Video
Telephone
63539586
Payment Methods
Above information is for reference only. Please check details with the restaurant.
平時一個人食都會係首選👍今日見唔到平時白白淨，聲線清晰嘅靚姐都覺得心知不妙叫咗撈銀針粉+豬潤瘦肉枸杞湯，一食就覺得中伏，平時撈粉嘅菜甫變咗梅菜，啲銀針粉食落口係腍啤啤，個豬潤瘦肉湯，瘦肉size 就有啲唔同咗，份量都唔同咗，味道都可以接受，飲哂！埋單比錢問下阿姐，點解今日啲撈粉菜甫變咗梅菜架，佢仲話無變呀！真比佢吹脹😨⋯⋯好想問佢：你估我今日第一次食咩？希望佢只係廚房放假，唔係賣咗盤！唔想無咗個一人食堂啊！🙏
continue reading
客家風味的小店，食材新鮮，認真製作，感覺好味無添加。今日食了特色撈銀針粉+漁湯（$46）；另外家人叫了鮮魚湯米粉（$40）。撈米或銀針粉有蘿蔔乾碎和肉碎，加少少辣椒及葱花，非常好味；魚湯加入枸杞菜，十分鮮甜，可以飲哂成碗。值得推薦。
continue reading
以前已經去過幾次食葩食午餐。之前係去舊店。佢搬咗新店之後都係第一次去。佢新店同舊店嘅裝修差唔多一樣。之前第一次去幫襯嘅時候，係有個朋友話呢間嘅麵好味，所以我去試吓。食完之後，原來真係好好味，D麵好彈牙！我今次試咗豬手湯麵🍜，同鮮魚湯飯。鮮魚湯飯都好好味，魚湯好鮮味！😋湯麵嘅麵質好彃牙，除咗個麵好食之外，碗麵入面嘅生菜都煮得好好。通常一D麵店佢碗麵入面條菜都係可能淥咗好耐。但係呢間唔係，佢麵入面嘅生菜係好翠綠，好新鮮😍一D都唔媽虎。呢樣真係值得一讚👍呢間係一間客家風味嘅小店。有客家湯：枸杞湯、益母草湯、胡椒豬肚湯。雖然呢間元朗小店，店舖唔係好靚，地方唔係好大間。但係佢嘅食物質素，絕對係唔差得過一D出名嘅麵店。
continue reading