雲南風味小鍋米線

Open Now

Now Closed

讚1.環境好乾淨，去咁多間米線店，呢間真係好坐得最舒服既一間2.嘢食份量好足，五十蚊三餸米線既份量多到一個點3.湯底既酸味同辣香都好開胃，味道係煮左入湯果種，唔係平時啲溝入去果種彈1.米線係幼身果種，入口滑得黎但煮得好腍下，唔太接受

💡米線關注組遺漏左嘅隱世米線小編係一個米線控，經常去唔同地方食米線。今次係由住長沙灣嘅朋友推介街坊至愛米線😋🍽 豬大腸腩肉酸辣濃湯小鍋米線由於第一次食，所以小編order左微辣酸辣濃湯試下先。識食就一定先試湯底先，飲完第一啖，真係不禁「嘩」左一聲，因為湯既味道同平時出面食開嘅酸辣米線好唔同，肉味濃郁，仲有陣奶香味，又唔會太酸，非常特別。最重要係食完唔覺口乾，唔係味精湯底！豬大腸份量有好多，有咬口得黎，唔會過份韌，而且好入味。最主要係一啲都唔肥，原來係姐姐好細心將每一舊入面多餘既脂肪整走，所以怕肥既人都可以食番幾舊。而腩肉份量都好多，雖然細細舊，但都厚身，容易入口，但小編認為如果腩肉瘦小小會更好。🍽 雞絲麻辣濃湯小鍋米線麻辣湯好濃郁，有肉味，感覺似拉麵湯底嘅感覺。雖然order左微辣，但麻味都夠，食完嘴唇都有小小痺🤣米線偏腍身，完全係小編杯茶！雞肉鮮嫩又滑，有大陣酒味，相信店舖用左好多心機醃肉！😋😚🍽凍檸茶 & 凍奶茶檸茶表現正常！反而奶茶有驚喜🤩 奶同茶配搭得啱啱好！整體性價比都幾高！推介俾大家😋😋ps/提提大家，小店下午四點至六點係落場時間，要食既朋友仔就要留意啦！味道：⭐⭐⭐⭐️⭐️服

難得去到荔枝角，去附近搵吓食。見到呢間米線鋪好似都唔錯，一於入去試一試！我叫左雞絲豬紅炸醬（另上）麻辣中辣朋友叫左豬軟骨雞絲炸醬（另上）呢間米線好特別嘅地方，在於佢嘅配料非常足料！啲配料食極都仲有。個人幾鍾意雞絲，唔好以為係用雞胸肉整，其實係雞脾肉，夠哂滑。朋友最鍾意食炸醬，佢同連鎖米線鋪有啲唔同，炸醬係乾身。食得出每粒都係啖啖肉嘅感覺。至於味道就覺得可以。最特別係個湯底，就算清湯都好濃味，有類似公仔麵麻油味嘅味道。我本身食得辣，中辣都唔算辣，下次可試大辣

叫了一碗酸辣（雖另加$1）（大辣）木耳絲及牛柏葉米線$39酸辣湯底的酸味不是來自湯底本身， 是來自額外加的酸菜絲，令我有點失望， 酸菜的味道屬於酸而不咸的類型。而它本身的麻辣湯底則做得不錯，辣味足而一點也不油膩， 令我十分驚艷。$5木耳絲勉強算是爽脆， 但只有一少樶$6牛柏葉不爽， 切得很幼， 失去口感， 也只5 小條， 有點兒小氣至於米線麵質則不過不失，不爽彈， 是偏硬身的口感。而店家提供餸的選擇也不多， 沒有我喜歡的豬肚

社交平台米線group經常有人介紹呢間米線店，假期行過就試吓係咪真係咁好味。我就嗌咗麻辣(小辣)豬軟骨豬大腸牛柏葉米線，老公就嗌左豬紅腩肉豬大腸米線（唔辣）。湯嘅味道的確同平時食開嘅麻辣米線有啲唔同，食落有奶香同濃郁。第一次食未清楚個辣度，所以叫小辣試吓先，對我嚟講辣度就可以啦。讚：湯嘅味道特別，食完唔口乾店舖座位與座位之間隔得遠，而且大家對住塊版食，食得安心。彈：配料好多都碎濕濕，牛柏葉切得太幼，掛唔到湯之餘，食落又冇口感。見到好多人都揀豬軟骨，我都嗌嚟試下，有部分肉非常嚡🙈總括嚟講，都係試下就算啦。喺而家得珍貴嘅外食quota下，應該唔會翻兜

今日晏晝經過長沙灣，就試咗一間好多人都話好食嘅雲南風味小煱米線。兩點鐘去到可能已經過咗午飯時間所以唔太多人等位，只有三個人係前面，所以姐姐就叫我哋係門口睇定揀咩嘢食。等左大約5分鐘就可以入座。一入坐我就揀左豬膶豬軟骨小窩米線(酸辣湯底、小辣)同一杯凍檸茶。大約等左5-10分鐘米線就送到。凍檸茶正常豬潤新鮮、爽口。豬軟骨焾身但我覺得唔夠入味。湯底方面我覺得唔夠酸同辣，所以下次如果再叫我會叫中辣。米線分量方面屬於正常啦。整體來講不過不失，下次我會試吓佢嘅麻辣湯底比多次機會佢

由於快食關係請原諒相片影得有啲差🙈但我都要放出黎皆因佢係我心目中既世界級米線🥰可以話係🇭🇰黎講係頭三位架中麻辣湯底好濃郁餸都唔輸蝕架圖中既係雞絲～豬潤雖然稱為雞絲 但實質係啖啖肉🤓呢度有冇豬潤fans🙋🏻‍♀️只要米線舖有就係必叫但有都唔代表好食ge😌但佢真係新鮮架同行朋友唔好辣就叫左最basic既湯甚至無辣既湯底都好食到痴左線朋友唔好米線都話要再encore arrr 重點只此一間 絕無分店架😎

小妹不嬲都唔好米線，但係係無選擇既情況下黎食左次，之後我竟然成日掛住佢😂仲自己黎食左好幾次😂😂餸呢就同其他店差不多，而今次就叫左碗小鍋米線 🍜加左腐竹，酸菜，雞翼，肥牛😍湯底轉咗做酸辣濃湯。腐竹係鮮腐竹黎既，份量非常多！口感好順滑豆味都夠香😋唔會好易爛食落去都仲有啲口感。最鍾意係同米線夾埋一齊食🤩酸菜嘅份量亦都係好多好多！多到係基本上每一啖都一定會有佢🤣味道偏甜唔會話太酸。口感爽脆好開胃😌肥牛就係平時打邊爐嗰款，不過不失。雞翼有2隻，都夠入味，但係肉質比較實，一定係做慣運動嘅雞😂😂我諗最吸引我嘅係佢嘅湯底同米線，以前成日覺得米線太過稔。冇乜口感。但係呢度嘅米線會有少少煙韌嘅感覺，同埋比較幼身。湯底酸酸辣辣令人食唔停口。辣度又可以自行選擇，啱晒唔同口味嘅米線控。

麻辣要小辣以上先至好食 味道先至會濃啲餸嘅性價比都幾高 $5-6蚊一個餸 分量都好足但豬軟骨唔夠淋 樓面人手唔多夠 得一個員工一腳踢 但出餐都算快呢間鋪逢星期日唔開 大家千祈唔好唔好去撞板

好耐無食呢間既米線，正確來講係好耐無食米線。因為營養師唔建議減肥食呢樣野。所以趁呢排自我感覺有瘦少少就去偷食。仲要有塊實色板間住，無人見到既。好似自修室甘，匿埋偷食下。明天開始食風🤣叫左豬紅、芽菜、雞絲、炸醬！酸辣微辣。少米線。大概10分鐘到，碗米線就到。香辣味撲鼻。先賞一口湯。酸辣適中。(本人屬BB級辣度)😆我唔鐘意搞散啲炸醬黎食。豬紅同雞絲都滑。食食下都會覺得辣，因為啲炸醬本身有辣油，食完個碗湯幾紅色😂

今日係第2次幫襯, 上一次冇咩印象, 今日上黎搵下有咩好食, 見到好多好評又黎試試2個送= 凍飲都係=$42 非常合理, 但成日叫我轉枱, 我LI 半個鐘經歷左2次轉枱我叫左酸辣微辣,  豬腸豬潤湯底- 係奶白色, 加有D姐油咁, 試左一啖, 酸味唔太出, 帶有少少甜味, 湯底入邊冇咩酸菜, 有小量細細粒既只有芽菜跟, 無肉碎無腐皮,  感覺好似差左D野, 多味精豬腸 - 薄切, 比較多肥膏但食落口OK, 唔係淋身既, 係有D爽口, 但唔係好夠入味, 同冇咩色水豬潤 -  過左火喉, 老左鞋左, 不過而家多細菌煮熟D安全D既食完飲左2啖野, 覺得成口好似有層野咁, "張"住左, 開頭以為係味精, 我都OK, 只要唔係重到令我太口渴我都會飲哂D湯. 返左公司, 條脷仲有層好厚既脷台, 好唔舒服我諗我會行遠小小食"裕一X"

個人好鍾情湯粉麵類！當然雲南米線麵好鍾意，以前係荔枝角工作，所以知道有呢間米線，佢個湯底真係全港獨有，第二個地方冇佢呢種風味，奶奶地，辣辣地，食一次已經上癮！今次order左雞肉肥牛米線，肥牛正正常常，不是什麼驚艷之作但亦不差，而且肥瘦適中，而雞肉係用新鮮雞肉、超滑同有雞味！碗埋個麻辣湯底真係冇得彈！凍檸茶就正正常常咁啦！而且2送連凍飲只係42蚊！呢個價錢可以係邊搵呢？總括：去開荔枝角同長沙灣要食野都會諗起佢！有下次的餐廳！

可以榮登我頭十位最愛嘅米線店, 一定係有佢利害之處啦.口水汁青瓜 個醬唔算辣但非常惹味.醬汁屬於重口味之餘但有淡淡青瓜清甜可以中和返主角米線登場最愛係麻辣湯底中辣,湯底係微微嘅奶白色,  麻度唔算好強,  但味道好有層次 ,唔係剩係死辣.呢個湯底多蔥係必須, 就算好似我咁鐘意到要飲埋D湯先安樂嘅人, 亦唔會話飲完會好口乾.推介嘅配料係雞軟骨同豬軟骨, 豬軟骨雖然係少肥, 但係煮到入哂埋味, 入口會散開. 而雞軟骨嘅少少雞油香配埋個湯底更係一絕, 大愛!!

呢間米線係我食過最好食嘅米線，係全宇宙最好食嘅米線🤪平時去食都落咗場，今日終於食到喇。雞肉墨丸中麻辣米線佢嘅麻辣米線湯底同其他鋪頭嘅湯底有啲唔同，一般係好麻，而且顏色比較紅。呢個湯底嘅顏色就較為淺色啲，冇咁麻，不過就好滑，我估應該係落咗啲花奶去煮。雖然麻辣味唔係好重，不過中辣都幾辣。啲餸就係無得頂，雞肉好滑，亦好彈牙，唔似外面鋪頭嗰啲咁鞋，而且份量都幾多，墨丸都唔錯。除咗呢啲餸，佢嘅豬軟骨都好正，絕對值得一試。

呢間米線唔係第一次食，而且仲成日幫襯，點知今日比d姐姐搞到燥🤬今日LunchTime去食，一入到去坐正冷氣位下面，個冷氣開到好似冰格咁，見到隔離既人都凍，於是叫姐姐較細d，又話已經好細無得再細，話開咗風扇但我見到佢風扇無開，唔較得都唔緊要仲要講大話，話我食緊個時會好熱，連其他姐姐都笑，我坐低唔夠5分鐘d手腳冰哂，終於有人食完起身，我就要求轉枱，點知唔比轉，我即刻同佢理論而且叫佢摸下我個隻吹咗10分鐘既冰手，但仍然唔理我🤬燥到我直接問老闆可唔可以較細d個冷氣，老闆一句ok就應承咗，証明唔係唔可以較細🤬而且舖頭入面有2部冷氣，根本較細小小唔係大問題🤬🤬btw佢地既米線係好食既，特別推薦佢地既麻辣湯底，唔係一般食既麻辣湯，湯底有加奶，食落會有奶香，好開胃👍🏽最後我食哂都無覺得好熱，多謝老闆肯較細d個冷氣🙇🏽‍♀️