阿佳拌麵

Open Now

Now Closed

👫去葵廣掃街成日見到人食呢間，但👱🏻‍♀️未試過食，今次同朋友仔掃街就嚟食下呢間台灣古早味嘅拌麵啦♥️ 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#鹽水雞拌麵 <$30>拌麵有雞絲、蘿蔔絲同埋有3塊疑似魚蛋加豆腐😂 麵嘅份量好多，撈得好均勻，條條麵都掛左汁，食落鹹鹹地，麵質有啲似食緊伊面🤔.雞絲食落一般，無咩味，口感亦都有啲鞋，蘿蔔絲酸酸甜甜咁，同鹹鹹地嘅麵一齊食幾夾😋 最好食應該係果3塊唔知係魚蛋定豆腐嘅嘢，口感彈牙而且有啲滷水味😗 整體嚟講，碗麵好大份，夠兩個人食，但食落好一般，食完今次唔會再嚟食🤨一一一一一一一一一一一一一一👾驚喜指數：❗️❗️（5個❗️最高）一一一一一一一一一一一一一一💑小教室：古早味一般形容令人懷念嘅事物，多用來形容食物用傳統做法、有傳統風味嘅意思🕺🏻

……………………💰現燙魷魚拌麵$30+溏心蛋$15🤤 嚟到葵廣就試埋個拌麵啦，都幾多人排隊架！高妹就揀左沙茶醬，唔辣既，好香但係鹹左dd！魷魚好食👍🏻多餸+勁爽口👍🏻最失望的是可能煮麵時晾得唔夠耐，仲有啲水係底，令到啲麵好濕😞#幸好有黃蘿蔔絲中和一下#溏心蛋有creamy蛋黃不錯的.高妹小編……………………👇🏻地址👇🏻阿佳拌麵 (葵芳)葵芳葵富路7-11號葵涌廣場3樓303F號舖

身為新一代慳家夫妻!晚餐已經要洗一大筆!兩三點下午茶時段有好肚餓喎 唔通唔食個天都唔鍾意我 ~ 好難呀!梗係慳得就慳~ 又唔可以為難自己個肚仔 葵芳廣場係我其中一個最愛! 平平哋可以餵自己而且種類繁多~ 平時普通一個台式餐廳套餐都要五十幾! 而家外賣返屋企有得企喺隔離食又得~ 最平三十幾蚊已經有交易

啱啱食完沙律，3個人當然未飽，即刻過黎食多個拌麵。揀左招牌拌麵加沙茶醬，好夠味好好味，油麵質地，側邊有啲酸蘿蔔唔係好夾，滷豆腐好味，溏心蛋無試到評唔到，下次經過可以再試多次。

星期日放假就同阿媽嚟葵涌廣場同埋新都會行下街。行到有少少肚餓想食啲嘢, 突然醒起想食呢間台灣拌麵, 就帶咗阿媽過嚟食。我一向都好鍾意食魷魚, 無論係鮮魷..土魷魚定係水魷魚都好鍾意食。現燙魷魚拌麵首先佢嘅麵質地唔錯, 咁多種汁我最鍾意係麻辣味。佢嘅麻辣汁唔知加咗啲乜嘢材料 會食到人好上癮。 拌住佢啲黃蘿蔔絲一啖一啖咁食, 越食越唔停口。望落去細細碗嘅一碗麵, 兩個人食都覺得有啲飽。 以30蚊嚟講佢嘅份量真係算大方。至於佢個魷魚應該係水魷魚嚟, 食落好爽脆 都好入味, 不枉我又再食多一次~

友人喺openrice睇到呢間食評同相唔錯，就提議轉場試下。叫左個招牌撈麵，有豆腐、糖心蛋同肉燥。豆腐好滑同彈牙，出乎意料之外好味。糖心蛋好入味，大推。個麵做得好，啲汁撈得好勻，麵質又剛剛好，唔會太淋。反而個黃蘿蔔絲唔知做咩，咸度同酸度比例唔啱，完全做唔到解膩嘅作用。整體黎講啱錯，下次黎會再食。

其實今日係葵芳已經食咗好多野，去到3樓，見到呢間好似台灣特色嘅小店，就算好飽都幫襯左佢買沙茶醬魚蛋魚蛋唔份粉仲要彈牙，淨係魚蛋本身已經好出色，佢有幾個醬料俾你揀，我選擇咗好少食嘅沙茶，啲魚蛋我都未攞到上手，已經聞到超級濃郁嘅沙茶醬味，入口沙茶醬同埋魚蛋好配合係一個唔錯嘅配搭，食完之後成個口都係沙茶醬，都幾鬼正，一定會再試

招牌肉燥拌麵 $30要咁沙茶醬 醬同麵融合咗 味道唔錯而且隻蛋係流心 加一萬分!!!😻豆腐既質地幾特別 好似台灣夜市食既咁總括而言 質素唔錯 而且份量係超大😂 女仔係可以兩至三個人share 而且價錢平 價性高🤤評分:7.5/10🌟

放工經過呢一個小食檔口，已經比佢哋裝修吸引着，好有街邊小吃檔口嘅風味，然後見到熱鍋上圍着鍋邊的生煎包，每粒都好像很飽滿，就忍不住叫了一客先。幾欣賞佢嘅器皿，用一個細小嘅長方形紙盒盛載三粒迷你嘅生煎包，賣相好特別。生煎包係迷你size ,一口嘅份量，包的皮唔算好薄，兩邊煎得呈現微微焦燶的狀態，非常香脆，但係完全冇肉汁，半滴都無，真係好令人失望，好乾身。不過公道啲講， ＄10/三件，價錢唔算太貴，都叫做可以接受。

食完炸🐣再黎到葵涌廣場覓食，聽聞葵涌廣場開左好多新野食，包括以下落黎介紹既呢間門面好有台灣風味，就咁俾佢吸引左去行埋去睇睇睇睇下就想買黎試試，今次就試下招牌肉燥拌麫同古早現盪魷魚先真心想試每次去台灣必食既甜不辣但暫停供應要左沙茶味，魷魚還魷魚，醬還醬都係要沙茶味蛋係流心架麪同沙茶醬肉燥比例岩岩好，唔會好似魷魚咁醬還醬，融合曬唯一要挑剔就係舊豆腐，雖然入味但我始終食唔慣千頁豆腐既質地，口感怪怪地如果用返普通豆腐會更好，不過$30黎講算係唔錯

掃街要掃到最後一分鐘 差唔多11點好多舖頭都關左 呢間台灣野之前食過撈麵唔係好夠味 今次俾多次機會佢先招牌肉燥拌麵 $30 有肉燥 溏心蛋 百頁豆腐 酸蘿蔔 可能臨收舖店員大贈送 拌麵超大份量而且好足料 冇上次食咁腍 醬汁揀左沙茶醬好夠味 每一條麵都好掛汁 隻溏心蛋仲係超級流心熱辣辣好好味！撈埋個麵食真係不得了 百頁豆腐口感似魚蛋 不過迷你生煎包就好一般 冇肉汁之餘好乾 可以唔使試招牌拌麵真係唔錯如果佢keep住呢個水準我會繼續幫襯💪🏾

其實每次到葵芳, 必定要行葵廣因為會有好多新奇,特別既美食雖然無可能會試得晒慢慢黎~今次原先想食芒果糯米飯,結果太早未開~肚餓得濟,買左"阿佳拌麵"醬料有幾款選擇個門面都幾有特式~會吸引到人客去試試我地叫左招牌肉燥拌麵第一次食~配沙茶醬汁一啖一口,好得意~不過食唔到甘多等左5-10分鐘, 好香,外觀幾靚個盒配合店面個風格有懷舊風分量好足夠, 如果要掃街的話就要諗諗一個女仔食,會有點多醬汁味濃, 但唔算好咸糖心蛋

同友人係隔離商場睇完戲就去葵芳醫肚，一去當然上最多嘢食嘅頂樓啦。由於朋友推薦，所以第一下就去左搵阿佳拌麵，聽講係台灣麵仲以為係係坐底食嘅嘢嚟，點知都係掃街。兩個人叫左一個招牌滷肉拌麵同台南小生煎包，因為諗住再去其他擋掃街，所以唔叫咁多嘢住。小生煎包唔洗等就即刻有得食啦，食落口就普通包一個，無乜汁出嚟，不過10蚊三個就唔貴，所以都OK。滷肉拌麵聽朋友講加沙茶醬會仲好食，所以就加左。雖然晏晝去無乜人，但滷肉飯都要等一陣。沙茶醬個味好出，麵都偏濕，非常好食，會有配三塊滷水豆腐同蛋，蛋係溫泉蛋，流心啱啱好！下次一定會再叫！聽講佢啲魚茶配沙茶醬都好食！下次再嚟試下！

好似開左好耐，終於有機會試到果日去到都幾多人等緊應該都幾出名畢竟好似第一次有呢種拌麵食十分推薦佢個拌麵，大大份，兩個人share都夠飽畢竟要留肚再掃街 有豆腐有蛋絲有肉燥，最好食既係佢個溏心蛋 真係好溏心，個麵都好有質素但肉燥份量稍為有d少呀 多少少會更好另外仲叫左10蚊3個既迷你生煎飽，但唔係話特別好食拌麵會再想黎食葵廣掃街又多個選擇當個午餐食都得 台灣既滋味😋😋😋配埋杯清玉珍珠奶茶就岩岩好朋友食過都話好食

小食檔裝修得幾有台灣風味，主打係各式各樣既拌麵！餐牌招牌肉燥拌麵 $30 拌麵中有肉燥、溏心蛋、豆腐，另加燙魷魚($10)，呢度加埋要$40麵條軟硬適中，份量夠多，而肉燥夠晒撈成個麵，香濃惹味，不得不讚就係隻溏心蛋，成個麵最好食既地方，非常流心而且夠入味！麵條醬汁可選原味/沙茶/芝麻/麻辣，唔知係咪因為揀左沙茶醬，雖然醬汁好濃，對我黎地講成個麵偏咸，友人一路食一路碎碎念：「好咸呀～～」食完口喝得要即刻去買野飲