餃子縣餃子專門店 (Closed)

「餃子縣」其實在筆者所住的屯門區就有分店，但平時開飯時都未有把它列入想食清單。反而今次誤打誤撞光顧了旺角店。抵達時正值晚餐時段，幸運地不用等侯已可入座。否則飢腸轆轆還要花時間侯座，會是一件很痛苦的事。雞絲粉皮點了小辣，但因筆者是能夠吃辣的關係，並未有太辣的感覺。粉皮的一大碟份量，再配以面頭舖上的雞絲青瓜絲，已足以讓人半飽。可能只是加了小辣，把粉皮吃進口時，都是麻醬味道滿瀉。當然，被加入芝麻醬的食材，味道也不會過份難吃。作為港女，芝士就是其中一項至愛食物了～所以不得不點這個三重芝士豬肉餃試試虛實。湯餃可以自選湯底，配了個蕃茄湯給芝士餃子。蕃茄湯甚重茄膏味，但也有少許蕃茄粒作點綴。餃子咬下去，驚喜十足。濃濃的芝士味瞬間攻佔了整個口腔味蕾。筆者放下餘下的半隻餃子一看，餡料都是滿滿的芝士。另外還點了個韭菜豬肉餃配清湯。每碗湯餃都附上一棵小唐菜，在吃啖啖肉的餃子同時，可以吃回些青菜平衡胃口。用韭菜作餡的餃子，味道會較椰菜的香口。胖胖的餃子一碗有七隻，女生一人吃掉全碗，已經撐破肚皮了。翻看其他食家對「餃子縣」評價時，發現冰花煎餃子好像蠻受歡迎。看來要找個機會再到屯門分店大吃一番。

上次行過見到今日突然醒起就行去幫襯下啦 舖頭細細所以座位唔多午餐時間都坐滿咗人 估計應該都唔差嘅 我哋叫咗兩份兩份煎餃，兩杯豆漿一份係七隻京蔥羊肉一份係七隻椰菜木耳豬肉餃一上檯，嘩，好長呀不過影出黎都係咁既樣🤣🤣個餡料幾多但一心想食脆脆既煎餃可能會失望我就係失望左果個😢

食物：⭐️⭐️⭐️環境：⭐️⭐️⭐️衛生：⭐️⭐️⭐️服務：⭐️⭐️⭐️抵食：⭐️⭐️⭐️⭐️綜合：3.2/5試食當日係星期日晚，唔多人，唔使排。雖然係煮麵及熱食屬於大油煙既餐廳，但整體環境上唔油，檯面無油淋淋感覺，座位唔迫，坐得算舒服。食野時突然有一食客拿住台式奶茶入店，店員馬上阻止其進入，跟足規矩做野。 到食物，份量適中，一碗麵有五隻餃。我地叫左椰菜木耳豬肉餃同埋日式紫菜豬肉餃以味道而論，兩者都相當普通，因此紫菜餃較有味。而我地揀左麵，麵質唔黏，唔粗，應屬白麵，非上海麵。整體而論，價錢算平，豆漿當然都好一般。純粹平價醫肚選擇黎講叫中中之作。埋單人均$45

今天是2018年9月1日晚餐時間8時今晚樓面是一位高大馬尾肥妹加四眼瘦仔餃子縣一直是我的飯堂，煎餃、湯餃、菠菜面、酸辣湯、菜甫等樣樣得我心，但好唔開心見到咁衰既員工為我深愛既食店倒米。今日特登出旺角食，落單時肥妹已經相當黑面，最勁係佢只對客人黑面，一抬頭對四眼仔打情罵俏即刻笑哂口，好，就算當我多心左。之後，有一對情侶入來，想坐肥妹抹緊筷子張雙人抬，但佢話坐唔到就算，完全無意欲讓開或介紹其他坐位，結果情侶無奈走左，跟住四眼仔同肥妹講個客想坐你個位，點解唔讓，肥妹竟然話「我唔鍾意呀」，嘩，唔講以為佢係老細喎！我都做過飲食業前線，特別睇唔過眼這些俾氣客人受既侍應，機會，一定唔會留俾呢d人。

I love this restaurant although it is a chain restaurant. The dumpling here is very good, especially the cheese dumpling. They provide fried and soup dumplings. They have seaweed inside also. Really love it! I will recommend it to all people.

唔係去附近都唔知道，原來旺角有間餃子專門店都幾抵食，話明係專門店，餃子嘅款式有非常多款，適合一家人一齊去食，每樣都叫大家可以share食。店舖裝修普通，可能會覺得有少少擠迫，坐得可能會冇咁舒服。價錢實惠，睇啱食乜嘢就記係落單紙上面，之後直接將單紙比員工。雞絲粉皮＄35其實分量還可以，不過因為我哋一家四口一齊分嚟食，所以好似有少少食到唔夠喉，呢個雞絲粉皮嘅醬汁比外面嘅稀，個人覺得潔少少比較好。五香牛展面＄39呢度嘅面嘅份量都好大，好抵食好夠飽，牛肉湯底香，而且牛展都好有咬口。醉雞翼（五隻） ＄33雞翼嘅酒味好重，加咗杞子係上面，多咗啲甜味，同埋好香。擔擔面＄35重慶酸辣粉＄35五隻皇牌芝味四重奏 $41呢個我揀咗黑松露味嘅餃子，而且跟咗番茄湯底嘅湯麵湯麵，都係$41姐，份量好多，而且黑松露同芝士嘅味道非常配合。餃子樂園＄53共有八款味道，既然我哋有四個人，就決定叫晒八款味都試吓。香菇粟米雞肉餃最鍾意係呢隻味，因為個人比較鍾意食香菇同粟米，而呢個配搭簡直就係為我而設。滷水拼盤＄39

選了湯餃子，酸辣湯底， 餡料揀了椰菜木耳豬肉餃。酸辣湯較為稀，味道酸酸辣辣，夠晒味，不用再調味。餃子的餡料好飽滿，好足料夠晒飽肚。但太多料，口感較為實，餃子內又冇肉汁。

近期好中意食黑松露味道嘅野~但黑松露通常都係配意粉食到悶悶地咁岩行過旺角見到呢間餃子縣見佢地門外個餐牌有好多唔同味道嘅餃子比佢地個黑松露芝士豬肉餃吸引左入去中午時份無乜人 唔洗等位就可以入座我叫左黑松露芝士豬肉餃蕃茄湯底上海麵同埋奶茶個黑松露芝士豬肉餃好有驚喜~~黑松露同芝士好夾 比例岩岩好!!同埋個皮唔會好厚 真係好好食~~~個樽仔奶茶都好香滑另外仲見佢地有whatsapp落單外賣自取服務又幾先進喎!!佢其他款嘅餃子都好吸引~~下次一定會再黎食!!

《餃子縣》 #旺角📍旺角花園街1號鴻禧大廈地下1號鋪-🔹餃子樂園 酸辣湯 $50 （8款招牌餃各1）（韭菜豬肉餃/白菜豬肉餃/津白豬肉餃/芹菜豬肉餃/椰菜木耳豬肉餃/椰菜木耳豬肉餃/日式紫菜豬肉餃/香菇粟米雞肉餃/素餃）-個人覺得大部分都幾一般 韭菜豬肉餃都ok 韭菜比例都幾多香菇粟米雞肉餃 唔錯 有菇幾香 加d粟米甜甜地反而大推嘅紫菜豬肉餃我就覺得唔係好夾啦-🔹涼拌菠菜麵（辣） $35菠菜麵麵質幾好 菠菜味都幾出加埋d芝麻醬凍食都幾清新因為揀左辣 面加左d麻辣醬 仲有d手撕雞整體都還可以嘅 夏天食係幾岩-byT：6.5/10

逛完好景，打算在附近醫醫肚子，見到對面有間餃子舖，於是走入去一探究竟！由於是下午3時所以店內有相當的位置，格局與茶餐廳無異；服務與茶餐廳無異，坐低後用點餐紙選了椰菜木耳豬肉餃、涼伴菠菜麵(有辣與不辣選擇)、醉雞翼、豆漿及樽仔奶茶，價位尚算合理！第一樣上的是樽仔奶茶及豆漿，在淡淡夏日，剛逛完街，第一啖感覺很正！奶茶有茶香而且夠滑甜度也適中！而豆漿我就覺得略甜，友人就覺得適中，所以甜度就因人而異！整體兩杯飲品是值得讚的，因為在夠凍，特別是豆漿，很多地方名義上是凍豆漿，但好多時候只是比室溫略凍，而這杯做到透心涼的感覺！第二樣上的是涼伴菠菜麵及醉雞翼，在香港很怕點涼麵，特別是台式的涼麵，往往會將麵煮得太淋，加上麻醬，結果變成災難，非常漿口！這碗菠菜麵都犯了麵太淋的錯誤，但卻沒有釀災難的效果，原因是有大量的青瓜絲，加上夠凍，所以每一口都能食到青瓜絲，彌補麵的口感，勉強有少少爽口的感覺，但現在主角淪為配角，就變得怪怪的！如果能改善麵的質地，突出麵的爽身，我相信這麵會頗完美！至於醉雞翼，很不錯！又是那句夠凍，這間餐廳的涼菜的涼度確實算不錯，夠凍的定義不是像咬冰，而是咬的時侯能夠咬到食物質地同時又有冰

旺角好吃的東西實在太多，想食個下午茶反而一時三刻想不到吃什麼。剛巧見到這間餃子店，便與老公進去一試。老公不餓，就我點了一個韭菜豬肉餃子米線配重慶酸辣湯底。店鋪小小人客又不多，員工卻有4,5個，但米線也沒有很快煮好送上。說回食物，韭菜餃有4隻，一口咬下去皮跟豬肉立刻分開了，餡料沒有充滿整隻餃子。味道方面是不過不失的，一口餃子一口酸辣湯挺過癮的。米線偏軟，不過本身沒有很大期望所以還可以啦。雖然沒有送飲品，但我覺得$39還是挺划算的。

最近轉左係旺角返工，係附近搜索下lunch有咩好食行過見到呢間餃子專門店，本身都好鍾意食餃子既我就試下佢。叫左個湯餃子麵餐，有3隻餃子配麵加一杯飲品。主角餃子可選一款，我選擇左豬肉津白餃。餃子皮做得幾有口感，煙煙un un ,內裡餡料都足，幾大隻既👍🏻的確係餃子專門店。而麵就如圖叫左酸辣粉（中辣），份量都大碗，唯獨自己唔記得叫走青走花生唔怪得人，本人唔喜歡生蔥😅不過總括係一碗正常既酸辣粉😃叫左豆漿都幾大杯架，$56價錢個人覺得都值，不過慳妹應該唔會成日食，因除左餃子其他唔算太特別，所以lunch還是會再試下其他選擇。題外話講下，因旁邊賣臭豆腐，一路食時係會一路聞到，雖然我唔討厭呢陣味。

之前朋友買過餃子縣嘅餃子上屋企打邊爐，一真念念不忘！尤其最喜歡佢哋嘅芝士系列！而我最最最喜歡嘅係黑松露芝士餃，同埋蕃茄芝士餃！黑松露芝士餃嘅火水味恰到好處，一咬落去鼻腔已享受了，黑松露同芝士非常夾，有濃濃嘅火水味，但亦都食到香滑嘅芝士味，配料有椰菜，有啲爽爽嘅口感，另外餃子皮亦都係餃子縣餃子嘅一大亮點，唔易穿，而且煙煙韌韌，令人一食愛上！而蕃茄芝士餃口感似食lasagna（我諗起加菲貓 ），冇諗過放入餃子皮又會咁夾！外賣非常方便，雞湯底滾起，加少少油，放入餃子煮4分鐘就食得！當有朋友上嚟屋企食飯，我都會去買餃子縣嘅餃子推介俾朋友試，但黑松露芝士餃成日都賣晒，真係要早啲去買先買到！今日我又心癮起，叫老公去買餃子... 今日好好彩買到黑松露芝士同蕃茄芝士，食完大滿足！

旺角近好景商場附近原來有間餃子店好抵食，裏面啲餃子做好多款式添。我哋一家四口去咗食，仲打左包走第日再食添。鋪頭好似普通嘅茶餐廳格局。五香牛展面＄39牛肉湯幾香，好大份，抵食，牛展有咬口。擔擔麵＄35比較似米線，冇乜花生嘅味道，同平時食嗰啲擔擔麵唔係好同。重慶酸辣粉＄35紅薯粉好彈牙，個味都幾龍，但係如果揀未來嘅話就真係非常小辣，我諗都有為咗香港人調整過。醉雞翼＄33絕對可以返卓，呢個啲雞翼好滑，酒味都好重，最鍾意佢上面配左啲杞子，加左啲杞子嘅香味。陳醋木耳＄28夠refreshing，酸酸甜甜好開胃，木耳又夠爽口。王牌芝味四重奏＄59分別有三重芝士豬肉餃，韓式辛辣芝士豬肉餃，黑松露芝士豬肉餃，同埋蕃茄芝士豬肉餃，每人兩隻，個芝士味好濃，我自己最鍾意黑松露芝士豬肉餃，好友黑松露嘅味道，同芝士好夾，咬落去啲湯汁啲晒出嚟，最重要我哋加左＄4叫冰花餃，個底脆卜卜好好食。雞絲粉皮＄35又係分量超大，個汁比較稀，我自己個人鍾意龍小小嘅胡麻汁，呢個就篇沙律醬多少少。滷水拼盤＄39有牛展，牛肚，蛋同埋雞翼，滷行都幾入味。八隻餃子＄53要咗招牌八隻餃子，韭菜，白菜，津白，芹菜，椰菜木耳，日本紫菜，香菇粟

記得兩年前食過屯門分店既餃子縣，價錢平民，味道唔錯。今次黎到旺角分店，味道好似退步左好多，而且價錢又貴左。-今次嗌左一碗酸辣湯底麵線配芝士餃。雖然嗌左微辣，但感覺上湯底辣度仲係頗高。湯底偏辣而且較膩，麵條份量多，但湯底味道不太討好。湯底無令人想飲既意欲，冇乜層次，只有好單一既辣。芝士餃表面香脆，賣相不俗。因為煎餃既關係，都比較多油。可惜味道非常一般，芝士味唔濃。如果係盲試，我應該食唔出係芝士。相信應該唔會再光顧了🙁