雄記粉麵 (Closed)

十多年前因為工作關係，成日係度食。最鍾意食嘅就係牛展米線加春卷。呢度嘅牛展真係好香，配咸酸菜、芽菜、米線，真係一流。^_^再加埋魚肉春卷，好飽肚好滿足。食咗十幾年都咁好食。有廿幾蚊加到而家＄40，但人工就冇乜點加。都會繼續幫襯。

14.NOV.2014(FRI)以前就成日都食佢地個"魚肉春卷", 真係無得輸. 今晚行過, 心血來潮想回味一下想當年. 好喇, 今晚就食你喇.  不過, 今晚無叫到我一直食開o既"魚肉春卷", 反而叫左一碗"豬腸米線", 小辣.想試一試佢地整米線又得唔得嘛. 嘻呀, 果然都無令我失望.佢地都做到出面個種湯底, 個種風味.我唔識形容, 總之就唔係湯同味道分開個種. 辣辣地, 幾開胃. 豬腸又入味. P.S.: 不過, 我次次食完哩間都會覺得好口渴.

路過荃灣 見到依間野入面幾多人睇睇餐牌 價錢合理 決定入去一試揀左($31牛展米線)+($9春卷)+($7汽水)落單時 呀姐亦會upselling 問你仲加唔加野 要唔要菜都算有d服務不過店方嚴厲拒絕外來飲品 似乎希望增加收入但汽水系杯裝 唔系罐裝 有d失望碗麵揀左小辣 湯底夠熱 但出黎結果味道較酸而且配料較多(eg.酸菜/芽菜/腐皮...) 令到米線相對較少牛展夠林 但唔太入味 春卷原來系魚肉春卷 味道都唔錯 同埋幾大條埋單$46 不過不失 但可以更好 

如果想食魚肉條,通常都會諗起南記,但係荃灣搵到一間類似既店,仲要係將魚肉條打成一個圈大腸魚肉圈圈米線加野飲,價錢約$47蚊,不算便宜魚肉圈圈份量約等同2條別家的份量,魚肉味不算濃,而且幾咸,而呢種咸係極重味精味道....唔識欣賞大腸就幾惹味,卥得份味無咩渣但重點係個湯,酸辣味極為單調,而且略為淡口,十分失望食完勁口渴

今天晚上不太肚餓，只想來一碗面食，途經雄記，就這吧。雲吞併墨丸面: 雲吞一般，肉質鬆散; 墨魚丸尚可，有點點墨魚味; 面質偏淰，無彈性。湯底極咸，是味精湯，飯後的口喝感持續了一整晚，晚上也因此睡得不好，個人認為是味精惹的禍。酸菜豬腸米線: 咸咸酸酸的米線，豬腸份量不多，但鹵得入味，夠淰，不錯。米線過淰，影响質感。湯底同樣是偏咸，整體還自可以。

呢日因為有野要買, lunch time 就同男友仔去咗南豐中心…買完野, 就去搵食~左諗右諗都係唔知食咩好, 男友仔就話不如去食「雄記」啦!!反正我一直都未食過, 就一於去試下啦~去到, 咁啱有位, 好野~店仔係正常舊式粉麵店既格局, 坐低之後就睇 menu…男友仔好快就揀咗想食: 牛腩春卷米我就揀咗: 豬手麵奇怪既事就發生啦!!男友: 牛腩春卷米店員: 要牛腩就唔可以食米粉男友: 下!?店員: 想食牛腩就淨係可以要撈麵, 食其他粉都就唔可以叫牛腩男友: ….. (無言)所以最後揀咗: 墨丸春卷米之後, 我地研究過… 大致上應該就係因為呢期D 牛貴咗…而撈麵又係貴既, 所以只做牛腩撈!!!其實咁樣….真係太攪笑了吧!! 有牛腩又唔賣, 迫人一定要食貴一半既撈麵……真係好無言囉, 生意不應該咁樣做既, 唉~講反正題, 食味!!墨丸春卷米 – 春卷其實只係腐皮包住魚肉囉, 個人覺得偏咸咗少少… 墨丸係普通貨, 無特別… 米粉就唔使講啦~豬手麵 – 豬手有 3 件, 大細正常啦, 味道都唔錯, 好淋好入味… 至於個麵, 都算彈牙, 但係就有..皂水味!!!! 扣晒分!! ><

晏就係嘉樂食得幾飽，晚餐就清清地，久唔久過荃灣的我人生路不熟，行過雄記粉麵，入去有位，叫左春卷魚蛋米，百事一杯，菜心一碟，春卷味道不錯但硬左小小，同香港仔南記唔同，整體南記味道好過佢，米粉同個湯都夾（讚）魚蛋魚味重（ok)，菜心甜（讚），態度就接受到，清清地都值得一試！

味道其實不錯,湯底很香酸菜味,春圈大條之前一路堂食幫襯過一段時間,因為我今日有事不能堂食所以選擇咗外賣,一如以往地叫咗個大腸春圈米線,total $39. 每一次食我都鍾意加兩小匙辣醬.點知個米線到咗想加既時候佢話唔比加,話要加辣醬就要$2/包.講真,一碗$39,D份量唔算多,想落兩匙辣醬又話要另收錢,咁既服務同態度,真係心都淡哂...所以,永不錄用！

在荃灣出沒已經有二三十年，從來沒有食過雄記。看外表只是普通老麵家。食物又只是內臟、春卷，沒有什麼值得我想起去食。不過緣份就是這樣，原來有時是有心栽花花不開，無心插柳柳成蔭！原本和朋友去一田食魚生，途經雄記，他說成日都食佢啊！佢D春卷好出名好好味。我心諗未又係咁…好果想去未去食喇。真沒有什麼祈望。去到見到，只是一間正常不過的麵家；見到佢餐牌推介咸菜大腸，就點了它再加魚肉春卷及油菜。腐乳通菜＄13，我要了走油；菜是新鮮的，沒有發黑也沒有什麼渣。不過腐乳就好甜，甜到好似糖漿一樣…早知走醬…春卷＄27來了！見到三條要＄27都幾貴。外表又出眾…不過叫左，點都試下得唔得喇。咬了一口，所謂的春卷不是脆的；而是內裡全是魚肉，口感好彈口；味道好鮮味。真的有魚肉的鮮甜味！怪不得是主打。咸菜大腸河＄29，見到佢黃黃的湯就知道湯頭也有用咸菜來做的，不是普遍的滾水湯。先飲一口，滿口也是咸、酸、香。想不到是如此配合。而大腸才是靈魂所在，全沒有臭味，也十分乾淨。脂肪也全去掉，口感彈而爽、每一寸也充滿鹵水味。這個體驗是前所未有的！對小吃內臟的我真的大大改觀！這樣簡單的東西，也可以令人這樣滿足、原來適合自己的；就是在身

每星期都會有一兩日中午去食米線咖,但唔知點解我覺得佢地d米線份量比之前少左咁,仲有d春卷冇之前食咁好味,墨魚丸咬落有d粉既感覺.....食完碗米線對於一位女士都可能岩岩好,但如果男士去食完就可能要再加其他或者要出去買d小食所以而家都會好少好少再去幫襯..因為TW仲有好多其他食店選擇,寧願食下其他.

經住荃灣朋友介紹，走咗去食呢間。本人十分愛食香港仔南記，但可惜只得香港有，只有係九龍搵第二間代替。其實碗粉真係好細碗，但條春卷都還可以，但始終都唔夠南記咁彈牙，咁入味！ 連個湯都比較清！

雄記在荃灣都有一定歷史，我卻甚少幫襯，趁今天要食自己，就來吃碗粉。瞄一眼餐牌，來一碗春卷牛筋米。米粉送來，真的很細碗，牛筋三小粒，春卷一條。雖然牛筋入味，口感也佳，像牛脷酥的春卷外煙韌魚肉彈牙，味道不俗，不過感覺實在有點被搵笨。阿姐的態度亦未見理想，差點就跟客人吵架了。吃完碗米粉，連我都覺得肚空空的，真係幾大鑊，唯有走去買麵包。

來到荃灣，走進一條街巷，全是食店看看手錶，已十二時多，是時候進餐隨隨便便的進入了此店坐位頗窄，橫顧四周，見牆上泛黃的廣告，寫著「如同牛利酥的春卷」，看來此店春卷曾經輝煌一時視線向下移，見到則著一張食客飲用外來飲品收費十元的通告....令我驚訝了一陣看了看餐牌點了春卷牛肋粗麵及春卷豬手粗麵各$25春卷牛肋粗麵先上桌春卷的確很大，似牛利酥還可說得上，但味道普通，鮮味口感一般，有點粗糙，不如南記的魚鮮味突出及滑溜牛肋很彈牙，有點像吃果凍，吃至牛肋中心如同吃椰果...牛肋味道鮮甜，入味，但只有兩小粒，寒酸了點吧- -"而粗麵，非常硬，如未煮熟般...桌上有不少可自用的調味料，當中綠綠的，聞起有點昌鼻，但吃起來卻帶點辣，嘗得出有醋、胡焦、蒜頭、等調味混和，這帶辣的調味料味道不錯，有特別之處湯麵份量不大，但疑味精過多，吃後口渴非常，有點失望....

新一年同屋企人出附近食個午飯. 呢間粉麵一向唔太多人食, 屋企人試過話其實都可以, 所以就來食我2013年第一餐.春卷係屋企人的至愛, 所以同屋企人叫左有春卷既河粉. 而我就叫一個麻辣酸菜肚絲米線. 可惜麻辣酸菜肚絲米線實在太辣, 一向唔喜歡浪費食物的我最終都要求服務員倒左碗麵, 另叫一碗春卷墨丸河同腐乳通菜.屋企人既春卷四寶河. 佢話春卷依然好味, 四寶亦不過不失.春卷味道唔錯, 有最出名春卷既南x既水準. 不過佢既價錢比較貴, 而且除春卷之外, 墨丸味道好淡, 唔好食屋企人覺得普普通通, 不過我覺得d菜幾新鮮, 腐乳都夠多, 夠咸.都係果句, 普通食一餐既都唔錯既, 春卷可以做主打. 但係如果明顯有人同樣有好味既春卷, 而價錢可以做到比你低, 你就應該可以搵地方做好d喇.

又係荃灣捐窿捐罅搵野食。 今次呢間隱世小店，絕對可以滿足我對辣的要求！雄記粉麵 ，外面看起來平平無奇，一間普通的粉麵店。但卻成了我每周必去之地！且看它有何吸引之處。（我要好好控制自己，每次只看相片也能令我口水直流）在雄記，有兩個招牌都是我最愛，今次和友人一人一碗，滿足哂我兩個願望！嘻！雄記的粉麵選擇不算太多，但每樣都能令我食指大動！看看以上餐牌，有適合大家胃口的嗎？至愛一號：春卷四寶米（$28）加紫菜（$5）。其實33元吃一個粉麵個人覺得有點小貴，但沒辦法啦。 四寶包括魚肉春卷、墨魚丸、魚蛋及魚皮鮫。魚肉春卷正正是這裡的一大賣點！很多人覺得它跟南記很像，記得有一次多口一問，老闆好像說與南記的廚師都是跟同一個師父學藝，老闆確實怎麼說我也不太記得清楚，總之就跟南記是有關係的，哈哈！（如有錯誤，請指正）。但個人覺得它比南記做得更出色！魚肉春卷很有咬口，外表像牛脷酥，而且炸的火候剛好；其他丸類也使人印象深刻，應是手打的，很爽口彈牙。而紫菜其實沒甚特別，只是自己個人偏愛而已。至愛二號：大腸米線（$27）加春卷（$8）。（都說春卷在這裡是不可不吃的啦，嘻）這裡的大腸不像平是街上吃的，一圈圈的，這裡