錦記機拉麵

Open Now

Now Closed

完全無諗過深水步會有咁超值美食!!!同事帶路, 小小檔口仔, 一張堂食檯都無, 全部擺街! 老實講, 如果自己行過係唔會試, 因為對住個垃圾站, 衛生環境睇落一般, 但係一試就知係禾稈擒珍珠!!!!!食o左碗北京餃手攪麵, 睇住個師父將舊麵團放落部機, 係你面前攪, 一條條麵條即攪落個鑊度, 新鮮度爆炸!!!! 老闆娘就即包餃子, 隻隻都包到脹爆, SO COOL!!!!!三兩下手勢, 一大碗手攪麵就擺係面前...... 六大粒新鮮餃子仲要有菜....... 大碗抵食之餘, 仲要超好味!!!! d麵好有口感, 彈牙, d餃子又足料, 湯底完全無味精!!!!!!!! 極級美食不過如此!!!!!! 平、靚、正!!!!!!!下次一定要試下佢d打冷野同火鍋...................

第一次接觸機拉麵就係呢間舖但因為要係街邊食, 衛生真係唔得, 所以唔多幫襯不過d水餃真係好味, 而且一碗份量好多, 絕對抵食, 但係d麵就太林唔夠彈牙1個人諗唔到食咩, 呢個真係唔錯既選擇

呢間野唔好睇佢\好似好唔衛生~~因為要坐街邊食呢~~我已經係度食左超過3年了~~但係佢\自製北京餃重來都冇失準~~好好食~~重有佢\既坦坦麵同番茄牛肉麵亦做得非常出色~~份量非常多~~價錢非常便宜~~每次去食我都好開心0甘走的~~~

端午當天，到深水步買燒肉雞作拜神用的老爸，順路在這兒買吃了九隻鹹粽回家。老人家，總覺得連鎖店（如：美心、大班、榮華…）的粽不及傳統店子的粽，來得「正路」和新鮮！加上，今年公司無派粽比員工，所以要老爸出手採購。他買了五隻紅豆（原粒紅豆配圓糯米）、四隻綠豆（去殼綠豆配圓糯米），都是裹肥肉和鹹蛋黃的鹹粽。好似六蚊隻，唔貴。以中火蒸廿分鐘，芳香撲鼻，兩款都幾好味，鹹蛋黃幾好油水，蒸完略見蛋黃油滲出，甚是吸引。=======================================另：個人覺得，這兒的六蚊粽價廉物美，味道不比連鎖店的差。唯那些三、四十蚊一隻的粽子，用靚餡料，如超大片的五層腩肉、靚花菇、xx菇、鮑蔘翅肚…等。其實，食粽係食帶有粽葉香味和滲有蛋黃和肥肉的油脂的糯米部份，配料只是錦上添花。縱觀市坊間的新興餡料（如：xx 菌、魚翅、燕窩），著實有妹仔大過主人婆之嫌。