韓台站 (Closed)

今日去馬鞍山揾表弟，見有排都未有晚飯食就諗住買啲小食去佢屋企食。一睇餐牌都有幾多選擇，喺門口糾結咗一陣之後，叫左個韓式辣年糕同泡菜有機豆腐湯跟飯。個年糕煙煙韌韌，好夠味。泡菜有機豆腐湯都好野味，豆腐好滑又唔散。食完飽到晚飯都唔係好食得落。

昨天lunch幫襯，一直都覺食物ok,價錢都平，但個個侍應都黑口黑面，食完收碟好快，好似趕客咁，尤其收銀個女仔，比錢時多謝都冇句，希望店主提醒d員工要有基本禮貌對待客人。

屋邨食店唔多，呢間係邨內不錯選擇，韓式台式食物也不錯，選擇多，價錢相宜，座位也不錯，所以開業以來常常幫襯，有時亦會買外賣回家食。可惜近半年來侍應服務態度越來越差，特別係長馬尾眼細細女仔+新面口男仔，兩個連基本禮貌都唔識，落單時西口西面，大力丟低啲食物響枱，收錢時粒聲唔出「多謝」都冇句，唔係期望佢要好聲好氣，但係嗰種態度好似啲食客欠咗佢咁，再好的食物質素也令人條氣唔多順。希望可以改善吓，換走啲陀衰家員工，免得少人幫襯執笠後少咗選擇。

馬鞍山好少韓國餐廳，咁岩有間就係屋企附近啦，見到個價錢都唔貴，咁就入去試下啦，入到去其實好多卡位，我兩個人諗住間野無咩人咪坐卡位啦，點知個後生肥肥地既女侍應就話坐呢邊，我都唔知點解無咩人都唔比人坐邊就坐邊，咁都算啦，咁叫佢寫單啦，一開始扮睇唔到，但間野侍應都唔多，叫多幾次先過黎寫單，跟住問佢呢d餐有冇得餐飲果d，佢又好唔耐煩咁答你，又黑口黑臉，好似好趕時間咁逼你快d落單，搞到我已經無咩心情食野，其實野食都唔錯架，不過請著呢d侍應真係趕客走，如果老闆睇到呢段野就應該要考慮下仲繼唔繼續比呢個員工做，我睇其他評語都係服務態度差多

馬鞍山出名美食沙漠, 當耀安連一間最基本既老M都冇既時候, 呢間韓台站簡直係天賜恩物!!間野都開左年半, 質數我覺得係冇以前新開個時咁好, 但係價錢真係好抵好街坊!!!所以間唔中都會幫親下, 間野冷氣唔使錢, 勁大冷氣!!!背心短褲預左會凍!!! 話明韓台站, 佢MENU都一半韓國野一半台灣野, 唔知點解我次次都叫韓國野!!哈!!傳統紫菜飯卷拼韓式粉絲 $43紫菜飯卷簡直過好味過係韓國食!!認真!!入面有齊晒D料, 紅蘿蔔, 黃瓜, 蛋, 芝麻…大概都有7-8舊, 一定夠食!!!同韓國大媽有分別可能係小左面個麻油, 冇咁香, 但都算係咁!!隔離粉絲都好正, 凍食黎, 粉絲好爽, 唔油, 份量適中, 43蚊包野飲!! GOOD!!蜜糖芥末炸雞塊 芝士麪 $40朋友既芝士麪, 芝士麪冇咩特別, 都係韓國公仔麪!!但係個炸雞真係好味!!佢係落ORDER先炸, 所以一定勁熱!!雞肉滑, 粉唔多, 又多舊!!!可以揀蜜糖芥末味或者芝士甜辣味, 我地又係叫左蜜糖芥末味, 因為好好味呀!!!其實呢兩個餐基本上係我地2個次次都叫, 好少試其他野!!因為真係好吸引好味, 值得ENCORE!!!或者有機會

今日1點左右去到見到都好多人，咁打算叫外賣就算啦叫完坐低等，當時隔離仲有3個學生係到等位，大約10分鐘到佢地有位啦，叫野食啦，之後佢地d餐到晒啦，我個外賣都未有著落，於是我問下個收銀阿姐啦（因為都係佢落單）我問佢其實我果個係咪都有架啦？因為我見d學生遲過我叫都有晒個收銀阿姐一下就話梗係唔係啦，咁我咪問佢點唔係？佢就話你叫我即落架啦，廚房點出唔關我事，我話我叫你去跟一跟姐佢死都唔行去睇下，好似種左係收銀果位咁又唔叫同事幫我跟下，係咁講d無謂野，又話你叫外賣係遲過堂食架啦，乜係咁架咩？

下午茶倒數時間入去幫襯，得3,４枱客，本想坐落張半圓枱，卻要客吾好坐住，要坐去角落風口位。而佢哋應該想趕住收牌，個侍應落單嗰陣係咁用支筆敲我坐緊張枱似催促我落餐，而隔離個阿伯就最慘，４個侍應一個等我落單，其他三個企埋一堆當個阿伯透明，無理會阿伯要問餐，要阿伯起身去收銀台問，我最後叫左５個包嘢飲餐只上左４杯嘢飲，完全吾會提個客仲有一杯嘢送，韓式粉絲，炸雞Ｄ味道吾錯可以推介，Ｄ嘢好食但Ｄ侍應咁樣相信無下次了！同呢間嘢拜拜了！！

在馬鞍山開了有兩三年了（？），從來都沒去吃過，今晚興起打算嘗嘗。吃了兩個肉燥飯、一個石鍋飯、一個湯米線一碟芝士炸雞和一杯珍珠奶茶。石鍋飯，正常味道沒有任何驚喜但也不是伏。兩碗肉燥飯肉燥少得離譜，份量也不太多。湯米線淡而無味完全不知道在吃什麼。看到侍應們的衣服應該是running korea和100米合併版，這兩間我都吃過，但韓台站任何一樣食品都沒有到達那兩間食店的水準。是因為合併所以就只有兩間食店各一半的水準？至於珍珠奶茶，我從未飲過如此難飲的珍奶這間舖，只可一不可再。

電視劇集和旅游绝對是带動本地新的飲食潮流的源動力。其中韓食文化和台菜在香港大行其度，連茶餐㕔亦跟風。今天就点了一客果醃牛肉飯。韓式炒牛肉味道帶甜，秘方是用蜜糖醃肉，偶爾亦會加入切絲或打碎的雪梨，因為蜜糖和雪梨的甜味比砂糖天然得多，還帶有點點果香，令牛肉更加軟滑。可式嘗不到果蜜香，得個甜字，牛肉也不滑。韓國人有句古話＂人以飯力過日子＂，何謂＂飯力＂？就是吃了米飯之後的力氣。米飯對韓國料理來說，是它的根源。可惜也吃不出韓國米嘅口感。但最為失色的是套餐並沒有配上韓式泡菜Kamchi,真系失败中之失败！

午餐想食下飯見屋企附近呢間有韓式拌飯食就心癢癢想試下入到去應該開舖冇幾耐唔洗等位叫完野食都好快送左黎可能係拌飯唔洗點整啦叫左韓式牛肉拌飯($43)一黎見到個飯就好開心真係好多料有菠菜 蘿蔔絲 冬菇 芽菜 瓜 煎蛋 紫菜 同主角牛肉拌個陣完全係覺得超多d料有d撈唔到落飯度既feel因為面個浸太多啦d飯其實都幾多下但都撈唔囇拌得有d唔匀haha但都唔理開始食啦隻蛋黃仲係流心架蛋漿可以流落d飯度多左種香味我最鍾意係佢有冬菇整得好淋好滑令成個味道更豐富出面好少食到有冬菇 幾特別而佢d牛肉加左醬汁煮過所以都好juicy好香口佢似肥牛個種所以煎過都唔會好乾身仲有d蘿蔔絲同瓜應該係撈過辣醬既所以成個飯一齊拌就都有d辣醬味唔洗額外加醬都已經好夠味不過個人覺得菠菜可以切細少少因為難拌之餘仲有d難咬😂但整體都好ok會推薦鍾意韓式拌飯既呢個算係高質選擇

與同事下午到來幾次lunch，試了大醬蜆肉有機豆腐湯飯，味道不錯，仲有花雕雞飯，值得推介但拉麵就真係唔掂，湯底亦淡而無味，麵質較硬唔彈牙環境一般，唔太講究的是可以接受；但卡位邊之天花上經常漏水沒人處理，仲叫人坐，啲水滴落嚟彈到梳化又濕，人又濕，最後員工好客氣地只是拿了幾張紙巾過嚟畀我地墊住了事

這間餐廳走韓式和台式路線，提供多項食品如肉燥飯、米線、韓式拌飯、熱鍋等等，另有多款台式飲品，可以跟餐的～看來這間餐廳於這區也挺受歡迎的，到了午飯時間很快便滿座了～一份可吃兩種食物！紫菜飯卷包清淡但感覺健康，而粉絲挺彈牙，只是有點油膩。豬頸肉的味道幾好，但份量就較少，肉燥亦同是～茉香綠茶淡味，綠茶味多於茉香味，建議喜甜的朋友選擇其他台式飲品。價錢來說，$40-50便可吃到一個連飲品的特色套餐，甚是抵食～

呢間餐廳都開左年幾..今晚屋企無飯食..過黎一試..我地7點左右到左..唔算好多人..環境都幾舒服.. 朋友介紹話韓式石頭鍋飯好食..甘就叫左個雞肉石頭鍋飯..個鍋係平時出面果個size,,但料同飯都勁多..兩個人每人都食到成2碗..一個人真係食唔晒..佢仲配埋辣醬比你..都係$50一碗.. 台中擔仔面..有d肉躁.有菜有蝦..面都好彈牙.大大碗都係$30.. 另外叫左個滷水拼盤.3拼:豬肚.大腸同豆腐..味道都可以..係豬肚略嫌硬左少少… 套餐加錢配台式飲品..珍珠奶茶都唔錯..珍珠夠彈.. 總括黎講..係屋村平價抵食之選

今日經開馬鞍山耀安邨，見到新開左一間韓式餐廳，見到個門面同內裏裝修都幾光鮮，所以就膽粗粗入左去試吓。今次就叫左韓式雞肉石鍋飯同埋蜜糖芥茉炸雞塊。韓式雞肉石鍋飯 : 份量超級大碗，食極都好似食唔完個飯咁，食完果時個石鍋重好熱辣辣，而味道就同其他餐廳 d 味差唔多無咩大分別，不過佢跟飯有個辣醬俾你，鍾意食辣嘅朋友就啱晒，因為個醬都真係幾辣吓。蜜糖芥茉炸雞塊 : 比我預期中大碟，如果以 $32 蚊黎講真係好抵食，大大件又多醬，而雞塊亦都炸得幾脆口吓，雞肉都算滑，不過唯一可惜的是個蜜糖芥茉醬，只是普通芥茉無咩特別驚喜。

今日不用上班，就在家中搜尋在家附近有什麼好吃的小店。原來附近也開了很多不同種類的餐廳，有西餐、日本餐、韓式、台式等等。。。今次我就試了這間韓台餐廳，午市時候輪候的客人也非常之多，因為他們有很多套餐的選擇，價錢也很相宜！超過十款的韓式套餐，價錢由HKD 40- 45，還可加錢配搭其他特色飲品！如不喜歡韓式也不怕，仲有多於十款的台式和米線套餐可選擇。點了台式麻辣雞米線，辣味夠香濃，雞肉也非常嫩滑。加HKD 8，配了一杯香芋珍珠奶茶韓式牛肉什錦拌飯， 餸菜也非常之多份量也不少， 還配了一杯熱柚子蜜。