Video
3-min walk from Exit B2, Prince Edward MTR Station
continue reading
Telephone
23903188
Opening Hours
Today
07:00 - 21:30
Mon - Sun
07:00 - 21:30
Above information is for reference only. Please check details with the restaurant.
今次去咗間平民鐵板牛扒店食嘢，價錢好平，份量同質素都幾高水準一開始會上左羅宋湯同餐湯先叫咗個鐵板牛舌拼肉眼牛扒，牛舌切得厚薄適中，表面略略燒焦，食落去香口彈牙，完全冇韌身嘅問題。肉眼牛扒就更加正！五成熟嘅熟度啱啱好，切開嗰陣見到個肉色係漂亮嘅粉紅色，肉汁鎖得好好。最正係佢表面燒到香脆，入面仲保持到多汁嫩滑，連筋都冇，肉質夠嫩滑。黑椒汁另上就最啱，想點辣就加幾多，唔會搞到個牛扒浸汁咁樣。配菜嘅薯菜都做得幾好，薯仔香軟，菜夠新鮮爽脆。西冷牛扒就做得更加出色！五成熟嘅熟度一樣完美，個西冷油花分佈均勻，肉質夠嫩又唔會肥膩，食落去香甜多汁。個燒汁味道濃郁，帶有紅酒香，配埋牛扒更加突出個牛味。意粉做得夠al dente，軟硬適中，沾埋個燒汁食就更加完美！飲品方面，凍檸檬水少甜就啱啱好，檸檬味香甜，完全冇苦味。凍檸檬茶走甜就更加啱我心意，茶味香濃，檸檬香氣足，最啱配重口味嘅牛扒。總括嚟講，鐵板世家嘅牛扒質素同價錢都算得上抵食，最緊要係廚師對火候掌握得好好，每次嘅熟度都好準確。雖然唔係高級牛扒餐廳，但勝在夠實在，想食個抵食又夠水準嘅牛扒，呢度真係值得一試！
continue reading
太耐無行金魚街，行完唔知有咩食，都係打算求其入間茶記算，點知原來有間裝修到以前港式西餐，係食鐵板牛扒。入去裡面，發現原來係深水埗老店馬德里餐廳嘅分店。餐包呢度無用普通圓形西式餐包，真係港式傳統好甜嘅餐包，有以前嘅感覺。羅宋湯傳統港式味道，好多椰菜同西芹，配帶辣味嘅番茄湯特別開胃。忌廉湯Creamy但無咩材料，好適合點餐包食，唔搽牛油。整體都唔錯，但相比之下比較遜色。鐵板牛舌拼肉眼牛扒 五成熟 $158呢個鐵板，特登無落汁，不過熱度一樣，攞開好多墊底嘅薯條，一樣足夠將牛扒煎到七成熟。配菜有西蘭花同車厘茄。肉同一般港式西餐一樣，都有鬆過，不過唔會完全爛曬，都有保留牛肉嘅味道。呢度嘅肉眼牛肉味足夠，唔會太硬。但呢度嘅牛舌外層比較硬，但多左牛舌，只係多$10，算係咁。鐵板T骨牛扒 五成熟 $148T骨係將牛柳、西冷牛扒同中間連帶嘅T字脊骨原個切出，同時食到嫩滑嘅肉同有牛味嘅肉。 加入黑椒汁之後，有黑椒香味，可以帶出牛肉味。意粉+$10咁重懷舊氛圍，但都係俾普通白洽意粉，有啲可惜。凍檸檬水 走甜 +$4*2=8牛肉太油膩，飲走甜嘅檸檬水比較舒服。甜品今次甜品係黑加侖子味雜果啫哩，口感比較鬆散。呢啲港式口味，必須要加花奶，完全復刻。總計：$324
continue reading
香港愈來愈少舊式餐廳今天給我找到驚喜 , 網上找到此店店設計很懷舊, 小小的非常乾淨非常特色餐牌只有十二款食物, 專心制造職員先問我們飲甚麼湯, 先上熱的白湯和麵包, 溫度足, 讚我們點了鐵板煎牛舌拼肉眼牛扒配薯菜,t骨牛扒薯菜很快食物已到, 仲可以選汁添, 我們選了燒汁,職員一加汁 ,炸炸聲很有氣氛我們見到兩塊扒也超大, 肉眼牛扒和牛舌各有兩塊, 牛扒七分熟肉也不會老, 肉很juicy, 尤其t骨牛扒, 非常厚身, 沒雪味墊底的薯菜也好好味, 薯條仍是脆脆的, 滿滿的分量原來吃完主菜也有驚喜,,職員問我們啫喱要不要奶,原來餐有送啫喱, 味道是我們喜歡的黑加厘子味, 混合了什果, 飲埋美味的凍華田, 真是有小時候爸帶我們到西餐廳慶祝的情懷我們差不多走的時候,有不少獨自來的男客人晚餐， 因為份量太大了, 食肉獸的男生最合不過埋單的時候看到帳單原來不用加 一, 正式的平靚正絕對會再度光顧, 支持香港小店, 用心經營的店, 生意真是不易!
continue reading
講起港式嘅晚餐，梗係唔少得豉油西餐啦!今次嚟到通菜街嘅鐵板世家。價錢性格比高，非常抵食🤩。店內環境好有港式風味，紅白湯二揀一再配餐包🥣，夠曬經典。醬汁淋落鐵板發出滋滋嘅聲音非常吸引，流晒口水。鐵板煎牛舌拼肉眼牛扒配薯菜 $158牛舌加牛扒，份量超級多。牛舌食落好稔身，再加埋充滿彈性嘅肉質，牛味香濃😋。肉眼牛扒好厚，但切落唔會好韌，輕輕切都切到，肉眼嘅肉味都非常充足，肉質厚實，油脂比例啱啱好，粉嫩多汁🥩。配菜西蘭花同車厘茄簡單焯煮，無過熟，保留爽口感覺，食完感覺清新解膩。鐵板什扒（豬扒/雞扒/珍寶腸/煎蛋）配薯菜 $138什扒餐勝在乜都有，啱晒選擇困難唔知揀咩嘅人🙌🏻。雞扒嘅表皮炸到金黃焦脆，雞肉肉質嫩滑，雞味同醃料嘅調配幾match ，豬扒厚度適中，肉質非常鬆軟，前期準備功夫有落心機，太陽蛋桔爆後，蛋漿流落啲扒度再撈埋飯食好正。珍寶腸仲長過塊鐵板，食落外脆內軟。薯條係用曲薯，係傳統嘅波浪型薯條🍟，食落有薯仔味，外脆內綿，作為配菜啱啱好。仲會送飯後甜品，提子味啫喱加左花奶，口感非常Q彈，再加上花奶令啫喱更加滑🍮，唔會太甜，有解膩嘅作用，好懷舊嘅西式甜品。
continue reading
去咗旺角通菜街188號嘅鐵板世家試吓佢哋主打嘅鐵板牛，成餐食落幾有驚喜，價錢親民，質素又唔失禮。我叫咗一份鐵板肉眼牛扒拼牛舌（燒汁），五成熟，牛扒煎到外層微焦，入面仲保持住粉嫩，肉汁鎖得好實，切開嗰刻已經聞到香味，肉味濃郁。牛舌就煙韌有咬口，厚薄適中，咬落唔會韌，仲帶少少油香，加埋燒汁鹹鹹甜甜，幾夾。朋友就揀咗鐵板肉眼牛扒（黑椒汁），同樣係五成熟，牛扒煎得啱啱好，黑椒汁唔會太嗆，反而有層次感，唔會搶咗牛味，配埋個鐵板底聲香四溢，幾有感覺。飲品方面叫咗杯熱檸檬水，食完啲肉飲返杯熱檸水，中和返啲油脂感，舒服晒。同埋紅豆冰，紅豆煮得夠綿夠香，啲冰唔會太粗，甜度適中，收尾啱啱好。環境唔算高級，但勝在夠地道，鐵板香味成間舖都飄住，坐得舒舒服服。成餐食落唔算貴，以旺角嚟講性價比好高，想食鐵板牛又唔想太貴，呢間真係可以列入再訪名單！
continue reading