阿佳拌麵

Open Now

Now Closed

來到葵廣閒逛，逛著肚餓要醫肚，大家定必會要頂層掃街吧？筆者也不例外，來到葵廣的頂層尋找美食。葵廣頂層有眾多不同種類的小吃，筆者今天被「阿佳拌麵」這個招牌吸引着，紅白藍的燈牌，極富台灣風情。雖然現在不能到台灣旅行，但買點台灣美食來解饞，也是不錯的選擇。📍貴妃雞卷拌麵 $35餐牌上有多款美食選擇，因為比較餓，筆者點了阿佳拌麵「貴妃雞卷拌麵」。貴紀雞卷外皮燒得金黃酥脆，雞肉多汁美味。拌麵中有配料「百頁豆腐」，豆腐吸收了醬汁的味道，好吃。拌麵有4種口味供選擇，分別是原味、沙茶、芝麻及麻辣。筆者嗜辣，點了麻辣口味，麵不算太辣，帶點小麻，味道適中。而麵質就有點像港式車仔麵中的粗麵，但這裡的比較滑和淋身一點，配上附送的黃色醃漬蘿蔔絲同吃，非常惹味。拌麵份量原少，以$35美味之餘更可以飽肚來說，實屬難得。👅 味道：5/5💰CP值：5/5🕴🏻服務：5/5🔰餐廳環境：4.5/5🍽 餐廳：阿佳拌麵🌐地址: 葵芳站-葵涌廣場3樓303F號舖

阿佳拌麵開咗咁耐都未食過，虧自己自稱食遍葵廣，真失禮！所以，今日點都要試吓佢啲拌麵，然後寫食評。其實呢！之前幫屋企人買過幾次外賣，試食過一兩啖嘅，今日要再認真啲。阿佳冇堂食，只可以外賣。人多排隊時，成日會阻住吉野家門口。😅買完要企埋一邊食或者直接拎返屋企。環境真係唔太理想，但鬼叫你好食咩？搖滾四品拌麵 （麻辣）平日幫屋企人買開沙茶味，沙茶醬香口，唔辣，但個人覺得鹹咗少少。今次買嚟自己食，一於買麻辣味。麻辣最重要係比例，麻味、辣味要平衡，唔可以偏向一邊太多。阿佳係難得做到平衡，麻味香濃，辣味出色，越食越開胃，一口接一口。 今日點咗搖滾四品，所謂四品，即係花枝條、豬肉條、魚肉條、鹵豆腐。當中以鹵豆腐最入味，豆腐嫰滑，份量都好充足。花枝條，豬肉條，魚肉條，味道、口感都差唔多，彈牙可口。今次買多一盒，放响雪櫃留返第二朝做早餐，翻叮嘅味道，口感同即食差唔多，可見水準唔錯。見過好多食評都話佢嘅貴妃雞卷好食，甚至比拌麵出色，一於買埋！可惜…… 今日竟然冇貴妃雞卷，取而代之係五香糯米雞卷。佢個口感、味道都似糯米雞翼，除咗外層有少少五香粉。雞卷外皮烤得香脆，肉質鮮嫰，有肉汁，加埋糯米飯好飽肚，細食嘅女士

雖然不住同區但每隔一段時間都會去外賣雞肉卷，蚵仔、大腸麵線……，全港找不到有更美味的麵線，全家人都一致讚好味！價錢公道，看得出小店很乾淨，值得推薦的美食，絕對不要錯過。

每次去葵廣都必食之選，雞卷多汁外脆，食極唔厭，最近多左蚵仔面線，試過都不錯！係排隊耐左小小，不過食到好味既野值得的！因為晚市無餐廳可以堂食，外賣一份肉燥拌面返去當一餐，平靚正！

去到葵廣頂層，可以考慮幫襯呢間賣台灣美食的小店😝可以自己配餸的拌面外，仲有夜市魚蛋🐟同招牌雞肉腸🐥雞肉腸，20蚊1條！以份量黎講好似有d貴，不過食落都幾足料，咬落有d食雞脾嘅感覺...即叫即烤，小心燙口💥魚蛋10蚊1份，有4款醬汁可選，要辣要唔辣，任君選擇🤔

大家去過台灣都知道 呢間同台灣西門町個間 同出一轍 應該唔同老闆掛😬我覺得呢間反而種類比台灣個間食物比較多 我中意食佢既面線 呢個同台灣個間比較相似 另外肉燥飯 唔係太特別 無太大驚喜

又嚟到覓食葵廣嘅時候喇！其實每次嚟都好想試下阿佳拌麵，不過之前食過其他食肆嘅台式拌麵都覺得唔好食，令到我有啲卻步😓但由於最近無堂食，加上為咗填飽個肚就試下啦😌#鹽水雞拌麵 $35 8/10———————————呢到有得揀原味、沙茶、芝麻同麻辣味，今次我就揀咗沙茶😳。就咁睇兜嘢黑蚊蚊好唔吸引，同埋我以為係凍食，原來係熱辣辣㗎😂麵條係粗麵，同車仔麵嘅油麵差唔多，質感就似意粉。鹽水雞以雞絲形態出現，份量比想像中多，唔錯👍🏻另有幾嚿豆卜（其實應該係蜂巢豆腐？）嗦晒沙茶醬，好入味！唯一唔好嘅地方係沙茶偏鹹，一定要買杯嘢飲解渴先得😣

阿佳拌麵 @ 𝘬𝘸𝘢𝘪 𝘧𝘰𝘯𝘨 - 𝘢𝘷𝘦𝘳𝘢𝘨𝘦 𝘛𝘢𝘪𝘸𝘢𝘯 𝘴𝘵𝘳𝘦𝘦𝘵 𝘧𝘰𝘰𝘥🧐👧🏻_葵廣一日遊💛相信有去葵廣掃過街嘅都知道最高嗰層有一間專買台灣小食而且開左好多年嘅小店（肥Glor中學已經試過佢啲小食💁🏻‍♀️唔好問我幾多歲😽）🌟台南生煎包3個 $10賣相望落真係唔錯 但係食落就有啲失望 個皮硬得嚟又冇煎香左嗰種脆口嘅感覺 而且入面嘅豬肉餡料少得嚟又冇肉汁😿🌟古早現燙魷魚（醬油/沙茶/麻辣） $30本身以為佢現燙嘅意思係新鮮魷魚 原來係鹼水魷魚 肥Glor兩種都鍾意食所以覺得口感還可以喇 但係對於啲唔鍾意食鹼水魷魚就唔建議試喇🙌🏻醬汁方面我地揀左沙茶醬 個人認為鹼水魷魚配沙茶醬簡直就係完美組合😹唔知大家有冇同感呢？🙉

由於住得近 成日都會去葵廣掃街😉.葵廣最頂層嘅小食街真係一次過滿足你幾個願望台灣小食之中 最愛就是這家阿佳拌麵.🌀貴妃雞肉卷拌麵.雞肉捲真係超juicy雞肉捲係用雞皮包住雞肉後再用光波爐度燒到外皮香脆!🤤.裏面嘅雞肉仲係非常嫩滑 而且鎖住d肉汁我覺得比台灣腸更加好食!附送既百頁豆腐好滑 同都幾入味💓.

葵廣小食，聞來已久，卻從未探究。疫情也不知是福是禍，造就機會前來，生活是苦，總要安撫一下自己。來到葵廣三樓，果真如劉姥姥入大觀園，大開眼界。在市道如此低迷，不少食店都大叫救命之時，葵廣依然人流不絕，長龍店依然大排長龍。今次來到其實有目標的，只是到達三樓被眼前的烤雞捲留住了。小店格局，店名似乎是拌麵為主。我卻只為雞捲。門前有光波爐在烤，看似新鮮熱辣。點餐以後，以為老闆會現燒現賣，原來有一些已燒好的，還好還是熱。有味粉可自行調味。雞肉汁是有的，但調味單薄，味粉是必須的。雞皮是脆中帶靭，雞肉鬆散，吃上來頗狼狽。相信是雞髀扒改刀起出雞皮，然後用食品膠水黏合而成。整體而言，其實作為小食來說，還不錯的，若能改善調味及雞皮的問題，相信更佳。

認住呢個雞卷‼️攪到我囉囉攣左呢個禮拜想買光波爐😡但我後尾放棄咗，原因一個雞卷只係買💲1️⃣6️⃣，完全唔值得買一個咁大既爐😂我真係一個精明既消費者🤷🏻‍♀️唔知大家今日收到政府果一萬蚊未呢？大家又會點用🤔爆汁貴妃雞肉卷（$16)雞皮包住嫰滑既雞肉響光波爐上面燒，雞皮烤到卜卜脆，一啖咬落去，肉汁響口入面爆開，即刻成嘴都係雞味🤤保證食完發夢都會諗返👍真係好大個爐，買咗返屋企真係唔知放邊🤦🏻‍♀️有d野真係寧願出去買黎食

Don't think it's like taiwanese type food you're going to be quite disappointed. Ordered the original flavor noodles with the Chicken sausage. The noodles flavor was a kind of sweet soy sauce... Noodles weren't chewy and AL Dente like j was expecting for taiwanese noodles. The chicken was cold. Yeah wasn't very good.

兩間分店都試過，質素都好好本人最鍾意佢哋既台灣百頁豆腐，吾係度度都食到 夠哂地道台灣風味，必食之一，其他既食品味道都非常岀色，如果佢哋做埋飲品，例如一啲台灣特色既飲品就好，最希望佢地有多啲台灣既丸就好啦，例如花枝丸之類。

呢間拌麵係葵廣都開咗一段時間，今次掃街就叫咗一個貴妃雞卷拌麵😊😊雞卷入面都仲有少少肉汁，而且雞肉幾嫩滑，味道幾好，再加上啲面撈埋少少沙茶醬，成兜面都好濃台灣味😍

一到葵廣三樓，就被濃濃既椒鹽味所吸引❤️原來是椒鹽味充足既台灣雞肉腸！立即迫不急待買左黎試😌$20一條，香味同味道一樣值得一讚！首先個腸皮燒得好脆，入面有好嫩滑既雞肉味，正啊！而且佢熱辣辣，好香又易入口😀😀！雞肉軟淋淋，外皮脆卜卜，推薦！