韓舍 (Closed)

跟朋友來到元朗行街搵食，朋友說想食韓國燒烤，之前食開的都是x八燒烤，逐樣叫價錢頗貴的，不過因為朋友為了食爐邊蛋，所以才沒辦法。但這次我們竟然找到一間是放題的韓式燒烤，起初都有點猶豫，有點害怕。但食完之後，發覺這餐絕對是一餐令人驚喜的晚餐，足足坐了三個小時，食得飽飽的離開，十分滿足。雖然說是放題，但質素真的不錯，有生熟食物、甜品、飲品都是例牌菜。但佢特別在竟然有棉花糖機、爆谷機同雪糕機，這是我第一次見，可以在餐廳內自製，好玩又好食，另外小丸子機同格仔餅機都係驚喜之作，自己整咗幾粒小丸子食，可以自己出嚟開檔喇，哈哈

之前有個街坊介紹話元朗有一間韓燒好抵食 今日終於嚟試一試 一家大細一齊去食 商場有停車場都幾方便地方都幾大同幾企理 個爐幾好 係無煙設計 而且唔容易燒燶一開始食咗牛仔骨 味道幾好 同埋都好容易燒得好食食物款式都算好多選擇 而食物質素算中上 全部感覺都好新鮮小朋友特別鍾意食雞翼 佢啲雞翼都算幾大隻 我都燒咗兩三轉除咗肉類之外 其他的配菜都有二三十款 今次我都是唔曬 太多喇 另外仲有不少的熟食 同埋刺身 呢個都令我覺得幾驚喜不過我覺得佢最正嘅係啲甜品囉 大部分都好好食 而且種類超多 完全冇諗過韓燒係會有咁多甜品 多到好似喺酒店食buffet咁最後想講佢有棉花糖機 可以畀你自己試下整棉花糖 幾好玩 仲有雪糕機同埋 章魚小丸子機 啲小朋友都玩得好開心而家有優惠券每人可以減30蚊 一個人200蚊都唔使 我覺得都真係幾抵嘅

見FB 韓舍為慶祝15歲 10月11月like and share 晚市每人減$30 好鬼抵呀😍😍即刻來攞返個優惠先😏😏地點係元朗大劇院隔離，地方算易搵，仲有停車埸，好方便，$11/hr 好內無見過咁平拉位於地鋪，地方很大，就算擺20碟都夠曬😂😂爐是用獨立抽煙系統👍👍食完唔會油煙味燒烤種類很多，羊扒，牛仔骨，豬扒，雞扒、雞翼、金沙骨，秋刀魚，腸仔，粟米，脆肉瓜，茄子.......真係好鬼多種類我特別喜歡燒羊扒，高質，、葉、得好入味，羊味很濃，吃了三塊😂😂😂有魚生壽司種類也不小，刺身很新鮮，不斷refill ，很整齊、企理，而且店員很多，經常幇我們收碟👍👍熟食種類很多，即炸的，上碟還是熱的😋嘩，甜品很誇張品，好像酒店般的，精美，種類多，樣樣都好好味呢！😋😋還有自家制章魚🐙燒，韓式炒年糕，朱古力夾餅，又得食又有得玩😜😜雪條機，棉花糖機，爆谷機，還有雪糕櫃，相信小朋友一定很喜歡💕埋單每人$190，真係超值之選！

放工不如一齊去食返餐韓燒，同老婆去元朗的韓舍，有燒烤、冷盤、熟食、刺身等，還有多款DlY食品給我們製作。食品和環境都不錯。今晚就讓我們到韓舍食過痛快！玩過痛快吧！格式同自助餐差唔多，人參雞湯，麵豉湯 ，甚至有豬腳薑 ⋯樣樣都好吸引 ，由邊樣食起好呢？呢度無論生熟食物,甜品刺身,生果飲品, 種類都好豐富,肉類方面我都比較喜歡，覺得佢醃得都幾好味, 有其他們的牛仔骨 ， 牛味非常之重， 就算唔洗點任何醬汁已經可以就咁食。食品和環境都不錯，值得一讚嘅係蔬菜類都有好多,自助吧檯韓式燒烤食物，甜品，等各種小食， 可以用陣容鼎盛來形容。 走勻全場要花點時間。店內亦有壽司，刺身吧檯， 三文魚，章紅魚，貝類刺身都是任取。 算系肥美之外但亦新鮮。

今日去完表嫂家，就係附近食晚餐。 見到呢間韓國嘢又幾抵食，就一於入去試下裏面好大， 座位夠曬闊落， 仲有好多大既卡位坐添， 非常舒適我隨意燒咗辣味雞中翼， 豬頸肉，雞腎和五花肉。 雞翼大小適中，帶點微辣，非常惹味 。 豬頸肉夠曬爽口， 唔會太肥。 雞腎非常煙韌， 味道啱啱好。 而五花肉肥瘦比例適中，唔會太漏另外都拿左少許熟食，包括酸蘿蔔，沙律，泡菜和海藻。 酸蘿蔔甜酸適中， 夠曬開胃。同時食得太多肉，食啲沙律，泡菜和海藻都可以幫助消滯， 都係一個唔錯嘅選擇呀壽司款式都算多，排得井井有條肉類選擇也很多， 燒咗一半已經飽飽地蔬菜類也不能缺少， 點都要食番啲去平衡下最後點少得食甜品呢! 啫喱和布甸永遠都是我嘅首選， 食完真係大滿足。甜品款式有很多，食完真係飽到一個點汽水，果汁，咖啡任君選擇 總括嚟講，呢個價錢有咁多選擇，真係冇得輸，物超所值

話說本人八月壽星，原本有優惠，係我自己唔懂用，fine,唔係佢地問題，當我地問佢有無生日優惠，佢比咗張紙我地睇無介紹，係我自己剛好忙於答Whatsapp，d朋友又依賴我，咁就算啦，唯有比番正價，呢d係我地自己問題，唔怪得佢地表面做優惠，實則D員工可能唔識提。不過我覺得佢地設計好唔貼心，五個人座卡位，仲要好多係卡位，一想攞嘢食就要齊齊企起身同韓舍敬禮，攪到大家要夾定時間攞嘢食，阻晒d時間，有 揾笨感! 又話說因為我係“是非卜“舖咗相，剛好有個老友見到好想韓燒一番，咁雖然我覺得服務差，不過弍佰蚊位放題，都唔好對 服務有咩嘢要求🤭而且 我又唔知係佢哋多嘢食 ，定種種原因令我哋唔夠時間攞嘢食，上次眼睇好多嘢，但係又唔食到好多，因為好快夠鐘咁，就陪個朋友去多次， 今次難醒目問佢有冇壽星優惠! 點知好似有驚喜，有特價時段，仲經濟!咁即刻一行五人隔咗一日就又去過， 諗住今次精明話唔坐卡位喇， 點知畀佢哋諸多刁難， 都算啦夠鐘嘅時間其實我哋都預備行裝食埋少少甜品就走啦點知佢哋黑口黑面收啲嘢，冇呢態度，總之就係平嘅嘢唔會有服務啦，都係我地自己貪平攞嚟。嘢食好似好多咁，但係呢，個爐得好慢囉，而且又卡位，阻

久違了的睡到自然醒，已經是下午了，決定放任一次，把早餐和午餐一併處理，吃一個午市放題。肉類含豐富蛋白質，除了飽肚之外，比米飯更有營養價值，可以取代吃米飯呢。各類肉類已經處理妥當，燒熟便能吃了。壽司種類不多，但午餐時間，也算是代表一下了，可以填飽肚子。還有一些炸物，炸雞、炸薯條等等，可以自由選擇。熱食方面有關東煮，炒粉麵，雞腳，梳菜等等，仍然保持熱度。旁邊還有鳥冬，自己自由配搭配菜，每一個人都可以有屬於自己的風格和食法。甜品有各類不同款式，飯後也不缺選擇，可以按照自己的口味去選，非常方便。除了一些冷熱飲品，汽水咖啡外，還有棉花糖機，自己親手制作棉花糖。

約朋友吹水唔一定要打邊爐，食韓燒一樣可以一邊吹水，一邊食嘢，一邊用手燒下煎下。我自己鍾意用生菜包住啲燒熟的嘢食先食，生菜非常新鮮，所以非常爽口清甜，豬扒或牛扒加埋燒熟的菇類用生菜包住一齊食，入口口感非常豐富，有生菜的爽甜，有菇的香味，所以肉類入口就一啲都唔會油膩，好味。甜品櫃，有不同種類的各色甜點，琳琅滿目。個人最愛迷你葡撻，葡撻熱辣辣，酥皮外殼，入口外層酥化，裏面的蛋醬非常幼滑，蛋味香濃，外脆內軟一定要食。

今晚就去元朗歷史悠久的韓燒，見到門面及店內裝修，設備等都不停更新，食物款式也不停改變中，所以每次入去都有唔同的感受。現在的座位設計令人感覺乾淨舒適。第一時間攞咗啲熟食先，很少地方可以食到豬腳薑，雞蛋及豬腳都很入味，豬腳很淋很滑。小朋友唔食得魚生，望到大人食又想食，咁就燒熟俾佢食，由於三文魚生很新鮮，所以燒熟後魚肉也很鮮甜一啲都唔腥，仲有肯定唔會有骨，超啱小朋友食。牛仔骨，牛柳片，掩得很入味，不用再點醬油已經很夠味，而且就算燒熟左都一啲都唔（銀），用生菜包住食，入口更加清新不會感到油膩，正。

旺角嘅韓舍去得多，元朗果間今次第一次去，入開元朗果邊搵朋友，知道韓舍抵食又唔差，於是乎走去幫襯下。入到去，一切食品都好熟口面，而且環境依然同旺角一樣咁闊落，唔會迫迫夾夾，大喜！今次幫襯，熱食方面居然有焗蠔！蠔夠新鮮味道唔錯，轉過頭想再囉都無嚕。其他食材一切都係咁熟識，一字骨，羊架，雞翼，牛仔骨等等味道醃制得啱啱好，唔會味道太重，而且唔需要點d咩醬咩油，已經好好味，其中魷魚翼係必食！以為煮得耐咗會過火，點知仍然好彈牙，一d都唔韌！驚喜！相信原因同新鮮有關。今次重發現咗一款好好味嘅甜品，叫水信玄餅，口味好似醬爆。食韓燒會擔心一身油煙味，哩方面韓舍處理得好好，食完出翻黎無咩油煙味。每次幫襯韓舍，都有一個感覺，想食嘅有好多，好味嘅有好多，甜品有好多，可惜肚腩位只得咁多.....

這間韓燒好抵食，公衆假期LUNCH時段都只係百多元一個人，小朋友仲一百元有找，唔食BBQ那部份又可減多几十，抵食、好食、食物選擇多、座得好，地理位置優靜，真係好值得推介。可惜我掛住玩，掛住食，確係影唔哂所有食物款式。但可以話你知有Sushi, 傳統中式熟食，沙律，好味又多款既BBQ食物，又可自制綿花糖，自制夾餅同自制雪條，係一個非常好玩既食堂，真係估唔到韓燒都有咁多玩意，好啱一家大細、三五成群黎開心拆一餐!

今日同班波友元朗打完波，幾個大食仔都想搵任食補一補，住元朗嘅波友提議到元朗劇院附近馬田路話嗰度有間”韓舍”不錯，即管過去試試先。嚟到餐廳外面見到大大個牌，做緊韓式宮廷海鮮鍋加酒店式自助餐$298，價錢都屬中上，希望有驚喜。餐廳地方大唔會迫，座位都比較大碼，坐得幾舒服。店員不久就送上火鍋連海鮮盤，更提示我們每位+$38就有任食自助燒肉，反正大家都想食，便都加上。海鮮盤好大一盤，底下都是蔬菜菇類等，上面海鮮有龍蝦、蝦、象拔蚌、貴妃蚌、扇貝、鮑魚和大大小小嘅蜆，睇落都好新鮮，龍蝦同蝦都仲郁緊，蚌同扇好大隻有手掌般大，感覺不錯，店員提示我們可以作火鍋料和燒烤，我們都想試，先把蝦、鮑魚和蜆下鍋增鮮，其他就燒烤。餐廳每枱都用獨立抽風爐，唔會好焗和好大味。下鍋不久的海鮮已經食得，鮑魚和蝦都鮮味彈牙；海鮮燒烤更正，新鮮的海鮮用來燒烤果然不一樣，龍蝦多汁，肉質爽彈；象拔蚌、貴妃蚌和扇貝肉夠大冇乜縮水，加上少許蒜泥和蔥花已經可以提鮮，口感一流。但海鮮盤是跟人頭計，所以都不太夠喉，馬上轉戰烤肉。出去烤肉區行一圈，睇到有好多款唔同的肉類：有牛、羊扒、豬、雞、黑椒牛粒、牛仔骨、原味辣味雞翼、金沙骨、豬頸肉、原塊

今天到元朗同朋友聚舊，朋友說帶我食間不錯的餐廳，都十分期待，來到一間叫”韓舍”的餐廳，應該都是韓式餐廳了，朋友告知原來餐廳主打韓式宮廷海鮮鍋、酒店式自助餐和韓式烤肉。我都不用多想管食就對了，到食物吧檯看看，自助餐包羅多國美食，中、日、韓、歐、美等等，飲品甜品款式多樣，更特設很多款甜品DIY，幾得意。韓式宮廷海鮮鍋，酒店式自助餐 $298自助餐取了幾款熱菜試試，水準都不錯。不久火鍋和海鮮盤就上桌了，海鮮盤包括有：龍蝦、鮮蝦、象拔蚌、貴妃蚌、扇貝、鮑魚和蜆，很新鮮，很豐富。朋友說可以作火鍋料和燒烤，我都愛吃燒烤，所以便開爐自助燒吧，比較欣賞餐廳烤爐沿用獨立抽風爐，所以油煙味不太重。鮑魚、鮮蝦和蜆先下鍋可令湯底更鮮，海鮮盤還配有蔬菜、粟米、豆卜、蕃茄和菇類等等。其他海鮮就燒烤，龍蝦好彈牙，汁潤蝦味鮮，象拔蚌、貴妃蚌和扇貝都要留言火喉，過火就會韌了，而我燒得正好，味道鮮味，爽口有口感，正。接着便可以繼續烤肉，只要加$38就可以享受韓式烤肉自助餐，烤肉吧有好多不同的肉類，店員介紹各種肉類由富韓式料理經驗的師傅，悉心調製醃料，味道考究，極具風味，在多款的肉中我挑了數款試試。玩完燒烤已經都好飽了，便

平時開工開車經過元朗馬田路，都會留意下附近的餐廳，今日就發現了這家韓舍，餐廳佔地都幾大，原來是食火鍋自助餐的，今日就約同事去試試。最好一點餐廳有泊車優惠，泊在餐廳旁的屋苑停車場記得攞入閘記錄就可以。餐廳裝潢帶韓式，好寬闊，座位好鬆動，坐得好舒服自在。店員介紹餐廳主打韓式宮廷海鮮鍋和酒店式自助餐，如果想要自助烤肉的話每位加$38就可以享受到，為食的我們，當然要火力全開。餐廳准備海鮮鍋的同事，便出去自助區行一圈。酒店式自助餐：自助餐有好多款式，日式蟹籽沙律、胡麻醬豆腐、日式枝豆、自助沙津、凍蝦藍青口、手打稻庭烏冬、刺身、壽司、pizza、日式餃子、麥樂雞、松果薯丸等等。熱葷菜有孜然蜜糖豬頸肉、乾鍋椰菜花、乾炒黑椒豚肉烏冬、野菌西蘭花、麥皮雞、藤椒檸檬水煮魚、泰式紅咖哩牛腩、韓式泡菜海鮮湯、豬腳薑、人參雞湯、紅棗雪耳糖水各款自助海鮮火鍋調味醬料、汽水、咖啡、 清酒、洛神花茶、水果韓式宮廷海鮮鍋 + 酒店式自助餐 (5:00pm - 12:00am) $298主菜上來了，海鮮盤足足有枱盤的闊度，非常有體頭，一大盤海鮮包括有：象拔蚌、貴妃蚌、扇貝、鮑魚、龍蝦、鮮蝦和蜆，貝殼類都好夠大隻而且好新鮮

約三五好友吃飯最適合去邊度？有些人喜歡打邊爐，有些人喜歡BBQ，而我就喜歡自助餐。今晩朋友A提議吃韓式自助餐。位於元朗劇院附近，室內空間寬敞，有一半位是用左木隔間隔，適合情侶或對私人空間有要求的食客。先來看看燒肉區，超過16款已經葉好的肉類，雞、牛、豬、羊肉，樣樣俱全。熟食區超有12款不同款。包括蝦、蜆、青口、焗蠔，尚算吸引。還有我最愛吃的豬腳薑，吾係度度可以吃到架。甜品區是很多女生的至愛，可以一次過嘗到不同甜品，五花八門，五顏六色，的確非常吸引。日式有壽司和魚生區，種類不算多，但尚算滿足到食慾。吃飽後盛上一碗雪耳糖水，甜度適中，滋潤又消滯。自制棉花糖是大人小朋友都喜歡的，充滿娛樂性，也許是因為可以自己操作，自己控制它的大細和份量，一幅樂也蓉蓉的笑容，光是感受他們的笑容已經好滿足。爆谷不是看戲才可吃到，估吾到這裡也有提供。自己添飲一杯可樂，一啖爆谷，真的以為去左戲院。