雲南風味小鍋米線

Open Now

Now Closed

可以榮登我頭十位最愛嘅米線店, 一定係有佢利害之處啦.口水汁青瓜 個醬唔算辣但非常惹味.醬汁屬於重口味之餘但有淡淡青瓜清甜可以中和返主角米線登場最愛係麻辣湯底中辣,湯底係微微嘅奶白色,  麻度唔算好強,  但味道好有層次 ,唔係剩係死辣.呢個湯底多蔥係必須, 就算好似我咁鐘意到要飲埋D湯先安樂嘅人, 亦唔會話飲完會好口乾.推介嘅配料係雞軟骨同豬軟骨, 豬軟骨雖然係少肥, 但係煮到入哂埋味, 入口會散開. 而雞軟骨嘅少少雞油香配埋個湯底更係一絕, 大愛!!

呢間米線係我食過最好食嘅米線，係全宇宙最好食嘅米線🤪平時去食都落咗場，今日終於食到喇。雞肉墨丸中麻辣米線佢嘅麻辣米線湯底同其他鋪頭嘅湯底有啲唔同，一般係好麻，而且顏色比較紅。呢個湯底嘅顏色就較為淺色啲，冇咁麻，不過就好滑，我估應該係落咗啲花奶去煮。雖然麻辣味唔係好重，不過中辣都幾辣。啲餸就係無得頂，雞肉好滑，亦好彈牙，唔似外面鋪頭嗰啲咁鞋，而且份量都幾多，墨丸都唔錯。除咗呢啲餸，佢嘅豬軟骨都好正，絕對值得一試。

呢間米線唔係第一次食，而且仲成日幫襯，點知今日比d姐姐搞到燥🤬今日LunchTime去食，一入到去坐正冷氣位下面，個冷氣開到好似冰格咁，見到隔離既人都凍，於是叫姐姐較細d，又話已經好細無得再細，話開咗風扇但我見到佢風扇無開，唔較得都唔緊要仲要講大話，話我食緊個時會好熱，連其他姐姐都笑，我坐低唔夠5分鐘d手腳冰哂，終於有人食完起身，我就要求轉枱，點知唔比轉，我即刻同佢理論而且叫佢摸下我個隻吹咗10分鐘既冰手，但仍然唔理我🤬燥到我直接問老闆可唔可以較細d個冷氣，老闆一句ok就應承咗，証明唔係唔可以較細🤬而且舖頭入面有2部冷氣，根本較細小小唔係大問題🤬🤬btw佢地既米線係好食既，特別推薦佢地既麻辣湯底，唔係一般食既麻辣湯，湯底有加奶，食落會有奶香，好開胃👍🏽最後我食哂都無覺得好熱，多謝老闆肯較細d個冷氣🙇🏽‍♀️

呢間是我最愛的米線店之一，店面不大，午飯時間99.99%要排隊及搭桌，除了價格便宜，當然是質素保證。但也長期維持在三不五時會想念的米線店，極推薦重口味米線愛好者！三餸麻辣米線/ 中辣 🌶🌶$40 - 配料只有25款可選，選擇相比其他米線店是比較少而且沒有什麼特別。麻辣湯底極濃郁，辣之餘不會死鹹死辣，係有層次嘅辣同香，亦不至於很油或會令到非常口乾，每次也忍不到喝了半碗湯。個人每次也點的配料是雞軟骨，爽脆口感之餘，有淡淡雞油香。而炸醬亦是強烈推薦，但記得落單時說明要分開，否則會令湯底偏油。而不推薦的是墨魚丸，質感較粉欠彈牙。凍檸茶 $7 - 每次也忘記要點走甜，因這家的小甜跟坊間正常甜完全沒分別🤷🏻‍♀️

因為附近開了新戲院而人流多了，否則很少人會經過這位置，不過這食店相對附近餐廳已算多客。這店湯底主打濃湯，白白黃黃的，雖沒說明湯底成份，但吃得出是雞湯加豬骨，有點像譚仔拼麻辣川的感覺，適合喜歡味道偏濃的人士。並非超級好吃，但至少有其獨特之處，會再回頭的米線店推介配料：雞翼、腐皮評分（10⭐️為滿分)：麻辣獨特：⭐️⭐️⭐️⭐️⭐️⭐️⭐️米線質感：⭐️⭐️⭐️⭐️⭐️⭐️配料味道：⭐️⭐️⭐️⭐️⭐️⭐️

呢排多咗喺長沙灣荔枝角一帶活動，今日想食米線，於是行咗一小段路嚟到呢間米線店。雖然都有人排隊，但唔洗一分鐘就吾以入座啦。首先拎張紙寫低自己想食嘅嘢。首先簡小鍋米線，之後可以簡一款$5餸，我就簡咗$6餸，所以要比多$1。另外辣湯都係要加$1 (辣湯漏咗簡酸定麻，所以口頭講咗)，飲嘢就$7。呢杯凍檸茶好飲，檸檬好新鮮，茶都好香。米線到了，小鍋米線本身都有少少配料，芽菜、葱等等。另外仲有我叫嘅腩肉，份量都幾多，而且厚肉。每食一啖都會食一啖餸，食到最後都仲有腩肉 湯底就一般般，不過不失，吸引唔到我去飲一啖 總結嚟講都幾唔錯，抵食之選

係長沙灣區，差唔多每季都有食店新舊交替，無返gum上下實力的，好容易就會被淘汰！當中，米線類的競爭相當激烈，舊力的米線實力雄厚，又不時有新勢力入侵，過往已有全港有分店的米線大哥都要退出離場。呢間被我名為綠色米線的米線店能在此站穩陣腳，足以證明佢地有一定吸引之處。佢地最吸引人就係香味四溢，係街口就能locate到店的位置，但食完都會有陣味跟住，呢樣真睇大家能唔能接受到。先睇睇個餐牌，簡簡單單，重點就係賣米線，而價錢都相當大眾化佢地有麻辣同酸辣兩種選擇，我個人比較推薦麻辣，小辣就更做到辣同香平衡，都然呢方面好睇個人口味。配料方面就大力推薦呢度的炸醬，佢地好細心，炸醬係可以另上的。但我更喜歡加入湯入面，令成個湯底更香濃。佢地本身應該都用幾重調味整個湯，所以做得比其他米線更香更濃，但又唔會覺得得個咸味。當然濃味野食完難免會有少少口渴，但個人覺得尚可接受，可能個人比較重口味啦！

每次路過都被裡面飄來的香味誘惑的不得了。湯白味濃，價格也不貴。一個人吃30蚊左右搞定，分量也很足。酸辣湯底真的非常好味，辣很夠味。我一個極愛食辣的人，中辣也會覺著受不了，一般點小辣，剛剛好。當然他們還有小小辣，微辣，不辣😂 但是，問題是他們經常放錯料。外賣到家后發現少了一味，這體驗是挺不爽的。堂食點雞肉可以放成腩肉。。。。也是服了。看在你味道好的份上原諒你了，下次點餐一定要再三確認是不是放對了料。

近年米線舖發展蓬勃，大多數為連鎖集團式經營。呢間小店喺明愛醫院附近，佢嘅好處係有張紙比你自己剔想要嘅嘢食，有好多選擇，最緊要係有得揀加底，佢嘅湯呈乳白色，同坊間大集團嘅湯底唔同，好香而且唔會口渴，不過價錢係貴左少少，但係值得。

好好食！食左一次之後上癮了，好想再食！個酸辣湯好正，米線比較幼身，但又吾會太冧，又吾算太平叫左個過橋米線，咩餸都有啲，食到好飽。又叫左個豬大腸、雞翼、酸菜米線！豬大腸好味呀下次再食

經常行過見有好多人等位，所以今日又約埋同事去試試，好好彩，岩岩好有2位，所以唔洗等位我叫左酸辣濃湯少少辣配豬軟骨，飲凍奶茶，同事就叫左酸辣濃湯少少辣配籮白雞翼飲凍檸水，份量都幾大碗，我同事邊食邊話少少辣都好辣，但因為我嗰碗等左成10分鐘先有，所以我都驚緊自己食唔到。點知我碗一到試下，唔係喎，真係少少辣，但我同事又真係食到pair唇都紅哂，所以我就飲啖佢碗湯，e....佢嗰碗又真係夾住麻同酸，而且又的確唔只少少辣，不過算啦講返野食，佢地呢到個酸辣濃湯係奶奶地白色，唔似譚仔既酸辣，亦唔似正宗雲南既酸辣，所以又的確幾特別，又係另一番酸辣既嘗試，而豬軟骨就切到細細舊，幾入味，我再試左同事既籮白，都好入味，到奶茶，出奇既濃滑題外話：食完出去後，唔知點解個身成陣味所以下次都係外賣

平日諗唔到食咩都會找你你間米線舖食米線，通常都係叫一個餸，但係今日實在太肚餓嘅關係所以叫咗一個過橋米線。＄52一碗過橋米線價錢都叫合理，米線嘅份量比連鎖嘅米線店少，但係勝在材料質素較高。個人最鍾意佢嘅雞肉，係用雞脾肉架，肉質夠滑，唔會鞋口。湯底揀咗清湯，奶白色嘅湯底飲得出好清甜而且好足料。豬軟骨大大嚿，咬落去好淋身，鍾意咬埋舊軟骨，好有咬口。豬大腸都好正，連埋舊肥肉咬埋一齊，而且仲要吸晒個湯汁。食完果下真係好飽，但係又好滿足。

最近想吃得清淡點，於是一訪這米線店嚐嚐她們的馳名米線。$27 的魚蛋小鍋米線，魚蛋好爽彈，芽菜仔屬海量，米線好幼身，是我喜歡的粗幼度。這年代還可吃到二字頭價錢的午餐，抵食夾大件，實在令讓人感動。

這間雲南米線已經幫襯了好多次，因為鍾意佢嘅麻辣湯底，味道濃郁，就算忍唔住口飲多咗湯，都唔會有口渴感覺。相比連鎖式集團的米線，佢有另一種風味，今次我叫雞肉加腐皮麻辣湯底小辣，加凍啡一杯。雞肉夠滑腐皮夠多，小辣湯底我已經足夠，因上次叫中辣食到出晒汗。而飲品方面多次叫小甜，但都很甜，今次亦不例外，飲了幾啖真係頂唔順甜到死。下次可能叫可樂穩陣啲。

平時行過到忽略左依間轉角位米線舖，但今日落雨，所以男友話近近地就入左依間到食。可能lunch時間，都幾多人下，幾乎滿坐。點餐需要自己填係張餐紙到，再交俾職員。我男友叫左碗肥牛蘿蔔小麻辣濃湯小鍋米線，蘿蔔清甜無根，肥牛不會太老ok，加上濃湯略有麻辣香味，增加食慾。而我就叫左個豬紅豬軟骨小酸辣濃湯小鍋米線，平時一般米線舖好少有豬軟骨配，所以一日一定要試下。豬紅口感都可以，豬軟骨不要厚厚的，而是一細舊一細舊方便入口，軟骨不會太硬或太淋，剛剛好！依個酸辣都不錯，少少酸配小辣令胃口增加，加上米線唔會太淋，所以好快就成碗食晒原來個湯睇落咁濃郁，其實有秘訣。因為唔覺意望入廚房到，發現原來每碗都會加入花奶。所以每碗米線食落都會咁香滑。