陳儀興牛什粉麵茶餐廳

Open Now

Now Closed

「陳儀興」以潮式打冷聞名，但原來還有間吃地道粉麵、牛腩很出名。剛好來到秀茂坪附近便去了位於山上在安泰街市的陳儀興牛什粉麵茶餐廳。裝潢一看就是很地道的粉麵店，店面光猛且乾淨企理。午市前時間過來已經很多街坊熟客，不論是堂食還是外賣都人來人往。牆上有食物照片可以參考，問店員推薦也是可以的喔。店員推薦必食的是 崩沙腩 (HKD 125/淨食)崩沙腩是牛腩中最稀有的部位，是牛的橫膈膜。因為很好吃的關係很快會賣光。筋膜帶肉吃落口感軟腍亦頗有嚼勁，肉味非常濃郁。而且這裡的腩汁讓味道更豐富一點，不會很鹹但足夠惹味，還有生菜底。牛什粉麵餐 (HKD 65) 選了牛肚 + 雲吞 + 幼麵。牛肚入口彈牙還很入味，雲吞吃落有大地魚香亦很飽滿，蝦也很鮮味爽彈。麵條沒有鹼水味，吃起來口感扎實得來又有嚼勁。套餐有菜，選了 腐乳通菜。濃郁的腐乳很鹹香惹味，配上爽脆的通菜非常搭。餐飲點了 凍奶茶 (+HKD 8) & 凍檸水 (+HKD 3)。

真心要出個食評讚下，日日食，都咁有水準每次黎必叫套餐，二人份有碗麵有小食，牛腩仲有好多選擇，崩沙腩、坑腩、肥腩同瘦腩，真係識叫就會叫碗崩沙腩，如果唔係遲少少都賣晒! 有緣先叫到架!陳儀興嘅牛丸都係超高水準，多汁彈牙，不得了! 必定要加紫菜同辣油，茶餐廳必落!小食可以叫炸魚皮就一定叫埋，我同事最愛炸魚皮加碗清湯，浸浸佢仲好食個個lunch hour都會黎食，地盤佬sssss一埋，就證明有幾好食!!!!!!!!

有間香港人情味餐廳是我喜歡的粉麵至愛💓老街坊都常幫襯， 而且最喜歡食淨食，牛三寶 ！其中大愛「新鮮牛坑腩」（淨食）牛味非常濃郁，因為有牛骨的軟膏，有兩層口感，不會覺得肥膏過膩的感覺！同朋友一齊品嘗特別有風味！除了牛牛，更要加碟油菜，豐富又美味可口陳儀興牛什粉麵有兩間分別在旺角及觀塘，我兩間都去過， 由於最近搬左在觀塘，我去了觀塘食， 店舖都一樣舒服企理， 老街坊的平靚正美食之選！陳儀興牛什粉麵地址：觀塘安秀道20號安泰邨安泰商場地下低層11號舖

今日經過呢間陳儀興粉麵，相信大家對呢個名都唔陌生，佢係在新蒲崗做打冷既，開頭都想食牛腩河，但係好似食飯會比較飽啲！就叫個牛腩飯，五香牛腩做得幾好，非常之入味亦都冇渣，但係個飯就有啲生米，奶茶一般啦！奶茶嘅餐具比較殘舊！

今日心血來潮想食啲地道港式小食，就揀咗陳儀興搵食咯！一入去就叫咗碗雲吞牛腩雙拼麵，老公就點咗牛丸雲吞河。先講下雲吞，真係一啖正！蝦仁鮮甜到喺咀裏面七彩閃，雲吞皮都滑嘟嘟，正啊！嚟到牛腩，腍到化咁入味，啲腩肉粒粒分明，有啖有啖放喺麵上，一夾起就卜卜聲，好過癮喎！😋老公既牛丸更加出彩，彈牙爽口，一咬下去就知道新鮮製造，點點辣椒油，一流！河粉滑溜溜嘅，配上菜心清甜，好過癮嘅一餐！👍🥬啲嘢食真係好一流，客人爽朗而家倍感溫馨。下次黎街市，一定要再嚟幫襯啦！這裏真係求其走過都會中意嘅一間好地方。👌

想秀茂坪探親戚，到走時肚空空，去到屋邨街市既揾食。見到呢個陳儀興粉麵，就走入去試下。我同老婆叫左兩碗粉。我叫左雲吞牛腩雙拼麵，老婆又叫左牛丸雲吞河。牛腩有咬口，牛味香，雲吞雖然唔係好巨大，但勁鮮味，麵又好爽口，比一般粉麵店好唔少。老婆話牛丸好彈牙，河粉滑漏，口感十分好。我地幾肚餓，再叫多個炸魚皮油菜，送粉麵是完美組合。值得一提既係呢度既職員好友善，比人感覺親切，食野都開心啲。如果你嚟開呢頭，我推薦嚟呢度食野。

話說都食咗幾年喇一路覺得其實食物就麻麻哋，但係見咁多年食得慣咗，前幾日落街食，未試過咁嬲，叫碗雲吞河，可能係新政策，佢哋將啲雲吞擺喺底，我撩左兩下見搵唔到咁我咪問吓店員囉點知個某店員呢就大大聲咁樣同我講「擺咗喺底囉」其實呢一刻我仲接受度，然之後無啦啦嚟一句，「仲話無」其實嗰一刻係超級傷心都唔知邊個先係客，利申一點：我問店員嘅時候態度正常沒有不雅用字😅其實有時又唔使咁多嘴嘅，我問你你咪答囉，使乜多把口啊

星期六放假～去左秀茂坪探中學同學，因佢生左小朋友。天氣比較熱，又未食午餐，去中學同學屋企前係安泰村街市食粉麵。陳儀興牛什粉麵茶餐廳～環境光猛乾淨，坐得舒服，侍應姐姐有禮。餐牌有全日常餐、推介凈食、各款粉麵，仲有特飲。每樣都好抵食，最後我叫左雲吞牛丸河，上菜好快，牛丸非常彈牙😋雲吞精美好味，湯底夠熱又清甜。另外叫左小食炸魚皮，份量多又炸得脆口，仲有唔少得既蠔油生菜。飲品就叫左一杯凍檸檬茶，解渴消暑。

今日同朋友去到觀塘個邊傾合作，之後諗住去附近食碗麵！今次聽朋友講呢間麵店係出名食牛！鐘意食牛既我地一定去食下先！店舖環境都幾整潔，位置都舒適，茶餐廳黎講都算舒服，加上店員服務態度都好好！有講有笑有親民既感覺！今次我同佢叫左個牛雜米粉做第一個麵線，再加左雙併雲吞！雲吞都係大大粒，彈牙個雲吞皮超滑！牛雜件都好齊全、包括牛肚、牛腸同牛肺片，啖啖濃郁香味加上口感亦鮮滑彈牙！另外！牛肉味好出之外，湯底亦鮮香味美！再配上鮮炸脆魚皮，除左脆卜卜之外，竟然帶魚湯香味，食落更加有層次！再加上味道濃郁！而蔬菜我地再叫左腐乳炒通菜，通菜軟身易嚼口！飲品我就選擇左紫菜湯，天然健康，呢間麵店叫陳儀興牛什茶餐廳！在觀塘安泰村商場樓下！

今日同朋友去到觀塘安泰，食一間牛腩馳名既茶餐餐廳，講到明牛腩出名，就一定要試下啦我都係一個牛迷❤️！除左要食牛腩，牛雜亦都係好需要！餐廳既環境都舒服，在民生區都好方便，加上店員亦好好服務好有禮貌！會主動問我地有咩需要！值得一讚！食食下先知係陳儀興既店黎！唔怪之得食物都甘有質素！今次我叫左個牛雜雲吞雙拼米粉、牛雜大大塊，爽滑、估唔到牛腸特別好味，入味口感都好正！雲吞蝦肉亦好足夠！大大隻雲吞皮亦好滑溜！米粉軟硬度亦適中！湯底亦有淡香！配上香蔥！之後我再叫左個菜：今次選腐乳通菜，菜身軟硬度岩岩好都夠林身，再加上腐乳味香濃，食落好開胃！陳儀與牛什粉麵餐廳觀塘安泰村商場地下

上個星期日嘅下午，氣溫 35度熱～諗住過嚟安泰邨找朋友食個晏畫，不過朋友要遲啲先返到屋企，叫我自己食咗午餐先，我就喺附近兜咗幾個圈都搵唔到什麼熟食中心，最後問吓街市個姐姐，原來安泰街市裏面就有食店，嚟度有間陳儀興牛什粉麵茶餐廳，冇乜裝修只有幾張圓枱，坐就唔係好舒服，不過最緊要好食。單拼套餐 $58～豬肉丸河粉豬肉丸好大粒又彈牙，河粉夠滑; 湯底加啲腩汁，少少辣椒油就更正！～跟餐腐乳通菜都好大碟，通菜夠嫩無渣，唔錯唔錯。～凍咖啡+$3

星期日嚟開安泰商場都見到有間陳儀興牛雜粉麵店，平平哋快靚正食埋午餐先至返屋，店舖細細只有圓枱，好彩早啲去到堂食仲有位，坐低落完order已經好多人係出面等緊。雙拼套餐 $57轉撈麵 +$8～牛筋雲吞撈麵 雲吞粒粒飽滿，牛筋炆得好腍一啲都唔韌又入味帶著香濃腩汁，份量好多食極都仲有餸好抵食。個麵煮得剛好而且已經有腩汁的味，再配埋秘製辣油更加惹味。～自家製鮮炸魚皮 炸魚皮咬落非常脆，係鬆脆嗰種脆，味道都好香。可以選擇點湯食都唔錯。～凍檸茶+$3

今次因為探朋友，人生第一次去安泰邨。在街市見到有陳儀興粉麵，上次在旺角光顧過好出色，決定今次介紹給朋友一起食。點了兩餸麵、炸魚皮、通菜、飲品十分豐富脆身的通菜配惹味腐乳一流。炸魚皮大塊之餘又相當脆口，浸湯食是另一番風味，值得一試。牛腩雲吞河，牛是陳儀興必食。牛腩好多件，肉質嫩滑，脂肪部位較少，雲吞大粒之餘，內裡大蝦爽口彈牙。牛筋魚片粗麵牛筋份量也是不少，粗麵彈牙辣椒油好香少辣，必食魚片魚味濃郁又彈牙，牛筋有彈性又入味

簡單嘅美食‼️🍜同屋企人去咗秀茂坪探親戚😀去咗陳儀興牛什粉麵茶餐廳醫肚🚑麵店就係街市入面😊店舖乾淨企理夠光猛👍🏻主打食潮州牛腩粉麵😍除了粉麵仲有特色小食等🤤雙拼麵餐撈粗麵，73蚊份💰雙拼撈粗麵就揀咗牛腩配牛什，包碟油菜，有金錢肚，牛膀，牛腩，最出色一定係牛腩，採用傳統潮式製作方法，入味嘅牛腩，撈粗麵份量勁多，好味到食唔停口😊雙拼麵餐湯麵，65蚊份💰揀咗牛腩雲吞雙拼麵配魚皮，包埋杯凍檸茶，牛腩煮到好輕嫩，口感細膩醇厚，雲吞足料，啖啖肉蝦肉夠哂鮮甜，幼麵就爽麵條特別韌，嚼勁超強，魚皮夠香脆，牛腩麵份量好多勁飽肚🤤🥰整體環境坐得舒適冷氣夠凍❄️服務幾有禮貌👍🏻食物質素中上，價錢合理，附近街坊有口福了☺️

是日來到朋友家中一聚，想不到樓下就有美味平民美食😋当日點了:⭐牛腩牛筋麵牛腩半肥瘦不韌無渣，邊位的肥膏不能或缺，充滿牛香味；牛筋燜得軟而不爛，很入味；幼麵彈牙有口感，不會煮得太過軟爛；湯頭的腩汁不會過鹹，水準不錯⭐魚蛋河粉魚蛋比較鬆軟，魚片反而比較扎實，河粉幾滑，整體水準不錯。我就喜歡加上辣椒油一齊吃，店裡的辣椒油好香，夠辣，推薦⭐魚皮⭐生菜⭐凍奶茶+凍檸茶羨慕住在這裡的居民，落樓下就有平靚正的好味道