食得福餐廳小廚

Open Now

Now Closed

今次好難得咁樣食早餐早餐飲杯熱奶茶真係好正肥都係咁話～奶味同埋茶味好平均，唔會蓋過其中一種嘅味食返個雞蛋蕃茄烘底三文治🥪本身諗住食蕃茄會好齋但係健康啲，但係原來都係一個好好嘅配搭！因為蕃茄好新鮮又好多汁，食落去好Juicy! 同埋去茶餐廳食三文治一定要行底！好香脆熱辣辣

忍唔住食咗呢個！但係真係好值得！一上枱已經聞到啲獲氣強到不得了！熱辣辣 1秒都唔等即刻食嘅話直情係辣嘴架河粉好彈牙又唔會爛蓉蓉，但係食落去又唔會好多油喎！呢張相好似影唔到，其實食落去都幾多牛肉，同埋其實有好多芽菜同埋洋蔥絲個配搭冇得頂～ 跟住加咗杯熱奶茶，好耐冇飲啦！好香茶味🍵 今餐雖然好heavy.. 但係佢咁好味係值得老實講呢度啲炒野真係好正，上次坐隔離嗰個人嗌左星洲炒米，個啲香味都傳咗過嚟搞到我都好想食

好耐冇出街食嘢！去咗成日食定係茶餐廳食，呢排冇乜人丫周圍都！不過變相坐得好舒服 碟野都好靚仔椒鹽先有嘅先有好大舊架！啲肉都好厚本身我又怕肥又怕熱氣都食咗幾舊之後仲有個海味雜菜煲！呢個冇影相因為頭先食嗰時好肚餓，又費事再拎電話出嚟今次呢碟仲大煲！金菇粉絲西蘭花芥蘭菜心白菜仔，咩都有啲！啱晒鍾意食唔同種類菜嘅我！同埋雖然佢個湯睇落好似清水咁，其實有味架！搞到啲菜都好味啲！雖然海鮮粒唔算好多，不過青口、蝦、蝦乾、魷魚粒，咩都有啲咁其實茶餐廳來講呢間坐得好舒服，好耐冇黎食啦 懷念懷念

轉餐牌 但每次都完全冇加價！大件夾抵食同埋尼度啲野真係好足料好大份蒸倉魚依舊好味！配巨型飯一碗asalways新野：炒辣雞 送酒一流！超級香口 又多雞塊啖啖肉尼個我覺得好特別，金絲琵琵豆腐，原來即係豆腐mix鯪魚肉 冬菇個啲再炸，上獻我幾中意 又多配料日常飯堂，會狂去！

打電話叫外賣，職員聽了唔會覆, 直接收線，令人不肯定落咗order未，打多次去講又係咁😡😡😡又或者在門口等拿外賣，該職員話揾咗你好耐都揾唔到你，但我明明就企在門口等😑佢根本無揾過我。有一次堂食，我和同事唔知餐具放在櫃桶，問職員拿餐具，職員語氣好差地說放咗櫃桶，一副鄙視我們既表情。總之呢間野好令人受氣😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

這間食店是茶餐廳的格局，但晚上以小菜為主，今晚約了家人在這裡晚膳。蓮藕湯 ～ 蓮藕味道清甜，完全無加味精，所以味道比較清淡；但見老婆飲了二口便沒有再飲，事後問她才知，湯中有漂水味，但我的那碗又沒有，相信是洗碗的人沒有洗乾淨，便拿了出來給客人用，餐廳真係要認真小心處理。北菇豆腐斑腩煲～豆腐內層嫩滑，斑腩上粉炸過，幾有口感，加入芡汁，送飯一流。欖菜肉碎四季豆～四季豆炒得幾乾身，味道調配也適宜，也是送飯能手。秋葵炒蛋～真係第一次這樣食，因秋葵中有一層胶水狀的汁液，我自己就不是太喜歡，但這樣炒蛋法，就完全食不到那汁液；又可能加入了油及清水一起攪拌，炒蛋非常滑口及鬆軟。清蒸游水海上鮮（倉魚）～比想像中細條，但以$60 套餐來說，非常超值優惠，而且控制火後了得，魚肉非常嫩滑，魚皮還很有彈性，唯獨豉油落得唔多夠。價錢平，水準比酒樓還要好，如小心處理清潔問題，就更好了。

中午食飯時段同同事經過呢間食得福茶餐廳， 走入去食飯嗰午飯先，一入到去見到座無虛席，有好多工人同職業司機喺度食，好在剛剛有人走有得坐，叫咗個粟米石斑飯同凍奶茶， 個粟米斑塊飯超級抵食，斑塊都有9-10塊， 件件都唔係細件，粟米汁同飯都好多， 斑塊每件都炸得外脆內軟， 粟米汁都有好香濃嘅粟米味，唔同其他地方食好多時都係冇味嘅，粟米汁加埋d班塊一齊食非常之好食，因為太好食好快已經食完個飯， 杯凍奶茶茶同奶既比例好好， 茶味香龍奶夠滑， 今日呢餐非常之唔足 下次有機會一定再嚟食

今日早左返工， 就去呢間食得福餐廳食個早餐先， 坐低睇下有d咩食， 發現呢到的價錢都非常經濟實惠， 叫左個最鍾意食既沙爹牛麵， 呢到D麵煮得非常之淋唔太好食， 不過牛肉煮得好入味幾好食， 牛油麵包D牛油太少， 煎雙蛋就普普通通， 杯凍檸茶不過不失都可以， 但一個早餐連凍飲都係三十蚊，已經好少地方可以有啦

患了眼疾，看完病後先去找地方吃好才回公司，當時的心中，只想簡單地吃個午餐就走。不想在醫院內飲食的時候，正常人都只有一個選擇，就是沙田第一城。其實醫院後面的河畔花園區及馬鐵站方向的愉翠苑，都有不少食肆，而且大多數都是簡簡單單的，據說，甚受醫院員工歡迎。因為食後要搭乘西鐵，我就決定來愉翠苑這一帶尋食，不過，我並沒有走入屋苑內，我到了對面馬路的《食得福餐廳小廚》一試。因為被漓了擴大瞳孔藥水，變是一個眼朦朦同怕強光的人，朦朦朧朧地看著餐牌，隱若地見到枝竹X腩，牛還是羊呢。手指指地叫了這個，眼朦朦地拍下照片，食入口，才知道這是枝竹羊腩飯。連骨的羊腩，感覺十分之正宗，而且味道也不算羶，不過，沒有熱爐煲著，羊腩的油很快就凝固，不過，撥開那一層油，又是味道夠香的羊腩肉，味道雖然不算是什麼出眾，但寒冬人吃上了這東西，也是夠溫暖的。奶茶，非常之濃，亦非常之多奶，不知是不是附近多工人、多巴士司機，需要濃茶來配合工作。茶越濃，做野越精神。感覺不錯的簡單茶記午餐，總好過留在對面商場食連鎖店吧。下次，有機會，該試一試愉翠苑的街市。

分量足雞扒夠大塊，奶茶香濃。汁相當濃郁夠味，食過返尋味！ 價錢實惠分量又夠足，最重要的是好味道，服務都相當熱情同周到，點菜毛幾耐就上菜了，環境也夠衛生乾淨，下次一定會再去的。

我覺得對於喜歡食辣的我,真是好吃!以前會返o黎食貴妃雞架喇.mad 12點半坐下; 今次冇話賣晒了吧! 即叫即上~又真係幾好食, 雞滑又啖啖肉. 唔鞋. 得噃. 反而係d 飯唔爭氣! 乾, 又硬!點會咁架...sad 當ok 喇.

其實都食過佢好多次早餐, 不過茶餐廳來來去去都係果D, 唔太特別所以冇寫, 但今次精選2個特別少少的早餐寫下啦~~ 鮮茄肉碎麵 多數食開的鮮茄都係真係用蕃茄去煲的汁, 但佢呢度竟然係用午餐的羅宋湯去做湯底, 而且好杰身, 又多什菜, 基本上可以成碗清哂, 但實在太飽, 都飲唔哂碗湯~~ 肉碎份量時多時少, 但肥膏偏多~ 火腿奄列+牛油方包 火腿份量唔多, 奄列又係睇手勢, 時大份時細份, 同埋偏油咗D~ 牛油方包好軟熟, 牛油份量唔太多~ 皮蛋肉碎粥冇SET定係咩粥, 要每次問, 今次咁啱係皮蛋肉碎粥, 皮蛋又係整碎的, 咁樣會出味D, 粥底都幾杰身, 算係唔錯 煎蘿蔔糕個粥餐有得選蘿蔔糕定係蝦米腸, 我選咗蘿蔔糕, 不過煎得唔夠香, 而且好大陣焦味, 似係個獲煲乾水果陣味, 唔知係咪蒸糕果陣搞wor咗, 而且又好粉, 料又唔多, 麻麻地, 我都食唔哂 熱華田都好夠味, 而且奶味偏重 熱奶茶都幾夠味, 唔錯

好耐都冇嚟過呢間食, 唔知點解老公突然興起話嚟呢間食tea, 於是就行咗過嚟, 一打開門, 差不多全部都坐滿, 好彩啱啱撞到最角落有張枱走人, 於是坐低睇下食乜先.............. 銀芽肉絲炒麵我覺得似韭黃芽菜炒麵多d, 因為超多韭黃, 雖然肉絲都見到有, 間唔中仲有d冬菇絲tim~~ 個芡唔會好杰, 就算凍咗都唔會變咗啫喱咁, 仲係杰身的液態, 至於個炒麵炸得夠哂脆, 好好咬口, 咬到牙都軟.............. 蝦醬炒肉片河上枱時聞到好香蝦醬味, 但食落又唔係好覺wor~~ d肉片超大塊, 仲有少少似係豬頸肉, 最正就係佢一d都唔油, 炒得好乾身, 通常而家d茶餐廳, 炒完之後成碟反哂光, 令立立咁架嘛, 佢竟然炒到咁乾身, 但又一d都唔覺得佢炒焦咗, 味道又唔會太濃, 正~ 凍奶茶+熱菜蜜兩款都幾濃味

都話會返o黎食貴妃雞架喇.12點半坐下; 今次冇話賣晒了吧!即叫即上~又真係幾好食, 雞滑又啖啖肉. 唔鞋. 得噃.反而係d 飯唔爭氣!乾, 又硬!點會咁架...當ok 喇.

這晚我途經冠華大廈好奇地入內逛逛~裡面煥然一新既商舖, 然後就到這間全新裝修既~食得福餐廳小廚享用晚膳, 我點了我至鍾意食福建炒飯+瑤柱~因為料多~汁正+再加一杯涷檸茶, 簡直係~正到無朋友. 侍應亞叔送過來時仲問我你一條友食唔食得晒架? 我答他好味道咪食鬼晒佢囉亞煩叔, 最後我都幫佢洗左碟.