阿佳拌麵

Open Now

Now Closed

🤦🏻‍♀️到現在我都唔太明我點解在這間食魚蛋🤦🏻‍♀️我更加唔明白我點解會喺呢間食沙茶味魚蛋🙈🙈🙈🙈🙈我可以好肯定話俾大家聽，呢間既魚蛋係好難食既，而個沙茶醬更加.......

葵芳廣場三樓有好多野食就係人都知，呢間阿佳拌麵，一上電梯左轉就睇到，係正清玉隔離丶又一戟對面，一眼就睇到！裝修都好有台灣夜市feel，最岀名就係拌麵同燙魷魚啦😋本來嗌個麵加十蚊仲有燙魷魚，但因為自己一個又第一次食，唔敢嗌太多，於是就咁嗌左個招牌肉燥拌麵！仲有幾款汁可以揀，我就揀左沙茶汁。好在去嗰陣人唔多，等左一兩分鐘，已經有得開飯啦！ 不過呢間冇位坐，堂食其實就係企係到食，或者好彩既就可以坐係葵廣三樓既凳食😹招牌拌麵有豆腐丶溏心蛋丶黃蘿蔔絲丶麵同肉燥（廢話），攞上手熱辣辣！いただきます～我自己唔係好鐘意食佢既豆腐，因為不算入味，但平時不愛吃肉的我非常鐘意佢既肉燥！就咁食都唔會太咸，配埋麵同黃蘿蔔絲，正呀！對溏心蛋好有要求既我，覺得佢既蛋黃不得了，撈埋落麵到簡直一流。粒蛋雖然咁既色，但係就不太入味。而說好的沙茶汁都不算味濃，就黎食晒見到底啲汁先醒起原來有沙茶汁。食晒成個都飽晒啦，細食既建議同fd子share，咁就可以食埋葵廣其他美食。我都會encore，下次試埋燙魷魚同麻辣汁！😋

葵廣3樓越來越多美食，這間拌麵第一次試，但因為太飽的關係所以沒有點到拌麵，反而點了一些小食。魷子現燙，選了沙茶醬，份量比想像中多，魷魚不是稔身而是爽口，沙茶醬的味道帶出魷魚鮮味，$25來說相當抵食！

重要的事情要說3次現燙魷魚麻辣汁真係好好食！現燙魷魚麻辣汁真係好好食！！現燙魷魚麻辣汁真係好好食！！！試過晒咁多種汁最好食都係麻辣汁，呢隻味真係一試上癮，未食過的一定要食一次。加上九層塔的點綴，個汁係120分😂😂話佢上癮唔係誇張，試過返返下工突然好想食，最後敵不過食慾放工專登走左去食......另外拌麵都不錯，都係麻辣汁最好食，麵吸完汁再食，每一口都是麻辣味的感覺超過癮。不過都係魷魚配麻辣汁最好食，唔信你試下。

這天來到葵涌廣場掃街，無意中發現了三樓廣場竟然有一家吃台灣食品的！雖然台灣菜吃的主要是肉躁、拌麵等等，但見到這些生煎包這麼的骰，忍不住要買來品嚐一下～生煎包本來是來自上海的，相比兩款生煎包，這些迷你生煎包果然夠迷你～ 價錢只是 $10/3，非常便宜！吃這些生煎包千萬不要急於一口吃掉，否則後果自負！生煎包熱辣辣的，內裡的肉餡也不算少，更夾著不少肉汁。但外皮就是有點厚，令本可以煎得脆脆的包皮反而變得有點太硬了。

一心就係食台式食物,長長人龍唔排對唔住自己選擇唔多得幾款,簡簡單單迷你生煎包-皮簿煎到面脆卜卜,可惜過晒火肉汁乾晒,餡唔難食但唔夠肉味招牌肉燥拌麵-我選擇左沙茶味,麵煙煙靭靭又彈牙索滿醬汁好好味豆腐好似魚肉咁彈牙又滑,肉燥有淡淡乾蔥香味,卤蛋係超級糖心好滑好味,蛋黃冇腥味,蘿蔔絲小小酸好醒味蕾簡單店舖食出心意

今年冬季的衣服都好漂亮, 灰粉的, 灰藍的, 灰南偏紫, 灰粉偏紫, 吊帶連衣裙之類的全都想買, 而且今年不冷, 外套都賣超便宜的快過年了, 要在葵廣買幾件新衣逛街前要先醫肚除了上次試過的新食店短時間內又開了數家 位於3樓的阿佳拌麵打造成夜市的感覺很多不同款的配搭,招牌肉燥拌麵這個拌麵挺好吃的耶~開方式的廚房看到服務生即場煮麵再拌上多量肉燥, 味道剛好千頁豆腐就一般配上勁溏心蛋, 可以再熟一點, 而不夠入味整份份量超大份, 要是在想在葵廣掃商場的話, 這一盒可以2~3人 share

呢一間 阿佳拌麵 小編bookmark左差唔多半年，一直都以為係2樓，點知今日行行吓發現原來佢係3樓至真😱佢哋嘅拌麵即叫即整而且仲超級熱辣辣，麵亦都軟硬適中。肉操方面味道唔會太濃太油膩。而個糖心蛋真係超級流心，同個麵一齊撈嚟食都唔錯。佢個千頁豆腐好彈牙，而且滷水味中又不乏豆腐味。不過對於小編來講成盒拌麵都偏鹹咗少少，可能係因為滷水汁加埋肉操嘅緣故。雖然佢鹹但係都冇阻小編到佢嘅愛戴丫！

呢日黎到葵涌廣場 除咗想行街之外 點都要黎試吓呢度嘅小食樣樣都想試吓但係又唔想食得太飽見到有迷你生煎包 忍唔住買黎試吓細細粒 一啖一個 好方便皮比較硬 可能煎得太耐 入邊既肉都好多 同好juicy 不過真係好熱 食之前記得吹一吹

本身想試佢地好出名既拌麵 但葵廣太多野食喇 已經半飽狀態 唯有今次試左小食先 下次再食拌麵😋今次食左迷你生煎包 因為佢既賣相太可愛 所以就試下佢 入面餡料既味同小龍包既味係一樣 但個皮比較硬 煎完香口啲咁解 唔太特別 都唔錯既 可以一試但未必會再食喇🤔

身為一 個台灣人🇹🇼 兼 香港市民🇭🇰，當然要四處尋覓台灣味，絕無例外！而身為一個吃貨港人，都知道【葵廣】係個美食集中地～照理說【阿佳拌麵】生長在當眼處，不應該到現在才吃第一次，點解？其實係因為次次行到門口都已經酒足飯飽😂 無計啦，又可麗餅，鹹水雞，炸雞，根本唔記得佢既存在。。。但係！今次我係 特登！特登！特登！黎食既～幸好無令我太失望。既對於香港人來說 它 是80分對於台灣人來說 它 是65分每一個都是新鮮滾熱製造，熱度夠的麵的軟硬均勻，沙茶醬平均分佈在麵條上滷蛋鹹度適中，一口咬下還會爆漿～～肉燥算蠻香口整體來說，肉燥加上沙茶醬加鹵水味，過鹹價格大眾化 $30 就食到，而且飽一飽！衛生很好，每個人戴上手套，有固定收銀，煮食期間也不多話，不會口水亂噴吧講咁耐，咁點解係65分？原因就係 店家大大字標明【古早味】3字 我卻食唔出。。所以 以一碗普通拌面來說 他值 80分 👍

葵廣美食有很多，但鍾情於台灣美食，所以選擇了在吉野家旁邊的阿佳拌麵。門面招牌甚有台灣夜市的感覺，所以被吸引了過來。我選擇了“招牌肉燥拌麵”，為了品嚐麵的味道，所以選擇了原味。賣相不錯，份量也足夠。麵條的軟硬剛剛好，味道適中。肉燥方面，味道不會太濃，而且不會太油膩。至於滷豆乾稍為遜色，沒有豆味，滷水味也有點淡。反而溏心蛋，為這個麵點綴一下，流出來的蛋汁伴麵一流。整體來說不錯，價錢也適中，作為午餐，份量絕對足夠。

葵廣多野食眾所周知，呢間野特別多人排，聽朋友講話鹽水雞麵好好食，係，佢係話好好食
有原味、沙查、麻辣、芝麻，因為同行一朋友唔食辣，我地叫左芝麻味，等左10幾張單終於到手，
見到個樣覺得好頹，可能味道make up for that呢！一食，個雞唔滑但唔鞋，咸味都夠既，鹵水豆腐正常，但個麵，極其量都係豉油王粗炒個種質地，又乾身，勁唔好食仲要咁就30蚊，唔知啲人中意佢啲咩。

每次去葵涌廣場第一時間都會先上三樓既美食天堂，掃平貨之餘當然要醫飽個肚先啦，咁先有氣力shopping。平時我都會食碗酸辣粉，但今次試下新野，係三樓吉野家隔離就有間台灣小食店「阿佳拌麵」，佢地有七款拌麵，四款夜市小食可選擇，今次我選擇左鹽水雞拌麵，沙茶醬汁。鹽水雞本身有少少咸味，撈埋醬汁一齊食好惹味，油麵質地煮到剛剛好軟硬適中，鹵豆腐口感好驚喜，唔似一般豆腐咁軟淋淋喎，好彈牙似食緊魚蛋咁，全部撈埋一齊食，口感好豐富，配菜仲有酸蘿蔔好爽脆。

估唔到星期一夜晚周圍都咁多人。行過見到個招牌好台，就俾佢吸引到去試下啦。買咗個原味鹽水雞拌麵。首先呢間唔算多人，但又等得幾耐下。哇，一試難忘。啲雞肉質地好奇怪，無味之餘又好「林」，係太「林」...！🤷‍♂️個麵又係啲橡筋麵，好唔夾。又無汁，好乾好無味。仲要$30，一啲都唔值。葵涌廣場大把好嘢食，我朋友分咗一半撈烏冬俾我先心理平衡番咋。紅雨嘅星期一夜晚，興致全消，好失望。可能麻辣個啲會好啲嘅。 but 唔會再幫襯了👋🏼