饑落亭 (Closed)

屋企人見到食評話想試，睇落好似好吸引咁……今晚冇煮飯特登走去試，點知令人好失望。環境同餐具同大排檔一樣，但餸菜價錢好貴~成80幾90幾蚊起碼一碟小菜，碟頭唔大（細過酒樓）。叫左炸大腸、咕嚕肉（真係圖片只供參考）同干炒牛河（呢個碟頭正常）最令人o嘴係……提供嘅service只係帶位、比餐具同上菜，落單要自己寫完拎去counter,咁樣仲要加一！大排檔咁上下價冇加一都唔使self-served咁濟啦！真心可一不可再……

同屋企人慶祝生日，惜逢限聚令只能6個人食飯，點了招牌菜手撕雞半隻、豉椒炒蜆、紅燒豆腐、蟹肉芥蘭及蒸白膳！味道不滿，惟欠了大排檔的氣氛！為了慶祝家人生日特別準備了蛋糕，正準備唱生日歌之際，服務員拎著結他，為我們伴奏，十分特別，從未試過有如此貼身的服務，非常感謝他！誠意推薦比喜愛食大排檔食物的朋友仔！

饑落亭 (大埔)大埔大明里12號儲金閣地下12-14號舖好多年之前食過陳根記，搬咗之後今次第一次食。因為今日係星期日所以都好多人，不過都唔算等得太耐大概20分鐘左右。每個食客都會送一罐汽水👍🏻🔸 Wasabi蟹籽手撕雞 (例)黎到緊係要試下佢嘅招牌菜啦。分量都OK，好多雞絲，唔係度度都有Wasabi味，一路食一路有啲攻鼻好過癮。🔹豉椒炒蜆鑊氣十足，豉椒味好重，啲蜆亦都冇咩沙，不過就殼多過蜆，成碟既蜆肉唔算好多，同埋好多肉都甩曬出嚟，可能因為師傅幾碟一齊炒，所以就好多殼。🔸時菜炒花枝片本身有諗過叫鮮魷，最後揀左花枝片，平時成日都食先有所以今次就試下花枝片。好彩蝦醬分開左上，因為都比較腥，唔係人人都接受到。🔹臘味石鍋飯侍應將個飯送上黎既時候會附上一個沙漏，佢叫我地唔好打開個飯住，要等沙漏曬先可以開。臘味份量都算多，而且飯都好多，四個人食一人都可以分到一碗。不得不提係佢既飯焦比平時既煲仔飯多，可能因為佢用既米比較幼細，比較容易成為飯焦。🔸薑蔥雞煲雞煲火候好夠，雞既份量好多，仲咁啱有兩隻雞翼尖添。味道亦唔會太鹹，而且仲有好多薑蔥，岩曬鍾意食薑蔥既我😆

抵食午餐-饑落亭原來饑落亭不單止做晚市小炒，午餐都有套餐揀! 價錢都幾相宜! 除左有套餐，亦有兩、三餸飯選擇，配埋冷熱飲都唔洗50蚊! 搵到有酸菜魚、麻辣燙配飯，即二話不說衝左入去食了!酸菜魚($48)湯底好濃，有陣陣花椒味，但又唔知太辣，辣度剛好!個湯撈飯都好正! 魚比較多骨，可以處理得好D! 份量都好多，入面仲有芽菜! 個人覺得配飯係最夾! 麻辣燙($48)麻辣燙相對較多油，但辣味同麻味就唔夠濃!牛肉都算滑，但好似辣D 會野味好多XD 今次都係配飯!

陳根記搬咗去大埔，終於唔使特登揸車去沙田大排檔食喇。簡直係大埔之友福音必食wasabi手撕雞唔知係咪wasabi落重手得滯,一食即咳,辣得滯.其他雞肉,蟹籽，火腿都保持水準。酸菜魚好驚喜嘅新菜式。新鮮魚片，啖啖肉，冇骨！湯底奶白色熬得好鮮甜，仲有牙菜同金菇。個湯飲完仲唔口渴添。西蘭花炒鮮魷(🦐醬)火候夠鑊氣，忍唔住叫多碗白飯送黎食睇嚟呢度好快就變我飯堂

見好耐無食街坊小菜，今晚兩公婆就去大埔揀咗呢間饑落亭，可能疫情關係，去到唔駛等位。餐牌好多餸想試，但得兩個人，唔叫得多，就叫咗三餸一石鍋飯。麻酱蟹籽粉皮手撕雞(例)$92，👍必食，成碟手撕雞撈滿晒麻醬和蟹籽，非常好味。黄金豆腐$88，鹹蛋佈滿在每件豆腐上，遠睇真係好似一磚磚黃金，食落滿口都係鹹蛋黃，豆腐又嫩滑，份量多到食唔晒。椒鹽豬扒$78，好香口，👍豬扒炸得啱啱好，肉質又林，好好味。廣島蠔石鍋飯$78，幾特别，上菜時附上一個⌛漏斗，侍應姐姐話要漏晒啲沙先好開蓋，等咗十分鐘完成。打開蓋一睇，無乜驚喜。薑葱味唔夠香濃，啲蠔又細隻，下次都未必會叫。整體嚟講，每個菜式份量都多，抵食，有下次。😋

陳根記係禾輋既時候同老公（當時男朋友）😂已經食過幾次，到搬咗入大埔改咗名叫饑落亭一直都好想試下，開鋪初頭因為坐位唔多一係要早去唔係就要等位🙇‍♀️所以都未食到。今年母親節因為疫情影響就叫外賣試下，家人第一次食都覺得好味所以到父親節疫情亦好轉於是就決定同家人去食，早2日前打去訂位，要6位以上先接受訂位（我地岩岩好6位）😉可能假日分時段，早段可訂5:30/5:45/6:00限時90分鐘。我地Book咗6點，時間算早唔算太多人，叫餐係會比張單你，自己睇餐牌寫低你想要個餸既號碼，好方便（唔記得影底😅）廚房出餸都好快，比起叫外賣仲大碟，又夠鑊氣，熱辣辣超正呢個真係必食，6個人叫半隻都夠，差唔多每張枱都叫（可選例牌/半隻或者一隻分量）寫落單紙記住寫埋要既分量呀😉，當頭盤食，雖然好“公”👃但超正“公得好過癮”呢個黃金豆腐有d失望可能廚房趕出餸，咸蛋黃煮得唔乾身，仲濕既分量好多，好香呢個唔叫得煲，因為唔係煲上🤣我地6個人每人都飲到2碗湯，伙記會跟支糊椒粉，但其實個湯已經勁糊椒，都唔需要加個鯪魚球加咗果皮同木耳絲豚肉無骨，啖啖肉呢個炒蜆原來留咗單，等咗好耐都未見有，就問下伙記，點知佢話無嚟就無架啦…一係等

今日午餐食外賣，衣排好夠餐廳外賣都有優惠，饑落亭既兩餸飯都只係四十蚊，三餸飯就四十六蚊，我同豬先生一人一個兩餸飯，每日都有成十個餸可以揀，連手撕雞都有！我地揀左蝦米蒸水蛋，蔥爆牛肉，炒時菜同原味手撕雞。睇相都見到飯既份量好大，有成兩碗飯咁多餸既份量都okay,豬先生都夠食手撕雞好入味，蒸水蛋仲有皮蛋，好岩餸飯，蔥爆牛肉就略嫌d牛肉韌左d，不過味道唔錯整體尼講四十蚊咁大盒飯而且質素唔錯，性價比幾高，值得推介。

衣排大家都鐘意叫外賣番屋企食，住大埔既可以試下衣間餐廳，小菜多選擇，有鑊氣，想要煎，炒，蒸，炸都有今日揀左兩個餸，分別係中式牛柳同魚香茄子，衣兩個餸都好岩送飯。中式牛柳，但係佢用左個牛仔骨，肉質鮮嫩，而且佢個汁都幾好食，有啲似燒烤醬，但係就比較甜魚香茄子煲,食既時候仲係熱騰騰，茄子切得很細細粒，每啖都食到茄子同肉碎，而且不是很油膩，味道適中，唔會太咸，食到茄子原本的味和質感，平時最怕魚香茄子好油，衣個都可以

第一次係大埔食陳根記，雖然無左從前既環境，但食物風味依舊。近年興食要酸菜魚，陳根記又有，當然試下，水準幾好，辣辣地，d魚肉脆，彈牙，十分開胃。椒鹽鮮魷是黎呢度接近必叫，我都見好多枱都叫，香口但不會太油，唔怪得咁有名。 第二果是龍躉球豆腐煲，都係好惹味。雖然地點唔同左，但水質保持到，會繼續支持。

今日即興約朋友食飯，佢話想叫餸食飯，於是就黎到饑落亭。室內大排檔，唔怕熱又可以坐底傾下計👍黎到大排檔緊係叫下d椒鹽乜乜先啦椒鹽鮮魷正！然後就叫碟菜中和下蒜蓉炒菜心最後緊係要有飯啦！不過白飯$11/碗見到有新餐牌，石鍋乜乜，都只係50幾60蚊當然試一試啦！佢會有個漏斗話比你聽幾時開蓋添食到咁上下有d口渴，就叫左杯士多啤梨乳酸而個fd 就叫左杯梳打總結：好多選擇，但我地得兩個人，試唔到好多。下次會再黎幫襯過！

大排檔已是見少買少，今晚嚟到大埔大明里(饑落亭)陳根記，餐廳是一間老字號，粥粉麵飯小菜也有十幾廿款，價錢相當大眾化，裝修有大排檔的格局，好有親切感，而枱面鋪上一張張的膠枱布，仲準備了一盤碗筷及熱水等顧客自用，非常乾淨。餐牌設計好靚，五顏六色相當吸引。下次再呢試個糯米飯。金湯酸菜魚$100，份量十足認真抵食，魚肉鮮味又嫩滑，湯底又不會有腥味，好香甜美味。臘味石鍋飯$58估不到用石鍋都可做到我最鍾意食的飯焦，臘腸、臘肉香蔥花同薑片十分香口。蠔肉粒粒飽滿。薑蔥廣島蠔$114，蠔肉粒粒都好有蠔味又飽滿，加上大量洋蔥及蔥斷薑片爆炒十分惹味。椒絲腐乳炒生菜，生菜爽口，少少辣味再加腐乳香味，十分入味及爽口。楊枝甘露$28甜品屋一般通常都會收三至四十元等，芒果及其他材料份量十足。

今日同屋企人食飯饑落亭前身係聞名既陳根記 細細個已經有幫襯開🤡搬咗過嚟之後都係第一次食而家嘅大排檔都好多元化新潮d既酸菜魚、石頭鍋飯，到傳統既糯米飯煲仔飯都一應俱全🤤而且價錢仍然好抵食，又有冷氣電視睇，好過食酒樓👍🏻每張枱食夠$320仲可以加一蚊一隻乳鴿🥳👍🏻酸菜魚最緊要係乜嘢？當然就係酸菜啦呢度用既酸菜我認為係偏辣，一般酸，後勁係帶點甜，幾喜歡💓魚肉新鮮，份量多，係厚身果種魚塊👍🏻琵琶豆腐呢d家常菜 易學難精 所以專登點左 果然係外脆內嫰 醬汁係帶甜👍🏻黃沙蛽份量足 無沙 新鮮用檸檬調味 酸酸地引出海鮮味道👍🏻記得要點旁邊既蝦醬一開始食 覺得碟餸正常味道啦一點蝦醬 成個鮮味都出哂黎 驚喜地好食用黎點蔬菜定海鮮都好惹味👍🏻石鍋飯選擇好多 超過15款上檯果時咋咋聲 熱氣十足見好多街坊2個人食一鍋，加碟菜咁真係抵過你自己屋企煮飯🤣😇甜品楊枝甘露，花奶既比重好高淨係食到奶味，偏甜，唔岩我口味埋單每人大概$100，呢個價錢配這質素我覺得非常之合理😜—————————— 食物質素：7/10 環境衛生：7/10 舒適度：7/10 服務：8/10 性價比：8/10 總評分：7.4/10 ——————

Lunch 唔知食咩好～ 行過饑落亭原來係有午餐～ 我一直以為得晚飯小菜 原來佢都有做午市～ 主要係2 or 3餸飯包埋湯或者飲品～ 每日都唔同既餸 可以自己配搭～ 因為見到有Wasabi手撕雞所以吸引左我入去～ 仲叫咗生炒骨同埋雙蔥爆牛肉～ 雖然係3餸飯但都做得唔錯～ 好似小菜咁但lunch 都可以食到～👍🏻👍🏻

還記得由中學時代就火紅新界區的禾輋邨陳根記，早年暗淡關閉，搬離禾輋邨，但分店就遍地開花，不但沙田碩門有分店，原來大埔舊墟都有啦！今次就專門去食！保留原有風味大埔陳根記專門裝修似大排檔，由鐵皮版做裝潢，加上舊日陳根記的相片！招牌的Washabi手撕雞仍然必食之選，雞肉撕得很幼細，而Washabi醬均勻分佈成碟手撕雞雞肉，少少辣，好刺激，值得再食！半例剛好4個人分量呀！此外，川味腩片豆腐煲亦是餐廳推薦的菜式之一！如果像我們忘記請餐廳煮的少辣，則辣味會非常充足，超好食！豆腐用上類似山水豆腐的種類，外皮和內裡都很滑溜！至於，腩片就很足料，醬汁更適合拌飯呢！值得一提，蝦乾浸時菜，記得點油麥菜，廚師控制熟度剛剛好，爽口又大碟！令人意外的事，陳根記竟然有推出限量甜品，我們分別點了楊枝甘露和雪梨雪耳！兩款糖水份量剛好，最足量和值得推薦則是雪梨雪耳，甜度適中、雪耳爽口，好味！