馬灣輝記飯店

Open Now

Now Closed

放假想去馬灣散下步，親戚即刻推薦咗一間隱世海鮮菜館，喺條舊村入面，都好隔涉下，入面都係街坊街里，飲下啤酒睇下波咁好有生活氣息。望到個menu 同隔離枱直頭流晒口水，乜都想嗌下。1. 蕃茄胡椒牛腩湯👍🏻好濃味，勁大煲。據悉多年以前係落埋薯仔嘅，同埋重料過而家。但我今次嚟就冇薯仔，不過我都覺得好好食同好足料。2. 鹽水硯👌超重麻油味，硯我覺得一般般啫，唔係幾新鮮。3. 蒸石斑👍🏻有少少老，不過都幾好食。4. 䜴油蝦👍🏻超好味，炸到勁香，脆卜卜又好有蝦味，仲幫你挑晒蝦頭啲內臟出嚟。全家盛讚。5. 白灼墨魚👌一般，墨魚冇味，同埋啲ingredients同䜴油同條蒸魚可以話係一模一樣。6. 辣酒煮花螺👍🏻好好食！重酒味，想啜晒啲汁佢，又開胃。咁啱播緊英超，餸波一流。仲叫左個豉油皇炒麵冇影到，中規中矩，不過辣醬超級極之非常辣，一定要小心落。

呢個盤菜真係好好食，又足料，夠哂香！😍😍🤤👍🏻👍🏻推推推介👍🏻👍🏻👍🏻職員貼心提示，又有送貨服務，無得彈！一家人做節加埋呢個盤菜真係氣氛一流！

咖哩牛坑腩：吃下第一件、已瞪大眼、比預想中更精彩的一個小餸胡椒浸蜆：粒粒胡椒啖啖蜆肉欖肉炆涼角：不過腍、易入口的涼瓜很野味三餸+一大樽朝日啤酒，也只是$224⋯⋯很滿足的一餐定必再來

三個家庭去挪亞方舟住一晚 諗住跟openrice試下地道野 點知一定要訂枱 見到裡面有枱啲小朋友好開心諗住有得食。點知個伙記好無感情咁話無訂枱無得食！唉！無野講！成班好失望咁離開！其實有枱點解唔做生意呢

一間唔太多人去既海鮮餐廳，但我成家每次有家庭聚會都去個度，因為真係幾有水準！去到必食個幾味一定係胡椒蕃茄牛腩湯、蒸鮑魚、炒四季豆、炒面！個牛腩湯超入味，胡椒又唔會搶曬牛腩鮮味。炒四季豆都好乾身、好脆好香，入面既魚鬆送飯一流！依度既炒面特吃香口，平時我都唔食炒面，因為覺得好油，但依度食落口覺得又唔係太oily, 好吃！最後相入面個條冇記錯係黑𩶘，依度既魚煮得岩岩好，d肉好滑好嫩，連我呀爺都讚喔！

最近的8號風球，令我想起上一個風球來的時候，自己沒有好好安坐家中，反而跑出去覓食。難得的假期，雖然風大雨大，但只要著上水鞋，心情便豁然開朗。 一口氣選了藍花蟹、鮑魚仔、扇貝、瀨尿蝦。花蟹又肥又多膏，大大隻，百多元。鮑魚仔每隻$45，雖說鮑魚「仔」，但其實Size也不細，每隻都有中指大。很喜歡那淡淡的陳皮香，也愛死了彈牙的口感。扇貝同樣$45/隻，每隻都巴掌大。慣常的粉絲蒜蓉清蒸，已經無懈可擊。最後的瀨尿蝦，肉質結實，味道鮮甜，不過呢...每次剥殼總是弄到滿手傷痕。輝記賣的不是環境，不是服務，它只賣新鮮海鮮。唯一要數落的，可能是上菜的速度吧。

這天到馬灣挪亞方舟遊覽，既然來到馬灣，便到頗出名的輝記吃晚飯。聽聞飯店很小，一定要訂檯，可惜飯店的營業時間很短，只有中午三數小時及晚上的三數小時，我打了很多次，不是電話錄音說辦公時間再來電，就是沒人聽。可能我打的次數太多，飯店居然回電話給我，我很順利留了座。晚上我們早了到，等了一會才入座。我們原想點白灼花螺，老板說花螺有客人預留，所以不能賣給我們。我們又想點牛油鹽焗蟹，老板很老實說蟹不太新鮮，薑蔥或避風塘炒還好，焗就不行.....由於我們只有兩個人，最後點了：蜆很大隻，差不多佔了整個蜆殼。這次的油鹽水沒我平時吃的清，味道很濃。今次的蝦不是自己買，是例牌，所以不是很大隻，但仍有羔。這個煎法有點濕，沒有很香口，但豉油很甜。椒鹽鮮魷炸得很乾身，魷魚又不韌，也沒有很厚的炸粉，不錯金銀蛋白菜仔是正常不過的，我們是因為吃了其他海鮮，總要有碟菜....

因為有朋友住o係栢麗灣. 所以去佢屋企玩之後, 大都數都係去"馬灣輝記"醫肚.貪佢平靚正, 又就腳. (由栢麗灣唔駛5min 就到, 非常方便)12人叫o左: 蒜蓉粉絲蒸大蝦 蝦好大隻 蕃茄牛腩煲 必食推介, 因為我唔食辣, 佢地話加黑椒好味d ~ 牛腩好"林", 好入味 ~椒鹽瀨尿虾 好大隻, 好多膏 果皮蒸飽魚 風沙雞 油鹽水花甲 豆豉鯪魚油麥菜 孜然吋骨 砵仔蠔仔蛋 雖然d 海鮮唔及西頁, 但勝在新鮮同價錢平.大枱只能容納12人, 雖然坐得唔算太舒服, 但勝在有味.汽水啤酒自己攞, 埋單先計錢 ~百幾蚊就有海鮮食, 仲想要求d乜呢 ~~

一行十人賀朋友柏麗灣新居入伙，晚上訂了輝記。去到已留了張「木台」給我們，之後就馬上點菜。朋友說輝記的小菜鑊氣夠，海鮮亦不錯。最後點了:冬瓜盅 (之前預訂的): 少不了有味精， 材料都夠。椒鹽魷魚: 沒有想像中香口，好像放了很久才拿上來。炒蟶子: 蟶子大隻是大隻，但 完全沒有鑊氣...西蘭花炒桂花蚌: 太淡，桂花蚌又少。豆豉鯪魚油麥菜: 不會太油，如果再多d豆豉鯪魚就仲好。白飯魚+蛋: 好香，不錯。炸子雞: 皮夠脆，肉又滑。蒸xx斑: 呢個最好，魚蒸得剛好，不會老，很嫩滑。服務很一般，而且四周坐滿人，所以好嘈。多謝朋友埋單，所以我也不知幾錢...Overall，我覺得這店是不過不失，順路經過就可以一試，特登去就不必嘞。

一條黑暗的小村裡.. 有一間小飯店..同事們說這裡不錯的.. 我們便一起來試試!環境真的很村莊.. 像舊式的飯店一般..服務也是街坊式的招乎.. 沒有什麼特別!海鮮方面是新鮮的.. 味道也是清淡..整體味道上是可以的.. 不況一試!

當日去左馬灣打麻雀, 已訂了枱晚上7:00食飯.晚上我們已早到了10分鐘, 只見人山人海, 跟個亞姐講已訂了枱7:00, 但她只說等等, 等到7:30有多才派到1張枱於1間獨立屋, 裡面有3張枱+1部電視+水櫃, 但等d亞姐執枱, 取碗筷, 開茶, 已經8:10 (d亞姐速度慢, 態度勁差), 我們便到魚缸選擇海鮮落單, 但好耐都無人理我地喎! 落完單都足足8:30了!炒蜆 - 無蝦 - 全部反肚的 (要$180.00/斤, 所以無叫到)蟹 - 好細隻, 無肉蒜茸粉絲貴妃蚌 - ok (約1百元4隻)燒雞 - 賣曬炒菜 - 只得通茶, 其他賣曬咕嚕肉 - 味道麻麻炒面 - 好干, 唔好食埋單又等好耐, 走得都10:00多了下次一定唔去!

其實輝記我食過好多次了, 今次有帶相機, 先有機會寫下食評. 佢既魚,海鮮類價錢, 個人覺得比較貴, 但就斤兩十足同埋係上好的料. 所以如果要食海鮮, 就唔好就住就住食啦.今次無食海鮮, 只係和朋友家常便飯. 叫了以下菜式. 佢地既水準保持得好好, 即係話上次食過的, 今次食唔會太走樣, 如果上次覺得好味, 今次都係咁好味. 椒鹽鮮魷拼九肚魚 – 炸得剛剛好, 唔太油, 爽口. 蝦醬通菜 - 蝦醬味足. 孜然吋骨 – 呢個一定要試下, 不過好唔好味就見人見智, 不過大部分人都話唔錯. 我就覺得都幾好. 蕃茄胡椒牛腩煲 – 又係一定要試, 夠惹味, 佢係用清湯腩, 估唔到用蕃茄配胡椒都咁正, 又可以當湯飲. 牛腩都好易入口, 夠淋. 風沙雞 – 又係佢地出名的菜式, 似炸子雞, 皮夠脆,肉夠滑. 東瓜盅 – 湯味比較清淡, 材料有些小不足. 馬灣蝦羔炒飯 – 味道十足的炒飯, 份量足夠. 豉椒炒蜆 – 呢個就普通左小小. 蜜椒牛柳粒 – 又係佢名菜, 有蜜糖味, 又有胡椒味, 都幾特別.因為佢坐落係村屋關係, 環境就真係麻麻啦, 衞生方面如果做好 d 就好了. 是次無食海鮮, 所以價錢

第一次來馬灣, 同事係馬灣人, 經佢推介來這裡, 佢話夜晚會勁多人, 所以黎食lunch, 兩個人唔係叫得好多野牛油鹽焗蟹 $180 – 好香, 勁多膏, 好好味椒鹽鮮魷拼白飯魚 $55 – 炸野做得唔錯, 一d都唔油膩馬灣蝦醬通菜 $3? – 同大嶼山蝦醬味道有d唔同, 咸香但有dd腥味服務已有心理準備預左係無, 人地都唔收你加一小費, 但無所謂啦總括來講所有野都唔錯, 一定會再來p.s. 枱唔多, 記住book定位

首次踏足馬灣，同行十三人到此晚飯，抱著填肚心態，但這小飯店的菜式很有鑊氣，用料亦算新鮮。我們吃了．．．椒鹽鮮魷：煎炸菜式素來沒有期望，但魷魚好新鮮，肉質沒有「梅」，又絕非雪藏，味道剛剛好！牛肉金菇：牛肉ｏｋ有ｄ有少少過熟，但精華在金菇，必食呀！蝦醬通菜：承過去食客經驗，蝦醬好香，炒得好有鑊氣，好味。甜酸骨：個汁不會太稠，沒有加色素，好味道，只是「大大件」賣相嚇窒不少女士。蛋白炒飯:好乾身, 無乜味精, 味道ok喎!其他還有：金銀旦x菜、西蘭花鮮魷、魚香茄子煲、旦白炒飯、豉椒炒蜆、蝦仁炒蛋, 算不上超好食 , 但都係合格之作。值得一提:此店沒甚服務可言, 態度奇差, 點菜時處處針鋒相對,好有「撩交嗌」味道, 大家最好有心理準備。

先比兩個笑,呢度係小本經營,唔好期望有好好0既環境同服務,呢度都唔會收你加一同茶介,,但呢度d嘢食就真係比足心機去做啦今晚五個人點咗:1.蝦羔炒通菜:一見個阿姐攞碟餸黎,心涼一涼,因為成碟菜都鋪滿蝦醬,一心以為佢一定咸到死,但一食落又唔係喎,係好有香味,而咸味亦岩岩好,而且鑊氣夠,正2.蝦羔炒飯:見其他客叫呢個,見個樣唔錯,就點,不過不失,可能係本地人的原因,佢哋用蝦醬真係高,又唔會唔夠味,又唔會一呆死咸,掂3.花鵰蛋白蒸蟹:呢個就略為遜色咗少少,我就唔係好食到有酒味,但唔代表佢唔掂喎,叫了兩隻花蟹,好新鮮好甜,d羔都好creamy ,唔錯4.蕃茄牛腩煲: 我覺得係全晚最好的,個啖湯好清甜,而且蕃茄味好出,d牛腩用上爽腩,焾得好夠腍,真係好正5.椒鹽鮮魷kay,份量略嫌少咁d,而且唔係好夠味道6.風沙雞:一般啦,可能係用冰鮮雞原故,真係無乜雞味,但都幾滑,,可以接受啦一定會番尋味