韓台站 (Closed)

作為街坊，唔係要求5星級嘅服務態度，唔係要你90度鞠躬，但你唔解釋比客人知餐單上嘅分別都算，仲要係正客人面前「jif 」出聲，里個係咩服務態度！我真係好想知道佢地老闆個標準係唔係咁，我每一次叫外賣，每一個staff都係咁，係唔係佢地工作氣氛同環境要求要係咁，點解完全無進！係咪獨市生意就可以咁？環境好，野食好，我係認同，d staff 我真係不敢恭維，我絕對唔同意因為平，因為屋村生意，所以staff可以咁，服務都係飲食業重要嘅一環

約了朋友，仲有他們嘅小朋友一齊食下午茶這邊的冷氣足夠，清潔環境環境尚可食物選擇多，而且很快上菜我們點了炸雞、薯角、拉麵、飯卷以及年糕拉麵入邊嘅豆腐魚卷有點變壞，建議不要叫這個吃佢已經差不多吃完嘅時候才發現。所以，我們也沒有與餐廳負責人說這個問題。天氣很熱呢！所以我們我們還點了數杯特色凍飲，珍珠也很好吃！價錢也很合理啊！整體來說，這間餐廳的食物味道挺好的，我們還會再來！希望下次再來的時候，大家也吃得愉快

馬安山出名是美食沙漠，想搵間餐廳都有d難道！出左名之後就有唔少餐廳開發呢個沙漠。呢間集合韓國，台灣食品的餐廳進駐馬安山都有一段時間，依然企得住，證明佢有特別之處！食完之後，我明白點解！首先，價錢夠貼地，適合屋村小市民！份量夠大，呢個價錢，有呢個份量算抵食！加上同村無競爭，所以可以長做長有

韓台站開正起馬鞍山耀安商場其實都係一個好嘅食飯地方，因為起碼唔使下下淨係食牛腩粉麵或者燒味。突然間有啲台式或韓式東西食下都幾好😎其實好多時候放假在馬鞍山我都會去韓台站到食飯，因為我好鍾意食佢嘅辣豬肉飯👍😍，大部分嘢食我覺得都ok我特別鍾意食呢個辣豬肉飯因為佢跑得真係好爽口同埋好香噴噴。環境整齊乾淨企理，唯一缺點就係侍應經常博漏單落錯單。在這方面若能加強我相信整間餐廳的吸引力一定會更大大提升👍

雖然係屋村商場內嘅一間食肆，估唔到會有驚喜。即時係響馬鞍山咁遠水路，本人仍認為十分值得深入一嘗呢間「韓式同台式Max and match」：韓台站其中韓式什錦拌飯，食完都覺得未夠喉，我揀嘅係豬肉雜錦拌飯，配菜同埋韓式辣醬撈埋一齊，真係正👍👍👍; 韓式粉絲，一樣好食；仲有芝士牛肉石頭鍋飯，同埋部隊鍋，賣相加埋味道一流。總之一句講晒，樣樣掂。絕對好食得過其他響旺角嘅韓式餐廳。另外，餐廳環境唔錯， 十分寬敞。價錢平，超抵食。唯獨要改善係台式飲品，如果啲珍珠可以煲林啲，就冇野可以挑剔了。

是咁的，今日約咗老師繼續學單車，今次由大圍出發踩到去馬鞍山。不經不覺已到黃昏，作為乖學生當然要請返老師食返餐謝師宴。一間主打台灣同埋韓國食物嘅餐廳居然播廣東歌，但有Eason, Joey陪住食飯都唔錯。個汁望落雖然有啲稀但比想像中濃味，味道唔會太辣仲甜甜地唔錯。年糕就韌韌地幾有嚼口。份量比想像中多，中間嘅配料都好足料，味道甜甜地好好食。滷水蛋有滷味，滷肉碎有滷味，湯底無滷味。隻蝦明顯係冰鮮蝦，蝦肉好霉。整體味道猶如人生般平平淡淡。炸粉略為偏厚，但雞肉炸完都仲幾嫩滑，配上甜辣醬幾惹味。味道有啲淡。老師話食咗咁多嘢不如踩返去大圍，我聽完頭也不回直接跳咗上車出發，留佢起到望住架巴士嘅車尾燈消逝而去。

今天來到韓台站，環境舒適，而且算是難得的馬鞍山韓式食品店吧！其實材料是不錯的，也很多樣化，但美中不足的是這拌飯是介乎暖和不暖之間，如果飯能夠是熱乎乎的，則較好。

這店的價錢價廉物美，一家四口都係$200左右，不設加一。食物質素是不錯的，款式也算多。主打韓式及台灣小食。今次試咗芝士炒飯同芝士炸雞都不錯。服務員的態度有待改善。餐廳環境都算舒適，有很多特色嘅佈置。冷氣較凍。

24蚊碟上湯時菜，得6塊。性價比甘甚高。應該係有機水耕種。食落又香又甜，我估係高真高級嘢嚟，除非唔係。唔怪得長輩話蔬菜越嚟越貴，我開頭都唔信，而家信到十足。其他食物OK。

今日下午經過馬鞍山耀安邨見到呢間韓式小店坐無虛席，所以就入咗去試試，因為一個人既關係，所以好快就有位。午市套餐選擇都算多，最後叫咗 11 號紅燒牛腩肉臊飯。牛腩同飯分開上，牛腩份量大約有 7 至 8 件左右，而且炆得唔錯，腍身入味 ; 而肉臊差不多鋪滿成碗，加上餐廳選用健康有益既珍珠米，以呢個價錢同味道嚟講可以一試。

好日不來，一來就受氣。來到，枱面抹得不乾淨，又濕，又一達二達漬，叫侍應來抹一抹枱，那侍應態度很差，還說"咪用乾紙巾抹緊囉。" 我們就反問，抹緊又要如何？侍應抹乾淨枱是基本要求吧，枱面一達二達漬，為何要客人叫才清潔？還態度咁差。跟著那侍應還要一會兒回來，問我地點得野食未，我地話邊有咁快呀？那侍應還說"不好要客人叫才過來", 說話裡有骨的。之後，打漏單，上野慢... 等等都扣了不少分.... 本身食物質素唔差，但態度咁，真係敗筆.希望食肆老闆見到，要同班員工開下會，點解可以咁嘅態度都得。

2019年2月18日星期一元宵前夕當天，午飯來到馬鞍山耀安邨的韓台站。門面採用工業風格，裝修用上80年代、90年代的風情。而且環境非常舒適，外面就耀安邨巴士總站。當天的午飯一共$51。當天跟餐order了一杯香芋可可，一杯跟餐$8。而且用上高身的杯，份量足夠，味道不錯。而且顏色近似朱古力。香芋的沖劑份量不過不失。😄😄午飯order了一份芝士辣魷魚飯，一份$43，但是份量不過不失，而且芝士加上韓式辣醬，把辣味中和，減少辣的情度。魷魚非常彈牙，但是芝士不夠柔軟。

初三唔太多店舖開門, 黎到韓店站只係加一收費, 都OK啦!店內無咩客人, 有卡位坐得舒服, 環境又乾淨, 店員又夠快手~芝士部隊蛋邊鍋 - 望落好足料, 有腸仔, 午餐肉, 公仔麵, 芝士丸, 年糕, 魚肉片, 白蘿蔔, 紅蘿蔔, 翠肉瓜, 金菇, 水餃, 牛肉, 蛋, 粟米, 大豆芽等等!湯底有少少辣, 份量夠2-3人食!店員仲會自動黎加湯, VERY GOOD!芝士溶岩炒飯 - 蛋及芙士係另上的, 自己先加蛋, 之後再加芝士自己炒, 有得有得食, 味道十分好!糖醋排骨肉燥飯 - 糖醋排骨肥瘦岩岩好, 十分入味及林, 小朋友都食到肉燥飯濃味, 米飯係珍珠米, 口感好好鹽酥雞柳 - 炸得太乾身, 外皮都較硬, 唔脆了.....海鮮煎餅 - 最差的食物, SIZE好細, 粉多於一切! 望落只有一隻蝦, 乜料都無甘!食物水準好參差下......

剛剛系韓國回港朋友話馬鞍山有一間混合菜韓臺站想帶我地去試下囉 Lunch 來到座無虛席見到幾個服務員忙到不得😂有一個姐姐比左張飛我地話等一等 (繽紛樂緊)😂又急速走去照顧其他客人好快已經到我地了 望左下餐牌 價錢真系太平民 菜品選擇多之餘仲有臺式珍珠奶茶我就叫左芝士辣魷魚 朋友仔就叫 糖酷骨 麻辣鷄 牛肉拌飯 等左一陣 野食來啦 整體外觀唔錯 食飽飽了開始評價下D菜品芝士辣魷魚要讚一讃 超水準 口感有幾重感覺之前系韓國都有食過呢個菜 都要198蚊港幣都無依家呢個好味聽韓國朋友講依家好多整傳統韓國師傅都上年紀退休 好多秘方失傳曬 唔知呢度個師傅系咪韓國人實在太好味啦朋友話D鷄好滑 好嫩 正下次要試一試拌飯料足一個碗6-7個菜好飽 拌飯醬好正宗糖酷骨 帶甜 開胃 不過不失4個人食完好飽好滿足價錢真系抵韓臺站下次我地會再來

叫得韓台站就梗係食韓式同台式料理啦!我次次都食韓國菜，拌飯同泡菜豬肉炒飯都正！份量夠！不過服務態度就唔多ok，上餐時，個男侍應係"扇"碗飯過來，我地每次都成6-9個人食，佢就唔肯行多步，企死一邊，然係扇d 野食過來。我食過成4-5次都係咁。然後個0靚妹又係特別差，長期西面唔gur樣！叫網上外賣平台 仲好笑，十幾個飯只係送咗一半過來，打電話過去要理論先討返d 飯。如果馬鞍山唔係美食沙漠選擇少，呢間野應該唔會咁囂