面圓圓 (Closed)

香港好似無乜聽過泰北麵所以就去試吓平時食泰國菜通常都好重調味 但今次食泰北麵所以嘢整體口味都偏淡 除咗雞髀腌得好好味 最好食係隻雞髀 炸麵再配底下看似濃厚嘅醬汁 但其實啲汁味道都幾淡 另一碗湯麵就類似越南河 但都係淡 不過有提供魚露同辣椒油辣椒粉 比你自己調味。。。蝦餅都見到有唔少蝦肉 不過實在係食唔出任何蝦味55蚊4件真係麻麻地店鋪環境衛生正常 食完去隔離食芋圓圓仲有折扣 我好鍾意佢哋嘅仙草芋圓 不過下次可能過對面食月橋再食芋圓圓好過。。。。。

基本上係咖喱湯半乾濕撈麵。麵底類似油麵同另一種脆身似炸蛋絲嘅麵雙併。咖喱湯較濃味，似茶記咖喱汁，撈麵ok，剩低嘅就唔會飲。跟餐加$10嘅香茅南薑飲品，味道清新顏色粉紅，配上濃味麵食也算夾。

里間新餐廳係屋企附近，經過左幾次都想試下，禁岩平日放假就自己黎試新野。見到門口個啲相就已經好大期望😆又岩岩係泰國玩完返黎，係曼谷食左間幾出名嘅泰北咖哩麵覺得味道不錯，返到香港又心掛掛🤣見到門口大大隻字寫泰北麵，都幾有期待泰式雞腿金麵撈$55上到黎感覺都有泰國feel 嘅老實說，個賣相係幾靚嘅，味道嗅上去都好香椰子味，不過食落口就真係得椰子味，其他嘢唔係好感覺到。然後我又整咗啲青檸汁落去，咁樣就可以有少少清新啲嘅感覺，整體個撈汁味道十分普通，後來我有嘗試加埋枱面嘅辣椒油，咁樣可以將個汁嘅味道昇華返少少，但係整體而言都係普通雞腿係正常嘅炸雞，冇乜特別金麵摸落去，非常之油膩，感覺上炸嘅時候最後無冇用大火將啲油迫番出嚟其實本身諗住過金麵好食嘅話，會叫埋呢個火山排骨，但係第一樣嘢食已經味道普通，就已經對其他嘢冇興趣。總括嚟講，住喺附近諗唔到食咩，然之後又想試新嘢，可以一試。始終價錢唔算貴，當食正常泰國麵就得啦。不過如果要特登過嚟食嘅話就免喇下次我寧可俾多少少錢，食附近其他泰國菜

見到網上食評，個個都讚好就一於試試佢啦。我哋兩個人嗌咗兩樣網上推介嘅嘢：😵‍💫泰北虎浪海烤牛肉 $68本身睇佢個Menu見佢好大份，好抵食。點知嚟到心入邊有幾個粗口彈咗出嚟。完全圖文不符。佢嗰啲肉又薄又少份量，咁諗住佢少唔代表難食，可能佢係精華所在。至一擺落個口咬落去嘅時候，同橡筋有得比。👌🏻泰北雞腿金麵湯 $58呢個就正常發揮啦，佢個咖喱味好淡之餘仲有啲鹹。估唔到雞髀係驚喜所在，雖然啲肉唔係好滑，但係食到呢個地步，只要啲肉唔係老嘅都覺得好好食。總括就係唔會再去，始終都答咗好耐車。但係煮附近想試吓嘅都無妨嘅。希望店主見到可以改善下啦。

📍太子泰北菜小店‼️• 濃郁雞腿金麵 🍗🍜 -- 面圓圓🇹🇭·Follow @pigfoodiexhk for more food!🐷💛#pigfoodiexhk_太子#pigfoodiexhk_泰國菜==========================面圓圓係甜品店芋圓圓嘅姊妹店～主打價錢相宜嘅泰北菜，今次就嚟試咗個咖喱麵😋------------------------------⭐️泰北雞腿金麵湯 $58金麵湯底用咗大量香草同薑作為汁底，加埋椰奶、醬油、椰糖同自家嘅骨湯燉，飲落甜甜哋，椰味非常香濃順滑，又唔會好辣🥹💖金麵麵條爽彈掛汁！有部分係生麵，脆卜卜令口感更豐富～雞髀好大隻，外皮香口、肉質腍身🤩食完好飽🥰------------------------------賣相：3.8/5味道：4.6/5性價比：3.8/5推介度：4/5------------------------------店舖資料名稱：面圓圓地址：太子柏樹街7A號地舖前往方法：太子站D

經朋友介紹，即使當日紅雨，幾經艱辛都嚟左呢間店嘗試下泰北麵。平時都會去開附近食嘢，可能店面唔大，平時都錯過左呢間餐廳。當日下午一點半一去到就有位置。我哋叫左兩款麵-1）泰北雞腿金麵湯，2）泰北豬肉金麵撈。下單後數分鐘就有得食😋😋 1）泰北雞腿金麵湯-一嚟到就聞到陣陣椰香味，望到個湯金黃色，好吸引😍 個湯味好獨特，喺出面泰國餐廳未品嚐過呢種味。麵偏粗，最正係隻雞腿，外皮煎得剛剛好，肉嫩滑，推薦👍🏻👍🏻👍🏻2）泰北豬肉金麵撈-味道質感好似半肥半瘦嘅豬頸肉😽 蘸埋個泰式酸甜汁，簡直絕配!!! 食左第一舊會想再即食第二舊嘅感覺😹呢間餐廳係性價比王精選餐廳之一（不過大隻男士可能未必夠飽，可能要加底）

太子人氣小店，老闆娘好熱情，人情味濃。即叫即整，夜晚full house非常受歡迎🥳推薦特色金麵，甜香惹味✨🥩泰北虎浪海烤牛肉 $68烤牛肉熟度啱啱好，泰式南蘸醬微辣惹味。🌶泰式酸辣鳳爪 $48好正！經典泰國小食，個泰式酸辣青汁汁用咗好多材料打出嚟，無骨鳳爪口感清爽，辣得甘香，我自己勁中意。🍗泰北雞腿金麵湯 🐷泰北猪肉金麵撈 $58試咗湯同撈兩款，湯底用大量香草同薑熬製，椰香味會更加重，口感濕潤。🥢而撈麵半濕、半乾脆，撈起勁有口感，椰糖嘅甜味比較突出。金麵(雞蛋麵)金黃色🥚比常見麵底更加粗身爽彈，值得一試。🦐泰式魚餅蝦餅拼 $50自家製，魚餅夠特別，因為加入豆角，所以食落會有少少脆口👍🏻蝦餅混入簿荷同芫茜，驚喜芫茜唔覺得重仲好夾。🐷泰北火山排骨 $48豬頸骨，加入香茅南薑、芫茜及青檸葉等材料用慢火煮一個半小時，非常有心思🔥再淋上泰國香草及辣椒秘製而成的湯汁。食起身青辣椒味出，酸辣開胃。

泰北撈麵金麵撈🥩虎浪海烤牛肉排🍖惹味火山排骨！-專注泰北菜嘅鋪頭香港少有，即使係大間啲嘅泰菜，都真係少見泰北金麵，難得有小店做得咁刁鑽。呢間小店新開無耐，座位唔多，只做精品，主打幾款泰北麵，有湯有撈，重點係價錢平民，連埋小食可以叫滿全枱，都唔會肉赤。-🍗泰北雞腿金麵撈 ($55)🥓泰北豬肉金麵湯 ($58)雞腿經過慢煮，麵條索汁又微微彈牙，而湯汁用金咖喱醬煮成，濃郁得黎唔會太辣，而撈麵湯麵都係同一湯頭，撈麵較濃掛汁，湯麵就更有椰香。🍜泰北豬肉湯米粉 ($58)而呢款就比較唔同，湯底清澈但其實非常鮮甜，飲得出足料熬製，而米粉非常索湯，配上清甜湯底一流。🥩泰北虎浪海烤牛肉 ($68)大大份烤牛肉，根本要用牛扒黎形容，但價錢唔貴，烤得外焦香內半熟，脂肪較少肉感十足，酸辣汁混入蔥花芫茜，惹味得黎夠清爽。-🍖泰北火山排骨 ($48)🌶️泰式酸辣鳳爪 ($48)小食選擇唔少，連火山排骨都有，份量比平時嘅迷你同抵食，小食黎講超正，湯汁清甜惹味，滲哂入排骨中，啜得超過癮。🍘泰式煎魚餅 ($45)🦐泰式炸蝦餅 ($55)蝦餅自家手打，田中食食下麵，都聽到入邊剁緊，果然非常爽彈，而辣汁亦唔會同前幾款小食一樣

睇到ig介紹所以專登過黎食，餐廳唔算多位，好快就有位。叫左三樣菜式，三樣菜式都無泰北感覺，勁失望碗米粉無咩味，好啖味，啲丸就味道OK，自己煮買返黎既泰式米粉比佢好食。個咖喱湯麵係最失望，個咖喱係咖喱車仔麵個隻味加左勁多水咁，無味，個麵無車仔麵個隻油麵味。啲脆脆食左幾啖就已經淋哂，個雞腿勁乾，一啲都唔juicy，全部野加埋個口感同味覺都好差，成碗食左1/3就無食了。唔知係咪我嗌湯既關係所以無咁好食，可能撈會好啲掛，不過都無下次

一間位於太子的泰國麵館，不細心留意就可能會錯過了這間絕不能錯過的泰國小店。小店食物選擇一共有「麵食」、「小吃」及「肉食」。價格由HKD 48至HKD 68之內，份量亦都足夠，食物更是有滿滿驚喜，必試必吃之選！———泰北火山排骨 HKD 48你無睇錯，我都無打錯，的確係HKD48就可以食到呢個火山排骨！豬骨夾著豬瘦肉，配著咸咸微辣湯底，吸著豬肉中的肉汁，的確是不錯的開胃菜！泰北虎浪海烤牛肉 HKD 68這一個絕對是誠意之作，價錢非常宜人，而且份量也有一整片，欣賞！肉皮軟淋有肉汁，更有烤香的味道，就算不沾醬也非常好吃！醬汁是泰國那種甜甜酸辣的味道，我喜歡，沾牛肉吃也不錯！泰北雞腿金撈麵 HKD 55一個有驚喜的金撈麵，邪惡的雞腿醃得非常入味，像東南亞香料味道，不錯！撈麵是金黃色的椰香咖哩汁，味道清新而不會過份濃烈，撈麵剛好，自己一個吃完也完全沒有問題！我喜歡！而且配料亦不馬虎，有酸菜、紅洋蔥以及炸香的麵條伴著麵一同吃，增加多一個層次！——評價：❤️ CP值超高🍽 食物有質素💵 價錢吸引🖼 誠意小店之作推介指數：❤️❤️❤️❤️❤️（五個心心為滿分）——地址: 太子柏樹街7A號地舖

呢間店其實真係比較隱蔽嘅，唔係位置上，係裝修上 基本上行過都唔起眼亦唔知道係食咩有好多人以為係車仔麵全店門面全水添風配黑色 真係好難察覺察覺到再望餐牌得幾樣野食揀 價錢都唔係親民價的確好難有衝動想去試隔咗一排，見未執想試新嘢嘅我決定入去試吓泰北菜泰北雞腿金湯麵$58+檸檬草南姜飲$10泰北通常都係炸麵咖喱湯，炸麵都算係鹼水麵，一向唔鍾意食，不過上枱時一半浸咗湯一半仲係脆嘅！雞髀都好食，不過份量真心唔夠飽，想加小食又冇半份，所以冇叫到，咖喱湯特登叫老闆唔好咁椰漿，我比較鍾意食辣，佢都話可以少椰多辣，但都係唔辣嘅😂最驚喜算係支嘢飲，細細支，但好香，好似飲緊香茅檸檬咁，不錯不錯。但選擇太少，價錢又唔係好吸引會想再食#面圓圓

路過見到呢間餐廳係食泰北麵，自己喜歡泰菜，但未食過泰北麵，所以一於試吓餐牌好簡單，只有幾個面同幾個小食，再加幾款飲品我哋點左泰北豬肉湯米粉湯味濃，D丸都好食，冇雪味泰北豬肉金面撈豬肉片好薄，白灼無味，個汁有D咖喱味同椰奶香味，個麵部份炸脆左，同水煮嘅面撈埋一齊口感好特別煎魚餅炸蝦餅雙拼魚餅加咗好多檸檬葉，好香蝦餅彈牙泰式奶茶微甜檸檬草南姜飲比較淡，飲唔到香茅同南姜味，如果味道濃D就好店員服務態度好有禮貌

店舖裝飾走型格風，用了簡單的水泥。店面較小，放咗兩張4人枱，兩張2人枱。泰北雞腿金麵湯 $58隻雞脾有驚喜！雞髀好大隻🍗，好厚肉。肉質嫩，煮得啱啱好。👍🏻調味方面，有啲似泰式串燒嘅調味，食到有孜然粉。有特色嘅係有少部份炸咗擺喺面，令到食嘅時候口感有啲唔同，更有層次。麵較闊身，係雲吞麵嗰隻粗麵，冇鹼水味。湯底有啲似椰汁咖哩，味道較淡，完全唔辣。湯嘅份量似半撈麵。麵亦都配埋酸菜，同生紅蔥頭，幾特別。

自從上次試過後，太太就好喜歡這間小店，我們也吃了好幾次；食物以雞腿及豬肉為主，也有雞腳、排骨、手撕雞、鳳爪、烤牛肉及烤五花肉等。泰北雞腿金麵湯，咖喱湯底，帶有陣陣椰香味，金麵炸得香脆，浸入湯中一會再吃口感最佳；採用原件雞腿，用手拿著慢慢食，更覺滿足。泰北豬肉湯米粉，不用加底已超多，米粉煙韌有咬口，豬肉薄切但味道卻偏淡。泰式香烤五花肉，外層烤得香脆，肉質煙韌入味，加上少許醬汁更滋味。檸檬草南疆飲，口感清爽，帶有少許檸檬味，都幾好飲；泰式凍奶茶，香滑微甜，奶味香濃。#泰北豬肉湯米粉#泰北雞腿金麵湯#泰式香烤五花肉#檸檬草南姜飲#泰式凍奶茶#面圓圓地址: 太子柏樹街7A號地舖電話: 98618791

讚1 香港少見泰北麵，呢間唔可以話正宗地道，因為唔算好辣，不過醬汁係好香，而且酸菜都好味，整體係一間幾好味既麵店2 環境幾骨子3 店員（定老闆娘）服務好熱彈1 豬肉片係好柴口，要改良下