阿佳拌麵

Open Now

Now Closed

嚟到葵廣梗係要嚟掃街啦呢間阿佳拌麵係當眼位趕時間既我一於買外賣返屋企食呢間係食台灣野，選擇都幾多，有唔同嘅拌麵同埋麵線，仲有台灣腸等等添我就叫咗原味肉操拌麵，即燙魷魚，糯米腸同埋花枝丸麵線，原味肉操拌麵可以揀唔同嘅醬料，例如沙茶、原味，芝麻等等我就揀咗食原味拌麵嘅配菜都幾多，有糖心蛋，滷豆腐，肉燥等，糖心蛋超級好味，一咬蛋汁就漏出黎拌麵嘅味道都好夠，而且份量都幾大，$35性價比幾高花枝丸麵線，麵線真係有台灣嘅味道，好掛住呢～而且真係好大碗，建議女仔要share嚟食即燙魷魚，魷魚好爽口，我就配左沙茶醬～好濃味好夾

呢間台式小食店位於葵廣招牌白底紅藍字，洋溢著濃濃嘅台灣氣息呢！再加埋門面設計成鐵製手推車彷如置身台灣夜市呀🤩-🫔貴妃雞卷（$22）推介必食呀❣️外層烤得酥脆香口內裏包著滑嫩嘅雞肉咬落口感飽滿又多汁呢🤤🦑古早現燙魷魚（$30）揀咗加麻辣醬，惹味又爽口先辣後麻，醬汁帶小小甜份量唔算太少，值得一試呀💕🥡烏來烤豬肉腸（$22）烤豬肉份量十足比起平日食開嘅台式香腸長好多呢！咬落外脆內紮實，肉汁又豐富❣️香甜可口，台灣風味十足呢🥰🍜肉燥拌麵（35）有肉燥、溏心蛋、百頁豆腐及酸蘿蔔麵底又唔算太少，CP值夠高呢！百頁豆腐口感軟綿又彈牙溏心蛋生熟剛好，蛋香味十足🥚輕輕一咬，蛋黃汁就流出喇！而且係用咗日本雞蛋製成喔👍🏻整體嚟講都幾有水準只係略嫌肉燥唔夠多汁咋！

饞嘴的 BeautySearch，一向鍾情台灣夜市小食，每次到訪台灣必吃地道麵線，但在疫情下，要飛往台灣品嚐地道美食，相信還要等待一段時日……   掛念台灣夜市小食？其實也可以在港捐窿捐罅，務求一解口癮！位於葵芳的葵涌廣場，一向是場商版的街頭美食集中地，所以，BeautySearch 偶然也會專程到來覓食。因為太掛念台灣的麵線，所以今次揀選了位於廣場 3樓的《阿佳拌麵》。麵線當然是首選，我選了蚵仔麵線。雖然蚵仔不及台灣大粒，數量也不及台灣多，幸好蚵仔蠻新鮮，沒沙粒也沒有腥味，而且湯底質感像芡汁，還帶有鮮味，相信是添加了鰹魚粉；麵線口感Q彈，外賣回家也沒有出現溶爛問題，相當不錯。路過時，見不少食客也拿著一串貴妃烤雞卷，來到店子，看著眼前光波爐不斷轉動著貴妃烤雞卷，忍不住，也買了一串來嚐嚐。食客還可自由添加味粉，我當然選了有助提鮮的椒鹽粉。吃時外皮香脆，內裡啖啖肉，而且肉嫩多汁，相當味美，難怪葵廣內不少食客都手持一串貴妃烤雞卷。除了貴妃烤雞卷，還有台南生煎包都是叫人忍不住的即食之選，加上生煎包的體型較少，兩口便吃完，蠻方便！而且皮薄底脆，一口咬下還有點點爆汁效果，熱食更滋味喔！店子名稱叫《

這間在葵涌廣場頂樓的亞佳伴麵，看到成日都不少人買外賣，朋友想食台灣小食就諗起過來買外賣，價錢都幾抵食，份量不少。烤豬肉腸，好香口，皮帶點脆。五香糯米雞卷，糯米好淋身入了雞汁香幾特別。貴妃雞卷味濃而且肉都幾嫩，最喜歡啖啖肉。生煎包三個小小的入面湯汁不少而且面又夠脆。古早現燙魷魚好入味，味道選擇了沙茶配上魷魚不錯。鹽水雞伴麵就要了芝麻，麵質幾彈牙而因芝麻所以好惹味，雞絲不少味道剛好，我再加了千頁豆腐味十分濃郁，配鹽水雞一齊食好味而且份量仲要都幾大份。

好耐冇去過呢個商場，好耐冇去過葵芳，耳環蘭桂坊都係想去呢個商場，因為好多小食，好多食物，今次就去咗呢間阿佳，專食台灣街頭小食！見到門口嗰啲簡陋裝修，都好似台灣嗰啲街邊檔咁，都唔錯，見佢哋一直用光波爐燒緊啲雞卷，不過因為我唔想食雞皮卷，所以就冇食。今次食咗佢哋個香腸，一條香腸要$20 ，對台灣人講一定係天價，不過對香港人都係天價～香腸來講好一般，就係比較多脂肪嘅香腸，外皮比較趣口，其他都冇乜特別，整體算唔錯，唔難食，又唔算好突出，唔算勁好食，中等

到葵涌廣場，掃場覓食，結果，當然買了很多美食，打包回家，逐様慢慢来試，覺得“阿佳拌麵”最有台灣夜市風味，看門面完全是，台灣夜市的店舖打扮，而且，也很抵食，需要排隊，但是，等了不是很久。最開心是满满的装了一大盒，有肉腸和鹵豆腐，味道很好，很地道，麵可能放在包装盒内，焗了一段時間，没有那麽彈牙，這個應該不關店舖的煮食功力。其他的食物，都是在葵涌廣場内買，但不是“阿佳拌麵”就不作介紹。但是，葵涌廣場是绝對掃食物好去處。

小食店嚟講雞卷都算係新奇，我食咗一條，真係非常之美味，佢醃得好好味。 不過，一拿到食物，我第一時間放入口，實在是太過熱了我的口腔未能適應他的溫度。 20蚊一串也不過不失，我會再吃。

呢間舖頭賣嘅全部都係台灣夜市嘅野食，香港好少舖頭會買台灣嘅小食，嚟到呢度一定要食佢嘅雞卷，佢嘅雞卷係由雞皮包住一啲雞肉，卷到佢好似一條腸咁樣，超油但超級香，如果想食得方便啲嘅話，記得提佢幫你剪開

好懷念台灣夜市的美食但又疫情沒辦法去，來葵芳尋找一下台灣古早夜市的味道。葵涌廣場的阿佳拌麵，招牌都用上白底紅藍字，店面充滿台灣夜市的味道。主打拌麵，近十款之多，都是台菜常見的美食。拌麵有四種醬汁可選：原味、芝麻、沙茶、麻辣，還可追加鹽水雞、千頁豆腐等。我今次點了花枝丸麵線、貴妃雞卷。花枝丸麵線，花枝丸彈牙有咬口，而且都將入味。麵線方面，最喜歡佢哋醇厚嘅湯底，由小魚乾、蝦乾餚製，每一口麵線都被湯汁包含，好滿足。貴妃雞卷，外面烤得脆香，裡面雞肉嫩滑有肉汁。

我係試深水埗西九龍中心分店OpenRice 未有，唯有喺呢度寫食評一個人食飯，見西九龍中心小裝修咗，加咗一排食店，其中一間，就係阿佳拌麵，而且上食評見葵芳店評論唔錯，就揀咗佢啦！叫咗個$35嘅貴妃雞卷拌麵外觀：拎到盒麵，啲麵壓到實一實，明顯係微波加熱份量適中，有啲醃黃蘿蔔，雞卷有少少燶，不過可接受味道：雞卷味道唔錯，不過唔夠滑麵有色冇味...應該係有，係鹼水味醃蘿蔔唔夠味豆腐唔錯，彈牙，鹹但唔過火，不過似現成街市包好嘅滷豆腐不過呢個價錢，要求唔太高，呢盒麵都合格嘅，但唔會encore

係香港如果要搵一個點最似台灣夜市既，我一定會揀葵廣！ 食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)阿佳拌麵，超超超有台灣味既一間店淨係門面都已經值得幫襯，台灣夜市風，就算係廣場入面都好似係街頭夜市咁賣拌麵同貴妃食卷台式小食，相當吸引貴妃雞卷原味拌麵，想一次過試兩樣慳返食量，拌麵賣相真係好吸引伴菜滷水豆腐，滷水味好濃，好嫩滑幾好味原味拌麵，賣相正但食落無乜味貴妃雞卷，相當正雞肉嫩而多汁，味道好味，滑到好想係咁食，配埋拌麵幾正總括嚟講貴妃雞卷>>必食！拌麵>>ok啦！分開叫會好好多但個人認為淨係食氣氛同台灣感覺(fu)都抵啦#係台灣我都係狂食雞卷好正#如果佢講國語會更有fu

阿佳拌麵已經好耐冇食過，今次再去食翻依然係咁好食🤤大大份味道好夠，而且選擇好多，除左拌面之外仲有其他小食可以嗌，不過今次仲想去其他鋪頭食其他嘢，所以就淨係嗌左一份拌面。1⃣️招牌肉燥拌麵（$35）有得揀原味、沙茶、芝麻或者麻辣醬汁，揀左麻辣味。味道唔算係好辣，但係覺得有少少辣反而更加惹味😋配料有肉燥、溏心蛋同埋豆腐。拌好之後，每一條麵都沾上麻辣味加肉燥粒，好夠味好好食！另外溏心蛋好流心🤤

早幾日放工後自己去左葵芳食野同夾糖，一早已經鎖定左要試呢間阿佳拌麵😂因為想食飯，所以叫左個貴妃雞卷拌麵轉飯（其實我掙扎左好耐要招牌肉燥定貴妃雞卷好🙊）但見好多人話貴妃雞卷爆晒汁好好食，所以今次就試左先～等左兩三分鐘就有，旁邊有D海苔粉／胡椒鹽可以自己加👍第一啖梗係試左貴妃雞卷先啦！但係。。。唔覺得有其他人講到咁誇張咁好食😅個人認為雞肉係算滑但不至於爆汁，肉既裡面連住啲肥肥地既皮／筋位去增加口感同香D👍外邊雞皮有少少乾但唔脆😅反而個豆腐入味兼彈牙，好食！😋加埋D黃蘿蔔幾好送飯～就咁望我以為無乜汁，但原來底下好多甜醬油，所以愈食愈濃味😂不過呢間係極少數我食完基本上完全唔口渴既餐廳，感覺真係好台灣零味精👍👍下次會試埋招牌肉燥，可能揀配沙茶，試返台灣特色醬汁😁

📎台式生煎包生煎包溫度唔夠熱，只稱得上係暖🥺裏面調味好足夠，有輕微嘅肉汁，食得出有胡椒同埋薑嘅香味🤤如果係熱辣辣嘅相信會更加正🤟🏻📎糯米卷糯米卷啱啱炸起非常之熱👍🏻糯米飯煮得入味，口感軟糯😬外皮炸得非常香脆，可惜糯米卷入口非常油膩，相信係炸過之後冇滴走啲油😅一到食一路啲油喺個口裏面滲出嚟，食完之後非常之膩。今次買嘅兩款食物都相對有啲失望🤔希望下次可以再試過睇吓會唔會有改善🤓

搵唔到第二間甘正既燒雞卷 疫情期間，只敢留家煮飯，唔敢去餐廳幫襯，食到個人收晒無返好用。而家終於可以去葵涌廣場，幾時都話想掃街一定要去葵廣，食飽又可以行吓街，葵廣三樓絕對係一個best option. 呢間阿佳拌面既雞卷係我每次經過必定幫襯，次次都係咁多人，有時仲要排隊，但係佢個雞卷真係不得了，皮脆多汁，雞肉味濃，唔似其他鋪頭既雞卷用肉漿充假，外面塊皮仲燒到脆卜卜，呢條雞卷入面啖啖肉，配埋紫菜粉，真係一絕！🥰🥰🥰食完梗係去隔離買埋嘢飲啦