香港仔周記點心茶餐廳 (Closed)

剛過去的星期六一家四口去到呢度食午餐， 店內地方不算大， 但環境總括來說清潔企理。 可能較早到嘅原因所以唔使等位就入咗去坐。 食物種類選擇唔多但係樣樣都經濟實惠， 叫咗鵪鶉蛋燒賣、 蝦餃、 馬拉糕、 xo醬炒銀針粉(稍為油咗啲)、 北菇滑雞蒸飯 加埋兩杯熱飲。 樣樣嘢都幾好食， 只可惜中午時間冇甜品供應，同埋當日可能人手唔夠老闆娘有少少噪噪地。。。依餐午餐幾抵食四個人埋單160蚊

舖頭細細，坐就麻麻地舒服，就勝在企企理理同啲同事食左好多野，除開都只係每人40幾蚊😆燒賣好特別地加左花枝，好彈牙👍🏼👍🏼蝦餃爐粒晶瑩剔透，啲餡唔錯最驚喜係蝦多士，外面又薄又脆，入面蝦好彈牙，成件事好好味😍好足料👍🏼另外有蒸飯冇影到，啲飯粒粒分明，唔係爛飯好索豉油😋😋會再幫趁😇

去維園藝趣嘉年華，好醒地由天后去，打算吃個飯就去玩。但原來都很多人，所以見這間店沒有人排隊就不作他選。叫茶餐廳，但似新式茶居格局，吃的也是中式點心。原來想吃蒸飯套餐，但假日沒有，變了散叫。但都超抵吃。煎蛋牛肉飯，$28。大大盅，一個人吃不完。肉餅好腍，弄碎和煎蛋鼓油拌著吃味道不錯。家姐要了籠仔馬拉糕，$20。花膠四寶雞扎，$28。上菜時看見個份量，好懷疑她吃不吃得完。怎知她吃光了。雞扎真的有花膠，而且算大塊。講了三次馬拉糕很好味，她說甜度適中，鬆軟得來似入口即溶。原來有報導，而且這間店聞名香港仔，我是九龍人，不知道，不過看家姐吃清光都有幾相信了。

今日放Lunch跟同事黎食，聽佢地講天后個到有間性價比高既點心餐廳，就一大班人突登走過黎食。我地有7個人，入到去餐廳內，空間幾闊又夠位坐。雖然睇落餐單啲點心既選擇真心唔算多，但必食蝦餃，燒賣既點心都一定有。落完單之後，出餐都好快，野食又熱辣辣，最緊要係每樣野都好足料!!!!!燒賣蝦餃大大粒，啲點心幾好食，唔會話太膩，而且員工服務態度好，感覺今次搵到好野食介紹，我諗我一定會想再帶朋友嚟食!!!!!希望餐廳會加多唔同款既點心。

今日諗住試下既心態黎到，估唔到性價比非常之高，點心用料非常之扎實，價錢公道，食物用料會比坊間酒樓還要好，總之黎過都讚好！！至於環境方面，咁熱既天氣食熱辣辣既點心冷氣夠一定好緊要，呢度都做得到，要加分！！地方坐位寬敞，就算前後坐滿人都唔會有背脊掂背脊既情況出現，氣氛舒適，一家大細或一班朋友黎都可以傾到計！！唔會好似係酒樓同其他人鬥大聲先聽到！！見到餐牌你就會好自然樣樣都想試，因為價錢真心唔係貴，款款有驚喜，試過都話抵！！

Went here randomly as I haven't tried this restaurant.They serve dimsums but rarely do you find silver pin noodles on the menu so I ordered the Garlic XO sauce pin noodles.For $38, it was a huge portion.Unfortunately it was too salty and the garlic taste was too strong.It was a great deal for $38 but I just couldn't finish it as it was too salty for your own good.Compared to the Sheung Wan branch, the pin noodles there are presented in a nest bowl.

下午去中央圖書館借書，隨便去天后行下，見有間周記點心茶餐廳，走左入去食番餐。食物有中有西，款式不算多，但可接受。醬汁鳳爪質素高，醬汁夠味而鳳爪肉夠鬆，值得番叫。花枝燒賣皇整體美味，唯部分豬肉根較多難嚼，要平衡彈牙和難嚼都係一個難課題。花膠四寶雞扎真係有大大塊花膠，但花膠配魚肚會重覆口感，我建議不要加花膠較好。另外，明顯地用了劣質蟹柳，即是X寶有得買好平的貨式，建議改用其他較高質的蟹柳為佳。XO醬蒜香炒腸粉有很多問題。XO醬唔夠冇味，蒜香唔夠香甚至無蒜味。最敗筆係用了西芹炒，西芹味太強烈影響整碟腸粉味道。此外，這碟腸粉賣相非常差，上枱時似廚餘，影響食慾。叉燒包正常。其實佢哋係茶餐廳，奶茶咖啡應該冇問題，但實在是奶茶都出左事。奶茶茶色夠，但茶味欠奉唔夠濃，成杯得個甜，似糖水，我估用了錫籣茶葉，但加工不夠帶不出茶味。食店食物質素方面有待改善，座位用木櫈略嫌唔好坐，但職員服務ok友善。食店改善後我會再黎食番餐。

星期六，同老公喺天后食早餐。行行下見到7月初新開的周記茶餐廳，入去試一試。點心叫了排骨、鳳爪、蝦餃同肉碎湯銀針粉。點心夠晒熱，蝦餃大大隻又好味👍 見到隔離枱食嘅黃金流心西多士都很吸引，決定下次要試下。

想搵人地個孫阿食晏，點知比人帶咗去街，唯有一個人去。上次試咗上環店，之前又試咗香港仔總店都覺得好食，今日就試埋天后店。係上環店提議佢地紅豆冰要用粗飲管，今日去天后店真係轉咗，果然係聽客人意見，仲會改。讚！今日叫咗周記蝦餃，海鮮脆腸粉同鴛鴦紅豆冰，外賣就叫咗茄子塔，小龍飽同炒腸粉。蝦餃爽口，蝦夠大及鮮。海鮮腸粉，先有腸粉皮包住脆網皮，而餡料係蝦肉同芹菜，雖然芹菜唔多，但對住唔鍾意食唐芹既我就覺得好大味。鴛鴦紅豆冰雖然冇得小甜，但係小冰既情況都唔甜，正！外賣茄子塔因為見對面個碟賣相好靚，拎到返屋企都冇散，而且比個d煎釀三寶既釀茄子咁油，好！小龍飽，比較清啖(可能會有人覺得咁叫冇味), 對於鍾意食清d既我覺得ok的。炒腸粉夠香，而且用新鮮腸粉做，仲夠大碟可夠女士一餐。

剛剛經過天后，見到有間周記．點心茶餐廳，試試一食。嘩！真係冇得輸，用料靚、價錢平到不得了。味道極🉐️，比一般的酒樓行貨完全不一樣，以後要來這裡做飯堂了👍🏼👍🏼👍🏼

早幾日行過，見到呢間店舖舞曬獅咁就諗住去試下，但點知原來果一日未正式做生意。所以決定今日去試吓佢嘅點心。入到去侍應哥哥就介紹咗原來有午市套餐，不過我都係鍾情點心多d打開餐牌都係有係基本蝦餃燒賣，原來仲有流心西多，不過媽咪怕熱氣，所以我地冇嗌到。竟然俾我見到有鵪𪂹旦燒賣，媽媽話而家已經好少地方有得食。我地就即管嗌左黎試吓。新鮮蒸起，靚仔好食，隻旦又冇林曬，仲有小小彈性有旦香味。而且燒賣入面肉又唔散。總括有下次。

星期六下班一班人往天后覓食，見天后站對面有間點心茶餐廳，好！就去睇吓茶餐廳有乜點心，坐下睇餐牌，竟有三十多款點心，點了老干媽醬炒腸粉、蝦餃、鮮竹牛肉、花枝燒賣、咖哩土魷、花膠四寶扎、鳳爪、流心西多、芝麻蝦多士，第一碟老干媽醬炒腸粉，腸粉滑，炒得蠻夠鑊氣，燒賣竟然係花枝涵，比豬肉好味，咖哩土魷是大隻土魷，質感夠厚及入味，四寶扎內腐皮包著的竟真的有花膠，質感味道頗佳，蝦多士很厚的一層蝦膠，正！牛肉有以前的特別葉香味，流心西多流出嚟嘅咸旦黃流沙很好味，最後一碟甜品，桂花椰汁膏，椰汁併埋桂花的味道，出奇咁夾，最有趣大家各自叫飲品時，我叫了阿華田紅豆冰，好豆起沙加埋柯華田，特別又好味。