但係幾有鑊氣。而河粉炒得恰到好處，牛肉嫩滑，食得出冇梳打粉嘅味道。紅豆奶茶☕️茶好香濃茶香撲鼻，抵讚！甘香可口的紅豆粒粒分明，甜而不膩的好味，真係想一飲而盡。公司三文治餡料豐富，厚身嘅方包分量十足。不過個人就鍾意用普通厚度嘅麵包，覺得適合一啲。因為公司三文治本身已經好大份。否則就太厚了。同埋個味道可以再濃香一啲，可以比其他冰室做得更吸引到，同埋鮮香度都可以進步，但係足夠兩個人份量同埋飽肚。整體而言以地方整潔座位舒適及經濟實惠都可以一試無妨。

依家藍色冰室都開咗一段短時間，食咗個下午茶餐，奶油豬加個迷你意粉餐。那柔珠好脆，算係合格。個迷你意粉嫌佢啲汁‘結’左少少。不過選擇比其他茶記算係多。嗰日有啲趕時間，如果佢可以快啲就更好😬

今日去開新界探朋友，回程時又落大雨，所以諗住搵間餐廳食完晚飯就返屋企，見到有間冰室裝修得幾新，就入去試吓環境幾乾淨，坐得幾舒服，而且餐牌有好多選擇，有全日早餐、扒餐、玉子燒餐、平日茶餐廳嘅炒粉麵飯都有我自己一個就叫咗份星級雜扒，有西冷扒、雞扒、煙三文魚、英式腸、炸帶子，我揀咗配黑椒汁同埋薯菜，個套餐仲有餐湯同埋飲品，都幾多嘢食黑椒汁都幾惹味，而且雞扒煮得剛剛好，喜歡食肉嘅朋友一定好鍾意好彩揀咗個紅湯，裏面有好多蔬菜🥬可以平衡一下我揀咗杯熱朱古力，好啱天氣咁凍飲職員嘅服務態度幾好，而且上菜速度好快，唔想煮飯就嚟食餐夠方便

趁星期日好天就去大圍踩單車,因為知道大圍都有好多嘢食,所以就去到求其搵啦。見到呢間藍色冰室都好搶眼而且入邊都好多人食緊咁應該都唔錯。以冰室來講佢都有幾多選擇,今次叫咗一個常餐, 佢嘅牛油多士仲可以轉奶醬多, 烘得啱啱好唔會太乾,花生醬同煉奶係冇得輸佢嘅炒蛋同其他茶餐廳唔同, 有少少似玉子燒咁。仲有瑞士汁雞翼同埋一個通粉, 雞翼煮得超級入味重點係凍奶茶好好飲！好夠茶味, 唔會太甜！另外仲叫咗個雞髀芝士撈丁, 呢到個芝士汁唔漏, 無其他餐廳咁滯, 唔錯

大圍好多餐廳都係連鎖式快餐店好難得見到間港式地道冰室裝修來說都好簡潔清新 另外menu 都好有心思圖文並茂 見到圖都覺得好吸引～款式好多 中西式都有 甜品都有好多種類 睇到花多眼亂 最緊要係價錢都相當親民！我地叫左蒜香牛油帶子意粉～西冷牛扒香草腸龍蝦汁鐵板餐～瑞士汁雞翼同特色菠蘿冰個意粉好濃厚既蒜味 同牛油帶子個味好夾 恰到好處！而且仲好足份量 有好多帶子！配有火煎菜 好fresh ~西冷牛扒厚切 咬落啖啖都係肉香草腸仔好夠咬口 仲有淡淡既香草味 而且龍蝦汁都比得好多好足 上枱時完全覆蓋晒塊扒！瑞士汁雞翼應該都花左唔少時間做事前準備雞翼滷左唔少時間 所以唔止外表好有味 連入面都好入味肉質仲保持得好鮮嫩最後講下個菠蘿冰特飲整杯有滿滿既果肉 甜度適中唔係死甜～感覺好清新！

入左冰室食晚餐。吸引之處：1. 餐廳藍色既設計，有啲似希臘既感覺。好chill。2. 晚餐抵食。咖喱牛腩飯。78蚊有餐湯，多士，野飲。3. 忌廉湯暖笠笠。鬆軟烘底多士又脆又鬆軟。點湯食好好味。4. 咖喱牛腩煲。熱辣辣既咖喱，勁香。仲滾緊既聲聽到見到都開胃。適合依家凍既天氣食，好溫暖。5. 咖喱味係食過最膿又最香既咖喱。咖喱汁整到好濃，唔辣但香料落得夠，八角既香味令咖喱更高層次。呢個咖喱係高質既咖喱。6. 成個煲，好多牛腩，可以見到全部都係牛腩。啖啖肉既感覺樂而忘返，好抵食。7. 珍珠米，食香米既口感同味道特別唔同。8. 蜜糖雞翼。炸得脆。自己落蜜糖，跟返自己口味。雞翼本身整得香，唔落蜜糖都好好食。9. 凍檸蜜配咖喱。一凍一熱平衡返今日食既野。整體黎講，食材好，食物質數高，價錢公道。性價比高值得食既冰室。

返工又忙了一天，六點幾咁啱同同事經過，見近近地就直接walk in了。初初早入嚟以為無人流，原來晚餐時段都有不少人。餐牌有唔少食物選擇，喜歡意粉的我們揀左牛油帶子意粉、流心奄列意粉配雞扒。奄列不過不失，有蛋香但不夠流心，反倒是雞扒炸得剛好，外脆內嫩，加上芝士汁似乎能跟美食節熱賣的流心芝士雞扒媲美。而帶子意粉剛上菜就聞到牛油香，吃得較清淡的我們都覺得再加點旁邊的胡椒粉調味就剛剛好！除了主菜當然仲要有肉又有菜，所以又叫了星級雜扒餐和黑松露芝士雜菌西蘭花，雜扒跟鐵板上，多種不同肉類堆疊在一起，夠吸睛！略嫌煙三文魚放在鐵板上，底部完全變熟，不過整體而言不錯。芝士鋪滿了整個碗面，雖然黑松露味不重，但仍不失分數。最後又叫了小食，蜜糖雞翼每隻都夠大隻，而且有香甜的蜜糖味，黑松露薯條不論薯條或黑松露醬都份量不少，絕對不怕冇醬點。最特別的是金龍冰室有杏霜可點，濃濃的杏仁味在嘴裡擴散，似乎可以找回以前冰室的感覺。還有其他特色飲品例如黑牛、菠蘿冰，在食的同時不要忘了飲品啊！

這晚約了很久沒見的朋友吃晚飯，相約在大家的中間點 - 大圍。由火車站走到這家餐廳只需5分鐘，地點非常方便。店員推介的奶茶紅豆冰，怕味道太甜所以點了走甜的奶茶底，紅豆份量不少，滿意的。可以選擇羅宋/忌廉湯作餐湯。薯蓉焗青口，用左帶有煙肉絲既薯蓉做底，有驚喜。土匪雞翼，味道可能沒有某連鎖米線店的香口濃味，但勝在每隻雞翼都非常厚肉，啖啖肉，以份量取勝。黑松露芝士焗雜菌西蘭花，一上菜就已經散發非常濃郁的黑松露香味，配上雜菌類拌著吃十分配搭，沒想到在茶餐廳也可以吃到這樣高水準的焗菜。鐵板餐反而沒什麼特別，和朋友分別點了牛仔骨和牛扒，味道一般，肉質有點老，值得一讚的是黑椒汁非常濃郁而夠辣。

放假就同朋友去左行街, 行到攰攰地有d肚餓, 朋友就帶左我去冰室食野, 佢話呢間係佢平時食開。一入門口，見到環境光鮮企理，白色牆磚，侍應有禮貌咁安排我同我朋友埋位有卡位坐，每張枱都有盞吊燈照住，坐得幾舒服佢地食物種類都幾多, 有好多唔同既選擇, 呢度連甜品都有先講果湯先，好足料，飲落去地唔錯，幾好飲，美中不足既不夠熱，如果再熱返少少相信味道會更好。海鮮汁忌廉意粉意粉好食，好惹味，入面都幾足料下除左有好多蝦、蜆、帶子仲有好多煙肉海鮮煮得好入味食，意粉水準很高，啖啖都係滋味滿分值食率高!!!!!再黎既就係我既最愛-檸蜜，冬日之選, 飲完口腔入面好清新，不太甜又帶點潤喉，食左熱氣野飲一流。黑松露芝士焗雜菌西蘭花想要點個菜幫助消化，但又唔太單調乏味，好濃好重黑松露味， 西蘭花上放有好多芝士，去除左西蘭花原有既菜青味菜唔硬身又唔太淋剛剛好，個汁配呢個菜一D都唔覺油膩或HEAVY。呢個好抵食，超大碟朋友點左個星級鐵扒餐，就咁睇都覺得豐富又足料, 多到可以變座山!大集匯咩都好，好BIG爆，要SHARE黎食有雞扒、牛扒、司華大腸、炸帶子、薯條等等，堆到好高，要小心分解黎食，呢個份量真係好抵食。味道方面

媽媽不想煮飯，於是一同到茶餐廳吃個便飯。路過>>>金龍冰室<<<，看來是新開張啊，一於試試看。 食物選擇非常多樣化，提供各國菜式，從英式早餐到韓式鐵板，一應俱全。 我還是喜歡港式滋味，而且當時不算太肚餓，所以點了最經典的茶餐瑞士雞翼公仔麵(HKD45)。公仔麵升級至出前一丁麻油味(加HKD3)，味粉和麻油原包上碟，可按個人口味添加份量，也讓食客更有信心，這真的是原裝出前一丁。瑞士雞翼共有三隻，連汁上碟，味道更香濃，當然雞翼本身醃得入味才是關鍵。 配多士和炒蛋，兩者均可被改，例如多士可轉奶醬多奶油多諸如此類，炒蛋則可改為煎蛋等等，悉隨尊便。侍應表示可免費升級至脆豬包，當然要升級喇，烘得香脆的豬仔包，加上奶醬，是何等滋味。炒蛋細滑，時間控制得宜。 餐飲選了熱檸檬茶。 其中一位家人吃了豬頸肉芝士汁焗飯(HKD50)，感覺有點新奇，豬頸肉焗飯不常見吧！ 滿以為只得芝士汁、豬頸肉和焗飯，但原來飯入面加了茄醬和少許紅椒碎，顏色和味道也豐富了。這個餐飲跟熱檸蜜，需另加HKD3。

新開無幾耐既金龍茶餐廳，自己成日都同銀龍搞亂個名。星期六日真係勁多人，等好耐。同埋星期六日時不時會錯單。炸魚柳餐38蚊，早餐可以轉奶油豬又唔駛加錢。但過左早餐時段就要加5蚊。炸完唔會乾爭爭，入面仲係嫩滑既。星期六日叫荷包蛋會變左全熟蛋，同左廚房講都要繼續俾熟蛋，但平日去食就會有心機煎荷包俾你。呢度幾好既係可以揀蛋白煎蛋添。沙嗲牛肉麵係正既，唔似其他茶餐廳個種勁多獻既沙嗲牛。真。沙嗲。同埋朝早可以揀cappuccino, latte, 普通咖啡不過個餐牌有啲難明，原來常餐即係早餐。