香港仔周記點心茶餐廳 (Closed)

想搵人地個孫阿食晏，點知比人帶咗去街，唯有一個人去。上次試咗上環店，之前又試咗香港仔總店都覺得好食，今日就試埋天后店。係上環店提議佢地紅豆冰要用粗飲管，今日去天后店真係轉咗，果然係聽客人意見，仲會改。讚！今日叫咗周記蝦餃，海鮮脆腸粉同鴛鴦紅豆冰，外賣就叫咗茄子塔，小龍飽同炒腸粉。蝦餃爽口，蝦夠大及鮮。海鮮腸粉，先有腸粉皮包住脆網皮，而餡料係蝦肉同芹菜，雖然芹菜唔多，但對住唔鍾意食唐芹既我就覺得好大味。鴛鴦紅豆冰雖然冇得小甜，但係小冰既情況都唔甜，正！外賣茄子塔因為見對面個碟賣相好靚，拎到返屋企都冇散，而且比個d煎釀三寶既釀茄子咁油，好！小龍飽，比較清啖(可能會有人覺得咁叫冇味), 對於鍾意食清d既我覺得ok的。炒腸粉夠香，而且用新鮮腸粉做，仲夠大碟可夠女士一餐。