雲香園小鍋米線

Open Now

Now Closed

👍🏻豬扒小鍋米線+魚肉春卷+蘿蔔 $64湯底揀左bb辣，酸辣湯底比較溫和，唔會太刺激，適合唔太食得辣嘅朋友～本身小鍋米線已經有齊肉碎、芽菜、酸菜同韮菜，豬扒好大塊肉質幾嫩～另加嘅蘿蔔清甜冇渣，索左湯底好惹味，魚肉春卷就好彈牙！米線口感剛剛好，唔會煮得太腍！👍🏻雞絲螺旋草米線+魚腐+豬軟骨 $69呢個揀左麻酸辣湯底，多左麻辣口感更豐富～ 螺旋草口感好爽，索湯一流，另外豬軟骨大大舊，炆到入晒味，魚腐味道都唔錯！✨秘製豬頸肉 $48豬頸肉燒得好乾身，表面仲有啲焦脆，食落油脂感唔算太重，不過好香口～肉質唔柴！仲加左碟油菜（$16）～無論係米線加餸定小食嘅選擇都好多～份量超足！雀仔胃可能食唔晒一碗🤣性價比好高～食厭左平時嘅連鎖米線鋪不妨一試！👛人均消費 ~$70(冇加一)⏱冇限時

小窩米線（少少辣）配餸：雲吞+豬紅+魚腐+蘿蔔成碗米線份量都好大碗證明好足料👍🏻，一個女仔食有機會食唔晒🤣，而碗米線最精粹嘅就個湯底，湯底煮得唔好碗米線就白費咗，餐廳嘅湯底好夠酸，辣味有好多種唔同嘅辣度可以調節，由唔辣去到勁辣。菜肉雲吞都幾大粒大約有3粒，雲吞吸晒啲湯底精華好入味，豬紅好出色食落無腥味，一咬落去爆曬啲汁出嚟好正😋，蘿蔔好大嚿咬落好淋，唔會食落有渣，魚腐口感彈牙。秘製豬頸肉豬頸肉外面好香脆，肉質啱啱好唔會燒到太乾太硬，食到椒鹽味好惹味😋，再配旁邊嘅泰式辣醬味道好夾，忍唔住再食多幾嚿🤭。

作為米線控～除咗食連鎖店之外當然都會食下啲小店呢間店雖然店仔細細 但就不斷有人幫襯✔️雲香園米線選擇困難症嘅人士就啱晒喇～本身default 咗有台灣腸、冬菇、雞絲、雞翼、魚春卷、螺旋草、腐竹、芽菜、酸菜、韭菜只需要揀湯底就得我就揀咗酸辣湯底 食落好開胃碗米線真係超巨型 冬菇好厚身 滷水雞翼炆到好入味魚春卷好彈牙 雞絲份量亦都好多✔️秘製豬頸肉即叫即炸 外層好香口 裏面就充滿肉汁一份都好大件 醃得都好夠入味✔️熱拌米線配墨魚頭、豬軟骨麻辣醬配埋少少豉油同肉碎、仲有花生、榨菜、咸菜正正係我鍾意嘅味道 配料就自由配搭豬軟骨係有咬口嗰種 個軟骨係爽口嘅墨魚頭係白灼 冇特別嘅味道 撈埋個米線嘅麻辣醬就剛好✔️腩汁通菜腩汁on side～正正啱晒我心意 鍾意點幾多就幾多✔️凍豆漿唔會話好甜 重豆味 枝裝飲唔晒重可以拎走添！

😋估唔到尖沙咀都有間咁地道嘅小鍋米線播👍而且價錢仲好親民添✅🍜雲香園米線 清湯 $64🌈若果你同我一樣乜嘢都想試吓嘅話✅呢個就啱曬喇👍我揀咗清湯湯底🔥入面仲有台灣腸、冬菇、雞絲、雞翼、魚肉春卷、螺旋草、腐竹、芽菜、酸菜、韭菜、蔥同埋芫荽🌿大大碗好味又抵食呀⛔️🍜小鍋米線 $68🌈呢個小鍋米線可以自己自由配搭👍都係揀咗清湯湯底🔥加埋大大粒奭口嘸雲吞、魚腐、魚肉春卷同埋貢丸😋都唔錯噃💯🤩烤台式小香腸 $30🌈都算幾大份✅即叫即烤💯好香口又多汁呀🥳🥬油菜 $16🌈加多碟爽口嘅生菜❤️大家滿足呢🥳☕️熱奶茶 $7🌈估唔到食米線嘅地方都有杯咁有水準嘅奶茶☕️茶底夠曬濃✅奶茶控好滿意💯

早前聽聞有間米線店的港式奶茶十分出名🫖👨🏻老闆特意學沖港式奶茶, 十分有誠意🤩☺️隱身於金巴利道尾的巷仔內🥣湯底每日新鮮豬骨🦴熬製6小時🔥火候足, 味道濃厚😌小店不大, 約6張4-5人枱左右, 環境鮮明整潔📱採用QR code 自行落單😉點餐個人化照顧不同客人口味需要, 貼心之舉👏🏻☑️米線可揀: 爽啲｜淋啲｜少米｜走蔥｜走酸菜等🧚🏻‍♀️餐廳預設較清淡, 中意較濃味的朋友, 記得落單時要求🔸小鍋米線(酸辣｜BB辣) $32 7/10+$9 雞絲｜螺旋草配料: 芽菜, 酸菜, 韮菜, 蔥, 芫茜, 豬肉碎🥣酸辣湯底, 唔會好酸, 都幾香😙🥢選用廣西米線, 口感Q彈🐔雞絲同螺旋藻的份量十分多😲🔸涼拌米線(酸辣｜BB辣) $37 7/10+$3 轉紅薯粉+$9 豬耳｜+$10 腩肉👂🏻豬耳爽脆, 腩肉肥瘦均勻👌🏻紅薯粉口感煙韌😋BB辣的辣味唔會好出🔸涼拌墨魚頭🦑 $47 6/10🫨好大碟! 除咗蒜蓉山🧄, 墨魚份量都好足☑️墨魚頭, 墨魚鬚, 墨魚肉🦑墨魚頭爽口彈牙, 但感覺份量比例上偏少🫣🔸手拍青瓜🥒 $23 6/10🥒青瓜呈長條形, 表面同樣蓋滿蒜蓉清爽可口的消暑前菜👍🏻🔸美利奶茶王 

一入到間嘢嚇親我，雖然有少少格攝，但不至於我一個客。不過好彩過咗5分鐘，就慢慢有人入黎，最後仲全場爆滿。我哋兩個人食叫咗一碟芥蘭一碟生菜，兩個米線埋單唔使200，其實價錢唔貴嘅，係唔想小心食多咗啫。個芥蘭做得好好，有口感又唔會好腍。有個細心位想讚一讚，蠔油冇直接淋上菜到，倒咗落油隔符合返唔同人口味，抵讚。米線都好多款送可以揀，叫咗芫荽紫菜豬頸肉，同埋好竹見既螺旋藻所以叫埋，但係唔小心叫得太多草，最後眼闊肚窄咗食到勁滯。上野速度好快，話咁快就有得食，個擺盤幾靚好欣賞。老實講，啲草就冇乜特別㗎啦，個豬頸肉有油香不過未算好嫩滑，我比90分。個麻辣湯底都幾濃，我自己就好鍾意啦。叫咗杯凍奶茶，夠茶味同夠滑身。所以雖然佢地方有啲隔涉，但係有啲驚喜，下次一定會再嚟過。

老友啱啱去完旅曼谷旅行，所以，專登約出嚟食飯傾吓旅行嘢，等佢分享吓旅行點滴，簡簡單單搵咗佢公司附近嘅一間主打小鍋米線嘅小店「雲香園」，睇返往日食評原來無食米線都竟然成年幾有多。小店地方唔大，6張四人枱一眼睇晒，裝修簡單樸實。整晚流轉好快，一枱客走，就一枱客入，亦有唔少外賣單。餐牌一版印晒所有食物，包括各款小鍋米線、配料、小食及飲品。晌鋪面有寫到湯底喺每日新鮮熬煮6個鐘，一陣間當然要試真啲啦。店家採用二維碼落單，喺依家嚟講唔係咩特別事 ，但佢嘅介面就特別多選項，做得都幾細緻，好似米線可以揀爽啲、淋啲、走蔥呀、走芽菜呀……等等選項。美利奶茶王 +$7、凍奶茶 +$8聽個名好似好勁，詢問之下原來喺老闆自己走去學沖港式奶茶，真喺誠意可加，小弟甚少晌茶記以外嘅餐廳飲奶茶，今次就一於試試佢。茶底確喺唔錯，都算幾芳香馥郁，而口感嘅滑度個人覺得仲有啲提升嘅空間，但已經算喺幾唔錯。涼拌墨魚頭 $47呢款涼拌小食真喺勁推介，話就話喺墨魚頭，其實仲有唔少墨魚鬚，堆到滿滿成座山咁，一啲都無手緊，份量十足。最緊要喺啲墨魚咬落好爽口 ，彈牙得嚟又有韌勁，有嚼頭，食落又涼浸浸，加上滿滿嘅蒜香，帶微微酸，好醒胃。牛腩

要食個快lunch 米線就係最好既選擇😎🍜雲香園米線 湯底新鮮熬煮6小時😳😳有芽菜 酸菜 肉碎 韮菜 蔥 芫茜 辣豬肉碎，台灣腸 冬菇 雞絲 雞翼 魚肉春卷 螺旋草 腐竹 足足10幾樣配料 最重要係選擇多 有各種口味配料可以選擇 滿足味蕾👅呢度既雲南米線口味獨特 絕對令你回味無窮❤️快速上菜 迅速享受美味🤪呢度最特別係奶茶😍老板親身學沖奶茶 每杯奶茶都溝幾款茶葉沖製 正式茶餐廳奶茶🥰______________________________🍽️ 雲香園小鍋米線 📍 尖沙咀漆咸圍1-3號多福大廈地下B號舖────────────────────

尖沙咀最近新開左一間米線，決定入去試試佢😝佢地有好多唔同款米線揀架，酸辣同小小辣係最多人揀🙈湯底係佢地獨門秘製架，用左新鮮豬骨煲6小時架🥰食落去無味精，所以唔會話飲完好口渴今次叫左小鍋米線、秘製豬頸肉同凍奶茶😜小鍋米線 $69叫左清湯，走辣走酸，麵揀左淋啲。餸就揀左腩肉、魚肉春卷、雞翼同螺旋草😛都好大碗，腩肉好入味，魚肉春卷都幾彈牙，係八爪魚魚肉春卷黎，食到幾粒有八爪魚粒，仲有雞翼大隻好滑，無雪藏味，螺旋草好有鮮味，營養豐富😍秘製豬頸肉 $48依款似泰式果隻，但唔會太肥，好有口感，食落去唔會好油，配埋辣醬一齊食超正❤️凍奶茶 $8茶好香奶味夠濃，唔會有苦澀既感覺🫶🏻問過老闆，原來佢親身去學沖奶茶，每杯奶茶都溝左幾款茶葉黎沖🤩飲落去似正式茶餐廳既奶茶❣️食到好飽，大滿足😚我會回訪架！大家路過尖沙咀都可以去試下😳雲香園小鍋米線 (尖沙咀)📍尖沙咀漆咸圍1-3號多福大廈地下B號舖

👦🏻👧🏻去完尖沙咀睇戲，就一齊去左發掘尖沙咀既特色米線🍜，而今次👦🏻👧🏻就黎到一間小店雲香園，試吓佢既米線🍜。🌟小鍋米線（豬頸肉/墨魚頭/牛腩/豬軟骨）呢間餐廳湯底不錯，用左豬大骨煲足6個鐘，誠意十足。配料有芽菜，韭菜，酸菜，蔥同埋芫荽（👦🏻走左肉碎），由於👦🏻唔食得辣既關係只叫左BB酸辣湯底，辣味幾溫和，用咗甜酸菜嚟煮湯底，甜酸辣集於一身，幾好飲！而豬頸肉外脆內爽口；墨魚頭爽口彈牙；牛腩炆得極淋，咬落唔痴牙；豬軟骨既肉比較軟身易咬，軟骨可咬但未至於入口即化。🌟小鍋米線（紫菜/雞翼/台灣腸）湯底頭先都提及過，而有少少唔同既係👧🏻要左BB麻酸辣湯底，👧🏻就覺得可以辣多少少！雞翼肉嫩多汁，滷水味頗入味；紫菜盡吸湯底精華，冇咩沙又嫩滑。🌟蒜泥白肉蒜泥白肉用咗熱既薄五花腩片肥而不膩，咬落去豬肉口感軟嫩，肥瘦均衡，配上紅油同蒜茸，味道香濃，值得推介！🌟熱奶茶☕️呢個熱奶茶真係重心推介！問過店員，奶茶用左幾款茶葉泡製，飲落去茶香奶滑，比較薄身同淺色，夠哂港式味道👅，問番先知特登出面學過沖奶茶，米線店都可以飲到茶記質素奶茶真係夠曬誠意！

除了小鍋米線，雲香園還提供麻酸辣米線，這種口味更加獨特。值得一提的是，他們的湯底非常重要，每一鍋湯底都是新鮮熬煮了長達6個小時，這使得湯底更加濃郁和美味。這種用心和耐心的熬煮過程，絕對能夠帶來更好的食用體驗。此外，雲香園的老板非常注重奶茶的品質，親自寫學沖奶茶。他們使用多款茶葉混合沖製每一杯奶茶，這是正式茶餐廳奶茶的製作方式。這種細膩的手工工藝和對茶葉的選擇，使得他們的奶茶香濃醇厚，絕對是一種享受。

豬頸肉小窩米線$50+豬大腸$10 +腩肉10 酸辣特登去一試呢個新開嘅米線店☺️聽聞佢個湯底係用豬骨熬製10個鐘😇湯底嘅酸味好重🤣少少辣😁層次豐富😇然後呢個全部都係食豬嘅部份😃豬肉全部都非常之厚切😌足夠份量👍🏻米線軟硬適中😊配搭埋碎肉酸菜都唔錯小窩米線$58(魚肉春卷、蘿蔔、豬軟骨) 麻酸辣麻酸辣嘅湯底就會麻辣味比較重😀都唔算好辣😊但係就好惹味😇魚肉春卷非常彈牙😄口感好好😇蘿蔔都炆得好琳😌豬軟骨又係好厚切涼拌墨魚頭🦑$47表面加咗好多蒜蓉又有醋☺️所以調味好足夠😊墨魚新鮮彈牙豆漿$8 支食完辣米線之後自然就會好想飲返凍嘅豆漿去解辣😆佢唔算好甜😌同埋係每一個米線舖都會見到呢一款豆漿😂😂😂

出奇地見到呢間新嘢好多食評所以放工之後特登都上嚟試吓 入到去冇乜人（大部份好似都係外賣）冇咩idea？咁就叫個大雜燴 見到乜都有可以試吓揀咗中辣（個姐姐服務都幾好嘅）試咗一啖，其實都唔係好似中辣嘅 似普通米線嘅小辣一食個台灣腸入面係凍嘅其後個龍蝦卷來貨麻麻哋，唔係好好食雞翼就正常螺旋藻都OK。雞絲都係好似普通嗰啲米線舖頭冇咩味 不過我覺得冇咁乾嘅。食嘅時候覺得唔算太濃 但覺得同其他連鎖舖頭分別好似唔係好大 冇咁濃味 叫咗個啪青瓜 （不過好油啊，略嫌唔夠清爽😅） 如果鍾意食蒜嘅朋友會好鍾意呢碗叫重慶酸辣粉，但其實佢係米線湯底 唔似普通食嗰啲酸辣粉可能大家有啲誤會🤣但係食完過咗半個鐘頭之後有啲「確喉」總括嚟講就下次都唔會過嚟再食

做 facial 附近，開左呢間~雲香園小鍋米線~，米線控既我行過聞到香味又忍唔住，決定做完面等埋朋友，同埋過左人多既Lunch Time 就食返碗。腩肉、炸醬、雲吞酸辣小鍋米線，湯底用新鮮豬大骨熬煮6小時，再加獨門秘製湯底，忍唔住飲左好多🙈。熱拌米線都好鬼正，一卷同埋花生、榨菜、鹹菜、肉碎食都好豐富架。叫左兩個手指公小食，涼拌墨魚頭蒜同秘製豬頸肉。 墨魚頭好爽口，蒜香味十足; 豬頸肉唔會好肥，但同樣好腍，值得試。呢度既凍奶茶好好飲，茶又香奶又濃，原來老板親身去學沖奶茶，茶底都溝幾款茶葉沖成。奶茶用既係黑白淡奶，茶香奶滑。

連鎖米線開到成行成市，但唔係太適合我既個人口味，最近聼朋友介紹就去左尖沙咀既【雲香園】。就算過左lunch time時間都非常多人、一個人或者兩個人就一定要搭臺，或者多人就好大機會要等位。雲香園米線：因爲第一次去食，就叫左主打既雲香園米線，本身就包左鷄翼、魚肉春卷、台灣腸、冬菇、鷄絲、螺旋草、腐竹、芽菜、酸菜、韭菜、葱、芫荽。之後就加左炸醬，要麻酸辣走酸、芽菜同芫荽。好多食材都可以自己調味同搭配。湯底味道香濃有層次、無用連鎖用開既一滴香。炸醬香香辣辣，好惹味。涼拌雲耳：自己備注走醋、微辣蒜香十足。分量超級大、雲耳爽口。熱奶茶：茶味香濃