阿佳拌麵

Open Now

Now Closed

選擇困難症患者表示每次去葵廣都唔知食咩好，行到上3樓見到呢間台式小店，以前成日去台灣一定唔會響度食，但呢幾年無得去，望見間舖又幾有夜市風味，就一於試下啦～招牌肉燥拌麵 $38有肉燥，滷豆腐，溏心蛋，配菜（醃蘿蔔絲），至於醬汁我選了沙茶。便當盒擺盤好整齊，溏心蛋大隻光滑，流心正阿，而幾件滷豆腐夠滑夠入味。個麵撈埋肉燥同沙茶幾好味，但其實我唔係好食得出沙茶味。爆汁貴妃雞肉卷 $18小店皇牌！等緊拌麵都見到有四個客買，買完可以自行加青苔粉，辣粉及椒鹽粉。熱辣辣雞卷堅係幾燙口，咬開真係有爆汁（更加燙口！）可惜外層雞皮未夠脆口，咬開左但齒唔開，一路滴汁有少少狼狽，不過係好食既！.雖然小店兩樣招牌菜都幾好食，但似乎又未去到葵廣必食之選。

黎到葵涌廣場一定會上三樓搵食，今次試阿佳拌麵呢間店。門口放左部光波爐烤緊一條條雞卷，睇落幾吸引，於是就試左貴妃烤雞卷跟拌面。這個烤雞卷賣相不錯，烤到金黃色，係有少少位置燒焦左，咬落去外層係雞皮，食落幾香脆，雞肉都嫩滑，枱面有好多調味粉可以自己灑，揀左芝士粉同辣粉，落左濃味d。至於拌麵，個人認為一般，麵質偏淋，反而拌麵的配料-滷豆腐乾軟淋淋幾好味。

難得經開葵涌廣場，當時要上三樓美食街搵下有咩好野食～見到台灣古早味店，作為非常熱愛台灣嘅我即刻要試吓佢地小吃～今日只介紹一樣！就係佢地既人氣第一爆汁貴妃雞卷🍗 。這是台灣當地夜市的其中一樣人氣小食呢 ！烤雞卷做法主要是把雞皮包著雞肉，然後放在爐上烤～烤出來的雞卷外層雞皮超香脆，咬下去有小小肥膏位，但無平時雞皮的油膩感，而且雞肉入口非常多汁～不小心真係會爆汁喔！雞肉香味重～吃前還可加上唔同嘅調味粉～小編加了椒鹽🤤非常惹味！唯一嘅缺點係，我去時間是星期日，門口烤雞部機可見，面頭中間每次烤到既雞卷唔多，我足足等了有20分鐘以上先食到😢要給點耐性😶🐔貴妃烤雞卷一條只需$22～味道確實值得一試～食完之後！好想去台灣喔🥲

唔知大家有無去過葵廣掃街? 我就好少去!😛但最近成日見到朋友都去葵廣~🎈我呢一日終於去左葵廣掃街呀! 真係好多野食!😍好多選擇! 因為想食下台灣野，所以揀左阿佳拌麵試下📍-原來都好多唔同款，價錢又抵，所以決定咩都試下!♥️首先點了大腸麵線+花枝丸📣原來加$5 就可以有埋小食，所以點了花枝丸!🍢食落真係好惹味，麵線真係滿滿的台灣味道呀!💖-另一碗我點了蚵仔麵線🍜絕對係台灣小食之選!滿滿的麵線好滿足呀🥡而且仲有好多蚵仔，以呢個價錢泥講真係好抵食!而且好惹味呢! 份量好大碗好足夠!🧡🤎-另外都想試下唔同小食，所以我點了古早現燙魷魚（麻辣）🌶🦑呢個麻辣味超正，真係好過癮🌶不過份量就唔算多，可能會有唔夠喉既感覺😛-另外仲點了烏來烤豬肉腸🥓絕對有滿滿台灣夜市的感覺!好好味~而且真係啖啖好實!😚好推薦呀! 好似去左夜市禁呀!❣️同埋點了生煎包🍞迷你的款式，可以過下口癮╴而且價錢都好抵食呢!😍-點了幾樣唔同食物都真係好抵食!🤩絕對係好似去左台灣掃街感覺呢💕

.葵涌廣場出晒名多嘢食 每次行過阿佳拌麵都忍唔住買佢地既雞卷🤤即食熱辣辣 雞肉外皮脆脆的 入面好嫩滑同juicy我唔洗加任何醬汁已經覺得好好味❤️烤得好香男朋友都大讚👍🏻.另外仲叫左蚵仔麵線 牛肉飯同肉燥飯蚵仔麵線好足料 湯底又唔會太過濃 麻辣加芫茜真係好正 蚵仔大大粒添肉燥飯同牛肉飯都配左滷水豆腐 肉燥撈飯食一流🤤唔會太咸牛肉飯既牛肉係腩位 特別香口 唔會太乾性價比真係超高 就算外賣拎返屋企食都仲熱！下次一定會再買😋

去葵廣掃街想尋回台灣味道🇹🇼就見到好多人排隊買小吃 跟隊買咗一堆返去食店家有提供額外三款調味料 有紫菜 胡椒粉同辣粉 啱哂我依啲味粉怪🔺貴妃烤雞卷 $22係光波爐烤過 即叫即烤 所以好熱辣辣由雞皮包雞肉 成功鎖住肉汁 雞肉都好嫩滑 會爆汁💦（小心辣親嘴仔👄）🔺古早現燙魷魚 $35沙茶味既燙魷魚 口味偏重魷魚大大塊 好爽口🔺烏來烤豬肉腸 $22同樣都係即叫即烤 外皮好脆口豬肉腸帶甜味 肉質結實 有咬口一咬落去同樣有肉汁 juicy!!!🔺蚵仔麵線 $35蚵仔粒粒鮮味飽滿 份量比得好大方 超過10隻🦪麵線幼滑稔身 湯糊稀杰適中 當中加入花生 芫茜同酸醋增加口感同提味 頗有台灣夜市風味 🔺搖滾四品拌麵 $38拌麵好夠份量 四品係指有花枝條 貢丸條 蔥魚條 同埋滷豆腐 加左醃蘿蔔做伴菜拌麵可以選擇醬汁 •原味、沙茶、芝麻、麻辣•我揀左原味 有啲似滷水汁帶鹹香拌埋彈牙乾身麵條一齊食風味十足♪

路過葵涌廣場花多眼亂好多野都想食，朋友住呢區，推介人氣店 - 阿佳拌麵，佢好鍾意食，葵涌同深水埗都有店。食台灣野唔少得一定要叫大腸麵線同魯肉飯。佢碗飯好多魯肉，唔會好似其他地方唔夠送飯。d魯肉好入味，好味；最緊要有埋滷水蛋同滷水豆腐，咁嘅價錢真係推介抵食!! 大腸麵線都好大份，好正宗。最意外驚喜係佢d串串，五香糯米雞卷同烏來烤豬肉腸，用紙袋包住好有係台灣夜市買嘅感覺，未打開已聞到好香，食落更加吸引，好好味，極力推介！！後悔買得唔夠多，下次過海要再encore 佢d串串，五香糯米雞卷同烏來烤豬肉腸！！

♡‎ ♡‎‎ ♡‎ ♡ 葵芳 - 阿佳伴麵 ‎ ♡‎ ♡‎‎ ♡‎ ♡‎ 上次食過貴妃雞卷 一試難忘今次特登經過葵廣留肚食雞卷除咗雞卷，仲有嗌埋其他野食今日嚟到 發現雞卷減價！！！！🔹雞卷 $18💖💖💖💖💖💖所以我買咗兩條 超正啊 熱辣辣 成條都充滿雞油香氣仲有外層脆脆嘅都係雞皮嚟入面除咗雞肉仲有啲豬肉肉肉肉肉肉 我鍾意食肉之前想搵其他相似嘅冷凍雞卷返屋企氣炸都冇呢隻咁好食果然有啲料到🔹肉燥拌麵 $38（麻辣）肉燥幼細但有咬口所以好容易拌麵令到麵條上都沾有肉燥～麻辣為平凡美食帶來刺激感🔹台醬牛肉拌麵 $38 （沙茶）牛肉原來係牛肉粒嚟沙茶風 多了一份古早味🔹花枝丸面線 $38比較漿感嘅面線杰身嘅 大部份人都係買外賣走商場繁忙時間較難搵位◆*．◆*．◆*．餐廳資訊◆*．◆*．◆*．📍阿佳拌麵 (葵芳)葵芳葵富路7號葵涌廣場3樓303F號舖🔎冇頭緒：#elaineeat🔎發掘同區美食：#ee葵芳🔎發掘同類美食：#ee台式#hkfoodie #hkfoodblogger #instafood #hkblogger

夜晚去葵廣食野，都諗住食飽少少，所以就去左阿佳拌面! 同朋友分別叫左鹽水雞拌麵同埋現燙魷魚拌麵，我地都係簡左沙茶醬!因為平時比較少地方有呢個味~ 雖然望落個盒唔算好大，但係食食下發現都幾大兜，食完呢個都幾飽。鹽水雞拌麵入面仲有D醃蘿蔔絲，滷豆腐，鹽水雞係撕成雞絲咁，食落好方便，味道都好好，沙茶醬拌麵真係好好食! 面質都幾彈牙! 貴妃烤雞卷好似係幾出名，所以都叫左。雞卷好足料，出面有層雞皮包住，同埋係已經煎香左。所以食落個表面係脆脆地而入面D雞肉仲好juicy。生煎包一份係有3個，比較扁身，咬落去好多汁，要小心熱啊! 烏來烤豬肉腸原來都幾大條，仲以為好似平時D台灣腸咁細細條，肉質幾嫩，所以食完係超級飽。

冇得飛😩😩唯有周圍搵食解一解思鄉之情.次次經過阿佳都大排長龍, 今次我忍唔住唔執輸排埋一份. 排左5分鐘左右就可以落單, 勁多野想食. 花多眼亂, 心大心細! 落單個位姐姐就麻麻啦, 態度唔好極之唔耐煩. 落左單後,見到冇禮貌個位姐姐都馬上去做order. 見到拌麵同麵線都係即叫即整,唔係預早整好曬! 好好呀…我叫左兩種貴妃雞卷同烏來烤豬肉腸. 我目測個個都會叫呢個雞卷.呢個姐姐超好人又有禮貌. 勁詳細解釋又話自由隨心落自己鐘意既調味, 落完再幫你入袋. 佢個個都講個個都解釋超級敬業呀!! 最後叫左5樣野. 樣樣都好高質. 最欣賞係個古早現燙魷魚, 好爽好彈牙. 個沙茶汁好野味又唔會太咸. 好味到有小小唔夠喉鹽水雞拌麵真係抵到難以置信, $38 咁大盒仲要多麵多料好好味. 麻辣味配呢個麵底真係一絕. 舖滿既雞絲再配埋一舊滷豆腐,錦上添花.大腸麵線絕對係完美解決思鄉情. 疫情下買到番屋企都仲可以咁高質, 仲要係台灣夜市價錢… 食完都覺得感動.

呢一間喺葵廣嘅台灣特色拌麵店嘅拌麵 真係幾好食😋好有台灣夜市嘅感覺🤩超鍾意佢哋個貴妃雞卷🐓燒到外皮金黃色 食落脆卜卜 雞肉嫩滑又多汁月口感一流💕拌麵彈牙煙韌 索晒啲醬汁 超級惹味

放工好攰🥱唔想煮飯，諗起呢間嘅～夜市人氣No.1爆汁貴妃雞肉卷，想試好耐😆點知5點幾已經全部雞卷都賣晒超失望😞唯有外賣其他食物當晚餐！蚵仔麵線$38蚵仔細細粒，數量都幾多，仲有啲花生、芫荽都幾香，碗麵夠哂大碗食完肚都脹埋。大腸麵線$38大腸煮得夠淋入味烏來烤豬肉腸$22食落有香烤肉味帶少少甜，係台灣嘅味道呀！台南生煎包三個$10呢個好抵食拾有三個冇得挑剔。古早現燙魷魚🦑沙茶味$35沙茶味唔太濃，都爽口嘅，但三十五蚊黎講份量比想像中少一點。平均每人幾拾蚊就買到咁多嘢搞掂個晚餐，唔使洗又唔使煮真爽😆希望有緣下次買到個爆汁雞卷啦！

大家都知葵廣最頂層系美食集中地。各式各樣既美食盡收眼簾。今次小編就同大家介紹屹立於葵廣有一段時間，主打台式小吃既阿佳拌麵。餐牌都系主打拌麵同麵線，小食種類偏少，但常見的還是有得吃。由於葵廣太多人，我地選擇左外埋，拎翻屋企慢慢品嚐。首先，雞卷 不過不失，系性價比高左少少。古早燙魷魚 ，有4種味道選擇，而小編比較鐘意沙茶味。生煎包，細細粒生煎包連成一串，十分別緻。最後介紹既系，肉燥拌麵 系最推薦，肉燥既配搭另到整個麵更香更開胃。最緊要飽肚。

上星期去探外婆同外公,兩個好鍾意食台灣食物,葵涌廣場三樓一家賣台灣麵店,好多朋友食過都話不錯,我買咗四款不同給婆婆我公公分享。貴妃雞卷沙茶醬拌麵雞肉鮮嫩無比,裹著雞捲外皮柔軟幼滑,配搭沙茶醬,麵條柔韌爽口。另一款鹽水雞沙茶醬拌麵,同樣出色,雞皮油光閃閃,肉質嫩滑,滿滿鹹香撲鼻,跟沙茶醬合體,簡直天衣無縫,麵條彈牙可口。一碗肉燥飯,鋪滿著滿滿的肉碎,味道調教出色,顆顆飯粒脹卜卜圓碌碌,肉汁送飯一流,配上一隻流心蛋,當真滋味無窮。最後一款蚵仔麵線,梗係冇得輸,呢個係台灣嘅皇牌阿仔,佢嘅湯底頂呱呱,香濃鮮甜,顆顆蚵仔肥大多汁,鮮味非凡,每一條麵線都滑捋捋,老人家嘅至愛。

鍾意食街邊小食，但又想有瓦遮頭，又有冷氣， 一定就係葵芳廣場小食街，而當中最後台灣特色嘅小食檔嘅就係阿佳伴麵鹽水雞拌麵配沙茶醬加魷魚鹽水雞雞肉味鮮甜 加上沙茶醬魷魚 特別惹味蚵仔麵線配花枝丸一隻隻新鮮蚵仔 ，蠔味十足 ，個肚脹卜卜，花枝丸鮮甜爽口彈牙， 加上台灣麵線， 既好味又飽肚台滷日本流心蛋流心蛋平時就食得多， 但係台灣滷水嘅日本流心蛋就未試過， 既有鹵水味， 又有蛋香味香燒雞卷雞肉連雞油 ，經過香烤之後，油香味十足， 仿似置身台灣之中烏來烤豬肉腸味道有啲似台灣腸， 肉汁多， 又惹味， 咬落第一口仲卜一聲生煎包香煎過嘅生煎包外皮， 包住鮮甜多汁嘅內涵， 食落去有爆汁嘅感覺