順利粥品

Open Now

Now Closed

好老實講，哩間粥檔係我食過至尊難食嘅粥檔，佢喺柴灣漁灣熟食中心，本來食開另一間，但今日休息，所以至去幫襯。嗌個魚腩滑牛粥加個蘿蔔糕，粥料已經不知所謂，𢳂起啲所謂魚腩，件件近乎魚片的薄，又無乜魚味。最衰就係嗰啲啲所謂滑牛，係一粒粒嘅，全部碎濕濕，滑牛？食入口係嚡牛，最難頂仲一陣噏味，完全唔新聞，心裡面已經講咗粗口......而個粥底就水𠮩𠮩，成碗粥勁難食，最後食哂啲魚片...sorry！好似係叫魚腩...碗粥就食咗三份一，啲碎牛食咗三粒，就真係食唔落去，埋單走人，食完仲覺得個人感到悶悶的，周身唔聚財！ 奉勸附近街坊真係請勿幫襯!!!#因為速逃而無影相🙏

平時上這個熟食中心，多數上了樓梯轉右。今次因爲想避開人群，走來左邊看看，原來有另一粥店。因為阿嫲的牙不好，叫了碎牛粥炸両及咸肉糭share食。此店標榜生滾粥，感覺上粥底比較「杰」，碎牛肉也很多，生滾粥的質地好像真的有點不同，而因此等候的時間也長一點點。雖然這裡有很多自創的特色腸粉（如梅菜腸粉、時菜腸粉和涼瓜腸粉等等，但我點了傳統正常的炸両。炸両也出色，油炸鬼還是微脆的。而咸肉糭也不錯，豆和糯米的比例幾好。由於這粥店的對面是茶餐廳格局的另一檔食店，店員怕會阻礙對面食檔，常常會把「坐錯」位的顧客叫回來，很有趣。

總覺得在街市或市政大廈裏會藏著一些又好吃又便宜的傳統風味，這裏就是其中一個例子，它在港島線另一個比較低調的尾站柴灣的一個街市大廈內，頗企理的，吃的都是舊式粥品和腸粉，總比現在市面泛濫的實在得多。新鮮牛丸粥 ($23)這種牛丸差不多在記憶中消失，幸好現在還給我吃到，重遇這種口感綿得來又帶點點彈牙的感覺，牛肉頗新鮮，粥底也算綿，不像是溝粉的。涼瓜炒蛋腸粉 ($19)涼瓜炒蛋做腸粉真的沒想過更沒吃過，想像都知是不錯的組合吧，還要是涼瓜炒蛋像我這麼麻甩。炒蛋不老，涼瓜雖不是季節但也不苦。值得一提是那塊腸粉皮，傳統的應是這樣實在的白色，是米漿味的。皮蛋咸瘦肉粥 ($16)例牌的一款，也都試試，都是同一個粥底，咸瘦肉咸度適中，皮蛋質素也可，清清的也很滿足了。是日消費: $29 (午餐)地址： 柴灣漁灣邨漁灣街市大廈1樓1號檔Rate: @@@@Food: @@@½Ambiance: @@@Service: @@@½ Price: $

There are two congee shops within this Cooked Food Centre in Chai Wan. 順利粥品 is the more famous of the two, although both shops are unique in their own sense. Their congee here will beat 90% of famous shops out there including over-hyped places like Sang Kee or Mui Kee, at least the white congee base here doesn’t use too much pork bones, seasoning or MSG. A congee should be able to taste the rice itself.. Most Congee Shops in Hong Kong carry a Sponge-like Cake - This is traditional from Cantonese

在柴灣工作，啱啱落完雨，天氣凍左好多，放工啦啦聲搵地方食返個靚早餐，早前朋友提到有間粥店幾好食，一行二人就黎到食啦坐抵，叫左個豬肚粥（22）再加個滑肉腸（16）。過左冇耐就黎左，先食個腸粉，略覺得皮太厚，感覺一般，之後個粥有驚喜，粥夠結，唔水，豬肚料夠多，大約成碗粥有1／3都係豬肚，豬肚有咬口又唔會太硬，好評！！會返頭再食，哈哈

和同事外出午膳，就近來了這裡。雖然午市時間人很多，可是服務也不錯，很快便清理出桌子讓等候的客人坐下。叫了個香菇滑雞砵仔蒸飯，以為要等好久，不過很快就上桌。很大一碗飯量很多，胃口小的女士可能會嫌太多。飯粒粒分明，但個人感覺有點硬。香茹很有肉感很鮮味，不過雞肉較肥，有很多脂肪，也沒什麼雞的鮮味。另外配有一碟豆卜蘿蔔，但酸甜味配煮軟了的蘿蔔感覺不太「夾」......不過午市套餐盛惠$32，還奉送熱飲或湯，這個價錢也不能要求太多。因為太睏叫了杯熱奶茶提神，未有機會嘗試例湯。雖然有點失望，但畢竟是以粥品為主，同事建議我下次還是點車仔面或粥之類的比較安全，哈哈。

我毎星期都會去漁灣買早餐最抵食係魚片粥(勁多魚片勁大碗)(有d舖好衰買稀粥)外賣都超大碗又平又抵D阿姐又好招呼同油炸鬼好脆,涷左都仲係脆(有d係涷左都淋o酉!)總之買粥柴灣係佢架喇

今早買完餸順便來這裡買一碟招牌韮王蛋腸粉 @$16豉油分開袋..雖然11時許, 但只有一個阿婆係度食緊蒸魚飯+菜$23成場都無一個人..相反行過去金記那邊很旺場等了5分鐘, 真係即叫即蒸腸粉份量算多, 3 大條, 粗粗的, 而且很厚身..可惜唔夠滑, 亦唔夠米香..餡是炒碎蛋 (不是蛋皮 or 蛋餅), 碎濕濕..尚算有蛋味..韮王就太少了, 幾乎只有1, 2 舊餡有1,2 條...初時沒沾豉油吃..真的淡出鳥來..連蛋也沒有調味..不過也應該..因為預你沾豉油吃..聽聞是味精豉油..一試真的有股味精的咸味..幸而食完半個鐘仲未口渴吃過後就明白為何這邊那麼冷清...看來涼瓜蛋 與 梅菜腸粉不需要試了..

跑上來吃 KC 介紹的涼瓜蛋炒腸粉 ($15), 再吃多碗粥 - 下午兩點粥竟然賣哂, 吓?! 腸粉即製, 蛋亦即炒, 連涼瓜裹在腸粉內, 皮勁厚, 不很滑, 但實飽。炒蛋加涼瓜雖然季節唔啱, 但味道夠香夠住家。 豉油味精多到誇啦啦, 唔駛咁呀嘛?再加豆漿 ($5) 成碗上真豪氣, 清甜解渴確係值得讚。下次還我一碗粥好嗎?

八月下旬•陰天以前順利這邊食物也沒有這麼多選擇，可能金記那邊也太利害，激發起這裡的小宇宙，現在選擇，多了很多。十幾款的腸粉選擇，就要了涼瓜炒蛋腸粉。是先將涼瓜炒了蛋，再裹在腸粉皮裡。不要看這裡的腸粉皮厚厚的，但滑身也好吃。涼瓜炒蛋是甘甜有蛋香，很不錯，沒有什麼胃口的我，吃這個就正好。最憎就是下了味精醬油，給我普通的醬油，不行嗎？另外要了碗廣東粥，就是豬潤瘦肉粥。豬潤薄薄的，瘦肉給化學品招呼得體無完膚，粥也是「味」粥底，早知就只要白粥還好。下次來吃，韭菜炒蛋腸粉！

小弟由出世那一刻，直到現在仍然居住柴灣區。見證柴灣區出現許多的變化，自己也曾經身歷其境。小時候家住興華邨第一期拆卸重建，搬遷到小西灣邨。其實除了公共屋邨之外，就連街市也不例外。記得十多年之前漁灣街市是沒有冷氣，大熱天時跟隨媽咪去買餸，定必會汗流浹背，更何況光顧街市樓上的熟食中心。時至今日，街市已經安裝了冷氣，唔駛攪到「大汗疊細汗」。小朋友時代的我曾經光顧的順利粥店，今日仍然屹立於漁灣街市熟食中心。記得當時的老闆是一對夫婦，他們在悶熱而濕滑的環境之下辛勤工作。現時只能間中見到他們在粥店出現，而主力正是他們的眾兒媳。現時熟食中心內的環境大有不同，有冷氣之餘周遭也井井有條，至少唔駛食到周身大汗。星期日的上午出外跑步，炎熱下進行運動，消耗了不少的氣力和水份。期間共喝了2公升的清水，回到柴灣已經是下午一點半。由於星期六中午曾經吃過通粉炒蛋的關係，今次一於轉換口味，去順利嘆番碗生滾肉丸粥和炸兩。炸兩 - 份量都幾大，腸粉包住的油炸鬼好甘脆、有口感。而他們落豉油都好著重技巧，唔會一下子落得太多，避免令油炸鬼變咸及淋。腸粉本身是由機器磨漿，食客落單就即製，保證新鮮滾熱辣。一碟炸兩，只需十元。生滾肉丸粥

2009年10月05日，08:00黃金週假期的週一，早起。漫步去食粥，金記休息，莫非老闆們昨晚舞火龍祇好到這店開餐。同場對手休息，同區粥店減少，這店客人竟不大增要了皮蛋瘦肉和炸兩。店員更正是鹹肉皮蛋粥下火粥：感覺肯定降火，、因為好鹹啊！ 粥底夠厚，但無米香和不綿滑。 鹹瘦肉過碎，皮蛋不是糖心。 (同桌的食客，竟挑出所有皮蛋)炸兩：火氣足，皮滑而無米香；炸麵夠脆題外話：多得領匯，柴灣區的粥店，越來越少了。- 小西灣金百合最早棄權。- 興華商場和街市，內三家粥店，消失了。- 新翠熟食中心的順利粥店亦關門大吉。

八月廿九‧晴上次來吃齋菜腸，看見芝麻卷幾吸引，說下次來要一試，誰知一說就是一年後。是日要買點湯料，晨早來了漁灣街市，當然要上來這個熟食中心找吃的。首選是金記那邊的叉燒卷，吃完還未夠喉，記起還有這邊的芝麻卷未試，就來吃一吃。原來除了芝麻卷，還有馬蹄卷及椰汁卷，十蚊三條，剛好是一款一條。其實是用一幅糕去卷成的，卷得不太緊緻，鬆鬆的，剪開來吃是隨時彈開來，做得可以更好。三款味道比較，芝麻味最討好，滿有芝麻的香味，不太甜，爽口彈牙，很美味；馬蹄卷也不錯，沒有粒粒馬蹄，卻有很清香；椰汁卷則最遜色，沒有什麼椰汁味，也不香甜。下次再來，一次過買晒三條芝麻卷就算，可以一試的。

因為我最近要戒口，唔可以食牛肉、蛋與海鮮。已經很久無得食牛肉，無意中發現呢度有素腸，我當然要試素菜牛肉腸，腸粉內好似係Ａ菜加齋牛肉，味道唔錯。估唔到腸粉都可以有咁多選擇，對於要食得清嘅我，簡真係一個surprise。

小黃成日都係果句，小西灣係冇野食的...尤其是粥同炸兩，更係非出番去柴灣食不可，而當中又只有冠華樓同漁灣街市可以揀，但奈何前者勁早收爐，下午要食粥唯有上街市食順利啦...其實自己都不是第一次幫襯順利，基本上次次都係叫皮蛋魚片粥拼炸兩。感覺上粥底只可算是不過不失，熱辣辣生滾的差極有個譜，同埋每次食，材料都幾足夠，算係唔錯。但炸兩就真係令人失望，食咁多次，冇一次係熱的...同埋好同意樓下KC的說法，極有理由相信佢O的油條係人地交俾佢...因為記憶中新鮮炸的油條係好香好脆的...但而家...唉...不過老實講，街邊即炸油條O既小販檔而家仲邊有呀...不過都算啦...我估呢間野應該係家庭式經營，近排好似多O左過操內地口音O既靚女幫手，雖然唔太識做野，不過正所謂秀色可餐，淨係呢點都要加滿分啦(希望各位見諒^^)。