香港魚蛋皇

Open Now

Now Closed

前幾日在灣仔買完嘢之後,見有啲肚餓！見到對開嘅香港魚蛋皇。唸起都好耐無食！於是推門而進。當時餐廳地方狹窄~人很多差不多把所有座位填滿！由於只有我一人！所以店員很快幫我找了個吉位！就叫了個牛腩河~~牛腩有5至6件,整整齊齊的排在河粉上食落係有水準,肥瘦適中,肉質不韌,但也不是鬆散~軟淋易嚼,口感層次均衡,水準不錯。湯頭唔係好濃但屬於清甜嗰一種我次次都有飲晒。$30幾蚊碗但份量好夠,係足夠飽肚嘅值得一讚~吃牛腩,最佳的配搭是河粉！只是個人建議,始終決定個人喜好！因為河粉比麵條吸汁能力強可以吸盡腩汁精華~呢度啲河粉一路保持住好爽口！第日有機會食過喇

嗰日早咗出門口，又冇乜嘢地方有嘢食喎(原來好多都未開門)，於是乎我就求求其其去咗一間食魚蛋粉嘅地方，試咗佢哋嘅沙嗲牛肉公仔麵。|(￣3￣)|其實佢哋個早餐係平㗎，一個沙爹牛麵加埋凍飲都先至係$34，周邊其他嘅閑閑哋都要$40先落到樓啦。所以其實我冇乜要求嘅，不過都真係冇得可以要求。佢哋個沙嗲牛肉完全係醃到淋晒，冇咗牛肉嘅味道。個餐包硬骨骨，唔知隔咗幾多日咁。衛生環境條件唔好。你見到佢張單，都知佢哋係求求其其，明明我一個人入去，佢就打我兩個人幫襯（ーー；）點都好啦，應該冇下次冇下次。

下午茶不想吃那么多，只想隨便吃一个簡餐。看到這家店就進去點了一个云吞面和蠔油芥蘭。湯底算是香甜，但略嫌味精有點多。雲吞蝦肉不算大，面身也不是特別彈牙，整體只屬中規中矩。不過芥蘭非常青嫩新鮮，只需5元實非常划算。埋單41元不過不失。

今日又來到灣仔食下午茶，想食清淡d又健康，我第一時間就唸起香港魚蛋皇，有粥有麵有飯有菜，真係最佳首選。之前食過一次覺得唔錯，所以今次都會揀返呢間醫肚。唔好看小簡單的魚蛋粉麵鋪，呢度既碎肉蠔仔粥簡直一流，唔係太肚餓的話，大大碗粥兩個人share都足夠，而且d蠔大大粒，份量十足，真係好足料，良心餐廳我比十分好評。照舊一碟腐乳通菜，呢間的通菜係我食過最滑最嫩的通菜，點個大份都係$19，呢頭食菜抵食到爛ㄚ。再叫多碗淨墨魚丸，大大粒墨魚丸有菜有湯唔會寡，岩曬食清淡既我。如果想簡單食個粥粉麵飯而又食到唔簡單既靚料，香港魚蛋皇會係我十分推薦。

每次夜放工由鵝頸橋步行到灣仔地鐵站，一定會見到一個大型霓虹燈牌寫著“香港魚蛋皇 鯊魚骨響螺豬骨湯底 ”， 不過已經係公司食左飯，所以無quota 食。今天放早， 途經這裡當然要試一試啦！門面以黑色為主，好嚴肅，室內則光潔明亮，物品枱椅乾淨有序，感覺舒服。姐姐們嗰個都笑容滿面，問幾多位同帶位， 餐牌圖文並茂，種類豐富，不只有潮式魚麵食， 還有西式早餐，咖哩飯等入到來，當然食潮式麵食，多心的我，選了個一次過試哂手唧魚蛋、肉丸、魚腐、魚角、魚扎，最重要試魚麵，又有紫菜食，又有靚湯飲---紫菜四寶魚麵剛入門口見到炸魚皮不錯，所以都點了，再加錢點了杯凍檸樂熱辣辣的食物好快上枱，份量好大， 非常有心， 蔥花芫荽炸蒜用湯匙墊開， 可以讓食客自行加，還有麵底有兩大條菜，夠哂纖維。湯的確甜，魚蛋、肉丸、魚角、魚麵彈牙、魚腐軟滑、魚扎特別炸魚皮鬆脆，放入湯內吸盡精華後再食更正

每次在灣仔下課後都會來這裡吃個quick dinner，貪這裡的地點方便魚蛋粉又好吃😋✨招牌牛三寶河 $60其中一款我最愛的私心推介♥♥叫自己作招牌當然名不虛傳，配料有牛筋、牛腩和牛肚，牛筋柔韌Q彈，牛肚爽口，牛腩有嚼勁，而且份量可比譚仔的過橋米線😉✨鮑魚蠔仔肉碎泡飯 $49不想吃太飽太膩的時候，泡飯絕對是我必然的選擇😝肥美的蠔仔，加入肉碎和鮑魚片，口感更豐富👍✨炸魚皮 $19有時嫌只叫三寶河或泡飯太單調，我會叫一客炸魚皮🐟這裡的炸魚皮極香脆片，單吃或浸湯吃都很美味😘😘

港式潮州粉麵永遠是快餐首選😋第一次看見有魚麵，必須一試！是真材實料的魚肉，今晚成功減少攝取澱粉質💪🏻好有成就感啊啊啊！我離不開牛三寶（牛筋、牛肚、牛腩），在外國時真的想瘋了！這是完美的搭檔耶🥢這就是香港的五香！牛雜！🐮 多蔥多炸蒜，又香又惹味😋熱奶茶去糖加練奶真是人間極品🍵去港式茶餐廳必點！

已是徬晚時分，但今天忙到連午餐也未吃，餓到肚攣。在集成中心工作完，見到對面街有很久沒吃的廣東麵店，即刻沖進去。以最快速度點了招牌3寶魚麵+芥蘭油菜，廚房也很配合的，3分鐘上菜。招牌3寶是:炆得腍滑但有咬口的牛筋+入味不黐牙的牛腩+脆口不靭的牛肚，麵底選了不常見的'魚麵'，質感像魚蛋，很彈牙，有口感。湯底夠味無味精，食完不會口渴。進來的另一原因是想食潮州辣椒醬，因為之前食太多麻辣火鍋，很想找回潮州辣椒醬的香辣的味道。還有鮮嫩的芥蘭，碟頭不大，一人剛好。

今日去完灣仔會展下班，有點累，就在灣仔集成中心對面見到一間香港魚蛋皇，只看招牌以為是魚蛋粉麵，但原來這間麵食餐廳非常多款式，連飯也有得吃，所以就跟同事一起試試。餐牌有各式各樣的食物、潮州粉麵、魚麵、泡粥、牛腩飯、三文治等應有盡有，，有選擇困難症的我選了很久，最後點了魚蛋魚麵 $53、原汁牛腩粗麵 $36、腐乳通菜 $19。魚蛋魚麵 - 不是魚加麵，是純粹以魚肉做成的麵， 潮州特色小吃之一，魚麵夾不斷碎，入口彈牙煙韌，有魚味，真材實料，沒有加麵粉或薯粉，魚蛋都非常彈牙，口感十足，最重要就是湯底沒有味精。原汁牛腩粗麵 – 湯底沒有鹼水味，牛肉份量十分足夠，每口麵都可以配到牛肉，味道不錯！腐乳通菜 - 腐乳不會太咸，通菜煮的時間剛好。

午餐時間係灣仔行經香港魚蛋皇，想食d香港特色的野醫肚，就同朋友入去食個飯。呢間魚蛋皇同平時的魚蛋粉麵店差不多，應有盡有，我地點左柱侯牛孖筋飯，鳳城水餃加手打牛丸，家鄉貢丸三拼，同埋點多個腐乳通菜。首先講下個牛孖筋，呢度好在係菜同飯分開上，而且好大兜牛孖筋，成兜都係，而且滿滿的牛肉汁，送飯真係一流，牛孖筋夠爽夠滑，正啊。鳳城水餃就別有一番風味，皮薄餡靚，手打牛丸同家鄉貢丸都係夠彈牙爽口，配埋佢地呢度的自家制辣椒油，唔會太辣的關係，食落真係好過癮好滋味。另外的通菜係大份的，所以份量都足，而且無唸過呢度既通菜係咁嫩，通常做到咁嫩的通菜，菜都要夠新鮮同嫩身，而且腐乳汁都係調教過的，很好味啊。呢間真係高水準的粉麵店，下次覓食一定再食。

在香港，標榜正宗潮州食品的食肆很多，但我就比較喜歡在灣仔軒尼詩道集成中心對面的香港魚蛋皇。香港魚蛋皇在軒尼詩道開業多年，勝在潮州食品出色，有多款正宗潮州粉面，馳名牛腩、牛雜、手打魚蛋、手打牛丸和潮州泡飯等，加上價錢實惠，深得街坊愛戴，我都是常客。今晚收工又過嚟醫肚，坐下當然要叫我至愛的手打魚蛋麵和油菜。在入舖時，見到舖面廚窗l掛滿整整齊齊的牛腩牛雜，很是吸引，就多叫個咖哩牛腩飯。手打魚蛋依然保持水準，魚片和魚蛋都爽口彈牙，蛋麵煙韌，口感不錯，配埋蔥花清湯，味道豐富。咖哩牛腩飯，咖哩牛腩一大碗加白飯一大碟。大碗咖哩牛腩份量十足，牛腩件大約有十塊，塊塊軟滑，牛味濃郁，咖哩不算辣，椰香味比較重。最經典是這個咖哩牛腩飯餐配紅豆冰也不用加錢，夠晒親民。油菜是唐生菜，灼得碧綠，配點蠔油，帶出青菜鮮味。

窮遊香港-抵食大大碗.這天想吃河粉感覺這家河粉很值得推介.這裡的粉麵都很大碗（可看圖）牛雜河$36 牛的份量很多滿滿蓋在表面而且牛雜每一片都是厚切底下麵的份量麵很多男生一碗已經很飽.還點了一個腐乳通菜腐乳很香再加一瓶可樂簡簡單單的一餐幸福的感覺.#香港魚蛋皇 (灣仔)地址：灣仔軒尼斯道309號地下.⭐️評分：味道：4/5環境：3.5/5服務：3.5/5抵食：5/5.

另類香港麵食🇭🇰魚蛋/雲吞/牛腩麵係香港都十分普遍但係灣仔就發現左一間比較特別的麵店香港魚蛋皇🍜裝修同一般麵店無分別.招牌牛三寶魚麵$73🔹手轆魚麵🐟好少地方有得食手轆魚麵有點像在吃生菜魚肉 好彈牙好鮮味🔸牛三寶🐮(牛腩 牛肚 牛筋)這個份量超級多 而且炆得入味又淋身特別推薦牛腩 帶有少少肥脂 入口即溶.炸雲吞🍤$33當日差不多賣光 好彩還有最後五粒炸得好脆 饀料很飽滿 脹卜卜的入面是蝦肉和少量魚漿 份外鮮甜.最新推介: 龍鳳檸樂🍋$21係檸檬+青檸+可口可樂好多冰 所以超爽 夠酸夠多氣

食完lunch，感覺不是太飽，就霖住穩下滴小食食醫飽個肚，見到哩間香港魚蛋皇，聞到滴牛雜好香啊，搞到我流曬口水，然後就來左份招牌牛三寶，招牌牛三寶有牛腩、牛肚、牛筋，超級正啊，料足又好味，加埋滴辣醬，更加惹味！

今日去完灣仔做完物理治療之後, 就喺附近食咗個快餐, 就係最鍾意食嘅潮州粉麵 餐廳 裏面有好多選擇, 叫咗一碗牛腩麵, 另外再加十蚊配一個生菜, 再配埋凍檸茶添牛腩麵嗰份量, 無論牛腩, 同埋麵底, 都非常之多, 牛腩非常之厚切, 非常之大舊, 咬落去 , 咬口非常之軟嫩, 唔會黐牙, 根同牛腩, 都係一樣, 仲好juicy添, 肉味非常濃郁再飲飲佢個湯底, 非常之清甜, 麵嘅質素不錯, 有蛋嘅香味, 仲有q彈嘅質感, 另外再配埋個生菜, 生菜十蚊, 但係份量都係非常之多, 真係好抵食鮮嫩嘅生菜, 咬落去非常鮮嫩, 爽脆