Video
Telephone
55439535
Opening Hours
Today
09:30 - 21:30
Mon - Sun
09:30 - 21:30
Above information is for reference only. Please check details with the restaurant.
其實book mark咗大埔墟嗰邊間鋪好耐，但係都係冇事。跟住屋企人話市中心開咗新店，咁就一齊食晚飯。四個人，但係叫咗個五至六人餐都係$319。望住個餐牌就唔係好多款，起初都驚唔夠食，但係最後真係爆到要捧住個肚走。落完單之後，隔離枱個餃子同侍應講等咗45分鐘唔要。有少少淆底，見佢清左外賣單同已經過咗人潮，我哋入單嘅時候嘅話都唔算等得耐。先嚟肉餅，比我預期中係薄，佢似印度薄餅麵，雖然個餡唔多，但係都好食同埋夠肉汁。個韮菜餃煎到超脆，裏面就保持肉汁熱辣辣超好食。個炒麵就有以前細個係屋企食粥，嫲嫲炒油面嘅感覺。湯麵嘅話本身有少少保留，但係食完第一啖湯有幾得喎，佢有少少似湯羹嘅感覺，落左元貝仔，個湯勁鮮甜。30粒細雲吞，個湯有少少油，但係個紫菜就好好食，唔係得雲吞皮，個餡足料。海大冇特別，唔會過鹹已經贏咗。屋企人想食小籠包，點知嚟到個小籠包同想像中有出入，實在太飽食咗一個嘅話已經食唔落，因為食得太多碳水化合物。最後終於係蠔餅，勁鍾意去台灣嘅做法煎好囉。啲𤐶大大粒超飽滿，但個底比較多油，如墊番張紙格格啲油就會好啲。性價比超高，但係唔建議繁忙時間嚟食。
continue reading
阿霞餛飩麵(大埔分店)新裝修重開店，長期很多人排隊，點了一人套餐，包括有福建鮮肉小餛飩15隻，家鄉芛乾炆肉飯，合計$58元，人手不足製作需時，味道有家的感覺，中規中舉不差，下次再試鹵麵同煎餃再報告。😋
continue reading
#大埔雲吞 #阿霞餛飩 話說，其實我鍾意食 #鮮肉雲吞 多過鮮蝦雲吞🤭今次介紹呢間，係另一間我搬走咗都會返大埔食嘅餐廳🥰 佢哋啲雲吞皮薄，餡靚，好吃好吃～～餐廳位於大埔墟嗰邊，舖頭面積唔算大，座位唔算多，枱與枱之間有少少迫🤏🏻我最鍾意食佢哋個 #乾撈福建鮮肉小餛飩 $52/25隻細細粒粒雲吞，用大量麻醬撈，勁香口好味🤤每次都必叫😂另外 #香菇鮮肉餛飩 $42/20粒菇味好香，唔係間間做到🥹同樣都係皮薄又細細粒～個湯仲有少少紫菜👍#粟米鮮肉煎餃 $46/8隻餃子相對上會大粒啲，餡同樣足料而且餃子嚟講都唔厚皮❤️呢間無論餃子、雲吞都幾多款選擇，味道唔錯，有機會要試吓～
continue reading
喺大埔番工，近近地搵左間餃子店食LUNCH。星期一午餐時間好好彩唔哂等位可以直入。韭菜煎大餃子8隻 $45坊間有好多餃子店食煎餃都可以加配湯粉，但偏偏呢間就唔比加。如果佢餃子有荃灣餃子屋或者餃王咁大隻，唔加湯粉都可以食得飽，但佢D餃子無特別大隻，食10隻都唔飽啦😂我份人諗野就衰D，感覺似係想焗人叫飲品濕下個口或者消費多個餃湯粉食飽D。煎餃煎得幾靚仔，少少脆，菜肉比例大概1比1。不過幾油，如果唔飲少少野，真係會頂唔順😅。大湯餃子10隻$46雙拼+$2麵底+$10我揀左雲耳拼粟米，兩款餃都唔錯，個人偏愛雲耳餃，肉量較少，而且入口依然食到脆口嘅椰菜、餡汁鮮甜😋；而粟米餃肉餡實少少，但味道都唔差。湯底較清，飲落有少少紫菜味，米線偏軟，同譚仔米線口感無得比🤷。人均$50，可能我同同事都大食，所以食完唔會覺得飽😂。個人感覺食一次就夠，不竟附近仲有好多餐廳揀。
continue reading
西洋菜餃拼韮菜餃（湯餃走青），各5隻。盛惠$49。湯底是紫菜湯，有味精。餃子size不算大，但內涵扎實。多菜少肉，合本人口味。餃子皮沒有北方的餃子皮厚，但有點嚼勁。
continue reading