陳記燒鵝花園餐廳

Open Now

Now Closed

今日由荃灣西行入深井，係為左食燒鵝，深井出名係燒鵝，想食正宗既燒鵝，我只食陳記，好多年無食陳記，以前荃灣有分店，都會成日去食，真係由細食到大，童年回憶。燒鵝既賣相唔錯，燒鵝係微熱，皮薄兼脆，脂肪適中，香噴噴，急不及待想食，加埋啲汁真係用黎送飯一流。至於其他小菜都炒得唔錯，有鑊氣，陳記依然keep到水準👍🏻

香港深井陳記燒鵝🦢想食正宗燒鵝，深井必然係首選，可惜而家無晚市，午市又未能夠三五成群咁食，唯有將就下逐小咁叫嚟食止下癮。今次揀咗陳記燒鵝餐廳（不是飯店）， 因為人小小得兩位。想食燒鵝又怕例牌都食唔哂的話也不錯。燒鵝瀨粉 $59大元嘅燒鵝瀨裏面舊燒鵝一啲都唔小，燒鵝皮依然脆口。豉油皇鵝腸 $138大元，鵝腸好夠爽口，夾住芽菜食真係好配搭。椒鹽鮮魷 $138大元 ，當然呢個價錢係有點略貴，不過味道不比排記差。而且足料，炸粉不厚。🥳🥳🥳🥳🥳

遊車河一定唔會錯過深井，想當年一有車第一次揸遠途就是去深井食燒鵝跟住就火炭食津津wkakaka深井咁多間燒鵝其實都未搵到一間係必食。只不過陳記位置方便，泊車容易。初哥可一試

3年冇幫襯了 今天專誠入深井幫襯陳記 但非常失望而且好難食 燒鵝皮很乾肉很硬 而且飯又凍 燒腩仔又凍又硬又鹹 黃金蝦不生鮮又梅而且冇味 又冇服務但又要收加一服務費 食完等於冇食過 仲要比三百幾蚊食垃圾 唔會再有下次幫襯 !

平時去深井食燒鵝，都一定去裕記，今次想試吓陳記。因為裕記都食過幾次，所以想試吓陳記燒鵝。陳記大門口對正大馬路，好容易搵，而且有免費代客泊車。假日中午到達，都幾多客人。套餐唔吸引，最後決定散叫。燒鵝半隻，色澤都唔錯，但啲皮唔夠脆, 同埋燒鵝有少許臊味。比我預期的差。金銀蛋莧菜份量多，味道唔錯。蒜香骨味道一般，肉質比較硬，唔好食，失敗之作。總結：陳記以馳名深井燒鵝作為招牌菜，但沒有預期的好食。如果將來再去深井食燒鵝，我會試吓其他餐館。

午飯時間 叫左叉鵝瀨粉 瀨粉正常燒鵝唔好食 好柴 叉燒都係好瘦好柴 唉 bad start of the day……例牌燒腩仔燒腩仔超難食 係入微波爐叮出黎啲皮係淋既 個芥辣好稀味道好怪仲要98蚊

去深井食燒鵝，環境永遠不是重點，呢間陳記都食過一次，今次第二次，不過，佢地鋪再加上半開放式，有少少風又唔太熱，真係幾正。剛剛來到，基本動作緊係洗一洗啲碗碟，果度個位阿叔伙計，一手攞兩個茶壺，一路行一路漏熱水，我唔叫停佢，差點就整親個小朋友，仲要一句對不起都無，放底茶壺就行左去，算乜野態度呢？不過，燒鵝先係評分既主要元素，可惜，燒鵝皮唔脆，肉又少，肥膏多到爆！！！估唔到主菜既質素下降得咁嚴重。反而個蒜蓉粉絲蒸勝瓜同粟米魚肚羹都真係幾好味！ 但係，西檸雞就酸到爆，唔係個個啱口味。結論係，下次可以試下裕記或能記，陳記就停一停，始終陳記衛生都唔及裕記，尤其個廁所，真係好恐怖。

呢間燒鵝咁出名 放假同朋友行完山 就順路係到食埋晚飯。我地叫左半隻燒鵝 5個人食 個皮的確好脆 但d肉有d鞋口。（由於四人一枱 所以我地要分兩枱 半隻分左兩碟上）另外因為當日都好凍 想食啲比較熱既野我哋叫咗個花雕醉雞鍋 （一隻雞）有埋一碟生菜不過呢個花雕湯底好苦 一d都唔好飲😞仲有胡椒豬肚湯 呢個都唔係平時飲開果d味 無胡椒味 仲有芫荽又有西芹 cover 晒個湯d味魚香茄子煲 都一般 魚香味欠奉比較好食既兩樣餸係 豉椒炒鵝腸 幾惹味同埋酥炸牛坑腩 炸粉唔會太厚 牛腩都唔會好韌 不過佢就配甜酸醬 我覺得唔係好襯總之黎講 都幾失望😞

薑蔥蠔，超多油，188元只有5隻，有點貴燒腩，鹹了些，皮不脆鮑片冬菇鵝掌，芡汗水份太多，鵝掌食落有柴皮感覺，味稍淡質素比屋邨酒樓還差可能名氣大，有期望，所以失望

之前住喺深井時不時都會去食陳記，$58燒鵝瀨粉，唔算抵，但份量唔算少，有時仲會比埋髀位👍🏻呢日做節，預早幾日訂定一隻燒鵝，講定幾點黎拎，希望拎到返屋企都不至於凍哂；外賣返屋企食嘅質素都唔差，肥瘦適中，醬汁亦特登分開，食嘅時候先倒落去，唔駛浸淋哂燒鵝皮；一隻燒鵝諗住十幾人食，但可能大家都太養生喇，覺得燒鵝毒，個個起初都係一件起兩件止🙈食到中段發現剩左好多，先多返d人幫襯😂我諗下次再買都係買返半隻，大家都食少少，咁就岩岩好喇！

行行下大棠賞紅葉，不如行去深井不過呢，我又上山，又落山，去了青龍頭行了四小時肚餓搭巴士三分鐘，去了深井，去陳記食燒鵝點解燒鵝咁多肥膏？有點失望幸而燒鵝皮好味，自家製的醬又好味我接近一年無去過陳記

前排放假同女朋友去深井行吓睇日落～睇完就緊係食燒鵝啦，好多人淨係識裕記，但我個人就覺得陳記好味啲。由於我地兩個都比較細食，所以叫個例牌燒鵝加碟菜都夠曬，燒鵝今次燶左啲但勝在皮薄肉嫩，加多碗瀨粉食好滿足。另外叫左金銀蛋菠菜，非常大份，鹹蛋味好出，唔錯。

黑椒牛仔骨煲以黑椒洋蔥調味，熱辣辣勁惹味香口牛肉嫩滑多汁，食落唔會好難咬開又唔會好重油膩感豉椒炒蜆炒得夠火喉，香辣惹味又唔會太多沙但略嫌蜆太細粒，仲有幾粒死左打唔開招牌炒飯中，菜心、菜乾同碎鵝肉嘅配搭幾新鮮炒得幾香口，唔油膩又唔會太濕

陳記燒鵝係紅墈開左分店而加唔洗入深井都可以食到好味嘅燒鵝啦！我地嗌左一份燒味拼盆入面有叉燒、紅腸、熏蹄、燒鵝叉燒雖然唔係好肥 但係肉質軟林 完全唔會乾硬加上醬汁甜甜地 真係幾好味熏蹄彈牙紅腸皮脆卜卜 唔會好鹹燒鵝皮脆肉嫩 仲非常juicy果然係燒鵝專門店 真係有返上下質素！

歷史悠久，享譽深井甚至全港，假日店裡經常人山人海。到訪陳記，主要目的一定是燒鵝。燒鵝賣相不錯，可惜鵝皮未夠脆卜卜，肉質有點韌，難嘴嚼，帶肥的部份不少，口感過於油膩。鹵水雙拼一般，似屋村茶樓貨式。西檸班塊魚身粘粉太厚，肉質不滑，大家樂的班塊還好。沙嗲粉絲雞煲，不過不失，還是茶餐廳的沙嗲味好些。金銀蛋時蔬，太多油，鹹蛋一般，自家煮的可能還好。4人光顧，點餐如下：燒鵝半只沙爹粉絲雞煲鹵水雙拼西檸班塊（汁另上）金銀蛋時蔬茗茶 x4花生椰青水 x2堂食 白飯加一後，合共HK$883。