順興隆桂記荳品廠

Open Now

Now Closed

一直都好想食呢間既豆腐花 6.5 熱豆花好滑正!!!!!!!!!!!!!!!d煎豆腐好有豆香正

(22/11)不太複雜，水準依然，坐下來的一碗熱豆花，無需放入黃糖，糖水已足夠。每次吃也不會伴勻，一匙一口，入口，嫩滑，再嚐，有豆味，三嚐，清甜可口。再來一碗凍豆漿，生津解渴，豆味濃郁。當某些連鎖店，甚麼甚麼溝豆腐花，猶如一位青春少艾，穿了一套豹紋衣服，化了濃妝，其實這位女子，白衣長裙，遠勝過那群姿色份子。

上次來幫襯已經大半年前的事，當時天寒地涷，一碗熱辣辣豆腐花果然滑漏清香；是日去開醫局街順道過來坐坐，一碗涷豆腐花就出事，豆味不夠濃加上因冷涷過後而變得結實，需未到喊面但就離好味差得遠。題外話：幾欣賞這裡自制的一部豆腐花跟豆漿混在一起的冷涷櫃，應該是自行設計找人家製造，坊間小見。又講一個故事吧：在日本有位老先生，他的祖父輩傳給他一幅畫卷，他只知這幅畫卷很貴重及價值連城；雖然老先生很愛惜及喜歡這卷畫的構圖，但又不能經常拿出來欣賞，生怕被人家知道及偷走，因老先生估計這幅畫卷價值起碼會有百萬日圓或以上，故只能一直將它鎖在夾萬內。剛巧有位評畫大師近日搬到他家裡附近，老先生就邀請評畫大師到他家裡作客，順便拿出這幅畫卷給他品評品評。殊不知這位評畫大師對老先生說：你這幅畫是一幅很普通的畫卷，不算什麼名畫，而價值方面，以這麼多年的歷史，約為幾萬日圓吧！老先生聽後，完全沒有失望及傷心的反應，他反而放下了一塊多年來壓在心頭上的負擔，他清楚，日後可將他很愛惜及喜歡的畫卷掛在屋內，每天都能對著它，欣賞它。其實我們對很多事就像老先生對他所愛的畫卷一樣，明明是自已很喜歡，但就因為價值或認為需多加保護而中間築了一面牆

每個舊街市都有間舖頭賣自家製豆腐花。馬寶道街市有德興隆，深水步有公和，旺角有人和及廖同合，西灣河街市有珍香園，九龍城有義香，而蘇屋街市就是這裡~順興隆桂記。去蘇屋探朋友，吃完新貴記，當然順手又吃埋這裡。其實行開舊街市，去找間豆腐舖吃碗豆花，錯不到那裡，通常後面的那個豆腐工場已是信心保證。這裡只賣豆花、豆漿及煎釀豆腐，就來一碗熱豆腐花，加碟煎釀豆腐。豆花滑，豆味不算濃，但單「新鮮自家製」五個字已食得過；煎釀豆腐熱辣辣，豆腐外脆內滑，鯪魚肉比之前在新貴記吃到的結實及有魚味，鄰近街市，新鮮鯪魚肉不值什麼，當然不會差。埋單12元5毫，再經過也要再吃。但我不會說這裡是「最好食」，查實豆品的話，自家製已是差不到那裡。

好細個媽咪已經帶我黎呢度食，食過佢既豆花，朋友成日話超正，嚷住要食既連鎖豆品鋪，根本唔會被放在眼內，應酬下就算。去到離唔開都係食呢d野，所以都無話推介唔推介，用十幾蚊食佢既豆花、煎豆腐再叫埋杯豆漿，無憾。p.s 豆花真係熱先最好食。細細個媽咪就話左俾我聽呢個道理。的確無錯，大熱天時叫個熱豆花凍豆漿再加碟豆腐，the best combo you could've ever imagined。

細個時住係果邊,所以成日都去食 特別一定要吃的是熱豆花,因為冷的沒什麼好吃入口即溶,,正另外他們的豆腐也好好味的

5/4(三) 12nn放假決定一丁友去深水埗食野,路過此店,總忍吾住入黎食左碗熱豆花$5.5.豆花滑溜非常!此店既豆品水準無須懷疑!

在附近上班, 見到這間毫不起眼的豆品鋪, 竟然有咁多婆婆、嬸嬸買豆腐。結果拉了男朋友一齊去試, 果然臥虎藏龍, 熱豆花富豆香又滑溜, 果真入口即溶, 超讚!!前鋪後廠, 還有製作豆品真人show(但不要計較師傅只穿工字底衫)值得一試

不太喜歡吃豆腐的我亦要來食！煎釀豆腐又熱又重豆味又有口感，外面的那層魚肉薄但十分夠味，加甜醬食一流。熱豆花就更加冇得彈；有豆味，且軟滑，入口易溶，我就喜歡再加少許黃糖，滋味無窮。我認為這老舖比起公和的豆腐更加有質素。

一早黎長沙灣搵食,10:15am麻辣米線未開,於是行過黎試下呢間老荳品店,2個人叫左一碗熱豆花$5.5,及凍豆漿$4.5;熱豆花---飯碗size,豆花極之滑!我地加黃糖及糖水一齊食,十分正斗!凍豆漿---茶餐廳水杯size,亦是水準之作!豆味香濃!無豆渣,略嫌甜了點.環境方面,臺與臺之間算濶落,冷氣亦夠凍.食開"人和"或"公和"既朋友,我相信呢間老店都可以滿足你地,STRONGLY RECOMMENDED!!

早兩天路過此地, 依稀記得附近有一家豆品店, 兒時經常幫趁. 但因完全記不到位置, 沒有刻意尋找. 只是一想起, 走不到一個街口, 便已看到這家鋪在眼前. 有緣至此, 就算不餓也要入去一坐.點了一碗凍豆花, 老實說不算很軟滑, 豆味也欠奉. 但看著店裡古舊的佈置、川流不息的街坊顧客、咀裡叼著煙但又態度親切的老闆, 那種風味, 已值回票價.

我和女友是在網上的newsgroup 得知這一間老鋪的這間店可以肯定自設工場賣豆製品的豆腐花入口即浴，不過凍豆腐花就冇咩豆味，應該係冷牆過之後失真或是低溫把原味掩蓋，不過熱豆腐花就真係好正，超有豆味另外亦都叫左個煎釀豆腐，小心熱，入面因為是日日新鮮即制豆腐，加上是即叫即做，所以入面充滿豆味而且外面層魚肉做得好薄，又煎得靚!

呢間d豆漿、豆花好正架~ 豆漿雖則唔算十分之香濃，但都算有豆味，唔會淨係得個甜字。最重要係佢幾時都係咁冰凍！大熱天時飲返杯真係一絕。我就最鍾意0係附近0既四川食完麻辣米線之後過來飲返杯，真係超正0既配搭。即使四川都有豆漿賣，仲平過呢度‥‥‥仍然堅持過來幫襯。另一原因係呢間舖俾到人一種好親切0既感覺，全舖有成超過十個員工，全部都上哂年紀，有時見到佢地成班一齊坐低食飯，好不熱鬧。佢地d豆腐、豆漿($4.5)、豆花($5.5)全部都係0係舖後0既工場自家製，而且多人幫襯，保證新鮮。豆漿都係其次，佢d豆花先係極品，熱豆花真係無得彈！食過好多豆花‥‥‥滑就滑，不過就落左好多石膏粉，無厘味道。呢度果d就真係perfect！凍豆花都好食，不過始終不及熱的。吃過熱的，相信你下次都唔會叫凍的了。另外釀豆腐都好受歡迎，不過我就未試過，因為次次都係食完野先0黎‥‥‥有機會0既話會試試呢。