韓味屋

Open Now

Now Closed

這間韓式餐廳的外賣經驗讓我有些複雜的感受。雖然味道相當不錯，讓人感到滿足，但份量卻相對偏少，價格也顯得有些貴。總體來說，雖然味道值得一試，但我希望在份量和價格上能有更好的平衡。

同事今日話想食韓國嘢所以就揀咗韓味屋食今次我就食牛肋骨湯定食成個定食黎講我覺得都幾好食啲肉肉同埋蘿蔔都好入味個肉好腍，唔會太過老而且個湯都幾清甜配埋一齊食得幾舒服

試過韓味屋幾款菜式牛仔骨味道幾好👍🏻但係肉比較少🥲骨比較多😕而且份量都太少😔價格比起其他餐廳嚟講偏貴💲💲💲原本諗住叫黎晚餐做餸但真係唔係好夠再叫多兩個小菜先夠晚餐

昨晚經外送平台叫外賣，叫了宮廷炒年糕，來到竟然有很多湯，像上海湯年糕一樣，我打電話去餐廳問，佢哋係咪送錯咗年糕，佢哋話一路都係咁，係好多湯嘅叫了炸雞件，送到來的時候已經有少許林左，但不能接受的是，原本以為係無骨雞塊，點知全部係雞頭雞尾，件件都有骨，仲要係啲骨碎嗰啲，亦都唔係全隻雞俾你，就好似煮第二個餸剩返嘅雞件攞嚟炸！其實雪藏雞髀肉都唔係好貴啫！外送平台炸雞收$198俾啲咁嘅嘢人食☹️海鮮煎餅叫做正常發揮，但又未去到話好好食，扣左coupon $311，以後不會再幫襯了！

第一次去韓味屋食lunch 韓國野叫泡菜豬肉飯應該實冇死 點知碟野黎到水汪汪 豬肉得3件 泡菜酸到好似用醋煮咁 酸到胃痛 甜味亦欠奉 咁樣67蚊完全不能接受 人生食過最難食韓國餐廳沒有之一

一入座, 店員就為客人安排小菜和湯 店員還貼心 提我們享用桌上的紅棗水 (有冷和熱供客人選擇, 很貼心喔!)午餐餐牌選擇很多, 令人眼花撩亂糾結了一輪, 最後選擇了牛肋骨湯飯定食🤍湯是 胡椒味 偏重的海帶湯 小菜 則提供了 泡菜 辣青瓜和 醬煮馬鈴薯 (小菜可免費添一次🥰)🤍牛肋骨湯飯定食 份量很足, 有牛肋肉 粉絲 自蘿蔔 2隻雞蛋 湯頭牛味濃郁 略嫌有點油 午餐時間全席坐滿, 店員會禮貌請用餐完畢的客人結賬離開, 讓位置予門外等候的客人

幫襯咗差不多兩年，由疫情開始，餐廳晚上只顧做外賣，繁忙時間堂食至少等30分鐘以上，食物質素每況愈下，今次落錯單，改叫魚後發現根本未煮熟，還凍的！每次也因為食前菜才來，始後也不會再幫襯！

菜單上的選擇豐富多樣，有經典的石鍋拌飯、炸雞、海鮮餅等傳統韓國料理，還有一些特別的創意菜式。我點了招牌的石鍋拌飯，以及炸雞作為開胃菜。首先上桌的是炸雞，外皮酥脆，肉質鮮嫩多汁，配上濃郁的韓國辣醬，真是美味極了！接著是石鍋拌飯，它的味道讓我回味無窮。石鍋裡的飯底鍋巴煎得香脆，配上各種蔬菜、肉類和醬料，一口咬下去，口感豐富多層次，讓人陶醉其中。餐廳的服務態度也非常親切，價格相當合理，物超所值。

I'd like to introduce my all time favourite family style korean restaurant 🥰 I guess I come here every three months🤭 not a big fan but for sure a regular customer 🤤Every customers first serve with a bowl of pepper seaweed soup and three dishes of kimchi. Tea here is goji date tea. Tonight soup was as expectedly peppery and hearty. Always serve boiling hot. Staff randomly gave three different types of kimchi: normal kimchi, garlic spinach and black pepper potato. You are allowed to refill the kim

<韓味屋> 📍鰂魚涌🔸足料海鮮豆腐辣湯 ♨️🔸性價比超高韓國料理 🇰🇷海鮮滑豆腐辣湯定食 ($69) — 石頭鍋盛上辣湯♨️，上枱果陣仲係Bolu bolu滾緊，辣湯襯上熱飯好暖心 🧡💛🧡 湯料份量唔惹小，啖啖都有湯料。驟眼睇有一磚滑豆腐、6隻蜆、5隻魷魚🦑、4隻蝦🦐，海鮮食落似街市新鮮料，肉質鮮嫩、口感彈牙。欣賞餐廳貼心之舉，未上主菜等候時間會送上海帶湯🍲同小碟配菜(薯仔🥔 & 醃海帶都好好味)， 不過海帶湯味精有啲重手。

隔一段時間就會想去北角這間韓國餐廳。一入座店員就先會送上好重胡椒／黑椒味的海帶湯和三款韓式小食前菜（不用加錢，更可以要求甚麼款式，我通常會點泡菜，薯仔同豆卜，小食可以免費添一次）。主菜就推薦我每次都必點的海鮮大醬湯，入面的材料非常足，有蜆仔，蝦，魷魚，豆腐，瓜等等，連一碗白飯。有前菜主菜白飯，基本上一定夠飽！另一樣要提醒大家不要錯過的，是桌上的熱茶，入面應該是熱桂圓水，味道甜甜，十分好味，每次一不小心就飲幾杯。

快逃！！ ！！！$88 lunch set 得3塊肉 跟住我叫咗佢走黑椒啦 佢話OK啦 跟住呢佢裏面呢唔知點解又會比我食到黑椒 同埋係完全唔知點解$88嘅餐淨係會得3塊肉然之後一間餐廳仲要冇冷氣 喺條街度都涼過喺入邊 跟住夏天秋天仲要比熱水 問佢攞隻碗佢又要抌過嚟 仲要特登收埋咗餐牌如果見到我呢個comment就唔好過嚟啦！！！！！！！！！！！！！！！！！！！！！！！！！！！！！！

平日放lunch都好鐘意去呢間食，65蚊午餐韓國菜有小菜有湯refill，本身都無乜嘢。但呢幾日去到間野，就比其中一個店員既態度嚇親。只不過睇餐牌多1分鐘咋，個店員講：嗌得未呀？態度好硬又串，可能放lunch多客想我哋快啲，我都接受到既。以前小菜湯有得無限refill，宜家只係得一次性refill，仲要啱啱食完最後一啖飯吞落肚抹嘴就要執碗趕客走，都係同一個店員所為，希望餐廳留意翻。辣泡菜五花肉飯 4.5/5每次食都係呢個，辣得爽，送飯好味，白菜泡菜味道正宗又唔會太酸。地理:我知道其實有2間分店喺同一條街，我諗生意太好環境:裝修有趣，有高達既裝飾掛牆，配搭怪異，我諗可能屋企砌完無位擺放係餐廳價錢:65蚊有飯一大碟菜有小菜有湯有飲品，性價比高又好食。服務:部份員工態度惡劣，有待改善。

睇到報導話有韓式三餸飯，但原來星期六、日無結果買了個泡菜五花肉定食，跟配菜、飯配菜同五花肉嘅泡菜汁都甜甜哋，越食越開胃配菜相對較辣，而且用咗好多款唔同嘅菜：薯仔、翠玉瓜、青瓜、菇、大蔥、當然仲有大白菜同紅蘿蔔，唔知有無數漏呢五花肉起碼十幾塊，食極都有😆除咗用泡菜煮，仲有胡椒、洋蔥等，胡椒粒都幾多👍🏻👍🏻竟然食到底有生菜墊底，好似中式飯咁門口似舊式茶餐廳，貼滿餐牌。整齊有序，唔會睇到眼花😵‍💫😵

見到呢間韓式料理都好多人食，午市套餐$65-$108不等，已經包括左前菜，海帶湯，同定食，一於就試下！🍴海帶湯 (5/10)唔知點解海帶湯超重胡椒味，好似胡椒豬肚湯嘅味道，好辣好攻鼻，唔似韓國嘅海帶湯係鹹鹹地淡淡地😂🍴前菜 (7/10)薯仔，辣豆卜，辣嘅醃蘿蔔同油麥菜？勁得意日本食韓式餐廳都係泡菜豆芽，既然有豆卜同油麥菜真係融入咗香港文化😂薯仔甜甜地，辣豆卜唔係好辣鹹鹹地，辣嘅油麥菜好爽口，做得幾唔錯，仲可以免費添加一次。🍴 辣牛肉粉絲湯定食 $69 (7.5/10)超級足料嘅牛肉粉絲湯，既叫即整滾水咁熱，好燙嘴😂入面有肥牛，牛腩碎，翠玉瓜，洋蔥，一條條綠色嘅蔬菜，非常足料豐富，個湯唔辣，真係唔係好食到辣都食到😂鹹鹹地好香濃嘅牛肉味，撈飯真係幾好食，幾香口，飯正正常常，煮得啱啱好唔會太濕！推薦指數: 7.5/10中午60幾蚊真係幾抵食，飽肚味道都唔錯，不過好多人去食，冇乜服務可言，叫咗姐姐加水佢都唔記得🤣🤣不過係會再食嘅韓國嘢！