阿佳拌麵

Open Now

Now Closed

近期稍稍多咗嚟「葵廣」搵食，其實，都無咩特別原因，只喺咁啱有事高過開嚟，就順便買買外賣而已。就好似今晚，過到嚟呢邊，就入一入「葵廣」搵啲平靚正外賣店，其中嘅「阿佳拌麵」就曾晌年初幫襯過「西九龍中心」店，覺得真喺平靚正，所以，就晌度買啲外賣返屋企當晚餐。 食物選項，一版睇晒，基本上，大類可分為拌麵、麵線同小食，數數埋埋，都有成廿多款選擇，主食一般幾十蚊就有交易，而小食就十零、廿零已可以。 好多小食都喺鋪面即烤，所以，傳出陣陣肉香。見有唔少客人都喺買串肉腸、雞卷之類，晌附近即場食，即烘即食，當然比拎返屋企更滋味啦。此外，晌旁邊更備有幾款調味料，可以自行增添喜好風味。 上次試過佢哋嘅「五香糯米雞卷」同「烏來烤豬肉腸」，同樣覺得出色，故今次都再嗌過，另外，加多款生煎包及兩份主食，百鬆啲蚊已非常豐富。 台南生煎包 $10見佢平平哋只賣$10，咪試吓囉，同上海嘅生煎包好唔同，比較細粒同扁身，不過，味道都唔錯，包身帶點煙韌，肉餡都幾鮮甜。 烏來烤豬肉腸（左）、貴妃烤雞卷（右）@$22烏來烤豬肉腸上次試咗，因為覺得正，所以翻兜再試，長長嘅豬肉腸，外皮非常香脆，再咬落去充滿油香，味道帶少少甜，再食都咁「

好耐冇嚟葵芳 今日放工經過就去咗行吓葵廣嘅小食街 一上到去當眼處見到一個檔仔叫做阿佳拌麵， 離遠見到佢嘅裝修同埋報紙都好有台灣夜市感覺 行到埋去見到Menu都好多選擇價錢又唔貴 睇完個Menu令我更加懷念去台灣旅行關夜市嘅感覺 疫情期間其實好多地方都去唔到 食下野當去了旅行我買咗烤豬肉腸仲有雞卷做小食烤豬肉腸豬肉腸嘅味道同台灣夜市食嘅味道一樣雞卷好味肉滑彈牙另外仲叫咗我蚵仔麵線+鹽水雞伴面鹽水雞伴面我仲加咗魷魚同埋千葉豆腐鹽水雞伴面好足料 雞肉好多 面俾所有嘅醬汁包住每一條好彈牙同埋好夠味蚵仔麵線都好足料好多蚵仔而且麵線入口即溶滑嘟嘟另外仲加咗一隻糖心蛋非常留流如果掛住台灣嘅時候都會再嚟幫襯

今晚收工夜咗唔煮飯,葵涌廣場出名多嘢食,尤其係三樓嗰一間外賣台灣麵檔。屋企有四個人,買咗四款麵食,由其係嗰一款貴妃雞卷經常買唔到,今次好好彩,一見到有即刻落單,包裹著雞塊嘅表皮,軟熟柔韌,雞肉調味到位,甚有台灣風味,特色嘅沙茶醬配搭伴麵,非常合拍。肉燥拌麵調教都不俗,濃郁碎肉香氣四溢,肉燥係台灣嘅拿手好戲,同樣配搭沙茶醬相得益彰。台式最著名係蚵仔麵線,名不虛傳,材料夠曬豐富,一啲都冇吝嗇,麵線爽滑,湯底濃郁好滋味,添加少少微辣,食起嚟更加出眾。仲有一款大腸麵線同樣頂呱呱,肥嘟嘟的大腸,雖然邪惡,但係令你禁不住口,當你咬下去時,濃香汁液藏滿在你口腔,令你好有滿足感,湯底真係與別不同

葵廣嘅台灣小食，阿佳拌麵都算係數一數二。今日過黎呢頭做野屋企人千叮萬囑要打包返去佢地食，可想而知有幾大魔力，哈哈。蚵仔麵線(沙茶口味)。麵線嘅湯水濃稠度啱啱好，味道咸鮮均勻。最緊要係蚵仔數量多而且又夠飽滿鮮味，食到尾都仲有。肉燥拌麵。呢個真係好夠份量，流心蛋／肉燥／腌籮白同埋滷豆皮，再加上彈牙麵條拌上滷汁攪拌一齊食，份量夠晒我地幾個食。原味現燙魷魚。魷魚煮得入味軟腍，咬落爽口唔韌，不過就嫌佢味道咁好，但份量唔多夠喎，哈哈。爆汁貴妃雞肉卷&烏來烤豬肉腸。門面就係呢個一邊轉一邊燒烤嘅貴妃雞肉卷同埋豬肉腸，排緊隊就俾佢地嘅焦香味吸引，無理由唔買黎食啦。雞肉卷雞皮香口而且肉質嫰滑多汁，醬汁咸甜咸甜咁十分惹味。豬肉腸就烤得相對結實，肥瘦均勻但油香豐富，咀嚼之下肉味好突出。雖然外賣無現場即食咁滋味，但疫情關係避開一下人流都好啲嘅。葵廣出晒名小食多籮籮，等疫情過後如果要食勻咁多間，真係食足一星期都未食得晒。哈哈。

阿佳拌麵呢間店喺葵涌廣場已經開咗一段時間，成日都有人排隊買嘢食。所以今次一於去試一試！諗住做埋晚餐，一次過買埋屋企人份量，包括蚵仔麵線$38 + $5千頁豆腐蚵仔比想像中大粒，好香，鮮味十足，而且麵線裏面又有花生又有芫荽，味道突出，食落肚都幾飽肚。麵線質感細滑。貢丸+花枝丸麵線$38 +$5個質感比想像中彈牙得多，而且帶有鹹香，充滿台式風味。肉燥拌麵$38 如果鍾意食乾身嘅嘢，拌麵都係唔錯嘅選擇，全部面都已經平均有晒醬汁味道，可以選擇原味、沙茶、芝麻、麻辣等，原味都好有鹹香。裏面仲已經包咗漬物、豆腐等，麵質鹹香。肉燥比想像中有少少甜味，好match。

基本上嚟親葵廣都一定會食嘅呢一間。我至愛嘅係雞卷。其實都好想食香腸，只不過每次都一定食到好包，跟住就食唔落！今次外賣去朋友屋企，所以可以一次過買晒我想食嘅嘢！。雞卷。香腸。生煎包。蠔仔麵線：雞卷係一如以往嘅外脆，內嫩，肉汁勁多，好香，加埋調味粉，更加嘢味！一個人可以食到兩條！：咬住條香腸，真係好似帶返你返台灣夜市一樣！如果有黑椒味就更好啦！：生煎包$10三粒，其實真係好抵，又可以止吓想食生煎包嘅口癮，因為细細粒，唔會佔到個肚肚好多位：麵線真係估你唔到！真係意外嘅好食！唔知係咪因為外賣，所以佢比特別多湯，唔會返到屋企啲麵”朔”晒啲湯汁! 麵線最重要嘅其實都唔係個麵或者係裏面啲料，而真係個個湯汁！佢嘅調味係唔洗你自己再加什麼胡椒粉，醋或者其他調味料！配合埋麵底同蠔仔真係令你更加掛住台北真心，直得推介！ gogogo!

之前經過食個一次🌟貴妃烤雞卷 ，覺得驚為天人甘好食，雞皮烤到微焦香，一咬肉汁四溢，後尾上網買過類似現成急涷產品，但品質完全唔可以比擬😮‍💨所以今次留肚特登嚟食多幾樣野不過當日現場人流好多，所以買完外賣就上車慢慢嘆🌟搖滾四品拌麵 四品係花枝條、貢丸條、䓤魚條、豆腐 ，揀左麻辣口味，辣度大概係中小辣，麵質彈牙有咬口🌟台滷日本流心蛋 將呢隻入味滷蛋放上拌麵，濃密嘅蛋液蘸上麻辣麵條食，更加惹味🌟夜市魚蛋 有7粒，揀咗海苔口味，粒粒都脹卜卜，口感軟彈🌟台南生煎包 一口size有3顆，想扮淑女所以咬一半，點知一咬就爆汁噴到成臉都係，好在拎到上車無甘熱咋，估唔到入面甘多湯汁，真心好食，我食咗2顆洩憤🌟烏來烤豬肉腸豬肉結實微甜，咬落有勁道🌟古早現燙魷魚 要咗沙茶味，魷魚爽脆，燙得剛好，呢樣要即刻食，如果外賣拎反屋企再翻熱，口感一定會遜色好多總結🌸幾款夜市小食都好有特色，尤其雞卷同生煎包，行過必食

葵廣既美食種類真係花多眼亂，最後選了這間台灣小店，就是為了重溫地道台灣味，於事外賣了拌麵和小食回家慢慢嘆！平民價錢，但有著台南的風味美食。蚵仔麵線同拌麵款式都幾多，拌麵有共有四種醬汁可以選擇，包括原味、沙茶、麻辣同芝麻，而麵線都係比較常見嘅，例如蚵仔、大腸、貢丸、花枝丸。。外賣了拌麵*2,蚵仔麵線和小食回家慢慢嘆！貴妃烤雞卷外皮烘烤得香脆，一咬開真係好多汁，與內層嫩滑的雞肉成強烈對比，雞肉口感紮實，香口得來又juicy！試咗一個7號搖滚四品拌麵（麻辣）咩都有D，配有醃蘿蔔同滷千葉豆腐。魚肉條彈牙爽口，豆腐乾有咬口同埋幾滑，唔會太鹹～加左5蚊魚旦，有4粒。另外試咗一個9號台醬牛肉拌麵，唔係剩係得牛肉咁單，調配有醃蘿蔔同滷千葉豆腐，牛肉軟腍很入味，味道好濃，拌麵很有彈性，而且非常入味。台灣味道！蚵仔麵線加大腸，蒜蓉同埋芫荽都好足料，湯汁酸酸地，好似真係喺台灣食到嘅咁，蚵仔細細粒，搭配麵線湯食很鮮美呢！P.S. 拎到番去仲好熱^^

葵涌廣場有咁多美食 呢一間係我首選 點解呢間係我首選呢 一定有佢原因 喺呢度我搵到喺台灣夜市嘅感覺！！貴妃雞卷牛麵個貴妃雞係即刻烘 肉汁鮮嫩 每一次都要買 佢配埋個炒麵咁就可以當一餐真係好經濟實惠個醬汁仲可以揀原味 芝麻 同沙茶 今次我揀咗沙茶個味道真係好夾好惹味另外叫咗兩份雞卷 食得好滋味佢係比較濃味另外再叫多份烏來烤豬肉腸拌麵 台灣腸真係非常之好食最後試埋日本流心蛋 真係煮到啱啱好 剛剛好流心 yummy 會再嚟encore

葵廣小食越開越多，不過我覺得主要分為2大類，口痕類/飽肚類。相對上，飽肚類性價比會高好多~ 喺無得堂食嘅日子，經常會一次過買幾盒返去同屋企人當晚餐~貴妃烤雞卷$25烤雞卷放正喺正前方，諗緊食咩嘅時候，一定會聞到陣陣香味！所以總係會俾佢吸引咗！外層係烤到香脆嘅雞皮，包裹住嫩滑嘅雞肉，當做小食一流～迷你生煎包$20迷你生煎包仔細細粒，有啲似小籠包，造型可愛～外層烤至金黃，皮身夠薄，一啖一啖方便易食～臺灣牛肉拌麵$35牛肉份量夠多，大大件，拌麵會配埋3件豆腐同酸蘿蔔，可選：原味、沙茶、芝麻、麻辣醬。而我就揀咗沙茶醬，沙茶醬入口惹味，唔會太鹹，非常適合用黎拌麵，大腸麵線、蚵仔麵線$38媽咪一向鐘意食幼麵條，所以麵線就最啱佢喇！大腸夠腍入味，脂肪入口即溶。而蚵仔則比想像中大粒~兩款麵線和湯底非常相配，可當成麵食亦可當成湯羹～📍📍📍📍📍📍📍📍阿佳拌麵葵芳葵富路7號葵涌廣場3樓303F號舖📍📍📍📍📍📍📍📍

葵廣作為一個平民美食集中地，簡直係掃街首選🤤。好耐冇嚟葵廣嘅我，當然要食翻過癮先啦‼️上到3樓，第一眼就先相中咗呢間台灣小食店🇼🇸，晚飯時段陸陸續續有好多人過嚟排隊，就知道餐廳都好受歡迎👏🏻。我就買咗好幾樣小食，同屋企人開心share啦💕排隊嗰陣，見到幾多人都有叫呢個貴妃雞烤卷🐔，係店內人氣Top No. 1🏆！雞卷會喺光波爐上慢慢烤熟，所以外層非常酥脆，雞肉肉質好嫩滑，唔會烤到好乾👍🏻。本身雞卷係$22 / 1個，不過嗰日好似有優惠🤔，所以$18蚊就吃到🤩豬肉腸🐽一樣都烤得好岀色！同普通台灣腸相比，佢偏向似係未風乾嘅臘肉腸🤣，keep到肉汁，好juicy，都幾令人驚艷🤓呢款生煎包係我媽咪最愛❤️，細細隻咁，係一口份量，熱辣辣，肉餡又多，$10就有3隻，都幾抵買🤣另外，沙茶醬魷魚🦑整得好濃郁，醬汁一D都唔啖。除咗沙茶醬外，都可以揀醬油或者麻辣味～除咗小食之外，我都點咗一份小店嘅招牌拌麵，價錢都好相宜，份量又多～😌配菜就有千頁豆腐同酸蘿蔔，再額外加多個台滷日本流心蛋（$15），撈埋一齊吃好鬼正，每一啖都拌有一撕撕嘅鹽水雞，真心推薦😋如果大家行開葵廣，又想食台灣小吃，不妨去呢間小店覓食下啦～

時間過得飛快，對上一次最近去台灣已經係3年前了，手指數數已經咁耐冇去過旅行q_q你話唔掛住就假既，但興幸係，香港有美食天堂之稱，你想食乜就食乜，而台灣夜市，葵廣三樓就有一間。佢就係阿佳拌麵，聽個名已經有幾分台味，裝修亦都同樣，以鮮明紅色字作招來。有圖有真相，不自於幻想遠睇以為係台灣腸，但其實佢係人氣最高既貴妃雞卷，充滿夜市味道！烤完仲可以撒上調味粉，三種口味選擇，我就揀左紫菜味~外皮非常香口，內裡既雞肉嫩滑，如果中意食雞皮就一定要嗌啦！古早現燙魷魚，口感同玻璃魷魚差唔多，香滑彈牙，調味好出色，香濃帶少少麻辣感，滋味又惹味！台醬牛肉拌麵，嗌左麻辣味再加左份夜市魚蛋，麻辣拌麵勁香口，好有後勁，嗜辣人士必嗌，麵質偏軟身可以掛到汁，牛肉煙韌，醃得幾好，魚蛋頗有驚喜，入口好彈牙，而且好鮮香，下次黎一定嗌一份！肉燥拌麵配沙茶醫，另加鹽水雞，雞絲份量多，味道冇咩驚喜，豆腐超軟滑，帶微微咸香，而肉燥幾出色，肥肉唔多而且咨香味十足，令整個拌麵更豐富，而沙茶醬岩晒中意濃味人士～2份拌麵望落雖細份，但食落好飽肚，性價比好高！

為食同事經常屋企都冇飯開，收工又比佢引誘到去葵廣掃街，公司距離葵廣太近都並非一件好事食完又要還債喇今日同事帶我黎阿佳拌麵，推介我試下呢度嘅雞捲。疫情過後人流多左好多，所以我地決定拎外賣去旁邊嘅新都會解決喇。同事重點推介嘅 雞捲 $22櫃位有紫菜粉/辣椒粉/椒鹽提供加調味。要讚一讚雞捲做到外脆內軟，啖啖肉咬落去仲非常juicy添。迷你生蒸包 $10/3 細細個嘅生蒸包一啖一個，包皮唔厚，都算幾抵食麻辣鹽水雞拌麵 $38 好彩麻辣味唔算太強，唔食得辣嘅同事都可以幫手食啲，因為實在太大盒😂至於味道就合格，如果再重口味就更好。另外盒內仲有2件豆腐，豆腐嘅質感幾特別，有少少蛋糕嘅鬆軟感覺同蛋香蠔仔大腸麵線 $38比起拌麵，同事更愛麵線，蠔仔份量唔少仲粒粒飽滿，店員仲加咗醋落去，令到整碗層次感提升同更鮮味添

太耐無去旅行，台灣既味道都就快忘記。朋友介紹呢間食台灣野好正。貴妃烤雞卷$18啲粉可以自己加，海苔粉好正古早現燙魷魚（沙茶味）$35呢個必叫，好入味可以自己揀唔同汁，醬油/沙茶/麻辣原味肉燥伴麵 加鹽水雞肉燥味道剛剛好，麵有少少鹼水味鹽水雞有好滑滑口感有四種醬汁（原味/沙茶/芝麻/麻辣）花枝丸麵線麵線份量剛好，酸酸味道，好開胃生煎包 10蚊3個好抵食外層脆卜卜，亦唔好煎得太乾，食起上黎都仲係好Juice

葵廣真係一個掃街勝地，咩野食都有，穿梭唔同樓層。我掃街既策略就係至少要有幾個伴，而呢幾個伴既肚一定要係橡筋肚，因為咁樣先可以同你share 無限既野食😆😆大家都係岩岩收工好肚餓，諗起呢間拌麵又抵食又大盒，絕對可以醫到肚，同埋好耐無去台灣呀🥺係台灣腸呀～🥰Menu 都多野揀呀，仲有唔同醬汁選擇。一於叫三個麵同一個小食share🤤朋友住葵廣附近好幸福，買完一堆就可以返屋企慢慢歎。古早現燙魷魚 HKD35我地揀左沙茶醬，超惹味。鹽水雞拌麵配麻辣醬 HKD38超爽呀呢個，越食越辣，好過癮🤩搖滾四品拌麵配沙茶醬 HKD38係花枝條呀，彈牙貴妃雞卷拌麵配沙茶醬 HKD38見到好多人都就咁買一條雞卷食所以我地都揀左呢個～果然好食呀。仲好細心幫我地切埋。每盒拌麵都有配豆腐同黃蘿蔔，豆腐好！入！味！下次再約掃街既時候可以試下麵線🥰期待！