食葩

Open Now

Now Closed

以前已經去過幾次食葩食午餐。之前係去舊店。佢搬咗新店之後都係第一次去。佢新店同舊店嘅裝修差唔多一樣。之前第一次去幫襯嘅時候，係有個朋友話呢間嘅麵好味，所以我去試吓。食完之後，原來真係好好味，D麵好彈牙！我今次試咗豬手湯麵🍜，同鮮魚湯飯。鮮魚湯飯都好好味，魚湯好鮮味！😋湯麵嘅麵質好彃牙，除咗個麵好食之外，碗麵入面嘅生菜都煮得好好。通常一D麵店佢碗麵入面條菜都係可能淥咗好耐。但係呢間唔係，佢麵入面嘅生菜係好翠綠，好新鮮😍一D都唔媽虎。呢樣真係值得一讚👍呢間係一間客家風味嘅小店。有客家湯：枸杞湯、益母草湯、胡椒豬肚湯。雖然呢間元朗小店，店舖唔係好靚，地方唔係好大間。但係佢嘅食物質素，絕對係唔差得過一D出名嘅麵店。