香馥樓

Open Now

Now Closed

銅鑼灣香馥樓以其獨特的創新中菜為食客帶來一場難忘的味覺體驗。這家餐廳巧妙地將傳統與現代融合，為經典菜式注入新的活力，令人驚喜連連。香馥樓的片皮鴨二食別具一格，為這道傳統名菜帶來全新體驗：蛋皮片皮鴨：有別於常見的麵粉餅皮，香馥樓創新地使用蛋皮。薄薄的蛋皮包裹著香脆的鴨皮，口感層次豐富，令人印象深刻。鴨鬆生菜包：第二食以片皮鴨肉炒成鴨鬆，再以生菜葉包裹食用，靈感源自泰式肉碎包。鴨鬆炒得鑊氣十足，配上清脆爽口的生菜，口感豐富，回味無窮。安格斯牛肉麻婆豆腐這道菜成功將成都的正宗麻婆豆腐風味帶到香港，辣度和香氣均達到地道水準。更特別的是，廚師創新地加入安格斯牛肉，為這道經典川菜增添了牛肉的鮮香，創造出獨特的口味組合。麻香中帶著牛肉的甘甜，這種創新組合在外面確實難得一見。咕嚕鳳梨黑毛豬肉香馥樓的咕嚕肉選用優質黑毛豬肉，口感細嫩。外層炸得金黃酥脆，醬汁酸甜適中，開胃爽口。值得一提的是，鳳梨片經過精心燒製，與豬肉完美搭配，提升了整道菜的風味層次。每一口都能品嚐到酥脆的豬肉和多汁的鳳梨，味道十分突出。鼓椒炒腐竹千層這道看似簡單的素菜，卻蘊含豐富的層次和風味。千層腐皮口感豐富，層次分明，而豉椒醬汁滲透腐皮

店內以白色為主，而且光線充足，給人乾淨舒適嘅感覺，店員有禮貌。今晚叫左一碟清新嘅菜式淮山雲耳炒百合清炒嘅淮山粉嫩質感、雲耳爽口、百合清甜，而且冇油膩咁，爽爽脆脆好啱夏天食。鮮蟹肉桂花瑤柱炒米粉望落去米粉炒得乾身亦唔油膩，米粉內有瑤柱同桂花，炒得均勻，蟹肉鮮甜提升米粉味道。咕嚕鳳梨黑毛豬肉上菜嘅時候，好有儀式感。入口外脆內軟，酸甜汁嘅黑毛豬，肉質柔軟，啖啖肉又唔肥，新鮮菠蘿清甜，兩者之間酸酸甜甜咁好開胃，整個餸好開胃，餸飯一流。

香馥樓欖人鮮蟹肉粉絲煲欖人鮮蟹肉粉絲煲嘅主角係新鮮嘅蟹肉，搭配香炒粉絲。乾身嘅粉絲留喺煲中滾燙，蟹肉鮮甜，粉絲保持韌性。欖油嘅香氣同辣椒粒帶出嘅麻辣融入粉絲煲之中，令人回味無窮。咕嚕鳳梨黑毛豬肉咕嚕肉喺經典菜式，餐廳嘅咕嚕鳳梨黑毛豬肉擺盤精緻吸引，酸甜多汁嘅波蘿切成一口大細，黑毛豬肉肉質鮮嫩，唔會太膩口，又好有層次感。色彩繽紛，刺激味蕾，增添食慾。山珍炆伊麵山珍伊麵味道醇厚，滲透著各種山珍食材嘅鮮香。當中嘅冬菇有嚼勁，伊麵嘅吸汁能力強，口感滑順。以芽菜，香蔥提味，提升整體嘅享受。秘製汁乾炒牛河肉炒河乾炒牛河用咗秘製嘅醬汁，炒至金黃，牛肉搭配河粉俱傳統香港小炒特色。河粉香滑，牛肉鮮嫩而有嚼勁，令人無法抵擋。餐廳每個月都會有小型演唱會，係一個朋友相聚嘅好地方。

香馥樓位於繁忙的銅鑼灣，餐廳環境優雅，裝潢精緻，氛圍溫馨舒適。柔和的燈光與精緻的裝飾，為用餐體驗增添了幾分愜意。餐前小食酸青瓜及雲耳，清新開胃，酸爽微辣，雲耳脆嫩，搭配完美。咕嚕鳳梨黑毛豬肉，上枱賣相見到已覺非常驚喜，見到廚師在擺盤上都花了心思，鳳梨經燒烤，外皮微焦，內肉甜軟。黑毛豬肉味道酸甜適中，咕嚕肉外脆內嫩，肉質新鮮，配上酸酸甜甜的鳳梨，食落解滯又惹味！山珍炆伊麵，內有冬菇、雞脾菇、紅蘿蔔絲、芽菜、韭菜……等，芽菜韭菜清新，雞髀菇滑嫩爽口，伊麵炆得入味，多重的口感及味道，食得夠滋味！楊枝甘露的芒果香甜，西米Q彈，配上香滑椰奶，非常寫意的飯後甜品！迷人的紫色碟豆花茶，入口嫩滑，茶香清新，甜而不膩……！非常滿意的一餐傳統的中式味道！

究極戲劇嘅一次dinner，一個星期前就同好朋友約好來打卡，今晚一收工我就來先來拿位，實在係冇想到我都有比人哋放飛機嘅一天 jeez！ 本來想直接離開喇，無奈肚唔爭氣，餓到要死，為咗今晚呢餐宴晝淨係飲咗smoothie，最後變成自己一個人打卡嘅喜劇場面…. 好彩美食唔會背叛我 hehe 第一個點不到好多嘢食，就聽服務姊姊推介食下招牌菜式喇。 首先係紫砂壺功夫燉湯，熱熱嘅燉湯一啖就治癒咗我那顆被朋友放飛機而涼透嘅心！ 燉湯好清甜但係底味充滿食材本質嘅韻味，好好飲！ 叉燒嘅出現就即刻將我嘅心情恢復原狀，色味香俱全！每一塊厚切嘅叉燒外面都包裹著燒完後殘留嘅蜜糖同油脂，反射著大堂嘅燈光，油光晶瑩剔透，肉質柔軟細緻，實在是佳餚一道，食到最後一塊叉燒時，我有一種失而復得嘅滿足感，方能一個人將呢道美味嘅叉燒全部掃入果腹之中，怎麼不算係另一種good luck咧？ 楊枝甘露作為甜點收尾十分圓滿，酸酸甜甜，滋味十足。 下次我一定要再來過，探索其他menu上嘅佳餚！

行街行攰咗來附近嘆下午茶，朋友係手機scroll 咗十分鐘提議來呢度試下😂 冇想到滿足感超出預期我哋兩個亞洲胃，食唔慣蛋糕西點下午茶，次次都係去茶餐廳，咁今日第一次來呢間有格調嘅餐廳食下午茶，原來有下午茶優惠，好抵食！ 有兩種選擇，選點心孖寶58蚊就可以食到兩款點心了，我們兩個都選咗點心孖寶一起share。蜜汁叉燒包：外皮鬆軟綿密，精心特製嘅叉燒肉蜜汁味十足，不會太肥膩，甜而不膩，柔軟到係口中即可就消失咗，好高素質古法蒸馬拉糕：好大塊，紅糖味香甜十足，但食落又唔會太甜，蒸得鬆軟又煙韌，幾好潮汕蒸粉果： 換番到鹹味點心轉下口味，粉果皮好出色，好薄但又不失口感嘅煙韌感，食落又不粘牙，餡料包得好滿，鹹香味四溢，呢道朋友好鍾意最後仲有醬皇蒸鳳爪，口感鮮香味道非常濃郁，鳳爪蒸得軟爛，甜甜哋，好食呢餐下午茶高素質又抵食，服務又好，十分滿足

餐廳整體氛圍好，燈光佈置頗有格調，唔會太過昏暗又唔會刺眼，營造滿典雅舒適氛圍，裝潢大氣淡雅，作為一個好看重餐廳氛圍嘅人，非常不錯 跟著就推介下我哋大讚嘅美食喇！今晚係呢個月第二次來食dinner了，兩次都好滿足椒麻安格斯牛柳粒係必點菜式，安格斯牛柳品質好靚，火候恰到好處，肉質十分軟肉多汁，外微焦脆沾滿椒麻調味，好正欖仁鮮蟹肉粉絲煲都係驚喜菜式，整體口感鮮甜，蟹肉肉質細緻新鮮，肥厚Q軟，粉絲根根都沾滿蟹肉嘅鮮甜味，經過適中嘅烹飪時間粉絲將蟹肉同其他食材嘅精華全部吸收都極致，味道濃郁，好食過肉啊！好勁！ 預計下一個月要再來食過！到時又開發其他菜式先得！粉絲煲同牛柳粒當然要繼續品嚐嘅

晏畫同同事飲茶食飯😊知道近期喺銅鑼灣二期呢間「香馥樓」新開張就黎試下😬酒樓環境光潔明亮😊嗌完茶服務員仲幫我地洗埋碗筷👍呢樣真心讚👍今次我地嗌左色香味俱全既蝦子京蔥明蝦球🍤用上左大量既京蔥爆炒😍每隻大蝦都沾滿咗鮮味蝦子🤤大蝦入口非常彈牙😬京蔥香甜惹味🤤咕嚕鳳梨黑毛豬肉上枱已經好吸引🤩用上原隻菠蘿🍍黑毛豬肉外皮炸到好酥脆🤤裡面保持住鮮嫩肉質😋酸酸甜甜的菠蘿有種清新感覺😜絕對是美味享受😎最後店員奉上蝶豆花柚子茶作為餐後飲品😬清新又消滯😊為整餐午飯畫上完美的句號‼️

最近去左銅鑼灣一間新開既中菜館食飯，都近地鐵站，都幾方便☺️座位都算闊落，地方唔算太大，環境都係紫色為主🤪🍗脆皮紅燒乳鴿 1隻$98外皮好脆，肉質鮮嫩多汁，啖啖都好豐富🤤都算多肉！🫕紫砂功夫燉湯 $98入面都幾足料，好多都係養生材料🤤湯底濃郁，幾好飲😌成碗湯用功夫茶壺試都幾盞鬼🫢🍚香馥金瑤絲苗炒飯 $148粒粒分明，口感鬆軟，都幾香🫶🏻香馥樓📍銅鑼灣駱克道463-483號銅鑼灣廣場二期6樓

銅鑼灣廣場二期新開酒樓《香馥樓》，裝潢高尚雅緻，以紫色和白色為主調，杯、碗和碟上嘅圖案精美，有墊椅子坐得好舒服。仲有一個小型舞台和一個巨型 LED Monitor. 呢度每個月都會舉辦音樂會，請歌手嚟唱懷舊金曲。今次我晚餐時段嚟，食左:《青瓜雲耳》$28是一道前菜青瓜新鮮，雲耳爽脆，很醒胃。《紫砂功夫燉湯》$88是餐牌上寫著《香馥樓》十大必食之一。燉湯材料眾多，有嚮螺、姬松茸、龍眼、瘦肉、瑤柱和參等。湯味香濃，吾覺有味精。《沙薑豬手》$88沙薑 乜乜或 乜乜 豬手就食得多，沙薑混豬手一起吃，我都係第一次食。沙薑味重，能蓋過豬手 'So' 和 '腥' 味，呢個配拾都不錯。而豬手大大件、煮到軟腍。

今晚同屋企人喺銅鑼灣食咗一間高級粵菜，整個環境以紫色為主題，坐得舒服，而且服務周到。紫砂功夫燉湯這道湯的口感非常滑順，湯底清澈而濃郁。人參帶甘甜味，螺頭鮮嫩，略帶嚼勁。整碗湯用功夫茶壺品嚐，真的別有一番風味！咕嚕鳳梨黑毛豬肉黑毛豬肉質豐富且彈牙，鳳梨超級甜，其咕嚕醬料更是濃郁香甜。加上伴碟精緻，打卡一流！鮮蟹肉桂花瑤柱炒米粉米粉滑順，蟹肉鮮甜，再加埋瑤柱，有淡淡的海鮮鮮味。整碟米粉不油膩，感覺很不錯。

今日同朋友去銅鑼灣搵食,上網見到有一間新開嘅 中菜館,開業只得一個月左右,於是就走上去試吓! 中菜館裝修得好靚,好彩我哋6pm左右上到去,職 員問我哋有冇book位,原來今晚好多預約,差唔多 爆場。如果我哋遲少少去就已經有位喇! 我哋叫咗職員推介嘅名菜 ⭐️咕嚕鳳梨黑毛豬肉$198 - 成個賣相真係好靚,有新鮮嘅菠蘿伴碟,而且咕嚕 肉色澤都好靚好吸引 ⭐️准山雪耳炒百合$138 - 淮山雪耳炒百合,系幾健康嘅組合,出面都唔係成 日有機會食到! ⭐️山珍伊麵$148 - 我同朋友就最鍾意食伊麵,出邊啲伊麵一向都 好多油,但呢度就清清地又吾油膩!幾好!

新開張嘅粵式酒樓香馥樓揉合了傳統新派中菜，位於銅鑼灣交通非常方便，地方寬敞坐得舒服。酒樓設有小舞台，提供小型婚宴場地 ，價錢經濟實惠，另外每月都會舉辦一些小型演唱會，極受歡迎。紫砂功夫燉湯：功夫湯的創新靈感來源於功夫茶，它上桌時以功夫茶壺作器皿，以功夫茶杯作湯碗。這樣搭配出來的燉品，精緻和古樸並存，湯品夠火喉又足料，味道鮮甜，好味又有養生。松子鮮拆蟹肉粉𢇁煲：蟹肉粉絲煲用煲仔上，熱辣辣香噴噴，新鮮蟹肉鮮味十足，粉絲吸盡蟹汁，爽口鮮甜！蜜汁厚切黑毛豬：叉燒肥瘦均勻，肉質彈牙，充滿肉香，適量的蜜汁使其甜度恰到好處。蝦籽京蔥明蝦球：擺盆設計精美，蝦球大隻好爽口，配搭京蔥和蝦籽味道更提升，真的色香味俱全！杞子桂花糕味道清甜可口，造型跟味道一樣清秀脫俗。

銅鑼灣不嬲都好多唔通形式嘅美食，歸為香港美食之都之一、除咗選擇多籮籮之外中式菜仲保留左原有嘅風格同埋獨特！今次就一定要食呢一間咁有傳統風味嘅中國菜！呢一間有十大嘅名菜大家一定要食、包括有脆皮紅燒乳鴿、咕嚕鳳尾黑毛豬肉、蜜汁厚切西班牙黑毛豬、經典片皮鴨、紫砂功夫燉湯、同埋奶油蝦都係非常之出色如果今次就同朋友叫咗呢3樣：咕嚕鳳梨黑毛豬肉$198鳳梨真係值得一讚！因為好甜好香又多汁，超開胃口！紫砂功夫燉湯$88呢個湯我覺得超好飲、入面亦好足料！包括有女燉湯嘅豬肉、燉湯圓肉，加上佢仲有螺肉係入面變相好養生！味道又夠濃郁！椒鹽豆腐$88椒鹽豆腐本身已經好好食、佢可以做到入面係好滑嫩、出面個皮炸得啱啱好！仲要個皮食落去入口即溶！豆腐口感超吸引！當然唔少得叫2豌白飯！獨特特飲：紫色柚子特飲飲落去好清新清香、感覺唔會太甜好好飲、再加上打卡影相都好靚！香馥樓銅鑼灣駱克道463-483號銅鑼灣廣場二期6樓全層

呢間餐廳新開，環境清靜乾淨，座落又幾舒適。服務員都好有善咁介紹菜式。個場設計似係可以做小型活動，前面有好大LED。蜜汁厚切黑毛豬，黑毛豬叉燒厚切外，肉質肥瘦均勻無咩根又唔會過於油膩。外層甜香又有油香。而且份量都幾多有八大舊都係厚切既。一口豆腐脆卜卜，外層炸到金黃香脆，內層豆味香濃而且入面都仲係熱辣辣咁，做到外脆內暖。紫砂功夫燉湯，好足料入面燉湯都係所有材料既精華。好甜好香濃。我地2個人叫左紅燒乳鴿黎試下，乳鴿肉質嫩滑多肉，肉質又夠入味。椒麻安格斯牛柳，一鍋咁上菜好有穫氣，有麻辣香味仲有，牛柳淋滑。蝦籽京蔥明蝦球，大大粒蝦球夠晒爽彈，粒粒都咁大粒外上面仲有蝦子，特別香口，配有京蔥同菇一齊炒特別香口大穫氣。杞子桂花糕唔會太甜，有桂花香同椰香味。