陶園燒臘飯店 (Closed)

返屋企食飯就斬啲料先去先返去經過見到這間燒味店, 門口有隻大燒鵝而且睇落乾淨衛生， 唔似啲舖頭掛曬出嚟黐塵買完去搭260X啱啱好今次揀咗燒鵝同埋燒腩仔以為拎到返屋企應該會淋咗，點知打開有驚喜 燒鵝要左下裝， 食落油香濃郁， 鵝肉嫩滑， 最爽皮係唔會畀曬啲骨， 依家真係啖啖肉， 師傅刀工好食落冇乜碎骨燒肉啖啖肉，番到屋啲皮仲脆， 肥瘦適中，唔會話中間有一大層肥肉咁樣， 而且我覺得夠鹹好正鋪頭仲掛咗隻橙色魷魚出嚟，下次可以當小食買返去

這天在佐敦收工後，打算帶些燒味回家加餸做晚餐，於是去到位於寶靈街的陶園燒臘飯店。餐廳門口有隻燒鵝雕像，非常搶眼。除了燒鵝，餐廳當然有叉燒、燒肉、燒腩仔和滷水鴨等燒味提供，價錢都寫在門外，一目了然。要想堂食的話，也有各款飯麵等配搭。除了燒味，也有滷水系列。這裏有叉燒和燒鵝。叉燒肥瘦均勻，肉質嫰滑，叉燒汁甜度恰到好處，整體質素極佳。當晚沒有把所有叉燒吃完，第二天帶飯用微波爐翻熱再食，肉質當然沒有即日新鮮食的細滑，但仍有一定水準。燒鵝油香滿滿，皮薄而香脆，鵝肉鮮嫰，配上醬汁享用，加倍滋味。酸梅醬和燒鵝汁分量供應充足，而且獨立包裝，非常衛生方便。

今日過咗九龍同親戚食飯，舅父臨時臨急叫我加餸上嚟，咁岩佐敦地鐵站一出行一陣呢就搵到呢間燒味鋪，實情係被門口着住茶餐廳夥計衫既燒鵝吸引左。價錢嚟講都算親民，最後嗌左叉燒$56同燒鵝下莊$120，因為同老人家食飯關係而我又唔識揀靚唔靚，但好在老闆娘十分親民又幫我揀同介紹，呢樣真係好抵讚，好有人情味！講番啲野食，叉燒肉本身帶半肥，肉質完全不腍，屬越嚼越有味的一類，重點係食完無食滯既感覺，唔會成口油味。燒鵝睇到門口既公仔擺設我諗都係佢地既信心之作，而呢隻下莊果然無令我失望，皮脆肉滑，配酸梅醬食真係一流，而睇番價錢真係一啲都唔貴 性價比高！ 食完親戚都問我去邊度買就知無失禮。整體來講，係幾出乎意料既，食物質素同價錢都係合理，老闆娘左好有人情味，下次有機會會再幫襯！

今日去住佐敦既朋友屋企玩，喺附近見到陶園燒臘飯店出面有個大大隻既燒鵝喺店外，好盞鬼！好吸睛！🤣🤣🤣今日5:30pm，燒乳豬已經售罄了～店員話要乳豬要早d黎先買到！於是我最後決定買d 燒鴨、叉燒同滷水野上朋友屋企加料😀1.燒鴨$50顏色幾靚，皮薄脆，脂肪唔多，肉無羯味，肉質幾易咬，唔錯！2.叉燒$50我要左半肥瘦既，叉燒幾冧、易咬，蜜汁都幾入味，送飯一流！😋3.滷水鴨翼$30滷水幾入味😀😋

以前陶園係區內老店，味道一般，但抵食夾大件，年頭下午買燒味雙併外賣都係$25，仲送飲品，依家轉左手，價錢貴左好多，但一分錢一分貨，食物選擇多左，口味見仁見智。仲有轉手前係無乜食評，10年都無幾單，但怪在轉手3個月內有大量食評？不知是否有水軍作怪？

話說今日咁岩要去佐敦拎野，就順便整啲燒味斬料加餸。我比店鋪門前個隻大型燒鵝模型吸引左，就走入去買。呢間店除左外賣，仲有堂食，可惜我趕住返屋企，如果唔係我都會留係度食埋個餐先走，哈哈。今次加料買左啲燒腩仔同埋燒鵝下莊，返到屋企打開黎睇係份量多，對得住個價錢，性價比唔錯。先講講燒腩仔，外皮夠香脆，肥瘦適中，配埋芥末醬，確係絕配，味道唔錯。而燒鵝下莊都係皮脆肉嫩，點酸甜汁特別開胃，仲可以食多幾舊。下次經過佐敦都要黎呢間買先得。

今日上去朋友家作客，當然唔止帶兩梳蕉啦🤣在這間桃園燒臘飯店斬料😋😋佢門口有隻穿著店員服的燒鵝等緊大家🤣🤣🤣見店鋪除咗有燒味賣之外仲有滷水野買，可能太好賣滷水野已經只剩好少🤣又見店內都有唔少食客叫左燒鵝和叉燒，而且價錢都好合理😄燒鵝～回到家還是暖暖的，外皮脆，不會太肥，啖啖肉再點些酸梅醬，食落又肥美香口叉燒～蜜汁味道濃郁👍肥瘦均勻，咬落軟林又帶些少爽口😋下次有機會會早啲來試吓啲滷水野😄😄

今日遲左收工，返唔切屋企煮飯，又唔想食頹飯，所以就打算買幾盒燒味返屋企，自己再煮個飯就開得餐今日黎左呢間「陶園燒臘飯店」，原因係比佢門口隻鴨師傅吸引左呢到除左外賣燒味，仲可以堂食。價錢都公道，見到有乳豬飯，好似幾吸引，下次得閒黎試下先！今次我斬左兩盒燒味，一份燒腩仔，一份燒鵝。估唔到都幾大份，呢到燒腩仔都係50蚊咋燒腩仔啲皮脆卜卜，咬落有聲唔會太肥太瘦，岩岩好，最怕有時食啲好瘦既燒肉，咬到牙都爛。味道都唔差，夠咸、豬肉味又出，好好餸飯，好高質！燒鵝都好靚，師傅斬出黎個啲全部都大舊肉，無乜骨，絕對無呃秤而且呢到送酸梅醬，試過去有間話要收1蚊包，我心諗燒鴨啖啖肉，肉質嫩滑，又唔會好肥好多膏，好正！

難得黎到佐敦，點可以唔去陶園斬料加餸。食燒味一定會稔起陶園。佢嘅燒味真係係香港數一數二。要等，因為真係好多人。入面有堂食，又有好多打工仔街坊叫外賣。menu 十分簡單。不過比我想像得多野食。重來仲有滷味同餃子，下次可以一試。燒鵝例牌$120加餸比老媽子，一定冇死。燒鵝唔係立即食都仲係咁脆同咁juicy好多肉，唔會食骨多叉燒$48好多，成盒都係肉肥瘦適中，送飯一流。d 肉唔太un, 後悔唔叫多幾味。不過今日咁加一加餸，其實夠一家4口食下次大家去佐敦都可以黎加一加餸。泊一泊低架車落一落去買。買多左，仲可以帶飯。

今日番工好開心，收工， 返屋企食飯之前諗住買啲嘢加料， 經過彌敦道見到呢間陶園燒臘好精神！！又乾淨🥳🥳🥳所以呢就決定買咗叉燒喇！同埋買咗個油雞返屋企啦🐣🐣佢個叉燒好靚呀！好親切嘅斬料師父會主動問我係咪要半肥瘦， 因為我係燶邊嘅叉燒控， 所以叫埋師傅畀燶邊位我❤️❤️可能係出爐時間，聞到好香。見到啲麥芽糖令立立！！即刻試咗件，嘩勁正❤️❤️跟住個油雞呢都睇得出佢好乾淨， 佢完全唔會有平時啲燒臘舖可能有雞毛呀，或者你感覺到污糟嘅感覺， 返到屋企食呢佢啲雞肉好嫩滑啦未到有㗎喎屋企有老人家呢呢個都夠曬清呀啱佢地食👩🏻‍🌾👩🏻‍🌾另外，呢間鋪頭都有一啲燒臘飯買呀！價錢都好抵🥰🥰好適合喺附近返工嘅朋友仔係度食快餐。

唔係好想煮餸嘅時候通常都會斬啲料買啲燒味返去做餸，今日行經佐敦嘅附近，見到有間燒味舖，見到啲評價都唔錯所以決定試吓。買咗半隻鹽焗雞同埋四分之一隻燒鴨。半隻鹽焗雞一價錢係$78，價錢合理同其他地方差唔多。返到屋企，放咗入微波爐叮一兩分鐘番熱，雖然係返叮，但肉質依然非常嫩滑，就連雞胸肉嘅部份都唔會好乾柴，肉質好軟身燒鴨亦都唔錯，唔會好肥，皮同埋肉中間嘅脂肪好少，所以唔會太油膩，而且醃得好足時間，每個部位都好入味。

係佐敦寶靈街行行下見到呢間燒味比佢門口隻大燒鵝吸引左之前聽朋友講話呢間燒味唔錯話佢既燒鵝同埋鹽焗雞都幾好食其實我都幾鍾意食燒味一於買個外賣番屋企加餸佢有堂食同外賣我坐係度等下坐既位都幾舒服 😬見佢仲有滷水鵝，滷水鴨仲有餃子同外賣單拼雙拼先$36 $38叫左隻鹽焗雞($78)都幾平🤤之前食過既鹽焗雞係成隻無切既呢間係切好哂！成隻雞都好滑～一啲都唔會鞋😗媽媽都話好滑叉燒($56 )係我鐘意既唔會太肥又唔會太瘦啱啱好比我食食下~食左一大半😂即刻要配碗飯加隻蛋😬我非常怕有啲叉燒會好乾但佢一啲都冇 😬呢間第一次食比我嘅印象唔錯🤤除左食物等待食物既過程員工都好nice下次一定要再黎買燒鵝同其他野😬

平民燒味店，真係要細心先發現到依間小店🤣依間小店無豪華既裝修，但有既係人情味😇依間小店值得再去幫襯既，係因為🤫依到啲燒味無味精，好有自家制既味道👍🏽.蜜汁叉燒 $78叉燒最緊要既係半肥瘦‼️甘先夠吸引夠好食🤣叉燒無咩濃邊，啲肉又夠淋👍🏽送飯一流.鹽焗雞 $74出去買一隻雞就可以加料🤣仲要夠食兩餐，買既時候都怕好鹹但食落去又無甘既感覺，雞胸既部份都唔會好乾好柴😂.㊙️人人都推薦燒鵝下次必點佢👍🏽

近排天氣甘熱真係好冇心情開火煮飯，所以買燒味加餸成為夏天常見菜式。陶園燒臘飯店位於佐敦站附近，最岩我放工順路買返屋企慢慢嘆！脆皮燒乳豬因為冇晒燒鵝所以叫左燒乳豬食，佢燒乳豬都唔輸洩嫁！皮脆卜卜，而且肉厚食落鬆化，佢外皮有少少似西式燒豬過款皮，食落會更薄更脆身，點乳豬醬甜甜地送飯一流！秘製叉燒食叉燒最怕係乾爭爭嘅瘦叉，所以我特登叫左肥叉。肥叉d肥肉真係好滑嫩，而且叉燒調味得岩岩好唔會過咸！佢呢度做好多街坊生意，除左外賣燒味仲有少少位做埋堂食單雙拼燒味飯真係好抵食。除左燒味，見佢仲有賣滷水，而且價錢都唔貴真係好多選擇，但最出名都係秘製荔枝柴脆皮燒鵝，好可惜佢今日賣晒，下次一定會再encore！

做完body行去搭車個車呀媽叫我斬料，google search下有咩燒臘店near me就黎左呢到😂，係出面望下望下有位靚姐出黎。廢事再行去第2間就直接落單😂。叫左叉燒同燒鵝叉燒上網見到有人食瘦叉😂，我就鍾意食半肥瘦。有少許燶邊，咬落唔dry，肉質都算腍，整體唔錯。燒鵝$100黎講份量幾多下，味道ok，係肉質可能唔夠肥美！店入面唔算大，只得十幾個位，但我黎到竟然幾好生意👍。靚姐D服務態度唔錯😆。