香港必食

Open Now

Now Closed

約左人係尖東公園等，悶悶地so 吉串魚旦食啦，eating while waiting my friend $11 only 6 粒 仲要好細粒 都幾貴 貴過人地一倍，貴唔緊要，難食，個curry 汁一點都唔香無咖喱味，魚旦下級貨免，食入口是麵粉，cheap quality 同浸左好耐賣唔出咁，唔陣牙又怪怪地，真係難食到喊等朋友咁就中左伏啦，直升機指數高，連咁基本簡單架野食，唔洗技巧都可以做到咁嚇人架程度，怪不得冷清清無客啦!

等候時間長，落單果陣又唔講清楚，要人係到白等。買燒賣又唔知係唔係專登比小咗，好彩我都有數一數，唔係就冇仇報。比錢果陣又話一定要收現金，咁不如唔好貼個Alipay 同Wechat pay 出嚟啦。最後亦都係最重要，真係好難食！原來咁普通嘅街頭小食都可以整到咁難食，真係大開眼界。仲好意思咁大隻字話自己咩三十年功力，又話咩醬王⋯冇試過買街頭小食都食到咁嬲，真係物無所值，永無回頭。奉勸各位千祈唔好嚟呢間嘢食，寧願行多幾步。

致從自己喜歡那家雞蛋仔店結業後在下都沒吃了大概有2，3年今早又突然想念於是在上班途中來看看會不會遇上吧記得這家之前也常常經過價格也算是高而且因為只收現金所以身無分文的在下都沒吃過而今天終於能吃上不過不是雞蛋仔而是買了格仔餅事關怕吃上不好吃的會影響整天心情格仔餅一件$20好像又比一年多前脹價了在下個人覺得真的滿貴的但..20蚊在下還是承擔得起的🤣由於在大早上 人流稀少所以有即叫即做的褔利等了大概10分鐘吧熱辣辣的格仔餅到手顏色好像有點稍為偏黑不過襯新鮮咬一口那外脆內軟的口感很好就味道不太足幸好這餅是格仔餅中間夾著的錬奶 牛油 花生醬 還有砂糖這些東西籬補了漿粉的不足而這餅傳統的港式窩夫算過關吧畢竟這主要用以回憶兒時的味道而這些傳統總是一代不如一代又或只是人長大了的改變世界就是不斷變遷嘛下次 試試看在下另一樣喜歡的東西 🤫

忽然想食魚蛋，見到佢話咩3年苦練咁巴閉咁咪試下囉。佢有10蚊7粒，15蚊11粒，燒賣魚蛋雙拼20蚊15粒。咁我同我朋友都淨系想食魚蛋，咁咪問下老闆可唔可以叫20蚊但要晒魚蛋。結果佢比左12粒我地，好耶呀！比多5蚊多1粒！用返10蚊7粒黎計都仲少左2粒🙄算，如果好食都比佢賺。完全冇魚味，又唔入味辣汁都系冇味，仲大大隻字寫自己叫「醬神」(笑）如果咁既質素要苦練3年，咁我對佢白白浪費左既3年表示非常遺憾。

路過尖沙咀見到有間小食店 話自己苦練30苦功（但唔知點解好多差評） 決定試試真假 試食當日得我一個客人 叫咗雞蛋仔 阿姨話為咗維持質素 所有雞蛋仔同夾餅都係即叫即整 等咗差唔多十分鐘 就已經出爐放係風扇吹 一陣就食得！入口好脆 外脆內軟 入面蛋漿軟綿一啲都唔Dry 非常唔錯 而且蛋香味亦非常足 有驚喜 比起平時整好放定係度 好食好多！所以等待就好值得！留得咗個好印象第二次去食 叫咗雞蛋仔加夾餅 但今次去到嘅時候已經有五至六個人喺度等緊 唔知係咪呢個原因 今次食到質素不如上次 夾餅唔夠脆口 偏淋 但餡料唔甜（讚👍🏻） 但雞蛋仔內漿就偏軟起比上次 但外脆度亦不如上次 但相比開到成行成市快食店 整定好幾底嘅店鋪 呢間鋪頭都係值得一食！（建議最好冇咩人排隊先好去 食物質素會高啲）

我係從來從來都未見過咁冇記性 仲要發惡嘅人 嗰位阿姐講嘢有啲唔正 短攣髮 我前面有位哥哥仔嗌格仔餅 魚蛋 我都記得啦 兩樣嘢 兩樣嘢咋喎 跟住我就嗌朱古力雞蛋仔 跟住我已經畀咗錢 24蚊 轉個頭呢個阿姐又問我收24蚊 我話我咪畀咗囉 跟住到我個雞蛋仔得嘅時候 前面嗰位哥哥仔就問 佢個格仔餅得未 係冇整到呀 個阿姐係冇整到格仔餅畀呢位哥哥仔 呢位哥哥仔喺度白等咗十分鐘 轉個頭 我咬咗幾啖雞蛋仔之後 發覺入面係冇朱古力 我就問個阿姐 你係咪冇落到朱古力呀 佢就話佢有落呀 跟住就調返轉頭屈我 話我攞咗人哋嗰個 但係全程前面係得呢個哥哥仔 哥哥仔叫格仔餅同埋魚蛋 我叫朱古力雞蛋仔 三樣嘢啫 根本就係佢自己整錯 我冇攞錯 過份 離曬譜

经过半岛中心时无意中见到这家店，被他们的宣传句语说三十年功力吸引着。 原来是专卖港式街头小吃的店，除了咖喱鱼旦、烧卖、肠粉等咸食，还有格仔饼和鸡旦仔两种甜食。但餐单和价钱不是很清楚，其实应该有一张价钱表贴在当眼处。点了肠粉，他们从雪柜拿出来，然后放在蒸烧卖的笼内加热，等了10分钟才可以打包走。鱼旦内的粉较多，鱼味有点淡。烧卖是鱼蓉烧卖，不是店铺所说的猪肉烧卖。如果不挑剔，味道比很多街边卖的好。至于肠粉就不过不失，中间还未够热。共花了40元，这价钱在尖沙咀算是公道，但水准还可以提高。

今晚突然想掃街，走到香港必食，叫了個格仔餅；之前有4個人點咗3個，我點完之後，他們其中一個再點多個。本以為等到第4個時，老板娘會俾我，點知4個全數俾哂頭4個人。我同佢投訴佢無理我，之後同我講好快啫，然後過一陣問你要唔要無咁脆，我睇住佢打開個夾，睇吓個餅，又摸下個餅，來來回回兩三次後，就攞餅出嚟，之後渣渣臨查埋D花生醬丶牛油丶鍊奶丶砂糖料打發我走。我終於明白老板娘點解要問我係咪要無咁脆，就係要快手交俾我，求其交貨，離譜！

俾個30年功力的招牌呃咗 無人排隊 貴夾難食 吾明在尖沙咀憑咩生存到 20蚊串魚蛋 無魚味 食得出有陣‘粉’味 辣味一般 附近其他魚蛋10蚊都好吃過佢 吃街邊野其實都係睇條隊就知好吾好吃

18蚊一底格仔餅一啲都唔平，但係尖沙咀個頭可以理解，但係係我人生食過最最最難食嘅格仔餅！一去到我話要格仔餅已經有幾份做好左嘅放左係度，老細拎左其中一底又放返去爐度加熱，出到黎個餅黑黑地。食落又乾又硬又小料，係我食過最最最硬嘅格仔餅。办唔住人生第一次係open rice 打食評 完..............................🤮🤮🤮🤮🤮🤮🤮🤮🤮🤮🤮🤮🤮🤮🤮

一年一度平安夜，並沒有特別預訂任何餐廳，只在尖沙咀隨便食了一頓簡單晚餐；之後沿途走向紅磡火車站，路上見到了一檔港式街頭小食，小女兒嚷著着要食雞蛋仔，儘管試一試味道如何。物價飛升，今時今日$15 一底雞蛋仔已經非常平常，尖沙咀這些遊客區當然就會更加貴，到底 $20 的雞蛋仔是否真的更加好味道？但那一幅易拉架海報又確實有點吸引力，雖然不知道是真是假，但標榜30年功力，又確實容易引起試食的衝動。雖然近年時興多款古靈精怪的新口味雞蛋仔，這間小店順應潮流亦有仿效；不過筆者還是鍾情於兒時口味，偏愛原味雞蛋仔（$20）。略帶焦香的淺啡色，表面賣相似乎對板，亦夠熱辣辣。一啖咬落去，就立即覺得不大妥當了。表層外殻唔夠香脆，甚至有點軟身；中心部份雖然有雞蛋粉漿餡，但卻太空心，只有靠近底部的薄薄一層。價錢已經唔算平，卻似乎有偷工減料之嫌疑。味道方面亦偏淡。好食的雞蛋仔應該要外殼香脆，中心的餡料則要分布平均、綿密鬆軟中帶有均勻氣孔；這一底雞蛋仔肯定在合格標準之下。

今日行過，跟老闆娘要了一串燒賣。想說食一串燒賣，再去板長食個晚飯！老闆娘我要什麼肉，我說魚肉。她拿起膠碗把燒賣放進去，我看到她放了都很多粒，所以，我就叫住她，問她這是多少錢的，她說HK$20。然後我說，我說要一串，我沒說一碗，她就馬上用汁淋上燒賣，然後說已上汁，不能換，HK$20!!然後我當然問佢有冇搞錯喇，同佢理論，不過算，我食，味道未去到難食，可繼續食。行左兩三步，比我吉到有粒仲係冰既燒賣，簡直係錯到離哂大譜！行翻轉頭鬧佢一輪，叫佢換過，佢真係換一粒比我....... 實在難以再惠顧！請改善！

路過口痕叫底格仔餅（$16），眼見透明櫃已經有兩底雞蛋仔&兩底格仔餅放咗係度，以為即刻有得食，點知個阿姐拎起一底格仔餅然後再次放入個模度，應該係想烘番熱底格仔餅。唔知點解要烘5分鐘咁耐，烘完雖然係熱嘅，但太耐底餅已經明顯地較前黑（未算燶）。問題係，本身底格仔餅已經較薄身，烘咁耐結果係外皮硬晒（唔係脆），咁薄中間d「肉」接近冇晒，咬落成塊柴皮咁。從未食過如此難食嘅格仔餅！呢種質素仲要成$16，絕對冇下次！

尖東有各式各樣的小食美食，偏偏就簡中間唔好食的。點了魚蛋、燒賣、格仔餅。前兩樣味道尚可，無咩特別。係魚蛋的醬汁得浸椰汁味，又唔甜又唔係鹹，有D奇怪。 標榜花了三年去研製，看來要多花三年的努力了。到格仔餅啦。可能謝霆鋒底雞蛋仔都整得好過佢～攞上手軟奶奶，食一啖lur一啖就知佢未熟，返轉頭同香港必食講，姐姐就話：「係咁架，係咁鬆軟架，唔係未熟。」又隨手執係粒雞蛋仔話我聽，唔係未熟架只係個粉漿夠軟。隨後老細嚟到，又話唔熟係拎唔起㗎。我要求退錢，但係佢哋話過俾我哋。我都接受了。第二份格仔餅係正常D。不過我都唔會再返去食我想講，第一 我知道一份熟嘅格仔餅係咩樣。我就係知佢軟淋淋未熟我先走來同你講聲！第二 如果唔願意花時間去製作食物嘅，請你取消製作雞蛋仔及格仔餅。專心買燒賣同魚蛋第三 小食店最忌，用收錢嘅手去接觸食物，請各小食店注意⚠️

為咗睇燈飾行過見到咧間「香港必食 HONG KONG MUST EAT」，見到佢個廣告印有「醬神魚蛋，苦練三年，鮮魚湯底⋯」，心諗係真唔係呀，抱著挑機同埋如果唔好食拆佢招牌，所以叫咗$10魚旦同埋$10燒賣雙拼一份。香港必食HONG KONG MUST EAT小食店面，本來想試埋雞蛋仔，因為一路行來一直feel到雞蛋仔味，不過約咗人晚餐，咁下次先試啦。醬神魚旦，魚旦唔係陳皮魚旦，魚肉同粉嘅比例應該可以魚肉再多啲，粉小啲，魚旦中間有輕微實咗小小，不過魚旦好足魚味，都好味嘅。之後我店員介紹燒賣，我本人好憎食街邊燒賣，不過我目則後決定叫埋燒賣，食後感覺得燒賣由目測到放入口都係有水準嘅食物，好好好好味！香港必食HONG KONG MUST EAT製作出嚟嘅食品真係好有Heart，堅有水凖，真係一間良心小店，行過一定過黎支持你！