陳財記

Open Now

Now Closed

有朋友系德國返黎，一行六人到這裡食晚飯。招牌豬手，外脆內軟，好香口，送酒一流。椒鹽鮮魷，個粉薄薄地，件件魷魚都大大件，吾錯。風沙雞一隻，個皮脆得黎又帶點淡淡鹹香，點一些南乳汁，個味道更上一層樓。蠔仔粥一窩，冇試，但目測d蠔仔好大隻。西蘭花蝦仁，份量吾細，蝦仁大隻又彈牙，好抵食。方魚炒芥蘭，芥蘭炒得好有獲氣。埋單 $756/6位，整體來說，味道不錯，算抵食，可以再去，但一定不要介意環境比較嘈吵及食完之後，個身有一股獲氣味。題外話，這𥚃只收現金。

陳財記係上環皇后街熟食中心其中一間最出名嘅小炒茶檔！（當然隔離嗰間潮州茶棵都好出名呀😋）有一日返工突然落大雨，冇心機出去食就帶咗個外賣返公司。一打開個飯盒，呢個生炒牛肉飯冇得頂，飯粒分明，呈金黃色，牛肉雖然係碎狀， 但正正因為咁令到成個飯都有牛肉嘅香味，一絕！加上有老火湯又有熱飲餸，都係$42 ！呢個價位可以食到呢個質素嘅嘢，已經係超值。搞到我冇諗過一個外賣要係OpenRice度打食評，最後都係打咗。希望多啲人去幫襯啦！

只是打住大排檔旗號做鬼佬生意的餐廳，個肥老闆對我地啲叫小菜幾味嘅細枱講嘢無乜禮貌，但大枱鬼佬生意勁好招呼，我地幾條麻甩佬真係當佢大牌檔就出事我地叫咗三味小菜，嚟咗兩味後隊咗大半碗飯，照正常都會問下第三味到未。但阿老闆竟然係話「等下啦，大枱都未催你地就催催催」yee？如來細枱係唔可以催得㗎喎，問都唔問得發展到後來，見你唔郁枱頭嘅餸，就執鬼咗你等你快啲走就理所當然地會發生。勸大家有外國朋友嚟懶係感受下大排檔咩料嘅可以諗下（不過不如去真嘅排檔，士丹利街嗰堆仲好食，啲伙記仲nice），其他聚舊吹水慶祝都免得過就免啦

呢日幾個人嚟到皇后街嘅熟食市場呢間陳財記食晚飯。餐廳位於熟食市場都好光猛。羊腩煲，個煲嘅尺寸望落唔係好大，不過原來入邊好足料，有好多嚿羊腩，除咗羊腩之外仲有馬蹄中芹……等，羊腩炆得夠腍，只係稍微鹹咗少少，用嚟送飯就最適合。炸大腸，大腸皮鬆脆里面juicy, 而且份量好足，同枱食飯所有朋友都讚呢個炸大腸做得好食，絕對值得一試！南乳手吊雞，另一佳作，亦係雞皮香脆，雞肉嫩滑，而且夠入味，推介！醉鴨舌，酒香味濃，鴨舌爽口彈牙，夠入味，出色！蒜蓉炒白菜，一般嚟講，喺出面食白菜仔都唔會洗得好乾淨，但呢碟蒜蓉炒白菜就絕對冇呢個問題，唔單止洗得乾淨，仲食到白菜仔嘅甜味而且炒得好食。總括嚟講，呢間餐廳食物味道唔錯價錢亦都合理，絕對係皇后街熟食市場裏邊一個唔錯嘅選擇！

First visit to this stall last Thursday. Ordered our favourite 3 dishes for 2 of us. The food was tasty, portion generous and service friendly. We couldn’t finish the food (really big portion of food) and had to ask for a box to take leftovers home (didn’t want to waste good food!). We had it for next day lunch and it was absolutely fine. Their fried or roast chicken (whole) seems to be quite popular as we saw quite a number ordered that. We will have to come back to try this dish! Over

今天一坐下，個個伙記都推介油浸筍壳，謂今天特靚。鄰桌都有點這菜呢。筍壳肉厚，開邊，看來猶如飛魚。某些角度頗為猙獰，難怪有"鬼魚"別稱。肉質頗嫩。皮脆香口。這道菜不是家裡煮得了的。用熱油反覆慢慢把魚浸熟。真的需要烹調技巧和能接納舊油才成呢。比火鍋店片薄拖水相比油浸的功夫多了。秋季時令，不妨一試。

皇后街熟食巿場比較有趣多元，有西餐，尼泊爾菜，潮洲菜，粉菓，泰國菜，kebab。唯陳財記秉承著大排檔風，且為此熟食巿場開業元老級排檔之一(懷念著從前13號鋪父女檔的"潮州巷")。陳財記貫徹中式排檔特色: 菜式多，上桌快。小菜煲仔即炒海鮮蒸俱備。既有街坊親切感，又不時有新品上巿添彩。是日驚喜乃"黃皮老虎班兩食"。尤其是炒班球，魚肉結實少鹹有淡魚香，伴帶甜的菜心，好開胃。味蕾大滿足❤。另一食是梅子蒸魚頭。2百頭兩食，份量充足猶如酒家兩碟小菜。冲那炒班球已覺抵食。另，南乳吊燒雞和百味豆腐也不容錯過。

港女細細個就見過世面，但絕對唔會揀飲擇食，只要係用心制作嘅食物我都會好欣賞，所以就算出入地痞場所都絕無難度。但今時今日港女啲外國Friend嚟香港，如果想帶佢地去experience吓本土大排擋風味又真係R爆頭都唔知去邊好。橋底辣蟹、東寶小館都比遊客攻陷，質素都無以前好。朋友知道我有咁嘅煩惱就帶我嚟試陳財記，話包滿足到我喎。出西營盤站行幾步再上條伕手電梯就上到皇后熟食中心。個場認真幾乾淨，應該係咁多間餐廳都好好合作先可以維持到。二人坐低叫兩枝啤酒同小菜，望望周圍都幾旺場，仲用唔少外國人係度，個個都好high好enjoy。先嚟個乾煎明蝦，好正好香好夠鑊氣，咬落仲有唔少膏添！方魚碎炒芥蘭，睇相都知炒得靚！最驚喜係個牛尾煲！燜得夠冧又入味但又唔會鹹！配菜都一樣好正好好味！細心一睇，嘩！竟然係大排檔見到有香草乾灑係面，真係夠detail！一切都幾好，但個油盐水花蛤就爭啲啲，事關粉絲比較硬，花蛤亦瘦。Overall 我會比80分，今次啲兩個人無叫太多餸，但見到其他人叫啲野都好似幾正，下次想啤啤佢或帶外國朋友試下本地風味，陳財記可以認真考慮喎。

星期五晚和朋友一起去吃晚餐，叫了兩個餸，雖然也知道要晚飯時間要等，但當身邊的食客比自己遲來，但已在開餐卻不是自己的感覺已經不好受，因為人家來得遲卻先吃（講緊係同一款餸）⋯⋯👿👿👿追問了兩次，還在等😤😤😤當然態度也不見得好😡😡😡終於等了又等的餸來了，他們竟説「俾你啦」真是「多謝哂」這間店的人，他們原全沒有分清楚我們是客人，也是要俾💰吃的，不是向他們乞求食物今時今日，咁嘅服務態度，你覺得如何？！

店名：陳財記地址 : 上環德輔道西38號皇后街熟食市場1樓CF1-3號舖好味指數：8.2／10價錢：$48蠔仔肉碎泡飯🍲招牌蠔仔粥製作需時，等左大約10分鐘就有得食啦！份量挺大，湯底鮮味，配料好足，驚喜連蝦米都有，蠔仔肥美，食到最尾都夠熱。店名：陳財記地址 : 上環德輔道西38號皇后街熟食市場1樓CF1-3號舖好味指數：7.5／10價錢：$35粟米豬扒腸仔飯感覺好似頹飯，但食落又幾好味。🌽汁幾多料，豬扒醃得幾好食，配埋枱上勁辣又惹味辣椒醬食一流。不過我覺得例湯先係主角，出面好少有的例湯，足料又好味。 

陳財記位於熟食街市中，當晚八時多到達，九乘入座率，只剩下一張小圓桌，隨即就坐。看到簇新的餐牌，就意味已經加價了。「四十蚊炒個菜」如同「斗零一碗白粥」，已成為集體回憶。言歸正傳，點了三個菜，一碗白飯。椒鹽鮮魷 ($72)調校炸漿和上炸漿都是大師級，才能夠炸出那一片薄薄的、金黃色的表層。魷魚肉受炸後仍然很嫩滑。但就有不少餘油，把吸油紙都弄得濕濕的。方魚炒芥蘭 ($55)方魚是魚乾，亦即大地魚，是此道菜調味的根本。介蘭上枱後顏色依然翠綠，莖部及菜葉軟硬適中。惟介蘭略略欠缺本身之味道，方魚的調味功能也不特別出色，但此菜整體味道okay！沙爹牛肉金菇粉絲煲 ($62)臨尾跌眼鏡！牛肉本身味道及肉質被梳打粉“嗱”到體無完膚，只留下梳打的味道。它比起茶餐廳的沙爹牛肉更不濟。再說，沙爹汁也是不合格，個人明白應該以港式沙嗲角度來評論，但此沙嗲汁仍不夠香、也不夠味。煲內水份過多亦是明顯失手。只有粉絲和金菇正正常常。抱歉，這道菜弄得很差。白飯 ($9)白米欠缺稻香，不過大部分熟食街市甚至大酒樓的白米都很一般，you are not alone！埋單$198總結加價前，性價比很高。現在加價了，影響了性價比，但

，同一班小學生游完水,佢地好肚餓,然後提議去醫肚,事關佢地係西環地膽,梗係聽小朋友話啦,跟住就一齊由中山游泳池行去皇后街一樓熟食市場食陳財記。三個小朋友一去到就點菜,陳財記雞翼,干炒牛河,菜膽雞,老闆娘立刻盛上無味精的例湯俾我地,好呀o主菜雞翼一到,三個小朋友仲教我食雞翼的正確方法係用手食係最正。雞翼新鮮即炸的,有點南乳味,很突別D小菜大大碟,好好味,正呀•下次游完水都會去陳財記

早上來到皇后街的熟食中心，想喝一口豬雜湯，偏偏碰正是日休息一天。退求其次，在同場的陳財記坐下，整個早上，只有這檔口營業。這裡有福字麵供應，一碗麵可揀兩款配料，加一杯奶茶，＄24一客。奶茶質感香滑，味道平衡，出奇地不錯。要個沙嗲牛肉，都算是廚房叫做有做過嘢，但沙嗲汁太過杰，味道濃得有點假得不像真，牛肉是被梳打粉醃過，理所當然，紅腸是來貨，不過不失啦。最好的，還是福麵，不如又問問，大家最喜愛的袱麵食法，是怎樣呢？扼碎麵餅當小吃？用滾水泡？放在煲內煮？或撈麵？總之，各有捧場客，各施各法，但大家怎也忘不了，中學年代到離島郊遊，在港外線渡輪上，那一碗隻蛋煎到成劈嘢的餐蛋麵嗎？

六月上旬‧晴要找個地方寫文章，在上環附近真的沒有什麼近便的店子可以選擇，來了這裡。有空調，有免費wifi，地方多人又少，其實也不錯。要了一杯熱奶茶，淡淡的，還好也幾滑。最好的就是，夠熱。工作至飯局開始才離去，斯時來吃晚飯的食客已陸續進座，真的不錯。

一大帮人吃饭，选择这家上环帮的饭堂开饭。生意好的不得了，爆满，老板忙得都有点招呼不过来，不过态度还算不错。地方在街市的楼上熟食中心，环境自然就比较糟糕，很吵而且不太干净，客人又特别多，显得冷气不太足。 点了很多菜：胡椒猪肚汤：猪肚不够嫩，有少许腥味， 不过汤还是蛮鲜的。牛尾煲：牛尾煮的很酥，很入味，酱汁很浓郁，里面的土豆和蔬菜也吸收的牛尾的鲜味，变得很好吃菜圃蛋：一般芝士大虾伊面：分量十足，芝士很多，矩过之后很creamy,伊面完全吸收了虾的鲜味和芝士的香味，满口口感很浓郁饱满。 虾很大，不过不够新鲜菠萝生炒骨：酸酸甜甜很入味。豉汁炒花甲：花甲很新鲜，个头也比较大，炒得火候恰到好处，很嫩但是很入味虾酱通菜：很新鲜很粗的通菜。清淡爽口。 南乳猪手：奇怪是油炸的，几乎没有肉，喜欢啃骨头的可以考虑价格公道（很便宜），适合一大帮很熟的朋友过来随便吃吃