餃子屋

Open Now

Now Closed

之前係餃子關注組見人介紹過，話佢啲餃子勁巨型足料🥟趁端午節假期，山長水遠走到嚟荃灣食Lunch time全場爆滿，好多人等外賣款式口味十幾隻，好多都想試最後叫咗雙拼湯餃八隻 ($58)先輪湯底，魚膠淮山煲豬骨湯自家煲製，無添加味精❤️飲落清清地但好夠味，真材實料見到淮山絲豬骨味道濃郁，湯底一啲都唔油膩絕對可以作老火湯飲用▶️ 香菇木耳雞肉餃入面啲香菇大大粒而且好香雞肉比豬肉軟腍🐔調味充足三款餃子入邊最鍾意呢款▶️ 粟米三色椒豬肉餃見佢特別，叫嚟試試估唔到咁多三色椒粒🫑咬落爽脆帶少少苦味另外有甜粟米粒中和返🌽豬肉餡料紮實，冇話好多肥膏好韌▶️ 京蔥羊肉餃好朋友交換咗粒俾我試🤪平時自己少食羊肉呢個完全冇羊騷味，反而係三款餃子餡入邊偏甜嗰個鍾意佢混合埋香蔥同紫洋蔥，惹味香口啲-三款餃子都好好食🤤餃子皮煙靭，厚度啱啱好，咬落唔鬆散👍🏻旁邊嘅辣菜脯都好惹味爽脆，建議加埋落餃子食，別有一番風味稱得上全港最好食餃子🏆我同朋友食完都話想回頭再食唯一係環境擠迫，坐得唔舒服性價比極高，唔收加一，平均$60/人Size的確巨型，係正常餃子兩至三倍，一個人食八隻足以飽到下一餐😋(全自費，不是試食)

韭菜豬肉湯餃這碗湯餃以清甜的豬骨湯底為基礎，加入魚膠、淮山和紅蘿蔔，增添了濃郁的營養與天然的香甜鮮味。湯中漂浮著幾個大大隻的韭菜豬肉餃，餃子皮薄而有彈性，包裹著餡料，餡內的韭菜與豬肉搭配得恰到好處，散發出濃郁的鮮香。湯底的粟米增添了微微的甜糯口感，與餃子的鹹鮮形成平衡。整體味道溫和卻層次豐富，適合喜歡清淡卻有深度的口感的人。芝士豬肉煎餃餃子呈現金黃酥脆的外觀，餃子底部因煎製而帶有誘人的焦香，咬下去能感受到外皮的酥脆與內裡的柔軟。餡料中融入了芝士，增添了濃郁的奶香與拉絲的樂趣，與豬肉的鮮美完美融合。這個煎餃口感豐富，酥香與嫩滑並存，特別適合喜歡濃烈風味和多層次口感的人。兩種不同餃子各有特色，湯餃溫潤養生，煎餃酥香誘人，搭配起來是一頓非常滿足的餐點！

keeta落自取單，講明19:09有得攞，點知等極都冇。第一次問話未有未出，第二次問話check下冇回應，第三次問就話俾人攞走。少少歉意都冇。店員漏單仲講大話，話俾人攞走咗外賣，點等咗成個鐘先重新做，毫無歉意，攞到手其實都有張正單。好失望

店舖有好多款唔同嘅餃子同小食，今日試咗一款傳統湯餃同風味煎餃，仲有一款上海小食。菠菜馬蹄豬肉湯餃(6隻)-$44湯底: 魚膠准山煲豬骨，味道鮮濃，魚味同豬骨非常特岀，仲會真係食到魚肉。冇味精，成碗飲完都唔會口渴。餃子: 大粒飽滿，外皮薄亦都煙韌。餡料馬蹄好清甜，菠菜同豬肉比例好好，冇乜油膩感。調味上都比較輕手，唔會好鹹，配湯食岩岩好。推薦指數 :⭐️⭐️⭐️⭐️意見:馬蹄非常清甜，整體味道偏甜，嗜鹹者有其他更好選擇。京蔥羊肉煎餃(6隻)-$52餃子:外皮香脆，煎得岩岩好。一樣餡料調味適中，京蔥味十分之香，唯一美中不足係羊肉味唔夠(可能佢呢度主要係做豬肉餃嘅關係)。湯:就算叫煎餃都會配一小碗魚膠准山煲豬骨湯，唔使擔心食煎餃冇得試佢個湯。值得加分！推薦指數 :⭐️⭐️⭐️意見:羊肉味略嫌不足皮蛋豆腐-$30一款皮蛋+豆腐+肉鬆+涼拌汁嘅小食，中意食皮蛋同重口味嘅人一定要試！味道好有層次，同埋豆腐涼浸浸，食落好舒服。推薦指數:⭐️⭐️⭐️⭐️/5意見: 味道偏向重口味，建議口味清淡者要同人share食。

每次晚市時間經過，99%要等位先有得食。今日早少少，未夠12點走去睇吓，有位直入（但已經7成滿，過多陣好快已經全場坐滿）。貪心的我，想食呢款又想食嗰樣，想食湯餃又想食煎餃。唔好煩，#13 傳統四拼（$54），湯餃、煎餃各一份。未有餃子食，店員會先送上香辣菜脯（每款餃子均會附送），爽脆，頗辣。落單約15分鐘後，煎餃先上，餃子比坊間大隻，另附上一小碗湯。傳統四拼有韭菜豬肉餃、雲耳白菜豬肉餃、雲耳椰菜豬肉餃、芹菜豬肉餃，各款兩隻，倆口子一人一隻啱啱好。韭菜惹味，雲耳白菜清爽，雲耳椰菜爽甜，芹菜味濃，四款各有特色，各有各好味，唯一相同嘅係隻隻都脹卜卜，塞滿哂餡料。煎餃即煎，所以都頗香口，可以點啲醋中和一吓。魚膠淮山煲豬骨湯好好味，湯底夠濃夠味又夠甜，係小弟喜歡的味道。落單約20分鐘後，湯餃上枱，湯餃觀感上比煎餃再大隻啲（應該係因為淥過點都有啲發大），湯底揀咗魚膠淮山煲豬骨（另外可選重慶湯底），大大碗湯勁開心。湯餃比煎餃口感較溫和，而且餃皮滑捋捋，食落無咁 heavy。今次試過之後，我應該會再翻兜，下次會試吓其他餡料嘅餃子，例如香菇木耳雞肉、京蔥羊肉...

星期日下午約五點，唔係好多人排隊，就去食early dinner。問我哋介唔介意坐後巷，有風扇吹，天氣唔算太熱，就試吓。菠菜馬蹄豬肉餃（$50/8粒）餃子的皮薄但都易爛，呢款味道算濃味，馬蹄的脆爽，咬下去時，汁液四溢，口感豐富。魚膠淮山豬骨湯，沒有味精，非常鮮甜，仲有幾塊有咬口嘅魚膠，好味！

🧭餃子屋•荃灣🍴荃灣名物餃子，我自己都黎翻食過幾次😍因為食完念念不忘🤤過一段時間就會諗起💭雲耳白菜豬肉湯餃🥟⭐️⭐️⭐️⭐️傳統既餃，但出面好小加雲耳。佢隻隻都好足料，而且啖啖肉同菜既口感。另外加左個准山麵，出面比較小食到，食落口感就好似健康版既公仔麵，而且份量俾一個公仔麵仲要多🤣三式煎餃 (芝士、紫菜、香辣)🥟⭐️⭐️⭐️⭐️一黎就隻隻都差唔多🤣所以會咬一隻好有種開盲盒既感覺！同埋全部都係新鮮整起 好熱辣辣，要小心辣親😌(本人經驗所談得出)-芝士煎餃⭐️⭐️⭐️呢款食落會覺得差小小，因為食唔出好多好勁芝士味，成日會懷疑自己到底係咪食緊芝士，要認真食先食得出的🤭-紫菜煎餃⭐️⭐️⭐️⭐️⭐️呢款係有驚喜既，因為佢好足既紫菜料，每啖啲紫菜香好似湧緊出嚟咁😛-香辣煎餃⭐️⭐️⭐️⭐️佢辣得黎又唔會好攻鼻，小小辣辣地，本人唔太食到辣，都覺得佢越食越過癮 越食越想繼續食🤤但今次煎餃差小小 可以趕住收爐，有少少燶咗 但整體都唔錯既！介紹埋你一叫完野每人都會有自己份量既菜脯，將佢再配搭埋餃子，味道再上一個層次咁📌温馨提示:佢20:30就會cut單 唔再接煎餃 到時候得返湯餃。同埋都人多要等一陣位，同埋越夜啲味會賣哂。所以想食到唔同多啲味

今日係平日又係平日又係唔係繁忙時間,食飯之前早咗入內唔使排隊, 雖然坐得唔係咁舒服,就係因為唔使排隊所以就終於試到喇,今次選擇嘅係芫茜馬蹄豬肉餃❤️得六隻但係呢餃子呢大大粒真係好抵食,好足料,味道唔錯呀睇嚟都唔係有味精嘅,未食到最尾嗰粒已經好飽喇,感覺好滿足,主要係個湯底係好正❤️我選擇嗰個係魚膠清湯嘅,下次會再試下其他嗰啲款式我見啲男士呢食八隻同埋啲學生食八隻,見隔離嗰位男士好似佢都食唔落因為真係好大只又好味,唔知兩款夾埋要幾多錢,下次試下先

🫶🏻芝士豬肉煎餃煎餃煎到好香脆芝士Max豬肉好好食餃子又大粒又足料好食到停唔到口🤤🤤如果淨餃子會比碗湯你飲🤓🤓🫶🏻粟米香菇豬肉餃湯餃就另一番風味餃子同樣都好足料咬落啖啖肉幾正😍😍唔夠飽嘅可以加麵又有多一個選擇😎😎

性價比高，份量多價錢平，味道唔錯，只係長期多人。。。。。。。。。。。。。。。少少意見就係餃子嘅調味肉類調味全部一樣，同埋有時會撈亂咗其他餃子，食完要走同埋座位都比較細，但係都接受到

荃灣內餡滿滿的餃子🥟我想請佢真係幾時都咁多人排隊，佢間舖唔係好大 。如果唔想等太耐，可以接受坐餐廳後面條巷食，環境都ok架。我個人就鍾意食煎餃子多啲，尤其係呢間餃子屋，佢煎得好均勻又香口。餃子款式都幾多，有啲都幾特別。另外，佢會有老火湯湯底同菜脯，你可以揀要魚膠淮山煲豬骨或者重慶湯底，通常好多人都會加個麵的，麵底佢有上海麵、米線同淮山麵 。今次叫咗粟米香菇豬肉煎餃同埋雲耳椰菜豬肉煎餃 ，不得不再讚下餃子屋煎餃煎得好完美，唔會話一面煎得好一面又冇煎👍👍粟米香菇嗰個餃佢個口感豐富，因為真係有大大粒香菇粒係入面🥰粟米同香菇一齊好好咬😋雲耳椰菜豬肉煎餃，減低咗豬肉嘅油膩，雲耳同椰菜又吸咗豬肉香，令成個餃嘅味道層次增加咗🤤Joyfoodstop心動值：💓💓💓💓/5餃子屋地址: 香港荃灣西樓角路202-216荃昌商場1樓58號舖(港鐵荃灣站B2出口，步行大約5分鐘)電話: +852 39565475

傳說中嘅餃子屋 平時都係屋企人買生餃返嚟煮今次係第一次嚟堂食都有幾多唔同款式連金菇肥牛都有😂話晒第一次 都係試返大路啲嘅款式先傳統四拼 $54(韭菜 | 白菜 | 椰菜 | 芹菜)湯底(魚膠淮山豬骨湯) omg 唔覺意被驚艷到好濃郁又帶點鮮味 有啲複雜唔係好識形容😂好好飲der~隻隻餃子都大大粒 同埋好足料 味道就正常發揮啦🙂‍↕️芝士豬肉煎餃(6隻) $50 要啲耐性等嘅煎餃煎到脆卜卜 但有啲位少少燶🫣芝士+豬肉 再加埋辣菜莆 香口 惹味 好食耶

呢間爛店，我今年最後悔的決定就是踏入呢間店的大門！ 晚上7點坐低，叫左最普通嘅雙拼煎餃，店員擺著臭臉連句「稍等」都懶得講。結果等左整整30分鐘！30分鐘！隔離枱比我遲坐低的人都吃完了！期間催左三次，班垃圾阿姐只識用鼻哥窿說排緊剪排緊？你地廚師是在後院即種小麥嗎？定係要等隻豬學識包餃子先開工？最荒謬的是！半小時後居然還敢跟我說「還沒好」！老子當場拍桌走人，結果櫃檯那個撲克臉居然連句對唔住都冇！仲同我講煎嘅係要耐啲，但我點解睇到隔籬枱遲過我坐低一樣嗌剪餃都就食哂？比所有想要食嘅人一個忠告，好食嘅餃子店全香港有好多，冇必要專登去荃灣食呢一間，受氣又要一般野！

成日都見呢一間餃子屋好多人排隊今次經過居然冇乜人排就抱住搏一搏嘅心態去食吓先先講環境，坐得非常之逼夾如果你係孭住個大背囊嘅話，建議你留返下次先嚟食，同埋佢冇洗手間，你要行去千色店嗰邊去廁所會比較乾淨啲食物方面我平時唔係好食菜譜但居然佢呢一個辣嘅菜譜好啱我胃口我見到隔籬枱有人係會專登外賣一樽菜譜返屋企餃子真係超級好食好多汁同埋非常之香口餐廳嘅侍應會提我，如果要煎餃嘅話就要等得耐啲如果係湯餃嘅話就會快一啲佢餃子都有好多款我諗我都會再嚟食

【荃灣區】【餃子屋】喺十二月嘅某個星期日，我放假，走入荃灣補返影之前漏咗嘅相。係呀，大家睇到嘅文字同相片，其實都係我好努力嘅成果，有時可能要走兩三轉先做到。做完之後經過荃昌商場，見到呢度嘅名店「餃子屋」居然唔使排隊。機會咁難得，梗係唔好放過佢。由於係第一次食，所以唔係好知佢哋啲餃子幾大隻。叫咗兩份「拼盤餃子」，貪佢有多啲味道。首先係 $52 嘅「傳統四拼」，有韭菜、白菜、椰菜、芹菜嘅餃子各兩隻，其實味道又真係唔差喎。作為一個餃子控，然而，我又唔覺得佢哋好食到坊間吹到咁大。跟住再食碟 $60 嘅「三式煎餃」，有芝士、紫菜、香辣味嘅煎餃各三隻，味道係幾特別嘅。不過總括而言我覺得佢哋只係皮厚餡大，真係好好食又算唔上。用 $9 飲埋「低糖豆漿」，係豆美味嗰隻。埋單 $121，個結論係佢哋嘅靈魂係喺碟「辣菜脯」度，幾正。。。（地址：荃灣西樓角路202-216荃昌商場1樓58號舖）