韓台站 (Closed)

Hello 大家好👋🏻！今日我同友人嚟到位於馬鞍山嘅「韓台站」， 一間帶港人口味嘅韓國及台灣餐廳。美食攻略：今日我點咗個「大醬蜆肉有機豆腐湯飯」，話晒我呢個湯飯控，一定首選湯飯。 呢個湯飯… 老實講同我食過嘅大醬湯真係有啲出入，可能調整咗迎合港人口味， 無咗韓國菜嘅味道😅。友人就點咗「茄子滷豆腐肉臊飯」，肉臊味道無正宗台灣肉臊果種甜味，不過勝在推頭多，足夠送飯。至於個茄子滷豆腐， 賣相真係麻麻， 茄子同豆腐本身比較淡口， 加滷水汁上去會有啲味，但係醬汁同食材嘅味道好似分開咗， 簡單講茄子同豆腐都唔入味😞。而餐飲凍齋啡同奶茶就不過不失。可能餐廳為咗配合港人口味而調整食物口味，但就好似無咗食物嘅靈魂，食物味道有待改善，勝在低食😅。美食指數：5🌝最高味道：🌝🌝🌜🌚🌚環境：🌝🌝🌜🌚🌚服務：🌝🌝🌜🌚🌚賣相：🌝🌝🌜🌚🌚

傳統壽司配韓式拌粉絲侍應把餐放上枱時，已有好大陣麻油味，韓式拌粉絲理所當然食既時候只係得麻油味，需要自己加一些醬料去拌勻，就會好食啲😛值得一讚既係傳統壽司，壽司飯唔會好硬，而且壽司包住的醃製了的黃蘿蔔好爽口😍即使係下午茶都好多選擇，人流不算太多，坐得舒服，好適合同朋友吹下水👭

呢間嘢唔係我想去，而係我啲朋友search到呢間餐廳，所以先一齊試吓好唔好食。初初見到個價錢，大概$50就食到一碗野，價錢算合理，所以就冇諗咁多，就入咗去坐，叫咗一碗大約$50嘅紅燒牛腩麵，點知正正係因為呢碗紅燒牛肉麵，改變左我嘅世界觀，因為呢碗紅燒牛腩麵，唔係一般嘅難食，係好難食！首先，佢所謂嘅紅燒牛腩麵，其實就係比一碗垃圾車仔麵，然後另外比多碗牛腩，然後果碗牛腩啲汁完全就係罐頭汁。果碗牛腩嘅味道猶如將腐爛嘅肉揼落去坑渠水，再執返上嚟食一樣。至於嗰碗麵，我認為係同食膠圈無分別，完全無味道。結果，碗牛腩我淨係食咗一啖，如果碗麵我就食咗五啖，冇錯，我記得晒我究竟食咗幾多啖，就係難食到佢呢一個地步。你哋要記住，呢一碗紅燒牛腩麵係值$50！所以，大家真係唔好去，否則將會懷疑人生！

有時想食韓國野，就鍾意叫韓台站嘅外賣。韓式拌粉絲有好多粉絲同埋蔬菜，就無乜其他配料，勝在炒得幾香，麻油味十足。叫左兩款紫菜飯卷，一款係午餐肉，一款係芝士。紫菜都仲脆脆地，包住醃蘿蔔、魚片、午餐肉等材料，其實兩類相差唔太大。有芝士味道係特出一點。牛肉什錦拌飯牛肉都唔少，仲有一隻太陽蛋，最好就係拌上韓式辣椒醬，辣辣地幾好味。蜜糖芥末炸雞塊份量都唔少，大大舊，就普普通通嘅一件用炸粉包住嘅雞肉。個醬都ok嘅。外賣份量都相當多。價錢平，係好抵食。馬鞍山少韓國野食，止痕之選。

外賣叫咗芝士炸雞同海鮮餅，芝士炸雞佢夠膽死比兩款唔同炸粉既雞塊👍🏻請問芝士喺邊呢？好細心咁芝士另俾，係芝士水至岩，定生粉水？！海鮮餅成口粉都算，係酸！劣到！

幾乎每次來吃下午茶都是叫這個——蜜糖芥末炸雞芝士湯麵 $40 炸雞有五件🍗份量幾多，淋面的蜜糖芥末醬令炸雞更加惹味🍯酸酸甜甜也減少了一點油膩感，這個炸雞配芝士湯麵吃非常滿足芝士湯麵就是普通的韓式芝士味即食麵🍜不要要求是那種有芝士的芝士麵😂

先講嘢食非常低質食落感覺好唔新鮮最明顯係個炸雞一食就食得出係翻炸咗唔知幾多次佢仲要個醬係冇味零誠意 完全食唔落另外啲職員都好有問題個個都愛理不理咁態度好差叫佢又唔應

之前一開始就覺得呢度D嘢食唔差，但係就好似因為生意唔優做，所以態度差到一個點！咁好生意就繼續態度差啦，我以後都謝絕再受氣😡😡😡😡😡😡😡唔明白點解肉燥飯D肉燥可以走但唔可以另外上，我話因為小朋友唔可以食蘑菇，個服務員竟然用好不屑的態度答：我地果D無蘑菇㗎喔，全部都係冬菇來㗎，我就話係菌類都唔食得，但同行其他人食得呀嘛，反正都係之後先放上去，另外用個碟裝睇唔到有咩問題，竟然做飲食可以咁不靈活，另到客人不愉快，果日D煙鴨又黑到不得了，但唔記得影相，只影咗食完後，都見到好多黑色油

每個月只少有一次會叫韓台站，一直都覺質素唔差。今日竟然發生一件令我地極度失望嘅事！平時有叫過牛肉炒年糕，外賣係用正常外賣飯盒（長方形），而且本身呢個年糕係無汁會話影響外送問題！今日嚟到，打個拎出嚟，大家呆左！個牛肉炒年糕係用一個平時外賣極細碗嘅湯size，比飯盒量連1/3都無！最令人氣憤係，打去幾次打通，個阿嬸大聲話份量一樣！仲話因為外賣問題所以轉，但師傅係數返咁多條年糕！（吓？咁多條？佔平時1/3都無點叫一樣？我地平時有叫上湯時菜，菜都無事，點解牛肉炒年糕會可以推卸話係外賣問題轉容器？仲話一樣？？以後從外賣名單剔除，永不再叫！

疫情關係, 好耐無試過4人1枱, 剛好集齊4個, 就去哩間開左都好一段時間, 但一直都未試過既餐廳因為好耐無食過韓式炸雞, 所以就試下止下癮先為免中伏, 所以叫一份炸雞套餐試下先, 佢係有得配飯或者麵既, 麵仲可以選擇辛辣麵添朋友們選左台式紅燒牛肉飯, 紫菜包飯配韓式粉絲, 仲有辣炒豬肉配飯居然佢地個3樣都係最點題既, 反而我既炸雞就一般般, 雖然佢係無骨, 但咬落去, 入面過份軟, 唔似平時既炸雞一樣, 外脆而有咬口, 肉汁佢係有既, 但稍為有少少油最好食可以話係辣炒豬肉, 反而令我覺得, 會再為哩個餐回頭, 甜辣得黎, 又好香口, 肉都比較多, 爭D就食唔晒添咁LUNCH SET都係四十幾蚊, 比多次機會佢試下其他野, 都不失為過既

咁岩同朋友經開馬鞍山，突然想食個tea, 坐底吹下水，就決定去左呢間有韓台式嘅餐廳試下😋可能係下午茶時間，人唔算多，即時就有位坐我地4個人叫左2份tea set 同1份芝士炸雞tea set 就叫左泡菜豆腐鍋，味道一般，不過唔錯嘅地方係入面有加魚糕😋再叫左韓式粉絲同韓式飯團，tea 嚟講份量算ok,不過飯團入面d 餐肉太簿，差緊啲口感🤣散叫左芝士炸雞tim, 好食😋下面仲有d 薯角，d 芝士拉絲連埋d 炸雞好正，價錢又唔算貴，值得一試

屋村好多都係冰屋、茶餐廳，或者日本餐廳，而主打台灣同韓國野食就比較少見，所以韓台站都會lunch成日去幫襯。麻辣滑滑雞新竹米粉$43(下午茶)麻辣汁咸味比較重，所以加落米粉到幾夾，麻都幾夠，食完條唎會有少少麻痺，但辣味就不足，可以辣多d成個味道會更加平衡。雞係好滑嘅，食左咁多次都保持到，同埋都好夠麻辣味。可以有新竹米粉比較特別，新竹米線比一般米粉粗，所以食落會比較有口感同彈性，但又保留到米粉嘅順滑。朱古力厚吐司半件$6跟餐以為會係吐司會好厚，黎到只係普通方包烘底再擦朱古力醬。韓台站食物質素合格，係屋村有韓台餐廳都係比較少見，係沙漠黎講算係一個唔錯嘅選擇。

咁突然心郁郁想食韓式拌飯，就搵到依一間，價錢都算平，就決定入去試一試。韓式辣豬肉拌飯 - $45首先一黎到係有驚喜既，我係冇諗過會咁大兜，而且睇個賣相，食材都好足夠，職員會有辣醬比你去撈個飯，咁我想講份量係多，但都有d評價，蛋就太熟唔可以用蛋汁去撈飯，翠玉瓜我覺得同拌飯味道並唔係好夾，因為拌飯撈左d辣既醬汁同本身帶甜味既翠玉瓜有衝突，所以我覺得可以用其他代替，但我覺得並唔係唔好食，可以有改善既空間。

第一次來看他一站式晚餐，因為工作關係差不多九點之後才入座，見到9:30關門，所以，快快點菜，快快食飯。不過感覺職員都口黑面黑，好似唔想人太夜入嚟食飯。服務態度的確有待改善，不過食物質素都OK但係叫咗一個韓式雞肉炒飯，其實炒得幾香，不過就唔係好覺有任何韓國特色，可能你有啲橙色嘅炒飯就等於係泡菜吧？另外呢度都有台式食品，叫咗個鹽酥雞扒肉操飯，個雞其實炸得幾香，個飯就比較小碗，還是食可能未必夠，另外呢度冇飲嘢，沒有要加$7 ，基本上晚餐都冇套餐的。

本身睇評語見到態度呢間唔好。但我都食過係無咩表情。又未去到差。昨日去食真係唔同晒。可能有一排無去過態度係十分惡劣！！入門帶位都已經態度十分差帶位叫我等等然後無2秒又叫我等等等等！！我答 咪等緊。。心諗又無催妳？！咩事係咁叫我等。。然後叫左炒粉絲 芝士飯卷 炸雞芝士拉麵 凍檸茶等一陣就上左飯卷先 好快炒粉絲都來左等到食晒 個炸雞芝士拉麵仲未到其實粉絲食到一半 眼見隔離枱又係欠拉麵佢地問完侍應系面回應客人 我聽到隔離女仔話我怕漏單問下。。然後我諗可能忙緊我地應該都未咁快又等到食完晒炸雞拉麵都仲未到隔一陣我就問侍應仲有幾耐到？侍應：炸雞無咁快呀！！ 要等15分鐘！ 你係咪想取消？？（語氣十分不友善）加系面然後我話想只係想睇下仲有幾耐。。我再望下張單 其實都有等左20分鐘客人都無話取消 侍應就唔想做我生意？當我同朋友商糧完不如取消算然後好快又上左個炸雞拉麵==咁即係唔咪要等好耐 咁我詢問時你又唔好兇我要取消啦⋯⋯總括呢間以前還可以 現在如果大家想試下態度有幾差就幫襯啦 我食左30分鐘走人 實在受不了 人生第一次openrice寫食評！仲有叫左杯飲品無幫我落單！為左想快d離開 個麵無影到我係借朋