開爐重慶老火鍋

Open Now

Now Closed

啲重點嘢只會嚟一次， 啲劣食先係任食放題。餐牌完全冇寫。叫咗B餐， 啲重點嘢全部薄切，睇唔出點解仲要貴過A餐。完全係大伏， 取巧。唯一就係唔駛等位，因為根本人唔多 ：）

一開始睇個menu ，餐牌嗰啲以為啲嘢食係任食，見有小籠包 牛舌幾吸引，點知佢到想再落多次嘅時候，話呢啲係得一次，冇得再落單。雖然一入到去，環境算唔差，期待緊啲嘢食都唔差，點知啲嘢食黎到，份量特別少，又唔可以再嗌多次啲嘢食，搞到進餐心情已經唔係幾好。諗住試下佢啲任食食物，點知其他食物冇咩特別，唔算好食，例如魚皮碌咗勁耐都仲硬，唔脆，款式又少，唔會再有第二次幫襯，相信呢間都唔會好多回頭客，希望呢間餐廳下次寫清楚啲嘢食！！！。

誤導人的放題！是這樣的，這是放題餐198元，初時我地以為美國肩胛牛同埋以下Menu裏面係任點任食，點知入到去唔係！ 係1人1份，同埋d肉每種得2-3片，手打墨魚滑拼蝦滑同埋貢菜豬肉滑每種1粒，共3粒。 離譜係佢個Menu係完全無寫係定量供應不是放題！ 有誤導成份⋯ 等你入到去先話你知。佢出面d野就可以任食， 就擺到好肉酸咁，有生菜，肥牛，同埋正常普通火鍋材料，無任何海鮮！ 但係咁就要198+1⋯ 咁不如去出面其它放題食人地d肉唔會得個幾片lol⋯⋯ 其實你又呃到人幾多次呀！ 做生意唔係咁做既，有今次無下次lol⋯

食物嘅質素味道冇咩特別，但係最大問題就係啲嘢食好耐都未黎，之後仲要係啲火鍋料嚟晒，但係個湯底20分鐘都未到。叫碗白飯都要吹三次，冷氣又凍，叫佢校暖啲啲，跟住就冇影。去買單嗰時響櫃檯直接俾錢，佢撳電腦撳鐘咗五六次先開到張單。呢間嘢以後都唔會嚟食。

今日同老公、仔仔、奶奶一行四人首次惠顧，叫咗三個一人午餐鍋再加碟萵苣。一人鍋包括菜籃（生菜、鴨血四片、粟米兩舊、南瓜三片）、手打丸（牛、鯪魚、蝦各二）、主菜（拉麵、紅薯粉、苕粉、白飯四選一）、配菜（牛肩、豬肉、羊肉三選一，安格斯加$10）同飲品（汽水，特飲加$12-$30）、湯底（蕃茄、重慶麻辣、山珍鮮菌）。菜籃同手打丸都好鮮，似乎並非隔夜貨。主菜試盡三款麵，紅薯粉勁快熟需要快手處理，拉麵亦似新鮮貨需要時間烹煮，苕粉最有驚喜，應該係薯粉表親，口感一樣但厚啲闊啲，滑亦不爛。豬肉、牛肩正常貨，安格斯就食出另一層次。蕃茄湯底濃郁偏酸，麻辣就有正常so味。萵苣鮮甜，正。$88一鍋，萵苣$28，免茶免加一。抵到爛，一定會再幫襯。