食得福餐廳小廚

Open Now

Now Closed

廚師好有心機炒嘢嘅小店呢間喺愉翠苑附近嘅茶餐廳係我一路晏晝過開嚟呢邊都會去食嘅茶餐廳飲品方面就正正常常不過不失不過每一次啦我都會食佢嘅炒嘢因為呢間茶餐廳嘅廚師每次炒嘢嘅水準都非常之穩定未試過食到佢有失準嘅作品今日食嘅呢個豉椒排骨飯，係完全唔會有辣味嗰種嚟嘅雖然豆豉唔係爆得好香，不過啲三色椒同埋啲汁都好夠味排骨亦都唔會有一啲梳打粉嘅味道排骨都係淋淋滑，但係又有啲咬口個飯係比較偏腍少少嗰一種總括嚟講都好好食有陣時如果夜走嘅話會喺度食晚飯佢呢度嘅薑蔥鯇魚煲好好食絕對係呢一區裏面算係數一數二好食嘅茶餐廳同埋質素亦都十分穩定

去完威爾斯親王醫院探朋友之後 周圍行下，發現左近工廠大廈商場 地下，有間好隱蔽嘅茶餐廳，好有飯堂嘅感覺， 見佢啲下午茶好似幾抵食又餓餓哋就入嚟幫襯下， 最平27蚊都有交易，最貴食啲飯都係46蚊咋😆叫咗個下午茶G餐$35🍜雪菜肉絲米好有驚喜😋雪菜同肉絲嘅3:1比例啱啱好味道不會太鹹，肉絲唔肥，米粉都唔細碗🤣夠飽， 佢個辣椒油超強一定要食🍳餐肉煎蛋牛油方包餐肉係淋身嗰啲而且鹹咗啲，煎蛋係熟蛋有燶邊，餐包正常☕️熱檸茶茶夠用濃，仲要有三片檸檬， 醒神

今日膽粗粗嗌食開嗰間茶餐廳嘅到會！因為係小店自己開，所以好多嘢都可以彈性處理！最後我哋嗌咗幾樣小菜同埋自選特定嘅到會菜式，大概三至五磅，菜就重少少羅漢齋好粥了！有少量髮菜，黃綺唔同嘅菇類同埋小白菜特登叫餐廳唔好整咁多油果然做得到 呢點非常重要啊tailor made呢個蝦乾浸娃娃菜就單調啲，但係如圖所見係大量超多下降！所以成件事好清甜好味， 好似食咗啲健康㗎蕃茄雞蛋煮薄片牛展！雖然牛展晏少少，但係依然非常可口呢度餸超級開懷送飯一流！蕃茄，牛展，同埋雞蛋嘅份量配搭啱啱好！非常balance阿爸勁鍾意飲佢啲例湯飲咗兩碗！因為見唔係個個都飲有淨佢平時都幾揀擇唔係咩都食得多，可見呢度嘅湯唔錯！每樣小菜都有ID，其中特別焦點嘅係蔥爆魚頭！超大嚿而且有鑊氣，阿媽好鍾意！我阿哥就最鍾意啖啖肉好大粒嘅咕嚕肉小炒王就普通啲，而且多油～主要係有啲雜不甩尖椒炒豬頸肉就非常之辣，唔係個個食到🤣🤣點呢度餸而且好鍾意食辣嘅阿媽就覺得辣得好過癮😂😂😂椒鹽豬扒勁大塊好好味，我哋share食要剪先得，食肉獸就超愛西蘭花炒鮮油食落都有足夠魷魚嘅份量， 不過我個人怕油，如果小遊啲更好整體而言食得好滿足飽肚！而且原來佢啲飯都

今日晚市嚟食飯，買咗金菇牛肉煲，好耐冇食啦！去廁所嗰陣時見到好多人點呢個餐，賣相非常靚仔搞到我都流晒口水嗌返過！咁Chan有個飯同禮堂，禮湯係紅蘿蔔粉葛湯好特別，通常好少呢兩個擺埋一齊🤣不過都幾好味喎！碗湯好好味好濃郁，而且又幸運地得到一舊豬骨肉等咗一陣可能五至10分鐘過步已經上枱非常快賣相好似隔離嗰兩台咁靚仔！慷慨嘅牛肉份量同埋非常充足嘅配料！有好多菠蘿青紅椒！仲有少少洋蔥令到個味道同埋口感都好豐富！啲粉絲滑捋捋朔晒啲汁 送飯一流！不過我覺得啲金菇有啲少，成煲野好似得一條仔如果多啲就更加好！不過成本最貴嘅牛肉佢好慷慨咁樣俾咗好多！超值覺得今次食個質素仲好過以前！唔知係好彩定係師傅進步咗呢？推薦呢樣！

今次個咖喱牛肉又勁好味！隔離個豬手都問得好林好夠火喉冇得彈！唔好睇佢色水好似怪怪地，味道真係一流！鹹度適中亦都有少少南乳嘅感覺我兩個都食啲大家share咁食飯開心自己帶咗個茶包沖鐵觀音，因為之前用剩左袋住，問餐廳拎杯熱水佢哋都好好咁樣拎俾我最近呢度嘅服務好似好過以前，啲人明明都係嗰啲不過有一兩個好似唔同咗定係唔見咗🤣🤣唔緊要最緊要係餐廳食物嘅質素！呢度啲嘢雖然加咗價比起以前貴咗幾蚊，但係份量唔會好似某啲大集團連鎖餐廳咁又加價又縮水 非常均真

太肚餓嘅關係，食完先影相📸️黑椒雞蛋雞扒飯質素穩定，要求飯餸分開都可以，因為有健康問題，職員特登比嘅平時佢就話應該唔得人情味濃咖喱牛腩飯勁大份！食到飽飽都食唔晒，仲有好多薯仔，又唔會減少牛腩嘅份量，足料魚香茄子飯如果可以冇咁油就更加好！不過其實出街食飯冇可能嘅，呢度就比我食晒大大嚿嘅茄子先影相，所以你睇唔到茄子，但係都仲有大量肉碎不過都係食唔晒！食晒嘅話應該變肥仔🤣🤣今日唔知點解午市好靜！一啲都唔迫，仲要每個餐都有得供應對我有利

麗城午餐，天氣凍凍地想食啲油膩嘢，可能因為多啲熱量身體嘅自然反應🤣🤣所以呢日諗住嗌d炒野，睇吓Menu，都係決定嗌食開嘅乾炒牛河！因為好好味又有牛油有鑊氣熱辣辣，河粉又彈牙可口落單過咗五至10分鐘就有得食啦好快手一想點就覺得好靚仔，雖然途中牛肉好似唔係見到好多，其實混合左喺入面有好多㗎 ！仲有啲炒香咗嘅芽菜同埋九黃好正！ 食乾炒牛河或者炒面一定要有辣椒醬！絕配！通常問侍應或者出面都有得拎因為炒野好有鑊氣，所以加咗罐凍嘅汽水嚟飲爽一爽佢！我鍾意飲Zero無糖汽水，而家呢度成日周不時有唔同嘅選擇好正！有白色可樂，無糖嘅雪碧同埋黑色嘅無糖可樂！一樣價錢我梗係要白色可樂啦，好味啲㗎嘢飲嗰邊慳返啲卡路里，中和返乾炒牛河嘅熱量食得好爽嘅一餐

好傷心呀頭先千辛萬苦打咗篇食評，撳錯掣捨棄左而家重新寫過！想講今日食咗個乾炒牛河超級好味，炒粉麵入面都算係冠軍！而且食開食德福呢一間餐廳嘅炒河都幾出色，炒得好勻旬想食香口有足夠份量嘅牛肉、芽菜、九黃等配料同埋主角！分量大大邊食到個肚捧住走！河粉非常之彈牙，好新鮮唔會話斷開一條條，但係又會充分將啲河粉炒散好功夫！仲有一個重點，就係佢啲辣椒醬都幾好味，所以唔係如君益咁高級，但係都唔差！畢竟食炒麵炒河粉一定要有辣椒🌶️醬， 咁樣先會令到件事完美㗎嘛因為想爽一爽佢，今次就加罐無糖汽水！周不時都有好多選擇，有白色可樂黑色可樂仲有無糖嘅雪碧！一樣價錢我梗係要白色可樂啦！理論上好似冇咁肥有纖維呀嘛🤣🤣自己呃自己都要😌😉🤭😜

冇黎一排，食返個午餐石入面嘅招牌咖喱牛腩飯，份量都係同平時一樣keep得好好！而且味道顏色賣相都同平時一樣，今次勁足料了！有幾舊牛筋同埋好多牛腩肉薯仔反而仲少過肉超有誠意同埋而家整體坐位都係冇以前咁迫，呢樣嘢我都幾鍾意疫情帶嚟嘅影響～飯嘅份量都係同平時差唔多，足料啊！因為太肚餓嘅關係冇再幫啲牛肉影相添，但係佢啲牛肉好大嚿好多肉，唔會一舊入面其實好多都係肥膏咁樣入貨入得幾認真最後加杯熱奶茶正唔知幾時有新Menu呢，想試吓新嘢新口味🤣

個人勁鍾意食粟米汁！今日一點幾兩點先係食晏，好多午餐都賣晒，咁不如嗌個粟米雞絲飯啦！如圖所見嗰啲雞都已經唔係一絲絲！成舊咁大粒好正咁同埋佢有好多彈花！好鍾意食，不過唔知點解今日啲汁水少少，同老細反映佢即刻入廚房問師父同埋跟進非常有誠意同埋睇得出佢對食物要求都高唔怪得知呢度啲食物都幾好味呀一直晏少少嚟，唔使同人迫！之後仲加咗一杯熱奶茶，其實掙扎咗好耐要熱領導，因為今日天氣都唔算太涼！不過難得今日係食呢個餐唔會食米線咁熱，所以就揀咗二！熱嘅感覺更加濃郁、同埋非常之香飲埋杯完奶茶就畫上完美嘅句號繼續返工

呢日俾人迫左起身出去晨運，之後食個靚早餐！唔知點解特別飢餓，揀咗一個邪惡嘅孖寶餐 $33孖寶餐，我揀咗出前一丁加$4 ，再配腸仔同埋太陽蛋！原來腸仔會比兩條勁慷慨如圖所見份量冇得話多或者少因為根本就係fixed嘅不過要平價嘅話就係佢嘅出前一丁煮得啱啱好唔會泰林或者太硬，好食再跟餐配埋杯熱奶茶，果然係weekend嘅好享受 ☕️ 呢度嘅奶茶質素非常穩定而且比一般茶餐廳出色，唔錯唔錯！成餐如果要講嘅話，就係肥仔得滯🤣🤣不過係自己嘅選擇，最緊要滿足成餐嘅話就$37 ，滿足滿足，而且環境同埋覆都冇態度都唔錯

今日我哋有三個人，咁啱可以試三個唔同嘅午市新Menu菜式！我哋食咗麻婆豆腐、時菜臘鴨、同埋回鍋肉！三個都非常足料大份了！而且味道都調校得唔錯，我就鍾意麻婆豆腐多少少麻辣嘅感覺，其實我平時都係食開譚仔10小辣，不過麻婆嘅話就可以麻啲啲豆腐係偏硬嘅豆腐，食落去更加飽肚滿足臘鴨髀勁大嚿肉，皮又煙韌，不過如果一個人食晒成個餐唔知會唔會覺得鹹呢🤣嗰個炆腩肉就食就食得唔多因為本身唔係特別鍾意食豬肉，但係食咗兩舊都覺得好實在嘅感覺，肥瘦交集新Menu好好有冬嘅感覺 下次再嚟試其他嘢

泰萊冇食小菜！來呢間餐廳再食多次咕嚕肉！呢樣大家都食嘅相片或者種食材菜式大家都唔會陌生！估唔到今次嘅質素超級令人喜出望外！大大碟之餘，配菜同埋主角都份量非常哦！而且一上枱熱辣辣！你即刻食嘢玩直頭係會辣親個咀添！如圖所見除咗肉之外青紅椒同埋菠蘿嘅份量都非常多！非常有誠意嘅一個小菜！仲要包一碗大大嘅飯同埋例湯！搞到唔麻甩嘅我都想麻甩一下環境自從疫情之後都好歡送，唔使搭枱坐得好舒服服務都唔錯，比較好嘅茶餐廳水準起碼佢哋忙都有禮貌

今日經過又來呢度食飯！見到今日有叉燒，就嗌左叉燒雙蛋飯！要求之下要咗太陽蛋因為想篤爆粒蛋黃撈飯，Juice二入口啲一上枱覺得勁happy即刻影咗兩張相！叉燒份量都幾多！非常足料仲要連一杯嘢飲，我加咗錢要凍嘢飲啦梗係呢啲天氣咁熱凍奶茶同上一次飲嘅一樣係咁好質素🤭今日一點幾嚟到都幾多位冷氣又夠涼，體驗幾好！因為喺出面熱咗好耐啊衛生情況就同平時一樣啦，唔係話特別乾淨亦都唔會特別污糟！合乎標準服務都同平時一樣，正正常常！下次試吓有機會經過再食

星期一至五下午茶14:00-18:30, 星期六及日至六點, 超長時間, 可以當做食個早啲嘅晚餐都唔錯, 鄰近駕駛學院, 學完車可以過嚟tea一tea又得😝😜芙蓉煎蛋飯跟左熱檸茶$43芙蓉蛋大大餅蓋在飯面, 而且非常厚身, 蛋面煎得金黃靚仔, 乾身唔油膩, 芙蓉蛋餡料有火腿, 蔥, 韭黃, 芽菜及蝦仁, 料頭充足, 不過個蛋餅就略嫌鹹咗少少, 白飯嘅質地唔錯, 飯量足夠; 檸茶夠濃$43有飯有飲品, 份量足夠, 又好食, 絕對可以翻兜😋魚堅總評性價比 4👍(以5👍為滿分)