鬼金棒辣麻牛骨湯拉麵

Open Now

Now Closed

日本東京過江龍，主打濃郁牛骨湯底，辣麻味噌的拉麵店。將辣麻元素結合味噌湯底，岩哂中意食辣的朋友~ 店內二十多個位，亦有高枱可以看著拉麵師傅一心一意地準備每碗拉麵//辣麻牛骨拉麵新鮮熬煮的牛白湯底，湯底味道濃香，麵條吸左湯再食更過癮！有多款辣度及麻度選擇，湯底香味餘韻～而且日本秘製醬汁慢煮的牛筋也很吸引，味濃而不鹹，甚有口感。*//招牌牛骨拉麵原以為這間店全部湯底都係辣的，原來可以揀唔辣，原味湯底飲落更濃厚鹹香口，麵條亦幾有咬口！

鬼金棒辣麻牛骨湯拉麵有多間分店, 之前一直都未有機會試, 但當知道圍方開左之後就即刻同朋友黎朝聖喇鬼金棒主打麻辣拉麵, 當中麻同辣分為唔同程度可以自由配搭, 仲有成25款咁多呢~ 而全部拉麵都有設唔辣既, 適合唔同人既口味食店門面細細, 但原來入到去就一D都唔細, 都幾多座位架, 有bar枱同普通枱選擇~環境光猛四正, 充滿日系風格, 感覺好舒服拉麵有兩款湯底選擇, 分別係味噌湯&牛骨湯~亦可選湯拉麵或沾麵......揀好固定款式既拉麵後仲可以加唔同既配料波子汽水 $25好耐冇見波子汽水喇, 難得有就要叫黎飲啦波子汽水味道清涼爽口, 碳酸感強烈, 非常刺激好爽丫~~煎餃 $45煎餃底部煎得金黃酥脆!! 入口卜卜脆~~餃子皮薄而不易破裂, 口感軟糯Q彈~~而內餡飽滿多汁, 層次感豐富特製麻辣味噌拉麵 $125同朋友都想試原汁原味就點左無辣~ 但我又鍾意麻味所以叫左預設既小麻~~小麻比我既感覺唔係好強烈, 下次想試埋中麻或大麻味噌湯底味道濃郁醇厚, 麵條屬粗條, Q彈有嚼勁, 每條都吸飽湯汁, 非常掛汁!!配料有叉燒, 糖心蛋, 芽菜 & 粟米仔叉燒大大件好厚實, 肉質軟腍, 脂肪同肉既比

聽聞大圍嘅新商場圍方裡面，有間吾錯嘅日本麻辣拉麵餐廳😍❤️ ，個名都幾攪笑🥴 ，叫做✨鬼金棒牛骨辣麻拉麵✨ 俾佢個名吸引到，所以今晚 dinner一於同朋友仔嚟試下💕首先叫咗一客芫荽辣麻牛骨拉麵🤭 ，上枱見到滿滿的芫荽已令我滿心歡喜🤤😍❤️ ，食入口牛骨入味又鮮嫩😚 ，芫荽的清香口感，為拉麵增添豐富嘅滋味，超級正呀😋😋😋 。另一碗叫咗招牌嘅牛骨拉麵😋 食入口啖啖都係享受😋 ，配料嗰碟牛筋充滿豐富的骨膠原😍 ，食落嘅油脂感好惹味😘 。煎餃有著酥脆嘅外層和嫩滑嘅內餡，肉汁鮮味有咬口🤭 。餐廳整潔舒適，氣氛寧靜，侍應斯文有禮，令人放鬆享受美食😊

午市一點入到嚟，得一枱客，店員多過客，但完全當你透明零招呼，我後面有兩個人因為咁而掉頭走咗，咁我自己搵位坐低掃code點餐囉。我叫咗個拉麵加底，佢將個加麵底用另一個碗分開上畀我，湯底本身已經唔濃味唔算熱，加底麵都係凍凍哋，結果當我將個加底麵倒落啲湯嗰陣，個湯即刻凍咗淡咗，於是我就默默食埋呢碗凍水拉麵，其實，佢哋係咪唔expect人哋會加麵？玉米筍只係水烚，唔似其他分店會炒到微焦。叫嘢飲叫咗成個字有多，店員都係吹飽水玩飽電話先喺幾步之遙嘅雪櫃拎畀我。我好忽然懷念，台灣惹味大碗嘅鬼金捧拉麵（係唔使加底㗎）

本身我都係鬼金棒fans湯底夠濃夠重口味岩岩見到佢出左個副線係牛白湯crossover 佢經典麻辣湯底梗係要去試下！__________________________🔹 增量牛叉燒牛骨拉麵 $135👰🏻:🌕🌕🌕🌗🌑🤵🏻:🌕🌕🌕🌘🌑Keto friendly: ❌湯底貫切鬼金棒風格有得揀小中大辣仲有打大佬既高增辣連麻度都有得揀唔同level 一樣有小中高同boss 級鬼增麻當然都有無辣無麻揀個人中意麻多過辣，所以揀左小辣高麻.一上枱見到牛叉燒勁粉嫩既樣已經流晒口水食落真係好軟嫩而且牛味好濃好出色牛肉既品質真心有驚喜.除左牛肉仲會附送啲炆到好淋既牛筋粒口感qq 的，好加分.湯頭因為加左辣，唔係太睇到係咪乳白色不過一飲就飲得出係用上大量牛骨煲出黎有牛香同甜味，配上小小辣多多麻既衝擊剩係個湯底都好值得回味但如果同鬼金棒signature 既豚骨湯比較果款湯底又再重口啲.麵條用左款類似車仔麵成日見既生麵幾彈牙同掛湯.🔹增量叉燒x2 辣味噌拉麵 $140👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌除左牛骨湯系列，呢度都可以叫返經典鬼金棒本店既麵款作為fans, 點可以唔叫返碗

今日就同大家去食鬼金棒拉麵。鬼金棒最近係大圍開左新分店。呢間新店可以同時供應辣麻味噌湯底同埋奶白牛骨湯底既拉麵店，所以大圍既朋友仔有口福！！今次就同大家嚟試下新出既牛骨湯底既拉麵！大圍嘅分店就係位於圍方2樓，即是由地鐵站上扶手電梯，再繼續向前行就到，都幾方便😌。主打牛骨麵拉麵分店裝修係較光猛，行簡約路線，枱凳都係用咗木系家具，店內環境都闊大舒服。今次我就試左「增量牛叉燒辣麻牛骨拉麵」。牛骨湯飲落滑口，因為餐廳用左大量牛腿骨熬製，所以湯底都幾香甜，鮮味濃郁。我就揀咗小麻小辣，食落無辣麻味噌湯底咁濃烈，不過味道都Ok，幾豐富。牛叉燒每一塊都幾大片，睇落都幾粉嫩，食落都好軟口。除咗甘筍外，佢原來仲有牛筋。牛筋煮到幾腍身，食落都幾入味，配埋牛骨湯湯底一齊食，味道幾夾。估唔到拉麵店麵都有拌麵供應。呢一款牛油拌麵加左牛油，小量牛白湯、特製醬油組成醬汁，配以洋蔥、牛筋、牛叉燒和牛油渣，就如一款充滿日式牛肉「油喳麵」風味的牛油拌麵。牛油味都幾香，配埋隻蛋黃，食落都幾惹味。整體而言，我覺得牛骨湯拉麵呢味道都唔錯👍🏻，價錢又唔算好貴，大家有機會都不妨試吓～～

圍方新開咗鬼金棒辣麻牛骨湯拉麵，地方夠大，光猛闊落，除咗招牌味噌拉麵，仲有牛骨湯底，今次兩款都一次過食哂🍜味玉辣麻味噌拉麵呢度嘅拉麵可自由選擇麻度同辣度，湯底好濃郁，越食越辣好過癮，叉燒好厚身，煮得夠腍又入味，麵條粗身有口感又掛湯，配料有炒芽菜、粟米芯同半隻溫泉蛋🍜味玉辣麻牛骨拉麵牛骨湯底味道清甜，比起味噌淡口少少，配料有牛肉、牛筋、粟米芯同半熟蛋，牛筋煮得軟腍入味，麵條係幼麵，口感淋身少少🥟煎餃外皮香脆帶金黃色，食拉麵必點嘅小食

嗰碗咁嘅所謂拉麵唔似拉麵，可能我真係唔識食啦，我覺得食唔去似啲好奇怪嘅米粉，你冇睇錯，我係話嗰碗拉麵似米粉我老婆叫咗碗芫茜嘅拉麵，最頂癮係唔知點解食吓食吓入邊會有塊紙皮，我真係冇咁好心機同大家影相，你鍾意信就信啦 。最好笑係叫佢成碗換過，我哋只係食咗兩啖⋯佢成班人仲喺度討論緊我入邊嗰塊紙皮喺邊度嚟？唔通我掉落去咩⋯碗面來到都唔夠1分鐘都即刻俾返佢，佢哋啲夥計真係好有責任心，因為我只係話嗰碗麵有紙皮，所以佢真係用我食淨嗰一塊牛叉燒走去整另一碗俾我，呢啲咁嘅夥計我係老闆真係開心死！最後講多一句，話好食嗰啲人希望你以後成世人食到嘅拉麵都只會係呢個質素！

成日都好多朋友推薦鬼金棒，終於輪到我去食啦！😍呢間中本過江龍嘅麻辣拉麵真係好吸引🤩！＊＊＊＊＊🥚🐮味玉辣麻牛骨沾麵 $110我地叫左一個沾麵，佢可以揀辣度同麻度，我地就揀左小辣、小麻～食落都唔會好辣，食唔食辣嘅朋友都可以去試下！小麻都食得好爽添😎🦴🍜招牌牛骨拉麵（原味） $100另一個就叫左個招牌拉麵，同沾麵唔同，係用左幼麵～🥟煎餃（六隻） $45🍖牛筋 $35＊＊＊＊＊

♨️鬼金棒麻辣牛骨湯拉麵大圍車公廟路18號圍方2樓221B號舖@kikanbo_hongkong @kikanbo_gyukotsu 🔷原味招牌牛骨拉麵職員一放低碗麵香氣撲鼻，牛肉超嫩滑，未完全熟嘅狀態有驚喜，濃郁嘅牛骨湯好creamy充滿骨膠原，絕對需要成碗湯飲晒🔷味玉麻辣味噌拉麵揀咗小辣味，惹味得來冇搶咗應有嘅牛骨湯底味，用上粗麵底，D汁更能掛面，叉燒夠肥大，而且肥瘦適中，絕對係高質而性價比好高嘅一碗拉麵🔷煎餃子🔷波子汽水再試埋好味嘅煎餃子嘆支波子汽水大滿足食物：8/10抵食：8/10環境：8/10。。。#美食日記 #美食推薦 #辛 #ramen #日本拉麵 #拉麵 #hkfoodie #hkfood #hkramen #ramennoodles #ramenlover #hkfoodblog #hkfoodstagram #hkfoodblogger #hkfoodporn #hkig #hkigdaily #hkiger #hkigfood #foodie #foodiehk #foodporn #foodblogger #foodphotography #大圍美食 #食在大圍

紅日放假圍方多人，見到有呢間拉麵入去試下，初頭見到open rice 得一個食評，見到仲要係負評都驚中伏，但呀女話想試就入去試吓，結果唔差喎！叫左兩個麵，一個辣一個唔辣，我叫嗰個係有芫荽味噌豬骨湯，係辣嘅。老公叫咗個唔辣，但我覺得辣既好食好多！重點係，佢加$20可以要多個面底，初頭我問個男侍應可唔可以另外上個麵俾我，因為我想俾個女食，同埋我都幾多嘢問，又問佢牛骨同豬骨有咩分別，問佢呢樣果樣...結果佢一一都好好態度，好有耐性咁答我每一個問題，仲有笑容添，值得一讚嘅男侍應。食完想幫呢間野平反一下，所以突登寫下評價，其實都值得一試，味道同服務都不錯。

一個人見到新開拉麵店便search 下OpenRice !見到其他分店都好評如潮咪諗住試一下！ 一入去見我一個人就安排我坐bar 枱！ 跟住無人招呼我，我只見枱面有一個Qr code 咪自己掃！ 跟住叫了一碗芫荽辣麻牛骨拉麵同一個煎餃！ 碗麵跟default 設定要左小麻小辣！ 跟住我開了枱面的即棄筷子. 一開發現發完來發毛… 一達達黑色…即刻無哂胃口…換左另一對筷子碗麵跟住到左. 第一眼睇正常， 跟住飲左一啖湯， 唔麻唔辣亦唔覺得係牛骨湯. 跟住食左啖玉米荀， 點知個芯係凍既 好似係雪櫃剛攞出黎咁. 麵係幼麵爽口無特別.碗麵最後發現只有兩塊肉同一舊牛筋…認真收我$120 得碗咁既野真係有無攪錯…我不如去食三碗牛筋腩麵…湯底平凡無特別..收$90 都覺得多…煎餃來貨野唔難食只係油左小小….認真無下次….