阿龍家廚

Open Now

Now Closed

平日Lunch嚟食，見佢都有啲人食下。同朋友兩個人一齊叫 「豬扒炒出前一丁」30秒左右就出餐，兩兜上哂嚟，完全無煙，已心知不妙。一放入口，完全唔熱，一啲獲氣都冇，冷氣再吹一吹凍埋。豬扒放係麵底下面，又係唔熱，炒都冇炒過。食食吓發現同行朋友嗰碟深色啲，我嗰碟就冇乜味又淡色，兜唔暈。兩餸飯都識搵嘢熱住啲食物，仲標榜自己五星級酒店大廚料理，我真唔知佢係酒店做開啲乜。Btw姐姐啲態度都麻麻，不過本身都冇咩expectation…成惠$53 無下次 。希望快啲轉手，唔好再伏人。

私房菜嘅意思係住宅式小本經營嘅食店，要事先book定枱，選擇菜式，等主人家可以好好準備只服務我哋一台客▶️ 花開富貴擺盤會唔會太精緻😍真係成朵花形狀蘿蔔切片捲起，咬落有層次酸酸哋好開胃▶️ 白玉葡萄原來係一粒粒冬瓜🍇唔講以為係車厘茄味道有少少過酸▶️ 椒鹽雞軟骨外皮炸得好酥脆乾身雞軟骨爽口似日式串燒嗰隻椒鹽味道重▶️ 涼拌海蜇🌶️————————-————————▶️ 雪蓮子桃膠螺頭燉竹絲雞湯每人一盅熱辣辣嘅湯超級多料，又豬肉又烏雞，仲有螺頭，完全可以當餸食🍲另外仲有滋補嘅雪蓮子、桃膠、紅棗、紀子雪蓮子、桃膠軟腍腍似啫喱湯底充滿精華，鹹中帶天然甜😋————————-————————▶️ 海皇石榴球最鍾意嘅一碟菜！外皮係蛋白做嘅，食落幾有質感入面包咗蝦仁、蘑菇、洋蔥、帶子等，成個巨型餃子咁🥟底部係天然南瓜湯，好配襯旁邊仲有條雕咗花嘅芥蘭～▶️ 金銀蒜粉絲蒸蟶子每條帶子都好長身面頭放上巨量炸蒜同爆蒜蓉，食落非常香口，配送粉絲蒸蟶子新鮮，彈牙得嚟又軟腍😙▶️ 清蒸大海斑好肥美嘅一條石斑🐠啖啖肉又少骨肉質彈牙滑身，簡單配上豉油香蔥已經好食▶️ 濃湯花膠絲浸時蔬奶白色嘅湯底配上翠綠嘅白菜仔🥬面頭一條條半透明花膠，軟

好朋友在官塘成業工業大廈開設公司，他對同一棟大廈2樓「阿龍家廚」的梅菜扣肉飯推崇備至。梅菜甜甜哋，扣肉入口即溶，又不覺油膩，必定留下深刻印象。試過之後果然如此，印象難忘。店主阿龍離開高級酒店後，開設「阿龍家廚」使一般客人也有機會嘗到高質粵菜之外，阿龍又可以大膽創造不同款式，獲得更大成功感。而且獲悉晚飯以私房菜模式經營，備有多款懷舊粵菜，更喜出望外。私房菜是泛指在住宅內小本經營的食店。它們不會有任何宣傳，而是靠口耳相傳。通常光顧私房菜之前都要預先訂位，容納人數一般不會多於10人。「阿龍家廚」完全符合私房菜的特色，更可容納30人。16人同枱享用晚餐也不是問題，因店主備有一張超大的枱面滿足客人的需要。今晚我們4人本著試菜的心態光顧「阿龍家廚」。當晚只有兩枱客人，顯得格外寧靜。老闆阿龍在上菜前到店面與客人談天說地，說說笑笑，令客人有賓至如歸。話梅翠涼瓜及金磚豆腐作為頭盤開胃菜。話梅特有的酸味加上凍涼瓜的微苦，非常醒胃。金磚豆腐被一層金黃色的脆皮包裹着，而且溫度控制剛好，不會燙咀，豆腐的豆香加上幼滑口感，正👍🏻。水牛奶花膠燉竹絲雞湯，水牛奶味道較一般牛奶濃，而幼滑度更勝奶脂高的奶，每人都有一隻原

高水準私房菜每一道都好明顯好用心特別推介西米露呢個甜品混合了西米 芋頭 芒果互相融合甜度適中蒜蓉帶子都好鮮甜炸蒜熟蒜黎好惹味但又唔會搶走帶子嘅鮮燉湯材料好豐富好養生滋補好好飲完全唔係味精湯真材實料啊

山友隊長生日攪食飯佢要食特色菜又唔鍾意去連鎖店所以真係好難諗又希望包場或者包房我地有三十幾人有d 唔夠座有d 要我地最低消費要包多一圍枱😅上網搵吓"私房菜"搵了幾間最後阿龍家廚係最快回覆最有交帶👍🏻其實上網見唔多評價唔多小菜相片我只係比佢門口字眼吸引咗每個項目菜式多選擇👍🏻👍🏻由自己決定冇限制我地三圍枱有不同款式菜龍師傅加一個助手就處理晒真心配服👍🏻仲要係每個菜上枱由前菜到甜品沒有一個差😋😋原來"龍師傅"係酒店跳出嚟😎所以菜式有些西式擺設環境光孟又整潔龍嫂親自招呼****每晚只招呼一位顧客****

政府禁堂食，成家人係屋企煮又煩又攰又冇水準，你眼望我眼，食到冇嘢好食！邊度都冇得去！決定訂翻上年食過呢個盆菜，估唔到水準不跌反升，材料好足！我哋成家老少7個人食到飽一飽！👍🏻👍🏻👍🏻數得出嘅有: 大大隻嘅8頭鮑魚、海參、花膠、柱㭪、冬菇、大虎蝦、鴨胸、家鄉炸粿肉、蠔鼓、發菜、枝竹、豆卜、羅白、西蘭花、芋頭… 唔知有冇數漏🤣 樣樣材料都係保持佢應有嘅口感同味道，應該冧嘅夠冧，應該彈牙嘅彈牙，要脆嘅香脆，唔會話好似出面嗰啲全部一夾爛哂，仲配埋個煲！電磁爐都用到！用黎打下邊爐都幾好用！哈哈！扺到爛！

呢幾年 年年生日唔係放題就自助餐 質素就每下愈況 今年唔想再比幾舊水食劣食填飽個肚 決定用相若價錢去book間私房菜 疫情下自己親朋戚友坐一圍 又闊落 真係好過出去迫頭盤就嚟左個勁靚嘅四小碟 雖然佢叫小碟 但都幾大碟下呢個真係好好食 脆度啱啱好  唔會硬到界口  唔會一浸油味  反而食到雞嘅鮮香  加埋啲椒鹽勁香口出邊食啲豬耳 一陣騷味 但依間 真係食到又彈又脆 調味適中 麻辣鹹香 做得幾正宗唔食唔知原來係冬瓜整嘅 一咬落去勁多汁軟甜 好似食緊提子咁 花開富貴 佢係醃蘿蔔嚟嘅 酸甜爽口  好清新 勁開胃  有驚喜 食完頭盤之後就會逐一起菜咁我就唔全部介紹啦 講幾個特色嘅 外面夠脆  裏面夠軟  唔會淡茂茂 或者好似食緊擦子膠咁 脆漿都包到實一實唔會甩晒呢個真係要讚 出邊脆卜卜  咬落去彈牙又香甜 最入邊仲有流心 真係好似食緊荔枝 但佢又唔係甜品嗰種 而係小食 估佢唔到 食私房菜都食到分子料理嘅感覺😂香脆得嚟  唔會咬落去成口油  或者有油抑味  配埋隻大蝦好彈口  用埋黑松露點綴  令蝦嘅鮮味更加突出我估唔到私房菜可以食到法國菜嘅feel  擺盤好靚  好好味炒飯粒粒分明  又唔會太

朋友介紹來阿龍私房菜食飯慶祝生日，當晩每道菜式都好有心意，👍餐前小食白玉葡萄，酸酸美味開胃，問師父白玉葡萄是什麼東西製作的，師傅話係冬瓜做，師傅真係好有心機做得好靚，大部份手工菜式，👍原隻脆皮糯米雞/師傅起晒全只雞D骨再讓糯米炸真系脆卜卜，👍石榴雞完全顯出師傅心機，👍👍👍連簡單的一個糖水湯圓都係師傅人手自己做食落同出面D完全唔同，超級好食，下次一定要再嚟，🎊🎊🎊🎉🎉🎉👍👍👍

今日中午目的係試吓新嘢，但始終一點周圍都人多，最後入咗去有位嘅阿龍廚房，反正未試過。入到去幾位姐姐都算熱情招呼，叫我哋隨便坐。見我哋一副未試過幫襯佢哋嘅樣，唔知點叫，佢又介紹左一下，話餐牌牆上貼的紙都一樣。至於d餐，原來佢每月一至三十一號都唔同餐牌。d餐牌主要每一日幾個係飯一個係麵餐。我叫咗個叉燒撈麵。加了三蚊要凍檸茶。而如果要湯的話就不用加錢的。碟麵都好大碟，係撈麵，濕濕地，夠熱，d叉燒又夠腍。d麵我幾鍾意，係幼版嘅鹼水粗麵，似乎比較少見，食落口唔錯，唔硬得嚟又爽爽地口。幾ok。埋單一人五十蚊，大大碟，幾抵，檸茶d檸又幾好味，d冷氣又幾舒服，可encore。

接缐的阿姐態度超差，其實已經不是第一次，不過之前忍佢，今日叫外賣，問佢是日例湯係咩，佢反話我，呢尐繁忙時間唔好問我，已經好多嘢煩，呢度又問嗰度又問！即時火起！你哋自己舖頭嘅餐單，自己唔清楚之餘仲要返鬧客人？咁忙你可以唔做例湯，亦都可以選擇唔接電話，咁嘅態度，唔通我係喺你舖頭度做知道你哋煲咩湯？問一句講咁多嘢，總之以後唔會再幫襯，不知所謂！PS,仲要死不悔改！事後係度話人！呢啲咁嘅店，真係唔會再幫襯！

大時大節一家人約食飯， 有大有細又唔想去酒樓同人逼， 想起同事們午市時有幫襯的觀塘私房菜-阿龍家廚， 決定比多少少錢，試下新野先。事先已經選擇好的菜式，一黎到就有得食， 爽。😎今晚最期待嘅係個湯： 仙鶴神針， 原隻白雞先去骨，再係入面包住d魚翅去燉，飲落去，湯有鮮味，而且d材料又唔會煲到冇晒味，係值得一試的手工菜。😋之後的菜式都有一定水準，流心百花球係流沙炸蝦丸，香口彈牙，咬落去真係有流沙。 震騰騰的東彼肉，岩晒食肉獸。 大大隻炒聖子， 夠火喉，惹味。 連最後個糖水揚技甘露，都豪不失色，絕對比得上糖水舖。👍🏻👍🏻我見成晚得我地一枱客，閒談得知， 原本阿龍家廚晚市只接1枱客， 所以食物可以保持一定水準。而且得一枱客，變相係包場，夠晒私隱，想静静地聚餐或者開party都係一個幾好既選擇。

食物素質一般，而且經常送漏送錯，然後等一個鐘都食唔到飯真係比佢害慘 ，打工仔得一個鐘食飯，完全唔理，唔休做，真係咁巴閉就關門大吉啦，垃圾阿龍，真心唔會再叫外賣，希望大家都唔好叫佢

其實幫襯過呢間都幾多次，Lunch成日嗌外賣，但送外賣次次都好遲，今次仲誇張，一個鐘前（12:30）嗌外賣，一個鐘後都未到，打過去追，話外賣仔送緊外賣架啦，15分鐘話後再打，話仲未到，有個女人接聽電話，完全無意慾check下外賣到邊，同佢講1:30前唔到就取消，個女人態度極惡劣講：唔洗啦！依家就幫你取消！跟住就cut線！再打返過去就話自己你老闆負責人，有咩同佢講就得！女人話：都幫你取消左，你仲想點就算你係老闆，你d野幾好食，咁既態度只係係到趕客！其實一個打工仔，食飯一個鐘，等就等左半個鐘，得到咁既回覆，唔嬲說有假！唔休做就咪開門啦😡

小弟因轉工關係 黎到觀塘，當然要四出搵好野食介紹啦。今次就黎到某工廠大廈入面既阿龍家廚（私房菜）話說幾日前都係食茶記，所以見到有住家飯，即刻沖入去試啦梗係。一入到去見到餐牌每日都會換，不過款式就比較少，但都菜式都大眾化既。3個人就嗌左3個餸，獅子頭，蒸雞，梅菜扣肉。首先黎碗老火湯，一入口就知唔係落味精，足料煲既，唔似外面的例湯。重點係無限添。呢個令我真係估唔到。餸我就唔每一樣都介紹啦，味道岩岩好，住家味，唔會太濃同淡。份量就比較少，唔夠食，不過可以添飯同湯，所以就夠食既。總結，價錢都係4x 每位，底到爛！寫食評我有唸過好唔好寫既，因為位置不多，唔想介紹完就爆多人黎食，令我要等位講笑姐當然，有好野就要分享啦！

在觀塘覓食是一種樂趣，有食之不盡的上樓隱閉小店，有很多時會發掘到驚喜。從易拉架見到此店，知道是新開，便來一嘗。這店小小，幾張圓枱。每日提供幾個例牌午餐，標榜賣點是用金鳳米。第一次來，就試試招牌梅菜扣肉。貴為招牌，期待是會高一點。簡單來説，不是立即有「嘩」的感覺。可以說是不過不失。最主要是肉質可以再嫰滑一些，這樣肥瘦兩部份會更「和諧」。另外，汁也可以多一些來送飯。附上的西蘭花可見餐廳對均衡飲食的重視。下次有機會會再試其他菜再來寫。