雲南風味小鍋米線

Open Now

Now Closed

自我感覺比其他出名的米線都好吃，米線很細，入味，麻辣味的湯底很好吃，當然其他味道都不錯，我每次都會選擇他家的黑木耳，非常好。除了店面太小，每次都要排很久之外，其他都很好。

又到星期一, 本身想係荔枝角搵紅薯粉食, 開頭誤會左呢間係賣紅薯粉, 誤打誤撞就撞左入黎~ 哈哈, 唔緊要啦~ 呢間湯底有酸辣湯底, 但係就冇紅薯粉呢~ 我最終選擇左濃湯配豬軟骨, 木耳, 炸醬同墨魚丸, 飲熱檸茶. 個湯底冇味精， 好濃既豬骨味, 應該用左好多時間去煲. 豬軟骨冇出面果D咁大份, 細細舊咁易入味. 炸醬, 唔記得左畫分開上, 結果一齊上搞到碗湯好油, 都係我冇睇清楚. 至於墨魚丸, 係畫左單冇黎，都冇計我錢~ 野飲另加七蚊, 仲要冷熱同價有D貴, (出面凍飲加$2), 如果熱飲減返$2就好啦~

呢間米線我食過不下數百次， 只係覺得幾過癮 ，唔知道係咁出名。 今日同幾個同事落街食lunch，又唔知食乜好，見雲南風味米線冇乜人，就入咗去食啦。 你只需要喺張點單紙度剔低自己想食乜，交畀店員，就係咁簡單。今日冇乜胃口，我點咗大腸小鍋米線，酸辣 ，微辣。冇幾耐就到咗喇。大腸佢畀咗好多，細細條嘅；今日個湯底偏甜，唔係咁酸；米線份量中等，生熟度啱啱好。有時都會懷疑佢係唔係落咗一滴香，因為 食完真係好想再食，同埋有啲口渴，味道黎講都幾好架真係。

這區很多同類型米線店，今次見這間未食過就入去試下……這裡類似車仔面咁就菜和面，款式都多選擇。點完紙比左姐姐，等左一陣一大碗米線就到。首先湯底是奶白色架，可想而知餐廳係足料煲出來先有這質素，飲落好夠味道，冇咩味精味，最後仲忍唔住飲多幾啖湯添。而見到佢地選用雞脾肉，雞肉滑身唔鞋口吾錯，而白魚蛋爽口又彈牙，最緊要係米線分量都好足料，一個人食到勁飽，埋單都係$33，呢個價錢同連鎖米線店其實差不多。但整體質素更好，所以絕對會再食其他吾同餸。

以前公司係係荔枝角附近，所以lunch既時候成日會過黎食，次次都好多人不過轉左工之後就無得再成日黎，但有時放左工都會專登搭車過黎食左再反屋企(^з^)前排突然好想食，所以就約左朋友過黎收工食，叫左豬腸，腐竹，麻辣中辣佢個湯有別於其他米線鋪既湯係好濃既味道好辣好好食差d忍唔住要飲哂d湯(´▽｀)專登搭車黎回味下佢個湯都值得ga

住在長沙灣多年，從小學開始已經有幸品嚐過雲南風味。價格五六年間只有加過幾蚊。味道卻依舊，令人懷念。數數手指都已有三年多沒來過，一進門這裡一樣的擺設、裝潢，不論是雪櫃還是坐位都和以前一樣。我這行和男朋友點了一個過橋米線，有雞絲、墨魚丸、芽菜腐皮、多種配料。我點了我最愛的炸醬湯底，再叫了炸雞翼和水餃（椰菜餃）。水餃要特別推薦，以前經常吃的便是水餃米。水餃好大隻，很滑很香。炸雞翼更是出色，剛炸起金黃色的外皮，吃的時候要小心熱，有幾次我都燙到。老闆娘的樣子更是一如既往的頹廢 雖招呼不熱情，但絕對令你舒服又自在。而且價錢便宜，兩位都不過是賣單$75多年不變的味道，希望這店可多做幾年，讓我有更多時間來吃夠本！

一直以來我都喜歡食米線 今天是我連續第三天食米線 所以決定隔左好耐再寫食評今天食雞肉加栢葉加炸醬加酸辣 首先先嚐嚐湯底 味道果然不錯 酸得來開胃 帶點甜 令人一試再試 呀 辣亦不會太辣 (其實我叫左最小辣。。。原諒我是個食不了辣的人）雞肉同栢葉亦不像其他店的比得咁諧 好滑好好食最後當然是主角的米線 這裡的米線不像譚仔的太快發脹 同埋可能是這裡米線幼身而入味 容易入味 讓我可以慢慢品嘗湯加米線一啖過的滋味加上價錢不貴實在值得再吃

呢間米線好似食上癮咁...哈哈哈 !! 依家 LUNCH 每個星期都黎一黎 ~~ 佢個湯底跟 譚X 同 X哥 好唔同 !! 味道好夠 ~~ 酸辣味都好足 !! 兩者勁夾 !! 唔會只有一邊有味 !! 湯底都真係會追住黎飲 !! 我同朋友笑話一定加左白粉 !! 所以吸引咁多人黎食 ~~ 哈哈 !! 呢間鋪每碗都唔同味道，就食得出佢係一碗碗咁煮 !! 米線亦可以選硬同爽 & 淋 ~~ 酸辣亦唔會好似其他鋪頭咁得一個酸辣度 !! 我愛上左佢既豬腸 !! 勁入味 !! 份量又多 !! 真係不得了 !! 腩肉就一般 ~~ 同街外既差唔多 !! 但份量一定比出面既多 !! 芽菜比較幼身但十分爽口 !! 食完呢碗野勁飽 !! 份量大 抵食 !! 味道又好 !!

今天要到長沙灣拿樂X的電視機，上到去發現要等3個小時，拿籌後便到附件搵間餐廳坐低消磨時間。落樓後對面就有間雲南風味小鍋米線，店內環境一般，主打小鍋米線。下單方式同港式車仔麵一樣，畫紙仔！我點左牛丸，肥牛及豬腸清湯米線，份量看上去很多，價格還算適中，對於想簡簡單單別個午裒的人來說，性價比還是比較高的。米線湯底的湯汁被熬成了乳白色，味道很濃郁，牛丸也不是一咬就散的品質，可是肥牛就無牛味，反而豬腸就好入味！食完之後，坐左半個小時，都沒有給老闆娘趕走，值得一讚！ 

公司在荔枝角，常常經過這裡，中午總是多人的，好奇心慫恿之下放棄連鎖店，試試小店的功架。位置坐著不太舒服，椅子好小一張，但看到四周的人都吃這麼一大碗，我怕我吃了會坐不下那椅子。配料選擇琳琅滿目，而且可以選的額外項目十分貼心，例如米線稔些，米線少一些。今天心血來潮，吃了酸辣炸醬豬紅腩肉少米線。一上桌，我呆了，因為少米線還是很多。我夾了一口米線，原來他有點𡁻勁，而且比平常的幼身，我好中意呀。湯底用豬骨湯頭，酸和辣都剛好。不過腩肉過硬，有些切得太大一塊。炸醬和豬紅也甚為出色。吃完起身，望望外面，又一條人龍，也對的，這小店誠意可嘉！

好多次都經過呢間排晒大隊的店, 到今日先終於有機會入去食, 的確幾正點了炸醬中麻辣米線, 米線非常幼細, 但唔會易爛易斷, 反而都幾爽口, 另外炸醬亦有別於其他的店, 是肉碎而非一堆醬, 真係可以一粒粒的肉碎! 不過麻辣味不夠, 已點了中辣都唔夠, 而且炸醬份量也很少, 不過下次都會試其他

食左個芽菜，肥牛，雞軟骨，清湯米線平時見開都勁多人排隊，可能今次遲左少少黎，所以先一黎就有得坐。個環境雖然擁擠，但尚算乾淨，只係今次坐張枱有冷氣機滴水，所以失色左一點清湯一如既往既濃郁好飲，芽菜幾多，同米線一齊食時爽脆，很爽。肥牛冇乜特別，雞軟骨原本以為係炸好既雞軟骨，但事實並非如此，食落就當然冇甘香口，不過一粒粒脆脆的都幾過癮。可能我都算大食，人地可能覺得份量太大，但我就覺得岩岩好。

食左甘多日茶記，見到有雲南米線食，門口又有唔少人排隊，看上去不錯叫了一個炸醬腩肉米線，啲米線煮得幾淋，自己幾鍾意，尚有"煮得更淋"的選擇可以圈，不過今次就冇試米線的份量幾大，食到一半既時候覺得有點飽，不過好彩最後都食得哂。今次叫左小辣湯底，其實平時去譚仔食既都係小辣，不過感覺依間勁啲。同埋佢個湯底感覺好濃郁好香，同麻辣味道幾合襯，如果唔係有少少超乎左我食開既辣度，否則我一定會飲埋啲湯至於餸料就不算太多，炸醬幾香，但偏少，腩肉都幾好食，但稍嫌味道偏淡。不過整體來說都係好食既。

中午想食米線，但又不想食譚仔，於是路過見到家雲南風味小鍋米線，就行入去。其實都相當多人，等左一陣間，先入得去。因為依排喉嚨不是很舒服，於是叫了清湯，配料則叫了魚丸和腩肉，人比較多，所以等會兒才有得食。湯底香氣鼻，呈奶白色，一飲之下，甘美香醇，完全沒有想到一間小小的普通的米線的湯底這麼好味，出乎意料之外。佢啲湯好好飲，啲餸就相較起來差一點。墨魚丸雖然不是很多粉，但都頗有魚味。接下來是腩肉，腩肉是切得一塊塊較薄的豬肉片，份量頗足，但吃落就沒有甚麼特別。米線本身幾大碗，所以都食得幾飽。

這天陪媽媽到明愛醫院覆診，公立醫院的接客量其實比任何人想像中都要大，無論是病者還是醫護都辛苦了。覆診輪後時間長，我和媽媽都早就預料到，接近午飯時間都還未看到病，我決定走到附近買份外賣，先把我倆的胃醫好再算。 甫踏出醫院，過條馬路，便聞到陣陣的米線香。媽挺愛米線，加上店內客人不多，想外賣應該不用等太久。店內面積不大，平日人不多，但尚算清潔企理。店內採用點心紙形式，一碗一張紙，配料選擇都是大路款式。不過最特別的是有一個位置可以選擇把米線煮淋點，想也不想就把媽的那碗剔上這格。炸醬雞肉小麻辣麻辣湯底就是店外聞到的那股香味，但炸醬的油份略微過高，令湯底顯得太油。雞肉嫩滑，份量亦不少，兩碗米線份量都比外面大，很抵吃。 雞肉墨丸清湯底媽媽不吃辣，但清湯底卻抵不是無味道，有少少咸香，墨丸彈牙。不過，「煮淋點」的米線卻跟我那碗的分別不大。