雞煲王 (Closed)

作為島民，我係永遠唔會再去果度食架啦。食左4次，3次都有問題。第一次，叫農家小炒，上左小炒王，話呢個仲貴啦，咁我以為係收返農家小炒價格先會咁講，點知埋單都係按小炒王收，算，30蚊，豪俾你。第二次，真係週日到處都無位，焗住要去，叫兩個菜，其中一個菠蘿骨幫我x2，我叫她改，她話一陣間，我怕她忙起上來真係落左兩碟俾我，又要我硬食，我好堅持要她立刻改，她個樣超唔happy。本來唔想再幫襯，但有鄰居寫話依家好左，所以心思思又試過。第三次，有飯有糖水送，平安渡過。第四次上個禮拜，同鄰居結伴前往，見牆上有西蘭花炒班球，就點左。上面無價錢。後來先知168，細碟到⋯⋯仲要係粟米班腩果種魚塊（如圖）。你俾啲新鮮嘢都無咁慶啊。埋單4個人，500幾，走既時候，個靚女仲係後面加一句，喂，你地未埋單喔。我地完全唔想理她，趕住去百佳買嘢食啊⋯⋯

廚師非常努力研究新菜式，椒鹽九肚魚白飯魚鮮尤值得推介，黃金蝦黃金茶樹菇必試👍👍👍酸菜魚超好味，奇味雞煲最正.小菜款式特別多，環境優美舒適值得推介前去試食一定讚好正！

大多數人到馬灣的沙灘也是喜歡吃西餐，欣賞青馬橋景看日落，喝喝啤酒談談心，最寫意不過了。畢竟沙灘廣場這幾個餐廳對我區內食客來說，已試過太多，想找些新鮮感，浪漫景色配雞煲我和先生也是第一次。首先說明一下餐廳並不是吃氣氛的，坐下來感覺寛敞，裝修簡潔，是走家庭路缐。主打是雞煲，當然要品嚐一下少辣的二人前份量雞煲。雞煲配料足，有洋蔥薑爆香，加西芹菜，半隻雞比想像中份量多，夠大件，醬汁夠香濃。對於我不吃太辣的來說，少辣味已經夠惹味，當然可以按個人囗味選擇大辣。另外服務態度也值得一讚，老闆娘親自招呼，問客人食後感，感覺親切。小島終於也有一間可以食景和雞煲小菜的餐廳，我們作為島上居民必定繼續支持。希望除香噴噴雞煲外，將來有更多好菜式給街坊品嚐。用心製作的菜式，食客是能夠吃得出來的，繼續努力！