鉄人大盛 (Closed)

放題店愈開愈多，大x屋、大x喜等等的名稱相信大家也一定聽過吧？能夠用二百多元，就能吃到不同種類的日式食物。放題就吃得多了，鐵板燒放題大家又吃過沒有？最近竟然發現尖沙咀有一間鐵板燒放題，還真的很少見，怎麼不試試呢一進去便看見了不少夾公仔機，在放題店可以夾公仔還真是第一次見，公仔機現在愈來愈流行，彷彿在哪兒都能看到它們的蹤影，其實賺的錢也蠻多的。裡面的環境偌大非常，這也是放題店的特質，通常也不會太小，而最特別的是，每個放題的範圍都有一位師傅在煮鐵板燒，十分專業，不知道還以為自己在吃廚師發辦。每一枱都會獲贈兩隻牡丹蝦，牡丹蝦可不是每間放題店都有的，蝦十分大隻，清甜肥美。刺身方面，點了三文魚、甜蝦和帶子，甜蝦稍微遜色了一點，三文魚和帶子也清甜新鮮，溫度夠冷。餐廳聲稱自己的壽司是手握壽司，實際上也是呢，飯的比例較少。分別點了鰻魚、火炙三文魚和芝士三文魚，鰻魚真的好好吃，完全有入口即溶的感覺！火炙三文魚和芝士三文魚基本上都是一樣的，只是表面的材料有點分別。不腥，但火炙的程度可以稍微再多一點，三文魚便更香。一口牛是每間放題店都有的食物，這裡可選蒜蓉或燒汁，和朋友選擇了蒜蓉。平常在放題店吃的一口牛大多

終於等到今日食放題，太耐冇食，今次朋友仔帶我食有質素放題。好睇下有咩好食先。一坐底，店員就送左大蝦同生蠔比我地，係計人頭送既，好新鮮甜美，正！岀面有個大飲品櫃，隨便自己攞，呢期我愛上飲既個Aloe,唔太甜又冇氣，我鍾意。燒牛脷，夠腍又juicy。烤羊架唔太羶，易咬開。各式刺身壽司新鮮又好味，最欣賞壽司一口size，可以試多幾款。炸芝士，香芋丸，榴槤炸彈，炸得好香脆，最好食係榴槤炸彈，味道一流。芝士焗蠔，牛肉粒都唔錯！煮蜆夠大隻，有肉地。仲有6款Haagen Dazs， 正呀喂！

朋友一直話好想去食鉄人大盛，今日終於相約左去食，因星期日怕等太耐，所以我地6點就去到，所以唔係太多人，但陸陸續續都愈黎愈多人，7點左右已經9成半滿座，我們被安排坐鐵板燒既檯，一張檯可以坐12人，可以欣賞廚師廚藝，鐵板燒位置抽風系統都好好，唔會愈食愈熱。飲品有成十多款選擇，而雪糕都有6款口味任食點餐紙有好多種類選擇，主要有鐵板燒，一品料理，燒物、炸物，當然唔少得既有刺身、壽司每款我地都想點小小黎食，我地點左蔥花牛肉、香蒜一口牛、芝士年糕、台灣一口腸、 燒花枝丸、芝士醬帶子、燒菠蘿、甜蝦、北寄貝刺身、冷盤小食，特別芝士年糕，炸得剛剛好，芝士味非常香濃，芝士醬帶子，帶子好鮮甜，但芝士味不太夠，另外燒菠蘿，係超級多汁超級甜餐廳侍應服務態度好好，上菜同收碟速度好快，落單數量好精盡，而且沒有漏單

聽人講左好耐 終於一試呢間全港首間鐵板燒放題🍖🍣餓了很久既小編 一坐低就order 左一啲小食 刺身壽司同鍋物🥗🍣🍲.🔸中華沙津 螺肉 八爪魚 正常發揮既 而且份量都幾多🤗.刺身壽司方面🔸小編幾like 一坐低店員送上既赤蝦刺身 好大隻鮮甜同多肉🤪🔸海膽壽司雖然細細件 但係鮮甜既👍🏻難得放題有既質素黎既💁🏻‍♀️🔸帶子同希靈魚刺身都好新鮮厚肉😎.到主角鐵板燒 幾乎每樣都試左一至兩件🥩🍗🍖🔸燒羊架係最驚喜既 羊味一啲都唔羶 仲好嫩好juicy🤤🔸鵝肝多士相信都係呢間店既特色 焦香得黎同香脆既麵包好夾🍞.燒物既選擇雖然唔多 但質素不錯 推介必試呢兩款🔸牛舌 非常嫩一啲都唔靭🔸台灣一口腸 係爆汁既 拍得住台灣夜市既質素😎.甜品有Haagen Dazs 雪糕杯一共有六款味道 分別有雲呢拿🍨 曲奇🍪 士多啤梨🍓 香蕉🍌朱古力🍫咖啡☕️作為雪糕控既小編食左3杯🤤減肥就真係要遲啲先講🙊.總括黎講 即燒既鐵板燒同爐端燒熱係面前即叫即燒夠哂熱辣辣之餘食材既質素不錯💁🏻‍♀️鐵板燒師傅不時有玩火既表演 好有鑊氣得黎仲好有氣氛🤗.人均消費：$328 推介指數：👅👅👅👅👅👅👅😋(7.5/10)Encore指數：🤙🏻

朋友很喜歡吃鐵板燒，所以特登黎試下。.♦️飲品-飲品種類不算很多，汽水、樂天飲品等一應俱全，另有台式冬瓜茶.♦️頭盤-一坐低先黎兩隻大赤蝦刺身，很鮮甜。.♦️前菜-芝麻八爪魚、螺肉及中華沙律🥗-前兩者正常、中華沙律好食及酸度剛好（因外間很多都非常酸）。.♦️魚生🐠🐟🦐🦑🐙-魚生有三文魚、拖羅、鱆紅魚、北寄貝、帶子、希寧魚、甜蝦、八爪魚、赤貝及榮螺片。-刺身屬中高上水平，三文魚甜美、拖羅以放題而言屬上品（因為很多放題以代用魚取代吞拿魚）、鱆紅魚屬高價魚（難得有而且鮮味）、帶子及北寄貝非常鮮甜、希寧魚爽脆、其他皆新鮮。.♦️壽司-選擇頗多，有最愛的海膽壽司😋-除了海膽壽司，還點了鰻魚壽司、火炙三文魚壽司等-海膽壽司雖然份量較少，但屬新鮮及甘甜。-其他壽司屬正常水平。. ♦️鐵板燒（主角出場）-這裡最出名是鐵板燒，種類很多，而且即叫即燒。-食物包括羊架、鵝肝多士、一口牛、黑松露或檸檬牛油煎魚扒、豚肉山姜燒、芝士醬帶子、台灣腸、燒牛舌、燒蠔、燒雞翼等，還有數樣已忘記亦因要選擇最想食而放棄了😢-羊架🐏：燒得很香，肉嫩帶有少許應有的羊「騷」味，因即燒沒有放久了的油膉味。-鵝肝多士：燒得非常香，雖並非入口即融，

有一段時間都冇食鐵板燒，因為老公話唔太鐘意自己燒，因為自己燒肉，會火喉過左，冇咁好食，所以今日特意約了鉄人大盛，有專人幫你燒埋，就免了以個煩惱，老公都非常滿意餐廳位於格蘭中心地庫，門口已見大大個招牌，餐廳位置好大，有分兩邊坐，一邊可以望住廚師料理鐵板燒，另一邊是雅座。點餐紙種類有刺身、壽司、鐵板燒、燒物、炸物、一品料理、沙律、冷盤小食等等。一坐低，餐廳即時送上超大隻既牡丹蝦同生蠔，牡丹蝦真係好大隻，好鮮甜，而生蠔肉質爽口，味道清新。另外仲點左玉子壽司、牛油粟米、台灣一口腸、枝豆、清酒煮蜆、蔥花牛肉、香蒜一口牛，壽司細細件、食多幾件都唔怕飽，清酒煮蜆，蜆尚算大隻，酒味都幾重、而蔥花牛肉同香蒜一口牛，肉質好軟腍，蒜味好濃好惹味，我們點了好幾次飲品任飲、雪糕任食

一坐低店員已經送咗個大蝦刺身 （計人頭送）大大隻啖啖肉仲好新鮮 出哂煙好有派場大吃大喝前當然要啪個沙律打底為放題做足準備刺身壽司應有嘅款式呢度都有唔敢食太多因該呢到仲有鐵板燒㗎！呢個蒜爆一口牛真係不得了 牛柳粒鎖住肉汁之餘加埋炸蒜 好香口啊軍艦方面就試咗海膽同埋香蔥吞拿魚細細件好易入口 同埋唔會太飽添啊天婦羅仲有炸蝦南瓜茄子甜薯仔炸物方面呢個款式真係10分足夠仲有我最愛嘅芝麻雞翼牛肉鍋都有？確實係值回票價牛肉好甜 豆腐好滑 配埋熱湯配娃娃菜暖返個胃忍唔住encore多次香蒜一口牛 一舊接一舊真係完全忍唔到口 （說好的減肥呢⋯唔理啦）飲品方面啤酒汽水茶類乜都有食放題梗係少飲啤酒為妙啦（飲茶就先係皇道）食得幾多得幾多食完仲任食哈根大師雪糕！！平時都係一人一杯 但呢度到ALL YOU CAN EAT喎！！！一人食兩杯係基本啦坐係到仲有幸咁近師傅添 現場感覺完全唔似放題質素行落格蘭中心見到大大招牌 無理由唔認得佢啦重點係仲有夾公仔機！全部都係著名嘅YouTuber台主！我地試咗幾鋪都算佛心台

上網見到新開左呢間鐵板燒放題集於一身嘅日本料理，以經急不及待book位去食嚕~ 先來個刺身拼盆先😍❤甜蝦晶瑩通透好鮮味! 三文魚肥美夠魚香，帶子size小但勝在彈牙👍🏻蟹肉炒飯❤飯粒粒分明，用日本香米口感爽口，每一啖都食到蟹肉咸鮮😋榴槤炸彈❤一上菜以經聞到榴槤香味😍外皮香脆炸到熱辣辣，咬一口榴槤溶流出來😋😋刺身round 2 ❤油甘魚厚切魚油超豐富，好回味😋燒雞扒❤即叫即燒，熟度剛好，雞肉非常嫩滑。

尖沙咀既呢間鉄人大盛主打鐵板燒放題，由廚師系你面前即燒即享用，放題黎講，無乜邊間餐廳會做到甘講究，唔想用成千蚊食鐵板燒，呢度不失為一個好選擇。十多款任飲既飲品供自取，可樂、忌廉、忌廉鮮奶、無糖烏龍茶及啤酒等等應有盡有。刺身及壽司各有十款以上，當中拖羅(右)及三文魚腩(左)最得我心，拖羅魚脂及筋位較多， 香滑得黎又有少少咬口，而三文魚腩鮮甜之餘，邊位既魚油香突出，幾好食。吉列炸蠔炸粉香酥，唔會太硬，而日本既廣島蠔蠔味適中。燒牛舌不能錯過，即使唔系貴價既牛舌芯，但用燒汁以及鐵板燒既香烤味足以彌補其不足，幾惹味！薄燒牛肉、汁燒牛柳粒及蒜香牛柳粒，薄燒牛肉既肉味濃啲，又夠香滑，至於牛柳粒就好有肉感，啖啖肉，汁燒味道較香口。燒羊架都唔錯，肉質夠軟腍，帶輕微羊羶味，要趁機會多吃幾塊！甜品有哈根大師(Haagen-Dazs)雪糕，總共有六款味道，包括朱古力、咖啡、草莓、香蕉、Cookie & Cream等，雪糕要食幾款回返本先得！！

There are many kinds of foods. There are iron plate food, sashimi, sushi, rolls, food, fried food and cooked food. Unfortunately, there is no pot. There are sodas in the drinks, there are oolong teas and alcohols~~ The ice cream is more focused, with a variety of flavors of Haagen-Dazs cup ice cream!Personal recommendation beef tongue, foie gras toast with left fish skirt sushi. Of course, there is ice cream, I eat left banana flavor with coffee miso. Other wild foods are normal, and there is a

平時日式放題食得多，鐵板燒放題就好少試，見呢間鐵人大盛嘅食評幾好，所以一行四人黎gathering！嚟之前好晒有咩回本菜，鵝肝同帶子刺身係我專攻項目😎。鵝肝內脆內軟，我食左十幾件，帶子厚實又吾腥，但次次叫20件永遠黎吾足20件，呢度要扣少少分！至於其他回本菜包括燒蠔...燒魚扒...燒帶子...一口牛同蔥花牛肉等，全部都好好食。不過而家無左鰻魚啦，侍應姐姐話已經無做鰻魚，得番鰻魚壽司，有啲可惜，不過佢嘅食物選擇已經夠晒多，飲品都有好多可以揀。呢餐$360個個食到捧住肚走，每人仲送一隻好大隻嘅靚蝦刺身，又有Haggen Dazs任食，點會吾encore！😋😋

好似都有幾個月無食日式放題，今晚趁住星期日，可以悠悠閒閒慢慢歎，就揀左專做鉄板燒的鉄人大盛餐廳設在地庫，面積頗大，設有數個鉄板燒bar枱，即叫師傅即燒，雖然今晚不是坐鉄板燒bar 枱位，但經過都感覺到師傅對食物那種專注和熱誠厚厚的order menu分開生和熟食2本，分類好清晰。生的那本menu有沙律，刺身，軍艦，手握壽司，壽司，卷物，冷盤小食熱食menu有鉄板燒，燒物，燒物熱食，炸物，一品料理，鍋物首先店員送來一碟赤蝦刺身，幾有隻，肉質爽脆鮮甜，正呀第一round先order刺身，個刺身拼盤靚到呢！用左乾冰墊底營造了煙霧瀰漫的效果，令人好想快D食呀！我order左帶子，吞拿魚，甜蝦，赤貝，油甘，三文魚，三文魚腩，北寄貝，希靈魚和螺片，所有刺身都非常新鮮，尤其喜愛爽甜的帶子和甜蝦，肥美的三文魚腩，充滿油香的油甘，爽脆的螺片第2 round我主攻軍艦，壽司和卷物，海膽，葱花拖羅蓉，黃金尤魚軍艦，左口魚裙邊，帶子，油甘，火炙鰻魚，霜降牛肉壽司，加州卷，青龍卷都是我心水之選海膽軍艦~非常清甜creamy, 齒頰留香，必選帶子壽司~肥美肉厚，鮮甜爽滑油甘魚壽司~肉質非常油膶，超新鮮左口魚裙邊~

今日同一班好姊妹喺尖沙咀行街 尖沙咀除咗多嘢買之外就梗係多嘢食啦 所以我哋就尋找開飯喇 見到有一間叫做鐵人大盛嘅日本餐廳 睇評價好似非常之得 所以我哋就決定嚟呢度試下入到去店員就畀咗一個刺身拼盤我哋 有吞拿魚 三文魚 牡丹蝦等等 全部都非常之新鮮而且入口鮮甜 尤其是係牡丹蝦 蝦味十分濃 令人一食上癮 之後就叫咗一個鵝肝多士 鵝肝嘅油香非常之突出 鵝油滲曬落去麵包上面 非常之一絕嘅配搭之後就叫咗蒜香羊架 有小小酥味 但係咁樣更加令到成塊羊肉鮮味十足 我身為一個羊肉控 點可以錯過呢之後就叫咗一個牛肉卷 牛肉係非常之甘香 新鮮味美而且富牛肉味 值得一讚最後就到卷物 我哋食咗唔同嘅卷物 例如 三文魚蟹籽 左口魚裙邊同埋海膽 全部都非常之新鮮香甜 我哋幾個女仔都食咗好多 完全唔會覺得飽 非常之好食

病了一排，整個人都沒神沒氣，難得好起來，忽然有種放題的心癮。即興約朋友去了尖沙咀的鐵人大盛，來個鐵板燒放題。   7:30來到人未滿座，我們一坐低，轉頭便送上了兩隻鮮甜的牡丹大蝦刺身。飲品是自助的，而且也提供啤酒清酒，啱晒好酒之人。   我們落單無耐，刺身已經好快送到，而且沒有漏單。刺身厚切，食落有質感。三文魚、三文魚腩、油金魚都肥美，北寄貝、螺肉爽口，帶子鮮甜，各款都令人滿意！   我喜歡這裏的牛油燒扇貝，隻隻都肥美，加上牛油香，可以一連食幾隻。 羊架也很有質素，大大塊，帶點羊羶味。鵝肝多士的餓肝夠厚，配多士食不太膩。這裏的牛舌是我喜歡的厚度，食落爽口彈牙，不過略嫌有點太咸，送酒應該剛好。 鐵板燒是主打，雖然我們沒有被安排坐鐵板位置，但其燒物也著實不錯。翠玉瓜、菠蘿、雞脾菇唔乾而且多汁。清酒煮蜆不錯，酒味香濃。   壽司我就欣賞其飯不大，多食唔會太飽，海膽和左口魚都做得不錯。    雖然沒有很多甜品選擇，但芝士年糕、香芋丸和榴連丸都香口，所以encore了兩轉。最後多點了兩個蔬菜鍋清清地，食完一輪燒物，飲啖熱的菜湯著實暖胃。    別錯過呢度的Haagen dazs，因為係任食

🥢尖沙咀不一樣的鐵板燒放題🥢放題就食得多，鐵板燒放題就第一次試，以前試過深圳食鐵板燒放題，因為食得太多嘢，做到師傅黑面，今次一齊試下，睇下師傅有無黑面🥢＄1082 ( 星期一，三人加一後）🥢飲品有提供汽水，啤酒是大罐的hoegaarden , 但熱飲方便只有熱水，沒有熱茶就覺得有點扣分🥢刺身：每人一隻赤蝦刺身，普通雪櫃貨，有雪味。甜蝦普通。拖羅本身魚質不差斜切拖羅切到很多筋。油甘魚一般貨，不夠肥。其他榮螺赤貝雪櫃普通貨條無特別。帶子切得比較薄身，口感不足🥢壽司，第一轉覺得不錯，軍艦紫菜還是脆的，size 剛剛好，第二轉追加已經變細歪歪斜斜的，紫菜又林，質數參差海膽三人都覺得好腥，唔好食 。左口魚壽司油份香口，火炙了增加香味，好吃🥢鐵板燒先來三隻帆立具，不是由我們檯的師傅燒，是由其他檯拿過來的 ,拿到過來已經是變溫暖，味道沒有牛油香，亦沒有帆立貝的香氣，所以咬兩啖就吐了，差！🥢鐵板魚柳魚本身無罪，但衰在個醬，香料落的太多，食落很難受🥢薄燒牛肉食鐵板燒最期待是薄燒牛肉，肉類都是由其他檯師傅燒好拿過來的，牛肉內